المساعد الشخصي الرقمي

مشاهدة النسخة كاملة : محطه فضائيه من حائل



الأباتشي
27-06-01, 16:05
هل تصدقون اننا في عصر القنوات الفضائية
وان لبنان لديه اكثر من مائة قناة ( خبيثه )
ومصر عندها قمر صناعي وهكالقيسه قنوات
صحيح كله ( شيلني ياقدع )
والبحرين عندها ( سبيس تون ) وقناة 55
وارضيه وفضائيه
وهي أدون من حائل
وغيرها وغيرها ..
المهم .. تصدقون في عصر مثل هذا
محطة تلفزيون حائل تمتلك مقومات كثيرة منها
خيمه وصندقه وحارس سعلواني
مايمديك تاقف على الشارع قدام الشبك
الا وقمز بحلقك ..

*******

مداخله بسيطه ( اللي بحائل مالهم ذنب )
أقصد حقين التلفزيون
ضعوف .. يطيحون وجيههم علشان يبثون ماده
عن المطر والا عن المناسبات الرسمية
اللي يجب ان تكون على أعلى مستوى
يعني (مدير عام ، رئيس مجلس اداره )
مايمشي

الحايـلي
27-06-01, 17:17
كم يحزننا نحن بحائل على هذا الإهمال لمركز التلفزيون وكأن حائل بتاريخها العريق ورجالها لا تملك المؤهلات لعمل لو بنامج كباقي المحطات.

وكم يحزنني ان نرى بقناتنا العزيزه تقارير جيده وبرامج مطوله من محافضات بقئه ب وج!!! ومنطقه كحائل لا يوجد بها استوديو تصوير!!


حائل منطقه مجهول لدى كثير من السعوديين لان الاعلام المرئي يعطي لوحه حقيقيه للمنطقه


هل الإهمال من الوزاره أم من تقاعس القائمين على مركز حائل؟؟


رجائا أعيدوااااااااااااااااا النظر

آرم سترونق
27-06-01, 17:20
والله فكرة يالاباتشي.
جلست امخمخ علية...بس بلشت بالشعار...وشو...وشو؟
مالقيت الا "سعلواني"...:)
انت وش رايك؟

الجبلي
27-06-01, 19:34
انتظر.... يوم الاحد او الاثنين القادمين الساعه الواحده برنامج تلفزيوني مدته ساعة كامله عن حائل ويخب عليكم !!!!!!!!

ساري المفعول
27-06-01, 20:11
بعض الناس تصاريحه واخباره يا انها تزلزل جبل وتهز برج ...

الأباتشي
27-06-01, 22:37
آرمسترونق .. العزيز
( سعلواني .. بين ضلعين )
ومادام كذا نبيك .. للشعارات الدعائية
والاعلانية ..
وحياك ربي
الجبلي .. ياإنك رضمه ..
وبعدين وشجاك على يخب .. والخب
وفي برنامج الناس والصيف
سوف يطلع السعلواني
( واحد .. مثل السدحان والقصبي )
أخويا .. أبويا .. بنات فلان .. وبنات علان
وضرب هالهدوم والكبكات .. وأحلف
أن الشاعر ( .. ) تعرفونه مايحتاج
( العين ياعين ديك حسين )
ثمن انشودة
ياوردة في مشار ..
مابمشار الا الجلود والتنك .
وبعدين باتسر يقولون خزامي
بحائل مانعرف الخزامى الا بهالسنيوات التوالي
نعرف قحويان .. وصفارى .. وحميض .. وقريص
وطرف وغر ونفل و( ربله )
جتنا هالكلمة من الثمامه ( خزامى ) عصمت
عزالله انه يخب علينا .. حوليات الصيف والناس
ويبث باول الشتاء
استغرب ليش مايطلعون برج التلفزيون
مغطيته الخيمه اللي عند الباب
اخوي ساري المفعول
منهو اللي تصاريحه ......
هو باول النشره الاخبارية
والا بتالية من تلفزيون حائل

النشرة الإخبارية
27-06-01, 23:49
فعلاً ماذا يفعل الموظفون في تلفزيون حائل ؟
على أننا نشاهد عدداً من السيارات داخل مبناهم المتألق ... يعني وجود عدد من الموظفين .. لكن ما هو إنتاجهم ..؟؟ غير أخبار المطر طبعاً ...

الأباتشي
28-06-01, 03:13
أخي النشره
صحيح أن الرجال هم صانعوا المجد
ولكن أيضا نجد لاخواننا في حائل بعض العذر
فهم كوادر غير مؤهله
بلا طموحات ( لايمكن أن يبرزوا)
في ظل الامكانات المتاحة
وفرص البث غير متيسره
.. وبلا دعم
ومحطه كما ذكرتها لك أزين مابه
انه سمي به حي التلفزيون
رغم ان ملحق سواق بالحي أحسن من مبنى التلفزيون
لايسمعوننا البلديه ويسمونه ( ملحق السواق )
فالبلا وعوينه بالوزاره
ومع ذلك .. بامكان هالموظفين اللي انت تذكر
يسوون عدد من البرامج ..
على الاقل تسجل حضورا مشرفا
تصدق أخوي النشره
ان جارين بقريه
واحد يحلب السماء حلب .. حتى موتافينيقيا يشوف
تلفزيونه .. بينما الثاني مايشوف الا غصب ون
بعدين قام الواحد الثاني وشرى له سليك
ودفه يم جاره ماهو من جهة الشارع
من عن الحير .. المشكله ان الواحد الاول
لك عليه يعني تالي الليل هه يبغبز هالقنوات
وكان لابغى يفصل السلك ..
مرة من المرات جاء للواحد الاول تلفون
مستعجل ( شف, شف , شف ) القناة الفلانية
به لقطات تعجبك .. من العجله نسي الواح الاول
لايفصل السليك .. وينقل القناه من ( سوريا )
للفلانية .. كان الواحد الثاني ووغيدانه متجمعين
على مسلسل ( شو حكينا ) مادرى به الداري
الا والامور فوق حدر ويقمز يتخمش يمين يسار
من العجله انطلق يم الواحد الاول ماطفى التلفزيون
وياقف عند باب قهوته وقاله : ماتستحي ولاتنتخي
ويقعد يخانق ويزابخ ... والوغدان يتضحكون عن التلفزيون
المشكله ان امهم تغطت .. وتخمش الجهاز وتدوره أثريه مع
الواحد الثاني .. والتلفزيون مرفوع بزعمه مايبي الوغدان
يشغلونه وهو ماهو موجود .. قام وجاب صحين على قده
وقد عياله .

وش القصه وين حنابه
استدار راسي

الجبلي
28-06-01, 18:35
الاخ ساري المفعول : برج ايفل والا برج القصيم ؟!! ويابرج مايهزك ريح !!!!!!

الأباتشي
28-06-01, 21:02
يمكن برج تلفزيون حائل .. اللي عند النقره ..

أخ العرب
29-06-01, 21:08
السلام عليك يا لربع وش ترجون من وزارة الاعلام اللي نصفه (حجز) images/islam/18.gif

الأباتشي
29-06-01, 23:55
الحجز أوكيه ..
*******
أمزح
الله يهديك ياأخا العرب
********
واذا كان بيدهم شئ
ترى عندنا بالمنتدى
واحد خفيف ولطيف وطريف
اسمه حجازي حائل
اغديه يتوسط لنا