هذا المكان اللي حوى لحظة الصمت
اللـي بـدا فيـه اللقـا وانتهـابـه
هذا المكان اللي مفاتيحـي اسلمـت
له واخذ المفتـاح وارخـى حجابـه
وهذا المكان اللي به اسنين داومـت
وانا اتحـرى طلتـه فـي رحابـه
وهذا المكان اللي به ابطيت واسهمت
يامـا تحريتـه بساحـة ارحـابـه
وهذا المكان اللي ياما فيـه تمتمـت
باسـرار حبـه بالشعـر بالكتابـه
وهذا المكان اللي يامـا بـه تعلمـت
ان الصبر مفتـاح لاصعـب اجابـه
وهذا انا شفني هنـا ويـن ماحمـت
قلبـي لعينـك ماقفـل عنـك بابـه
وهذا الكلام اللي لك ارسلت لو صمت
افطـر عليـه ولاتحسـب احسابـه
كاني هنا لاتقول ياحوووووول مادمت
باعماق قلبك لـي مكـان وصبابـه
ان جاز لك كاني هنا بالخفا انظمـت
راجي رجوعـك دون كـل القرابـه
وان كان لك ماجاز لاتقول لي شمت
غض الطرف واعبر عبور السحابه
قلبي على خبرك لو اجروحي آلمـت
لعيونـك بصبـره وسـاعٍ ثيـابـه
من نزف قلمي