ما كـان كـان وكن ما كـان ما كـان
_______ كـانت و كـنا و كيف ما كـان باقـين
ياشين شِين الشين ياشين لاشان
_______ ويازين زِين الزين لو ما حوى زين
وياروضة البستان ياعطور الأفنان
_______ ويازهرةالياسمين وسط البساتين
ياحاضر الماضي ويا ماضيٍ حان
_______ يا شـعلة شـموع الأمـل بين نـارين
وياهمسي الدافي لياصرت بردان
_______ ويانبض خفّـاقي ويا بؤبؤ العين
وياغطرفة صدر الغناوي بالالحان
_______ ويآخـر بقـايا ما بقى من عنـاوين
و يا ريشـة الفنان بـ عـيون فنان
_______ يابداع في رسمة خطوط التلاوين
ويـ اعذب ترانيم الصبابة مسيّان
_______ ياسمى من عـذوق الغلا للمحبين
ياشـامخة في كل محفل وميدان
_______ ويا ملتجأ المضيوم يـ ام المساكين
ويا بلسم المجروح يا نار بركان
_______ ويا ثورة البـركان يالعطف ياللين
وياموطن الإسلام يامهد الايمان
_______ ويا "قبلة المسلم" ويامأرز الـدين
وياديرة الإحسان بغياب الاحسان
_______ يا مهجع الأُسد "الكـرام" الميامين
ويا نجد عَشاق المعالي كحيلان
_______ يـ ارض العقيدة ويابلاد الحرمين
يا منبع "العفة" ويا طهر الأدران
_______ كتبـت بك من صـادق الـود بيـتين
(كنتي ولا زلتي لـ: الأمجاد عنوان
_______ عـبر السـنين الغـابرة من ثمـانين
اقولها و يقولها الإنس و الجان
_______ جميعهم مابين الاقصى والادنين)


جريح الغربة الشمري