المساعد الشخصي الرقمي

مشاهدة النسخة كاملة : الشركة الجديدة لمستشفى الملك خالد ......!!!!!! ... ؟؟؟؟



النشبه
18-06-01, 00:23
images/bgb/1.jpgالسلام عليكم ورحمة الله وبركاته
هالموضوع اللي أبي أطرحه للمناقشة ماهو جديد على المنطقة فهذا المستشفى تاريخه عامر بكل الترديات .. ولكن الجديد .. أن شركة التشغيل التي استلمت عملها منذ أشهر وصلت الامور فيها الى الحد المزري فالاطباء ممن انتهت مدة صلاحيتهم وتجميع ( تايواني ) أطيبهم حق واحد استشاري ( معتوه ) أما عن النظافة فحدث ولاحرج .. خل الصراصير على جنب .. خل نحكي بالبيع والشراء والسمسرة .. واللي له مريض ويبي الخدمات يدفع ويشوف النومسه .. شي آخر لادخلت المستشفى منوم ( من غير شر ) وشلون منوم ومن غير شر .. يالله مشيها .. اذا دخلت خذ هدومك معك ترهم ينطونك ثوب واحد ولو (....) عليه ماغيروه .. ولاقالوا لك انسدح فانسدح لو السرير دمان (( تر ان حكيت )) قال لك الدكتور (( إيه ده )) وهمن يفشلك وماهي بعيده يقول انك اللي وسخت الشراشف .. ولاحظوا ( ياللي تبي تنومون )) من غير شر .. انه كل صبح يبي يصبحك سعودي كاشخ أو سعودية متنقبه .. وش لاحظتوا من نواقص (( لاتجي كلك )) كمل النومه بس .. وبعدين فيه شغله مهمه بعد هالدكيتسيين اللي باول السيب خفت الرقابه على دخول الاطعمه والمشروبات (( وبعدين يقولون كفانا شر مايقولون )) ان الرقابه مستمره وفصل ونقل والامور بحادور .. وسلامتكم .. واخلص .. تنشب ..[ebgb]images/islam/17.gifimages/islam/16.gifimages/islam/17.gifimages/islam/16.gifimages/islam/17.gifimages/islam/16.gif

طير شلواا
18-06-01, 22:29
والله إنك نشبه
هههههههههههههههه أعذرنا يالغالي
بس الموضوع قوي ، أقول كذا لأني شفت بعض الأشياء اللي ذكرتها ـ خل الصراصير على جنب ـ ..
بس تدري والله حنا أشوى من غيرنا
ومن شاف مصيبة غيره هانت عليه مصيبته .

والله يعدل الأحوال
المستشفى قضية مزمنة من بقى ما تكلم ، الكل يصرخ وما من مجيب .


عاد الله لا يهينك امتعنا بمثل هالمواضيع .

النشبه
19-06-01, 15:41
images/bgb/42.jpgأهلين وسهلين بالمشرف اللي يشرف .. والعضو الجديد مثلي بالجدة وليس بالانسانية ( الجني ) بسم الله الرحمن الرحيم ( قل أعوذ برب الفلق )
أخواني .. نعم بلغ السيل الزبى .. تصوروا حالنا في يوم من الايام ليس ببعيد .. حيث سيتم نقل المصابين بالزكام الى الرياض بالاخلاء الطبي ( اللي عنده واسطه )) والا اللي ماعنده يشرب ليمون ..أ و الحل الموجود هنا للزكمة حيث سيقوم هؤلاء المتدربين بقطع ( خشمه )

والا ياجماعة الخير شوفتوا اسعاف في اي مكان على الارض (( أو تحته يالجني )) .. الاسعاف بقاعة المستشفى .. يالله يالله توصله مع وسط هالادغال من الخشب والغرب والاسياخ والسكيوروتية ( مادري هي صح والا خطأ) القصد اهل البدال الرمادية.

واخلص تنشب .. ويازين التجاوب من الاخوان .


[ebgb]

الجبلي
19-06-01, 22:56
اذا اردتم معرفة مايجري في مستشفيلت حائل ولماذا .. عليكم معرفة مايجري في ادارة الشئون الصحية بحائل وكيف تدار هذه المديريه ودور النائب للمدير في تشجيع التسيب والاهمال والمحسوبيلت وامسك لى واقطع لك !! واسألوا احد موظفي الشئون الصحية لتسمعوا العجب العجاب !!

الأباتشي
20-06-01, 18:02
عزيزي النشبه .. الزملاء أهل الردود العذيه .. المستشفى والشئون الصحية مرض مستديم في جسد هذه المنطقة عجزت عنه كل انواع الادوية والمعالجات الحالة الصحية في منطقة حائل وضعها غير مستقر وفي العناية المركزة ( وشالوا الاجهزة ) بعد.. سجلوا عندكم (( مستشفى بقعاء، له عشر سنين مااشتغل (( مستشفى سميراء رحلوا للمبنى الجديد بطبيب عام وممرضتين وممرض سعودي بهدومه (( مستشفى الولادة .. حالته متعسرة منذ عشرون عاما .. مستشفى موقق .. الى باتسر وهم مختلفين على الارض.. والصحه جايز لهم هالخلاف .. السليمي فيه مستشفى .. بس اسعافهم شخط مع هالخطوط ينوقل هالوجعانين .. لاتضحكون يقولون انه مره نقل مريض من مستشفى السليمي لمستوصف الغزالة)) اما عاد الغزالة فكثر منها حجر الاساس يوم بغوا يحطونه ويجيهم الامر من فوق وهم يغطونه .. وصار الافتتاح لكبرة شعير .. ولاتنسون دكتور جبه الا يوم عينوه عندهم لامار هذا هو المصاري اللي كان يخبزلهم .. والى اللقاء في الحلقة 737


وسلملمي عالبدنقان

النشبه
25-06-01, 02:52
طير شلوا ، الجبلي ، الاباتشي ، الجني ،
شكرا لكم على ماأدليتم به من اراء في هذا الموضوع
المهم والحيوي .. فالصحة تاج على رؤوس الاصحاء
لايراها الا المرضى ، والاجمل ماجاء في مداخلة الأخ
الاباتشي ، هذا الاسلوب الراقي من السخرية المغلفة
بالنقد الهادف .
وقد تطرق أخي الجبلي للنائب الذي يمارس أدوار خفيه
و بدأت تفوح رائحته وظهرت له ممارسات مشينه
في القطاع الصحي كفانا الله شره وشر من فيه اساءة
للبلد واهله

الأباتشي
26-06-01, 01:40
المشكله ياعزيزي النشبه عامه في هذا المستشفى .. وغير مرتبطه بأشخاص ..
فالمستشفى يعاني من عدد من المشكلات
في كوادره وادارته ونقص تموينه ..
ومبانيه التي انتهى عمرها .. وتخضع لعمليات ترقيع مستمرة ..
أما النظافة فحدث ولاحرج ..
والزحمه .. يالطيف ..
يقولون يبي يدخلون السراير اللي فوق بعض علشان يحلون هالمشكله ..

النشبه
29-06-01, 04:12
أيضا في المستشفى
مشكلة أخرى
هي كثرة المديرين
مدير المستشفى ـ المدير الاداري ـ المدير التنفيذي
المدير الطبي ـ مدير شئون المرضى ـ مدير مناوب
كبير الاطباء ـ مدير الهيئة الطبية ـ المشرف على الشركة
هذا عدا مدراء الاقسام والصيدلية والتخصصات المختلفة
والسكن يابه هوايل