صفحة 1 من 311 1231151101 ... الأخيرةالأخيرة
النتائج 1 إلى 10 من 3101

الموضوع: عيد سمران مــدونتـي .. تـبَسـّمّ لَعـّنُبـِوَ جَــرَح ٍ[ اضُمـَـٌﮧ ] داخلـي لِرَضـّاڪ

  1. #1
    شخصية مهمة جداً

    معلومات العضو

    عيد سمران مــدونتـي .. تـبَسـّمّ لَعـّنُبـِوَ جَــرَح ٍ[ اضُمـَـٌﮧ ] داخلـي لِرَضـّاڪ






    بسم الله الرحمن الرحيم

    الحمدلله والصلاة والسلام على رسول الله وعلى آله وصحبه أجمعين

    بكل بساطه

    احل بينكم هنا عبر مدونتي
    ((تبسم لعنبو جرحٍ اضمه داخلي لرضاك))









    {{هنا}}


    تجدون {عيد سمران} كـ شاعر
    {وهنا}




    تجدون اشياء لم ابيح بها من قبل




    هنا بدايات الرحله



    واشياء خلف الكواليس



    واشعار ظلت في طي الكتمان سنوات وسنوات



    لم اسمح بخروجها لمسامع وعيون قراء ومستمعين سألوا كثيراً



    عن اشعار لم ترى النور



    فحياكم مع مدونتي وبين صفحاتي الخاصه




    بدايه

    مع

    {{ شـمعة امـل}}




    وين انـت ياغايـبٍ طيفـك يناجينـي؟!
    صارت لك شهور وانت مواصل الغيبـه

    قفيـت ماقلـت لـي ودك تجافيـنـي
    ولابـدت زلـةٍ تـوجـب مواجيـبـه

    من عقب مالشمس تشرق بينك وبينـي
    حولـت تشريقتـه دونـك لتغريـبـه

    طوّل غيابك وصار النـوم فـي عينـي
    لولا التعب ضنتي ماعـاد يضـوي بـه

    واصبحت مـن دونـك الدنيـا تقزينـي
    ضايق على الفضاء ضاقـت تراحيبـه

    لوجيـت ابضحـك عذابـي مايخلينـي
    فقدانك اصبـح لقلبـي اكبـر مصيبـه

    شمسـي تـوارت علامـك يامقدينـي
    غيبت شمسي وهي باقي علـى غيبـه

    شمعة امل 00نّوره000 ازرع امل فيني
    مثلـك لمثلـي كثيـريـنٍ طواليـبـه

    احبـاب كنـا وكنـا احبـاب ياعينـي
    ولاظن مال الهوى مهما انجرفتـي بـه



    بقلمي


    التعديل الأخير تم بواسطة تلميذة الايام ; 29-09-11 الساعة 03:39 سبب آخر: طلب من العضو

  2. #2
    شخصية مهمة جداً

    معلومات العضو







    احترت جد وتهت ماقـوى التعابيـر





    وقل الكـلام وحيلتـي زود صمتي



    *
    *








    حاولت اعبر عن غلا القلـب للغيـر







    واصبح رفيقي عن كلامـي ابلمتـي


    *
    *







    ياصعبها مالـك جناحيـن واتطيـر







    ولاقادر تقول اقـري اللـي رسمتـي


    *
    *







    اشواقك اللي بالخفـا قاعـد اتصيـر







    تسكت بهـا وتقـول فيهـا لزمتـي


    *
    *







    وكل الحيل صارت بفمـك معاذيـر







    موقف صعب به حيلتي زوووود صمتي



    *
    *



  3. #3
    شخصية مهمة جداً

    معلومات العضو


    [poem=font="simplified arabic,6,crimson,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]



    لاحد لك وقتك وشانت ظروفك=شفني حبيبي بانتظارك هنيا

    شفني ترى قلبي تحرا طيوفك = ودوم انتظر لك ياجميل المحيا

    لايرهقك مع زايد البعد خوفك = قلبي شفه لامن بغيته تهيا

    لو قلت في لحظه تمنيت اشوفك = اطوي ابساط البعد والفي احميا

    آصلك لو موتي على يد سيوفك = وش خانته من مايضحي بشيا

    روحي يداهمها الخطر حول شوفك = لاشك لجلك بالخطر ماعليا

    ادعس على الكايد واصل لك واحوفك = وحبي لك اكبر من سواتي كذيا

    ولاحدني على الخطر غير خوفك = يوم ان دعيتن قلت لي ايت ليا

    والا انت.. انا .. شايف علي امعروفك = قدرك كبير وفاق ميت وحيا

    [/poem]

  4. #4
    شخصية مهمة جداً

    معلومات العضو

    ياضيقةٍ بالصدر مابه لها طب
    لولاي لاضقت آتنفس مرورك


    كم عانقتني خطوتك داخل الدرب
    عبر المسير اللي مجاور لسورك


    يامشاركتني بالعنا سكنة الحرب
    عزالله اني ضعت حتى بحضورك


    لو كنت من شوقي عليك اشربك شرب
    عيا الضما يرويه عندي عبورك




    *


    *



    *






    هنا للحب بالاعماق سكنات


    وهنا للذكريات ألم


    وللاشواق حرائق لاتنتهي

    خصوصاً مع الماضي الذي لاتستطيع ان تستعيده

    *

    *

    *






    كفنت حبك والتقيت العزا فيه

    الله يرحم حبنا اللي فقدنا



    ماعاد للماضي علاجٍ يصفيه

    ولايرجع الحاضر مثل مانولدنا





    تبكيه عيني وايضاً القلب يبكيه

    والله من دمعٍ لفقده وردنا





    لكن وش الناتج لتال المشاريه

    موت الامل ماغيره اشيا بيدنا








    *

    *

    *


    اعلم انها تبكي كثير من القلوب على وجع الذكريات


    وتتألم نفوس على ماضي لايمكن ان يستعاد




    ولكن




    يظل الانسان متشبص ببصيص من الامل



    وماذلك الامل الا النسيان




    فقط




    ولاغيره شيء يمكن ان يعالج كثير مما يجول بالاعماق





    ملاحظه/ جميع القصائد هنا من قصائدي

  5. #5
    شخصية مهمة جداً

    معلومات العضو


    (( ضمة جروحي))



    جتني تواسيني وضمة جروحي
    ماتدري ان الجرح جمره من النار

    ثم احرقن كفينها زود فوحي
    فوح النفس من لاهبٍ داخلي حــّـار

    قالت : فداك،،، وقلت : لا،،، ياالسموحي
    راع الترف مايطب في وصط الاخطار

    ولـّــدتّْ ابسمه بالخجل فيه بوحي
    اتمتم ابهمس وكتـّْـمتْ بعض الاسرار

    قالت: طلبتك لاتكثر اشروحي،،
    احرجتني وانا على مابك اغار

    قلت : انتي اصلاً معك ضيقي يروحي
    ماحتاج احرقك في حشا كله آثار

    ثم اطرقت بعيونها في اشبوحي
    وحسيت في طارف حورها دمع حار

    قلت : اشجرى؟!! قالت: ترى معك روحي
    ان ضقت ضاقت وان سليت انجلى امرار

    وحسيت بأنه عانقت لي اشبوحي
    وضمت جروحي بس يال الأسف نار

    الجرح حارق والألم به يلوحي
    هي سكتت لكن قريت اقسى الاقدار

    يالبها كيف اقعدت لي اصروحي
    رغم الحرايق قاومت حتى الاعصار!!

  6. #6
    شخصية مهمة جداً

    معلومات العضو


    *

    *

    *
    وينك وانا لي عدة ايام ادورك..؟!!
    ماشفتني مثل اليتيم اتلفت؟!!


    شفني هنا في سكتك جيت اناظرك..!
    واحترت وافراحي عن القلب هفت


    يامبعدٍ عني وانا جيت اسايرك
    حلمي حداه الوقت والوضع زفّــتّْ


    *

    *

    تبعد ولكن داخل القلب باقي
    باقي لو انك خارج القلب تبعد


    هذا الصحيح وجاك جل اشتياقي
    استقبلي.. والا ..قلي: (عيد ابعد)

  7. #7
    شخصية مهمة جداً

    معلومات العضو

    مدونة رائعة ومن النوع الفاخر..

    يكفي أنها لشاعر بحجم عيد سمران..

    مدونة تستحي الأقلام الأخرى من المشاركة فيها بغير عبارات الثناء والمديح..

    فوجودك بها يغنينا و يكفينا..
    لا تحزن كثيرا على افتقاد الجميل فاحيانا يجب ان يرحل ليأتي الاجمل

  8. #8
    شخصية مهمة جداً

    معلومات العضو

    اقتباس المشاركة الأصلية كتبت بواسطة وردة دبلن مشاهدة المشاركة
    مدونة رائعة ومن النوع الفاخر..

    يكفي أنها لشاعر بحجم عيد سمران..

    مدونة تستحي الأقلام الأخرى من المشاركة فيها بغير عبارات الثناء والمديح..

    فوجودك بها يغنينا و يكفينا..
    وردة دبلن

    الروعه ان تحظى مدونتي بتشريفك بتصفحها

    والاكثر روعه ايضاً ان تنال اعجابك

    اشكر لك تعطيرك لمدونتي بتصفحها وثناءك عليها هنا

    لك ارقى الود والتقدير

  9. #9
    شخصية مهمة جداً

    معلومات العضو




    لاتعاتبيني على قل اتصالاتي
    ماعاد عندي كلامٍ ودي اقوله



    اللي باقوله.. باقوله داخل ابياتي
    انك بقلبي وجودك عرضه وطوله



    مافيه غيرك جذبني من متاهاتي
    ولافيه غيرك تمنيت اني انوله



    انتي هنا المنفرد باول حكاياتي
    وانتي هنا اخر من بعيني ثبت زوله



    لك وحدك الحب مالك بي شريكاتي
    جل الذي صورك ثم اودعك هوله



    خلاك بين الملا مضرب مثل عاتي
    متربعه في حشا قلبي ومجهوله



    كلٍ تمنى انه يعرفك ..بكلماتي
    يالب صدرٍ على متنيه مجدوله



    متأمله في غدٍ باجمل عباراتي
    ومتفاءله خير في شعري ومن حوله




    ماصابكي غيرت اللي طبعهن عاتي
    ولاهزك الخوف باحلامٍ لها نوله




    فيك الثقه بي تزوّد بي مسراتي
    وفي الغلا لك جعلني شاعر حموله


    اكتب بك الشعر لكن من قرا الاتي
    يحتار مايدري الاشعار منهو له؟!!



    كلٍ تمنى لجل عينك معاناتي
    من شان يعرف من اللي عادلت دوله؟!



    اللي بها اشعاري اروت لي ضما ذاتي
    وهي تعرف اللي بقلبي دون ماقوله



    ياجعلني لك فدا ..دونك خفا آهاتي
    دونك خفا الذات مايحتاج اقول : اووله



    حبك بنى بالصميم اكبر عماراتي
    ولايكفي الهرج باللي ودي اقوله



    لكن خذي صادق اشواقٍ خفياتي
    المعذره لانقص شعري بمدلوله



    والمعذره كان قلن اتصالاتي
    اكبر من الهرج حبك كيف اباقوله؟!!!



    ملاحظه/ جميع مابالمدونه من اشعاري

  10. #10
    شخصية مهمة جداً

    معلومات العضو

    طقيتها من يمين اربك انها تنطقها مافادت

    طقيتها من يسار مافادت

    رجيتها رج اربك ان هالكلمه تجي ماجات

    ايست تقريباً من انها تنطقها رغم من يقيني بها انها سوف تقولها في يومٍ ما...


    صبرت ايام وانا ساكت

    بس يوم جت اليوم القصيده الاخيره اعلاه

    قالتها وبدون تردد فديتها



    قالتها


    قالت : (احبك) ، قلت انا: وش تقولين؟!!
    قالت : (احبك) بس لاتقول: اقلد..!

    واللي خلقني لو بقا عمري سنين
    ماوفيك حقك والمشاعر تجدد!


    قلت : آآآآه يانبع الوفاء لو تشوفين
    اللي بقلبي كن حسّي تبـّــلد


    واللي عطاك اللطف والمنطق الزين
    اني اكاد (بـهـا المرد ) آتمدد


    يعني آكاد ادوووخ واغمى لي شوين
    يعني قعدت اللي تقوله اردد..!


    يالبها يالبها يالمحبين
    براءته خلتني اليومه اسعد


    فديتها ماعاد لي قدره الحين
    الا اناظر والزم الصمت واصمد


    </B></I>

صفحة 1 من 311 1231151101 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •