المساعد الشخصي الرقمي

مشاهدة النسخة كاملة : [[{ مايبغى لكـم يا بريد حـايل !!}]]



ذيب رمّــان
13-01-02, 00:26
ايوالله مايبغى لكـم !!

قريت بجريدة اليوم السبت 29 / 10 ان بريد حايل يدرسون فكرة إيصال البريد إلى منازل المشتركين بواسطة

صندوق يوضع على منزل المشترك !!

وأقول ( مايبغى لكم يابريد حايل ) بس افتحو باب الصالة الخاصة بصناديق المشتركين وأتركوهم وهم يروحون

وياخذون فواتيرهم واللي معه !!

ولا تقيّدونهم بوقت دوامكم .. لأنهم يجون من أجل صناديق بريدهم ، ماهو من أجلكـم .!

واللي أنا مستغرب منه ليش يسكرون الصالة بعد نهاية الدوام ؟

طيب وش يصير لو تركوها أربع وعشرين ساعة مفتوحة مثل الرياض وبقية المدن ؟

ولنفرض اني انا ساكن بمكان يبعـد عن حايل ( 120 كلم ) ودوامي زي دوام حقين البريد ومن سوء الحظ

مشترك ( بصنيديق ) بمركز بريد حي المطار .. وشلون آصله ؟؟

يعني لازم آخذ اجازة أو أشطف الدوام أو بعد تبغوني كل يوم جادعٍ وجهي :35: عند المدير ومنحرج كلّه

من شان أروح لصنيديقي اللي بعد يمكن ما ألقى به شـين :101: !!

والله ماباقي إلاّ أشوف واحد من الفاضين وأقص له وكالة على شان هالملوي !!

بصراحة تصرفات ماله سنع !!


أو أنا غـلطـاااااان ؟؟؟؟



وللجميع تحياتي


أخوكم راعي الصندوق : ذيب رمّـــان ،،،،،

آرم سترونق
13-01-02, 01:26
ياحليلكم يابريد حايل...
والله فكرة...بس لا تنحتون عليه...
توصلون الرسايل لبيت المشترك؟ والله انجااااااااااااااااااز...
عنبو بليسكم...حنا 2002 الفين وثنين...استحو لا تفشلوننا...
اخاف يوم صار بالموضوع جمرة خبيثة تذيهنتوا...

بس والله يانت شرشحتهم ياذيب رمان...
توي ادري والله انهم يصكون على الصناديق...
طيب ليه؟؟؟؟؟؟؟؟؟؟؟؟؟؟؟

ظاري
14-01-02, 00:24
انا مادري ليه يصكون وشو عليه مادري لو هو بنك يمكن لوهو محل ذهب يمكن وبعدين فيه احد يبي يسرق رسايل الناس وش يبي به ليه الناس مجنن وبعديم من هو اللي يبي يروح يسرق من البريد ؟؟؟؟؟؟؟؟؟؟؟؟

ذيب رمّــان
15-01-02, 08:14
أخوي الغالي / آرم سترنق

مشكور يابعد حيي على هذا التجاوب والرد

والله ياابن الحلال هذا الصحيح

اما ليه يصكون عليهن يمكن خايفين الجمرة الخبيثه تعقبهم بعد نهاية الدوام ثم تجي وتدخل بصناديقنا:101:

لا .. وكاد انهم خـااااايفين علينا ..

يابعد عمري هممممم


تحياتي


أخوك : الذيب ،،،،،،

ذيب رمّــان
15-01-02, 08:23
أخوي الغالي / ضاري

تسلم يابعدي على هذا التجاوب والرد المستمر

ماأضنهم خايفين من السرقة ..

وبعدين أحد يبغى يسرق فواتير ؟؟!!

ليت الله يبلانن بسروق يسدد فوااااااتيري:80:

مافيه الاّ زي ماقلت لخوينا آرم سترنق


تحياتي


أخوك الذيب ،،،،،،

الأباتشي
15-01-02, 21:33
أخي ذيب رمان ... البريد وما أدراك ما البريد ...
تصدق انهم من زود المراقبة على واردك البريدي ..
يفتحون حتى الفواتير .. ويقرأونها خشية ان تكون هناك ممنوعات
او كتب مهربة من شركة الاتصالات .. يعني شغالين فتاحين مظاريف
.. اقول الحمدلله الزمن تجاوزهم وهم يبون يوصلون الرسائل للبيوت
هذه الخدمة اظن كانت في عهد المأمون ... :11:

ذيب رمّــان
18-01-02, 13:53
أخوي الغالي / الأباتشي

ودّك لامن فتحوهن يطيحون بالجمرة الخبيثة

أغديهم يجوزون عن هالحركات.. :78:

أشكرك ياعزيزي على المداخلة والرد


تحياتي :


أخوك راع الصنيديق:101: