المساعد الشخصي الرقمي

مشاهدة النسخة كاملة : مرور حائل .. عمليات متغطرسة .... دوريات متجبرة



الوطوااط
11-04-06, 23:02
تسحب أثباتاتي بسب لوحة . ثم يبداء مشوار العناء .... العسكري صاحب الدورية ((( ركب اللوحة وبعدين دورن عند البرج )))) طيب ياخوي ورقة تثبت انك سحبت اثباتاتي .....(((( مافيه ورقة المفروض احجزك . رح ركب اللوحة واعطيك مهلة ساعة ولا ترى بيصير شي ثاني ))) .... ركبنا اللوحة ورحنا ندور عند البرج . مافيه دورية ولا بطيخ ..... الو العمليات السلام عليكم . نبي أثباتاتنا مع راعي الدورية ((((( وش اسم راعي الدورية )))))) والله ياخوي شايل اسمه ورفض يعطينن اسمه . ((((طيب دوره بالديرة ولا خلك مكانك نرسله لك))) ...خخخخخخ ......مادري وشلون بيعرفونه ............. انتظرنا ولا فيه فايدة ......... الو العمليات ياخوي نبي المعقب نبي نشتكي على هالدورية الي اخذت اثباتاتنا بدون سند يثبت هوية صاحب الدورية (((((( لا اصبر يجيك راع الدورية ولاتقعد تخربط علينا مافيه معقب )))))) ياخوي طيب مانبي الاثبات نبي المعقب أو ضابط الميدان ........((((( تبي ضابط الخفر راجع الادارة )))) وسكر السماعة بوجهنا
رحنا للادارة وين ضابط الخفر (((( شفه هنيا ؟؟؟بمكتبه ))) رحنا للمكتب مالقينا احد ........ودخلنا غرفة فيها ملازم وعسكر اثنين جالسين على الدش ...... ياخوان سالفتنا ان اثباتاتنا سحبت ولا ندري من .......(((( ياخوي رح لمكتب الضابط المستلم ورى المبنى )))) طرقع ...سكر الباب بوجيهنا وقفل القفل من داخل ........... رحنا ورى المبنى مالقينا احد بالمكتب ........... رجعنا للاستراحة الي به الملازم والعسكر الي يتفرجون للدش .... طق طق طق ماحد يرد ...........والتلفزيون يلعلع ..........يالليل ماطولك دقينا على العمليات ...... ماحد يرد ..........رابع مره ... ياخوي نبي اثباتاتنا او شي يثبت ان راعي الدوريه خذاها .......... ((((( ياخي مادري عن الموضوع حنا وردية ثانية راجعهم بكره )))))
وش السواة رحنا ندور بالشوارع ندور اي دورية مرور ......... دقينا على الشرطة قالو والله مالنا دخل ...........وفجأة لقينا راعي الدورية ومعه الاثباتات (((( خذ اثباتاتك ولا تعودله وخذ هذي مخالفة )))))) ... طيب ياخوي نبي اسمك لو سمحت ....((( مالك دخل باسمي . دور اسمي بالمرور تلقاه ))))) .
والله مادري وش نسوي بهالمتخلفين ظلمات بعضها فوق بعض

عبدالرحمن الجارالله
11-04-06, 23:27
معقوووووووووووووووووووووله؟؟!!

مواطن شريف
11-04-06, 23:30
مع الاسف هذا الواقع ولكن العزاء في هذا الامر انهم قلة قليلة ولاغلب في رجال المرور انهم ناس مثقفين وفيه بركة 0ولك احترااااااااامي

#مطلع الشمس#
11-04-06, 23:40
ظلمات بعضها فوق بعض

مثل اصحاب هؤلاء العقول المتيبسة والمتربية على الجهل

ماجور اخوي في ما حصل لك

والله يرفع عنهم ان شاء الله ولا يبلانا

غريب الوحده
12-04-06, 14:47
زين شي طيب والله كريم يوم اعطكم اثباتتكم والله انه طيب