المساعد الشخصي الرقمي

مشاهدة النسخة كاملة : ابني سئلني سؤال محرج



غطاط
18-01-04, 23:21
سألني ولدي اللذي يبلغ من العمر 5 سنوات وقال : يبه حنا ليش نسافر لجدة والرياض والشرقية
ليش ما نسافر لحايل
قلتله ياولدي حنا بحايل
قال : بس هنا مافيه هولدي ان ولا هيلتون ولا شيرتون ولاماريوت
قلت : لا انشالله بابا سعود يجيب لنا طي هيلتون

جماعة السوق
19-01-04, 00:00
هلاوالله غطاط يعني مافقد ولدك الا الفندق زين والله ( حتى صغار المدينه نفسهم قنوعه ) ..
كم قلت عمر ولدك 5 سنين ايه يالله يالله اذا صار عمر ولدك 20 يمكن يشوف الفندق( بس لاتفززه) لانه مهو اكيد يشوف الفندق ...
نعم اصبح النقص ملموس لدى الصغار قبل الكبار اخي غطاط .

you have to be optimistic

سعود السويدي
19-01-04, 00:26
حتى أبن حائل الطفل البريء لم يصدق إنه في حائل0 يعتقد إنه في قرية نائية0

لا يوجد فنادق0 لا يوجد ملاهي على مستوى ملاهي المدن الكبرى0 لا يوجد تعليم عالي0

ماهو الفرق بين مدينتنا والقرية0 لا تقولون لأطفالكم إن هذه مدينة حائل0 حتى لا نسقط من عيونهم نحن الآباء0 لأننا مسئولين عن كثير من نقص خدمات مدينتنا0 أقصد تجارنا وأعيان بلدنا0

--------------------------------------

ممتاز ياطفل والله سؤال محرج جداً جداً0

والسلام عليكم0

Oscar
21-01-04, 21:26
طيب ليش ماقلتله يبون يفتحون فرع لبرج العرب بحائل الصيف الجاي



هذا حلم ابليس بالجنة اقول

الذهين
21-01-04, 21:49
فندق طي فضيحة فضيحة ولابد من نهاية لهذه المهزلة باسرع وقت.

سعود السويدي
21-01-04, 23:10
الرسالة الأصلية كتبت بواسطة الذهين
فندق طي فضيحة فضيحة ولابد من نهاية لهذه المهزلة باسرع وقت.

===================

لو كان الموضوع متوقف على فندق طي لكان الوضع بسيط جداً0

ولكن ياكثر الفضائح

فندق طي فضيحة0

دائري حائل فضيحة0

السكن الخيري بمشار فضيحة0

منتزه مشار المقام من قبل شركة المعجل فضيحة0

وحتى منتزه مشار الطبيعي فضيحة0

موقع مخطط المواشي الجديد فضيحة0

عدم وجود صحيفة حائلية فضيحة0

عدم وجود فرع لمؤسسة النقد العربي فضيحة0

عدم وجود جامعة بحائل فضيحة0

مداخل حائل فضيحة0

الإنارة بقلب حائل فضيحة0 وخاصة غربي شارع نجد والشارع المتفرع منه والمتجه للجنوب { أي شارع مكتب الضمان الإجتماعي }0

قلة النظافة فضيحة0

إغلاق الشوارع الرئيسية بوجه المارة فضيحة0

------------------------------

لو أستمريت لكتبت عشرات الصفحات0

والسلام عليكم0

ROMANCE
22-01-04, 12:02
يا أخواااااان مانبي فندق خمس نجوم

بكرى بيفتح هالفندق وبيقفل لأنه خسران ومحد بيسكن فيه وبتشوفون !!!

يعني الله وكبر وقفت على الفنادق هالحين ؟؟

نبي لنا شوارع مثل الناس

مهوب تمشي ناوي تروح للسوق ولا تروح لأي مكان تلقى لك أفغاني مصفط الدينا ونصها داخل الشارع من ضوق الشوارع والطريق مسكّر ويالله تمر سياره وحده مع الشارع والناس ماسكه سرى كنّك على منفذ الحدود


نبي لنا مباني لا مشيت تحمد ربك أنك بمدينه مهوب تمشي داخل الأحياء وتلقى بيوت الطين الي من عام الف واربع ميه وحطبه للحين موجوده

ولا لا شفت مباني الدوائر الحكوميه تسئل الله أنك تخرج بسلامه من هالمبنى لا ينهد عليك

ياخي وين البلديه ؟؟

ليه ما ترغم أصحاب هالأراضي أنهم يسوون هدم لكل بيوت الطين الموجوده ويسوون لها إعاده تعمير ؟؟

والي ما عنده فلوس ياخي يخلونه يبيع أرضه وإذا ما يبي يبعها تتبرع البلديه أنها تمهد هالأرض وتخليها أرض فضاء <-- فضاء يعني أرض فاضيه مهوب ملتقانا ترى :80:

أحسن من بيوت هالطين الي ما بها غير القطاوه والتسلاب عزكم الله

ولله الواحد يروح لهله مره أو مرتين بالسنه ويعزّم انه يبي حائل يبي له يحجز من شهر ويخلي الروحه بوقت تتجمع فيه الناس ولا راح ضاق صدره من الي يشوفه بعينه


ردد : يا لليييييييييل مطولك :)

( نأسف للحديث باللهجه العاميه )

تحياتي

مطرود العايد
24-01-04, 21:15
ابردي برد شرك

هذا السؤال المحرج

بسيطة ياخوي هذا ماهو محرج

المحرج لو ولدك اللي اكبر منه يدخل الانترنت ويعرف مشاركاتك ويقرا قولتك (سئلني)
كان جيد بالإملاء يبي يصحح لك ويقول يبه كذا تكتب (سألني)




وشكرا ماعليش بسيطة امزح