المساعد الشخصي الرقمي

مشاهدة النسخة كاملة : خطه البرامج التدريبيه للفصل الدراسي الأول للعام الدراسي 1433هـ / 1434هـ (بنات )



البيروحاء
03-09-12, 15:15
السلام عليكم

تـــــــم تنزيل خطــــه البرامج التدريبيه التنفيذيه للعـــام الدراسي1433هـ -1434هـ
بالتوفيق للجميع ......
http://www.gulfup.com/G.png (http://www.gulfup.com/X2csmkia4lk5cc)

بقايا إنسان
03-09-12, 15:39
الله يعطيك العافيه ..

•.ђąŁą.•
03-09-12, 17:33
-

كل الشكـر لك ويعطيك العآفية ..

هتّـان
03-09-12, 23:09
ما شاء الله ..

الله ينفع بمثل هذه البرامج ..

شكراً لجهودك أختنا البيروحاء ..

ملاحظة بسيطة >>

ذكرتي في إستفساراتك عن هذه الخطة بأنها لم تصدر >>



[SIZE="6"]السلام عليكم
[COLOR="#4169e1"]جزاك الله خير أخ هتًان على جهودك المستمرة
ودي بخدمة ،،،، لو تجيب لنا خطة البرامج التدريبية للبنات .... البنين من زمان معتمدة لكن ما أدري ليش ما صدرت خطة البنات ....
SIZE] وحسب التعميم فالخطة صادرة بتاريخ 4/8/1433 هــ .. يعني قبل بداية

الإجازة الصيفية !!

أخشى أن يكون داء ((الإحتفاظ بالتعاميم)) عند بعض المدراء ، وعدم إبلاغ المعلمين بها قد أصاب أيضاً بعض

مديرات المدارس ..

مثل هذا التعميم هام جداً ، ويجب إطلاع المعلمين والمعلمات عليه فور تعميمه على المدارس ، لكن لا نقول إلا الله

يهدي بعض مديري ومديرات المدارس ..

البيروحاء
04-09-12, 00:43
السلام عليكم
وأنا مثلك هتااااان انصدمت صراحة بتاريخ الاصدار
والله بعض الادارات ما تهتم لأسف بالتعاميم
أنا عن نفسي أبحث عنها ما أهتم بإدارة المدرسة
ما يدروووون إلا وصاكتهم بالتعميم
ما تقدر المديرة تقوووول شي
وأحيااااانا المديرة ما تهتم بالبريد المدرسي
تقعد أيااااام ما تفتحة
لازم ألح عليهاااا
تخيل العام الماااااضي كان معي الإرشاااد الطلابي
وعندي بالخطة مسمى البرامج الي راح تنزل بها تعاميم
ومحدد وقت تنفيذهااااا.
وكل يوووووم ناطة على المديرة أسألهااا جاء تعميم كذا وكذا
وتقول لا والمشكلة ماهي مشيكة على البريد
وان شيكت ما تقرا كل الرسايل طبعا لانها تراكم إعمالها الله يهديها
وأنا طبعاا ملزمة برفع تقارير عن البرناامج
وقلت للمساااااعدة انت افتحي البريد
ولقت التعميم مرسل من زماااان
للاسف

استغفر الله ربي
04-09-12, 03:53
الله يسلمك يالبيروحاء ماشاء الله عليك
ذيبه تجيبنها من فم الذئب ^_^
ولايهون بقية الاعضاء الكرام أيضا و تسملين عزيزتي ماقصرتي والله
والله فعلا شاكرة ومقدرة جدالوقفتك و لمجهودك وتعبك وعناء البحث والتحري والتقصي
يارب يسعدك ويوفقك ويكفيك شر كل من فيه شر
دمتي بخير غاليتي

البيروحاء
04-09-12, 14:10
السلام عليكم
هلا والله أختي ( استغفر الله ربي )
الحمد لله يسرها ربي
اطلعتي على دوراتكم ترى فيه للمشرفات والمعلمات
والمرحلة المتوسطة لها دورتييين تقدرييين تقدمييين على وحدة منها
ودي تقدمييين على الثانية الي بتاريخ 13 /11 إذا ما عندك مانع
لانهااا تتوافق مع الدورة الي قدمت عليهااا علشااان نتقابل في إدارة التدريب وأتعرررف عليك أكثررر
يمكن تتطلعيييين من طالباتي ... صراحة يعجبني المعلمة الطموحة ,,,, ربي يوفقك ويسعدك ويبارك في هذه الدورااات

استغفر الله ربي
04-09-12, 16:38
الله يسعدك يالبيروحاء ... والله انا اللي لي الشرف اتعرف عليك
والله من يوم ماشفت الموضوع بعد صلاة الفجر سبحان الله وقع اختياري تلقائيا على التاريخ نفسه يوم 13 / 10
وبإذن الله ابي اززززن فوق راس المديرة تختارني عن البقية لانهن اغلبهن ذوات خبرة
وحتى اللي ماحضرت الدورة ابي اسجل لها كتابيا على دفتر معلومات صغير واصوره لهن واوزعه عليهن بدون مايوصني
بس إن شاء الله يااااارب يرشحوني
بس المشكله ان المسؤوله عن بريد المدرسه له 3 ايام غايبه
الى اليوم وقلت لوحده من الاداريات لكن للاسف مايهمن ابد وكل وحده تقول هذا ماهو شغلي
والله انهن يرفعن الضغط فعلا بس شكلي انا اللي اصوره واعطيه للادارة بيدي
مافيه حل غير كذا
ودمتي بخير .

البيروحاء
04-09-12, 20:25
السلام عليكم
هلا والله فيك أختي ( استغفر الله ربي )
كلامك حلو انت عبي بياناتك بالنموذج وطبعااااا المديرة توقع عليه وتختمة والمفروووض ترسلة بالفاكس
وأحيانا حنااا يالمعلماات ناخذه ونوصله مناولة مباشرة مثل ما قلت يعني إنت وصليه إن امكن
ودية لإدارة التدريب بحي الجامعيين ...
وبالعادة هم يرسلون على جوالك قبل موعد الدورة بيوم أو يوميين ويعلمونك بقبول ترشحك وخلاص تروووحين وتحضرييين الدورة
وعلى فكرة حبيت أعلمك بشي
شوفي هم التدريب يطلبووون الترشيح وبعديين يقبلونك لكن الدورات الي تخص المشاريع المطورة يحق للمعلمة ترووح لها حتى لو ما أرسلو قبول بالترشيح
يعني حتى إذا ما رسلووولك رد على الجوال ( انتبهي فقط المشاريع المطورة ) عااادي احضري الدووورة حنا مشرفتنا قالت لنا كذا
انا كذا اروح لدورات مشاريع العلوووم حتى لو ما أرسلولي
المهم إني معبية نموذج الترشيح ....
عمووووومااا ربي يسهل الأموررر ويبارك فيك ويوفقك على حرصك واهتمامك ...
وأبشرك الحمد لله أنا توي أدخل حايل بعد معاناه من القرى ومديرة المدرسة ما شاءالله قمة أخلاق وتعامل راقي
تخيلي دخلت عليها وقلت لها أبي أقدم على دورة هي استغربت مني هم ما طبعوا التعميم تقول ما عندنا طابعة
بس الحمد لله على طووول وافقت علي وأرسلته بالفاكس ....

vĭĆţθяIĄ
04-09-12, 20:35
ربي يعافيك
اممممم بس احنا معلمات القرى الجديدات والله حايسات وماندري عن شي
والمشكله المناهج مطورة ولا عندنا احد يفيدنا بشئ كلن نفسي نفسي
والمدرسة مافيها اداره نهائيا بس معلمات وطالبات
والله حالتنا حالة
عندي استفسارات كثيره اذا يسمح وقتك تجاوبيني بكتبها لك يمكن تفيديني
والله يجزاك خير

