معاناة طلاب كلية المعلمين [المعاناة موثقه بالداخل!!!]
صفحة 1 من 2 12 الأخيرةالأخيرة
النتائج 1 إلى 10 من 13

الموضوع: معاناة طلاب كلية المعلمين [المعاناة موثقه بالداخل!!!]

  1. #1
    عضو متألق

    معلومات العضو

    معاناة طلاب كلية المعلمين [المعاناة موثقه بالداخل!!!]

    بسم الله الرحمن الرحيم

    السلام عليكم ورحمة الله وبركاته وبعد

    رساله موجهه الى من له يد في الأمر

    ليست مني أنا بل من طلاب الكليه

    الكثير يعلم ان من طلاب كلية المعلمين من يقوم ببيت بل بعضهم يعول اسرته وأهله

    وليس هذا الامر فقط الذي يحرجه بل بُعد المسكن

    ففيه من طلاب الكليه من يترددون من القرايا اعانهم الله وظروفهم صعبه جداً

    قد لا يجد ما يوصله للكليه ودائماً ما نراهم يتوسدون الارصفه بين المحاضرات في المواقف

    كل هذا لبعد المسكن او عدم القدره على دفع مبالغ للبانزين وغيره .

    وعميد الكليه والشؤون الماليه لم يقصروا فهم يصرفون لنا مكافئاتنا في بداية كل شهر منذ سنه تقريباً

    لكن الغريب وما قصم ظهور الطلاب هو هذه الاجازه فلم يصرفوا لنا مكافأة شهر 7 وشهر 8 على مشارف الانتهاء ولم

    نرى أعلان عن صرف المكافئات ...!!!!

    فأغلب الطلاب يتشكى من هذا الأمر

    تجد بعضهم يريد ان يساعد اهله في مستلزمات رمضان

    والأدهى من هذا اننا في بداية الترم الآن ولا نستطيع ان نشتري الكتب والمذكرات ( ناهيك عن سعرها الخيالي )



    وهذا بعض انطباعات الطلاب عن هذا التأخر نسخته لكم من منتدى الكليه لعل المسؤلين تلين قلوبهم

    انظروا ماذا يكتبون الطلاب في منتدى الكليه


    هذا احد الطلاب
    طفررررررررررررررررررررررررنا اليوم متسلف من الشغالة 40 ريال
    هذا طالب ثاني المسكين يحلم بالمكافأه
    انا صراحه شفت حلم وانا نيم انهم سلمونا مكافات شهر سبعه وثمانيه جميع والله اعلم
    وهذا ثالث
    هي 800 ريال

    ومع هذا يقطرون على تسبودنا

    وهذا يفضفض
    اويحي اندبلت تسبدي

    اول مره اطفر مثل كذ1

    دجيت لعنبو حيكم

    الفزعه شوفو لنا صرفه مع هذولا

    الله لا يبلانا
    والسيارة خليته بشعيب مشار خلص بنزينه , ومامعي شيء , وجوالي مقطوع من له حول الشهر .


    تكفون أفزعو أفزعوا .


    عطونا حلالنا

    وهذا واحد يحلف من حر ما بتسبده
    تكفوووووون نبي المكااافئة الحال شينة والموتر مريح له أسبوع والجوال والله والله والله والله مقطوع والحال قشرا
    هذا طالب ماهو من حايل ياحول
    أنا انقطع الكهرب بشقتي والمخبا مابوه ولا ريال ..

    الفاتورة 500 عطونا خلونا نعيش يا أوادم
    والله اني ادعي عليكم كل يوم

    هذا احد الطلاب يقول ما كنت اخشاه
    المكافأه ما راح تنزل لين تولعون بسيارة حدا هالخرندع اللي بالكليه
    !!!!!!!!!!!!!!!!!
    انا شكلي بخربها .. واشب باحد سياراتهم ..
    والا امسك لي واحد والعن ووالدي والديه .. هي خربانه خربانه

    لعنبوا بليسكم دجينا حنا بوجه ارمضااان وعزابيه وجايين من ديار لا اهل ولا صديق
    ارحمونا الله ياخذكم

    الله لا يبلانا
    يارب يارب يارب يارب انك لا تحل ولا توفق ولا ترحم كل من ورا بهذلتنا في الكليه و انك تسخط باللي كان السبب في تأخير المكافأة قسم بالله العظيم انه ذبحنا الفقر والله كأننا عبيد في هالكليه يارب اسخط بكل من تكبر وتجبر ولم يرحم عبادك حتى جداول لم تنزل حتى الان والله العظيم أني حاس انهم يصرفونها لطلاب الجامعه الان هم منتظمين في كل شي حتى في الجداول والمكافات مع انه المفروض يكون العكس كل هذا استهتار بنا انه تؤخذ حقوقنا يارب انك لا ترحم من كان السبب ولا تبارك فيه


    أخيراً جميع الكلام المقتبس ليس من كتابتي إنما اقتبسته من كتابات الطلاب في منتدى الكليه

    كلي امل ان يتساعدوا الإداره مع هؤلاء الطلاب

    أخيراً : اتمنى ان يصل صوتي إلى المسؤل

    طالب مخلص ...

  2. #2
    شخصية مهمة

    معلومات العضو

    لاحول ولا قوة الا بالله
    الفيصــــــــــل

  3. #3
    عضو جديد

    معلومات العضو

    مشكور أخوي شهاب
    أتحت المتنفس للطلاب بكلية المعلمين
    أتمنى أن نجد الصدى لصوتك

  4. #4
    عسى الله يرزقهم كل مايتمنونه ..,,

    والله يعينهم على هالحال
    والمصيبة بمثل هالمشكلة تولد لنا بعض الحرمية !!

  5. #5
    عضو نشيط

    معلومات العضو

    جزاك الله خير على الموضوع المهم......لكن اتمنى تصل للمسئولين واذا وصلت اتمنى ايجاد حل لهذه المشكلة...........وانا اقول ليش مايصير فيه بطاقة صراف للمكافئة وعلى طول تنزل برصيد الطالب دووووووووووووووووووون مماطلة المسئولين............

  6. #6
    عضو نشيط

    معلومات العضو

    يوم توقفت رواتب العميد وأعضاءهيئة التدريس بسبب ضمها للتعليم العالي أنجن جنونهم وفي أسبوع وهم مرجعينه


    والطلاب شهرين ما أحد تكلم العميد والوكلاء ساكتين هذي ماهي كلية تربية هذي كلية ((فلس)) النتائج إذا مامعك واسطة تأخذ شهر وما تطلع والجداول حتى الآن مانزلت الدكتور يتأخر عن المحاضرة نصف ساعة ولا أحد يقدر يقوله شيء وإذا تأخر الطالب المسكين 5دقائق طرد من المحاضرة الظلم أنتشر إذا مامدحت الدكتور لو جبت ممتاز يعطيك مقبول إلى متى والكلية في هذه المهازل ؟؟؟!!!




    حسبي الله ونعم الوكيل

  7. #7
    عضو مبدع

    معلومات العضو

    مع احترامي لطلاب كلية المعلمين .. لكن ابقول وجهة نظري :

    شلون لو تدرسون طب والا هندسة .. والكتاب الواحد بـ 250 ريال أقل شي ..

    وش تبون تسوون ؟؟

    يعني خمس مواد ومنتهيه المكافأة ..

    هذا غير المدرسين الخصوصي اللي تحتاجهم ؟؟

    واللي اشوفه دايم .. اذا جلست مع اخوياي اللي يدرسون بكلية المعلمين

    اذا جاء يبي يمشي واحد منهم وقلنا له بدري .. يقول عندي اختبار ..

    طيب ليه جالس ؟؟ يقول اصلاً الدكتور معطينا عشر صفحات !!

    بالعربي .. الدراسة سهلة والطالب الجامعي الوحيد اللي فالها هو طالب كلية المعلمين بحايل ..

    اجل لو تدرسون بالرياض والا الشرقية اللي كل شي فيها غالي ..


    بعدين الاقتباسات اللي مسويها .. هذا اسلوب مدرسين المستقبل ؟؟ ومربين اجيال ؟؟

    ولا اسلوب حراج ..

    وبالاخير

    شدو حيلكم الدراسة قربت ولاتسوون زحمة على 800 ريال ..


    وتبقى وجهة نظر ..

    دمتم بعز ..

  8. #8
    عضو متألق

    معلومات العضو


    اشكر جميع من مر على الموضوع


    كذلك نتمنى ان نصبح مثل بقية الكليات يضعون المكافأة على الحساب

    الحين حنا مثل الشغالات لا جاء وقت المكافأه مسكنا سرا عند النافذه

    عاد ليت به شي نتضلل به ؟ او كراس نجلس به لا تاقف لمين ياصلك السرا

    المضله بس لأول خمس اشخاص

    فنتمنى ان يضعون المكافأه على الحساب .

    ----------------------------------

    الأخ الي يقول شلون لو انتم طب الكتاب بـ 250

    اقول لو حنا بالطب تسان على الأقل تخلف الخساير

    اول ما تخرج ماتستلم دون الـ 10 الآف وغير كذا قبل لا تخرج وانت ضامن وضيفتك وبوسط الديره وكل عمليه وانت ماخذ لك كثر راتبك

    اما حنا المعلمين ، بالكليه مبهذلين بنا الكتب من اغلى ما يكون بالترم معك حدود الـ 10 مواد واقل ماده بـ 25 ريال ؟ غير المذكرات الي كل اسبوع شارين وحده ؟

    غير كذا لا تخرجت تبي تقعد ببيتك لك سنه وسنتين واذا جاء التعيين ما نفرح مثل غيرنا

    بل نودع اهلنا ونقولهم الوعد الجنه ان شاء الله تقول ليه ؟؟

    لأنك تبي تعين براس ضلع ما تاصله السياره كود بطياره ولا بحمار تاصله اعزك الله ولا فيه لا كهرب ولا تلفون ولا اي خدمه !!

    واذا انت من اصحاب المعدلات فانك تبي تعين بوسط حرّه ما تشوف آخره !!

    غير كذا يبيلك تشري لك سلاح تحطه بمخباك خوفاً من قطاع الطرق وضرب هالردميات الي ماله آخر . !

    وبعد هذا كله راتبك 5 الآلف.....


    الحين شفت الفرق يالي تقول الطب ؟؟

  9. #9
    عضو نشيط

    معلومات العضو

    عز الله أنك ما كذبت

    حسبي الله على من كان السبب في التأخير


    لكن إن شاء الله أنها قريبة

  10. #10
    عضو نشيط

    معلومات العضو

    اقتباس المشاركة الأصلية كتبت بواسطة ملــ(النصر)ــتاع مشاهدة المشاركة


    شدو حيلكم الدراسة قربت ولاتسوون زحمة على 800 ريال ..

    ..
    شايفنا نشحذ من منك

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •