المساعد الشخصي الرقمي

مشاهدة النسخة كاملة : حتى شغالتنا زعلانه من الميزانيه ....



قاصد كريم
20-12-03, 02:11
كل سنة أسوي ميزانية ويش اسوي للسنة الجايه ...بس السنة هاذي حسبة وكسرة ...لقيته ماتوفي معي أسفر الخادمة واقطع لها تذكرة ذهاب واياب .. لأني لازم أدرس ولدي الكبير بأحد جامعات المملكة خارج المنطقة ...ولازمه سكن ومصاريف وماالىذالك....لأن مافيه أمل تفتح جامعة بديرتنا.....
وباقي المصاريف خليت رزمة فلوس للمستوصفات لأي طارئ لاسامح الله ...لأني فيه أولى مني من الضعوف المساكين يحلمون ينومون لقصد العلاج حتى لو بأسياب المستشفيات .....
وبعد خليت تليت الفلوس ..(للشفط )..الله يعزكم ...حتى يفرجها الله ..بجيت الصرف الصحي ....
هذا غير ...مصاريف الهاتف ...الجوال ...الكهرباء ...مخالفات المرور ...والجوازات...واقساط السيارة..
بكذا صارت ميزانيتي رايحه فيها...ومديونه للخطيط ...بس الحمد لله عندي أحتياطي بالميزانيه.. باقي كم (غويشه ) من غوايش حدى بنيواتي أبيعها اذا (فصلوا ) تلفون البيت أو (قطعوا ) الكهرباء ...
وشغالتنا تغني علينا كل صبح ( أرفع رأسك أنت سعودي )...وأنا ولي الأمر أرزف( وأرقص) وكأن شئ ماصار ... حليلي وأنا ولي أمر( أرقص) قدام عيالي ...وميزانيتهم رايحه فيها ....
تحياتي .

ولد العليّا
20-12-03, 11:12
هلا اخونا قاصد كريم اعانك الله واعان بنيواتك واعان كل مواطن وانا منهم كلنا بالهواء سواء الخدمات نفظت الجيوب ولا حس ولا رس بتخفيظ الشرائح اللي اهلكت المواطنين
نرجي خير ان شاء الله

قاصد كريم
20-12-03, 12:28
بس ماقلتلي ولد العلياء (الرقصه ) وشرايك فيها ...
تحياتي.

سعود السويدي
20-12-03, 12:44
أخي قاصد كريم0 شغالتك سفرها0 وبع شوائش بناتك كلهن0 وأقطع الجوال والهاتف0 تر مصاريف الولد بالرياض أو بالقصيم ليست بالقليلة0 أولها سيارة بقيمة خمسون ألف ريال وثانيها شقة بقيمة عشرون ألف ريال0 وقيمت البنزين لا تقل عن الفين وخمسمائة ريال0 والدفايات والمكيفات وكهرباء شقة الولد وجواله على حسابك0 وترك ما تلحق شيء0

وإلا أقول :- افصله عن الدراسة وأتركة مع من يسمرون الليل0 وآخرتها على الله0
--------------
والسلام عليكم0

قاصد كريم
20-12-03, 13:18
سعود السويدي مع أحترامي لك ....تحليلك لي مثل تحليل رئيس دولة يناقش رجال المال والأعمال وكل حياته الدراسية ماتتجاوز مدة حرب الخليج الأولى..........بس ماقلتلي( الرقصه )..ماشيه معي ...ولا....؟
تحياتي .

ولد العليّا
20-12-03, 13:33
رقصة قهر ...... الحمد لله اللي تجي برقصة هاااااااانه ( سترك يارب)
ولا الفال لك يالعزيز( قاصد كريم)
أحد أبناء حائل لديه طير ( حر) طلع للمقناص وهد طيره على حبارى لم يفلح الطير في فريسته الطير رقص بيد صاحبه ( هز رقبته كم هزه ) وفارق الحياة ( الله يكفينا شر بعض الرقصات) وما تنلام

قاصد كريم
20-12-03, 13:56
يمكن علشان رقص و (رقبته ) توجعه ....بس أنا الحمد لله رقبتي عشره على عشره ..
تحياتي .

إصلاحي
20-12-03, 17:55
عين خير يا قاصد كريم
هذا يسمونه الرقص على الجراح الله يهداكم :(

حنا الآن أهم شىء عندنا مكافحة الارهاب ــــــــ الأمن أولاً
وطالما ما فيه أمن
أجل انطر حبيبي لين يجي الأمن ــــــــــ

ابو رفيع
20-12-03, 18:34
حلوه ياقاصد كريم للخطيط...وذكرتني بايام بانكوك قولتهم مافي صوامخ
.