البيروحاء
04-09-12, 20:41
السلام عليكم
هلا والله أختى ما عندي مااانع
أي شي تبنه أنا حاضرة وإذا عندي معلوووماات ما ني باخلة عليكن بها وذا ما عندي بعد أبحاول لكن
لا يهمكن شي
حنااا خوات وكلنا يد وحدة ......
ربي يوفقكن جميييعاااا والله إني حاسة بكن مو يعني إني نقلت حايل وخلاص أتكبر على معلمات القرى بالعكس أنااا أحب أفيد الناس واستفيد والله كريم هو خير معييين
اللهم لا تخسرنااا

هتّـان
04-09-12, 20:51
كلامك حلو انت عبي بياناتك بالنموذج وطبعااااا المديرة توقع عليه وتختمة والمفروووض ترسلة بالفاكس
وأحيانا حنااا يالمعلماات ناخذه ونوصله مناولة مباشرة مثل ما قلت يعني إنت وصليه إن امكن
ودية لإدارة التدريب بحي الجامعيين بعد إذنك أختي البيروحاء >>

بخصوص تسجيل البرامج التدريبية ألم يتم تفعيل التسجيل بها إلكترونياً عبر موقع إدارة التدريب ؟؟

بالنسبة لنا - كمعلمين - مفعّل ، لكن لا أعلم بالنسبة للمعلمات ..

كل ما على المعلم الدخول والتسجيل ، ثم يدخل المدير ويوافق على البرامج المختارة حسب اللائحة المسموح

بها خاصة البرامج الصباحية ..

طباعة الإستمارة فقط للتأكيد ، وليس ضرورياً إرسالها أو تسليمها لإدارة التدريب ..

يجب أن نستفيد من التقنية قدر المستطاع ..

مقنونه
04-09-12, 20:57
يعطيك العافيه اختي
ماعمري طلبت دورات وودي اخذ الحين
شفت الجداول اللي منزله فيه بشهر شوال وذي القعده ومحرم
اقدر اطلبهن كلهن والا بس وحده

البيروحاء
04-09-12, 21:11
السلام عليكم
هلا والله أخ هتاااان
على حد علمي انه ما فيه تسجيل الاكترونيا حتى التعميم نفسه مرفق معاه نموذج الترشيح
ومنتدى التدريب ما فيه شي من هذا القبيل وتبي الصراحة كتابيا أحسن
علشاااان ما يكووون حجة للمديرات ما تقول ما فيه نت أو تقعد سنة وهي ما حركت شغله
الحيين بالفاكس يالله ترسله
موعاااد نت ...
بالتوووفيق للجميع

البيروحاء
04-09-12, 21:18
السلام عليكم
هلا مقنونة أطلعي على الضوابط المرفقة بأول ورقة من التعميم
الضابط الثالث يقووول الحد الأقصى لعدد البرامج التي ترشح لها الموظفة برنامج واحد فقط في الفصل الدراسي الواحد ....
لكن بعض المديرات يسمحن للمعلمة التقديم على ثنتيين على حسب تخصصها أو عدد حصصها
انا مديرتي السابقة ربي يوفقها تسمحلي أقدم على أكثر من وحدة لان نصاب حصصي قليل .... ربي يسعدهااا ويذكرهااا بخيرررر

vĭĆţθяIĄ
04-09-12, 21:31
السلام عليكم
هلا والله أختى ما عندي مااانع
أي شي تبنه أنا حاضرة وإذا عندي معلوووماات ما ني باخلة عليكن بها وذا ما عندي بعد أبحاول لكن
لا يهمكن شي
حنااا خوات وكلنا يد وحدة ......
ربي يوفقكن جميييعاااا والله إني حاسة بكن مو يعني إني نقلت حايل وخلاص أتكبر على معلمات القرى بالعكس أنااا أحب أفيد الناس واستفيد والله كريم هو خير معييين
اللهم لا تخسرنااا

ربي يجزاك الجنه والله بتكسبين فينا اجر
اول شي انا منهجي مطور تخصص دراسات اجتماعية ووطنيه
طبعا يوم وزعو الكتب ع البنات ماجابو لنا كتاب معلم واخذت كتاب طالبة وهو اللي اشرح منه حاليا
- سؤالي لازم يكون معي كتاب معلم ولا مو مهم ؟؟؟
- الشي الثاني بالنسبة للطالبات انا اعطيهم واجب ويحلونه بنفس الكتاب مايحتاج دفاتر مثل اول
هالشي صح ولا غلط ؟؟؟
- سالفة ملف انجاز مافهمته نهائيا حتى اللي شفته بالنت مافادني بشئ
- ورقة العمل اللي اسويها للطالبات مو فاهمة عنها شي يعني اول شي متى اسويها بعد كل درس ولا بعد نهاية كل وحدة
وكم احط فيها سؤال واذا اعطيتها البنات وين يحلوها بالفصل عندي ولا بالبيت وهل عليها درجات ؟؟؟
- كمان سالفة المطويات اللي يسونها البنات مافهمت فيها شي وهل يسونها بعد كل درس ولا نهاية كل وحدة ؟؟؟
هذا اللي عندي حاليا وراجعة ان شاء الله
انتظر اجابات وافية وشاملة لانه حتى الطالبات مساكين مو عارفين شي ؟؟؟
والله مايضيع لك تعب فميزان حسناتك
/

البيروحاء
04-09-12, 22:12
السلام عليكم
هلا والله فيك أختي
استفسرت لك من وحدة من صديقاتي نفس تخصصك (دراسات اجتماعية ووطنية )
- سؤالي لازم يكون معي كتاب معلم ولا مو مهم ؟؟؟
ضرووري دليل المعلم يوضحلك كل شي وفيه حلوول التدريبات
وإذا ما فيه بالمدرسة دليل المعلم اطلبي من المديرة ترفع احتياج علشاان يوفرونه
انا عن نفسى استفيد بالمرة منه صراحة يضع النقط على الحروووف
- الشي الثاني بالنسبة للطالبات انا اعطيهم واجب ويحلونه بنفس الكتاب مايحتاج دفاتر مثل اول
هالشي صح ولا غلط ؟؟؟
خلاااص ما يحتاج دفاتر فقط يكوون مع الطالبة ملف الإنجاااز والتدريبات عادي يحلونها في الكتاب بالإضافة إلى أوراق العمل
- سالفة ملف انجاز مافهمته نهائيا حتى اللي شفته بالنت مافادني بشئ
محتوياات الملف كالتالي :
1- السيرة الذاتية .. 2- المطويات .. 3- أوراق العمل .. 4- ااجتهادات الطالبة ( مثلا : رسم ، بحث ( من جرائد ومجلات يمكن تقص من الجريدة ونضعه في الملف ما هو لازم تكتبه ،خرائط ، صور حيوانات وهكذا .... حسب اجتهاد الطالبة وامكاناتها ) 5- قسم الاختبارات : تضع فيه أوراق الاختبار
- ورقة العمل اللي اسويها للطالبات مو فاهمة عنها شي يعني اول شي متى اسويها بعد كل درس ولا بعد نهاية كل وحدة
وكم احط فيها سؤال واذا اعطيتها البنات وين يحلوها بالفصل عندي ولا بالبيت وهل عليها درجات ؟؟؟
أوراق العمل مهمة وأساس التقويم في المناهج المطورة لازم تهتميين فيها كثير ...
تعرضينها أثناء الدرس ويحلنها الطالبات إما إنك تجبينها من النت تلقينها جاهزة أو من سي دي ( عند مكتبة العبيكان ) فية أوراق للدروس
وممكن إنت تكتبينها (وتعدينها وهذا هو الأفضل ) وطريقة إعداها لك حسب مستوى طالباتك وهي بسيطة يعني لا تحسبينها معقدة عادي أسئلة ممكن فراغات صح وخطا إلخ ...
وتكوون مناسبة للوقت لا تكون طويلة وبالدرس الواحد ممكن تكون 1 أو 2 أو 3 حسب وقت الدرس ونوعي في وقتها يعني ممكن أثناء الدرس أو نهايته ( أو وحدة مرحلية وثانية ختامية )وممكن بعد تخلينهن يحلنها بالبيت وهكذا وعلى فكرة قسمي الطالبة إلى مجموعاات ( مو شرط كل حصة مجموعات من فترة لأخرى ) وكل مجموعة يتناقشن الورقه ويحلنهااا
( بالمختصر نوعي طريقتك لا تمشين على روتيين واحد )
- كمان سالفة المطويات اللي يسونها البنات مافهمت فيها شي وهل يسونها بعد كل درس ولا نهاية كل وحدة ؟؟؟
تقول صديقتي خليها كل نهاية وحدة تصمم الطالبة مطوية عن الوحدة وممكن ينوعن الطالبات فيها ويبدعن مثلا يختصرن المواضيع بشكل تعداد ولك ما يكتبنهن سرد كذا لا يقصن الأوراق ويبدعن هذا أهم شي بالمطوية إن الطالبة تتفنن فيها مه كتابة مبسطة أو تخطيط أو خريطة مفاهيمم وهكذا ......


والمشرفة إذا زارتك أكيد تعطيك توجيهات حسب ما تراه وبالنسبة لتقويم الطالبات والدرجات هي تعطيك طريقة التقسيم
أنا مشرفتنا تعطينا تقسيم من عندها ونمشي عليه
وهذي 10 درجات حقت التقويم تكون موزعة على مشاركة الطالبة أثناء الحصة وعلى أوراق العمل والمطويات
يعني قولي لطالباتك يهتمن بكل شي لان درجة التقويم شاملة على الملف كله ومشاركتها أثناء الحصة
اهم شي أختي تشجيع الطالبات مثلا كرمي أفضل وحدة بتصميم المطويات أو أفضل وحدة بأوراق العمل وهكذا
خااصة أول متوسط راح يتحسنوون معك ان شاءالله بالتشجيع المتواصل
ممكن تضيفيين قسم إضافي لملف الطالبة وتسمينه الثناء والتقدير
انا أهتم بالنقطة هذي كثير حتى مع 3/ث أحب أشجعهن وأقدر مجهوداتهن
العام كان معي منهج علوووم 1/م و كيمياااء 1/ث
صراااحة أبدعن الطالبات كثير
الطالبة تبي معاملة راقية من معلمتهاااا وصبر منهااا
والله العام( كنت يقرية ) سويتلهن مسابقة تصميم مجسمات كيميائية
وما شاءالله انبهرت منهن وكانت الفايزة بالمركز الثاني من 2/م ....



ربي يوفقك أختي وأكيد أنت مبدعة وأتطلع منك الكثيرررر
شكرررا لحرصك واهتمااامك ربي يكثررر منكن أنت والمعلمة( استغفر الله ربي ) أدخلتن السرووور على قلبي
ربي أعانني وإياكن على حمل هذه الرسالة العظيمة

vĭĆţθяIĄ
04-09-12, 23:07
فديت قلبك يالغاليةة عن جد كفيتي ووفيتي
ربي يسعددك ويكثر من امثالك
بالنسبة لكتاب المعلم شكلي بطلبه من حائل لانه مدرستنا مافيها مديرةة
وورقة العمل انا راح اسويها بإذن الله
الله يجزاك خير
عاجزةة عن شكرك
/

مقنونه
05-09-12, 00:44
السلام عليكم
هلا مقنونة أطلعي على الضوابط المرفقة بأول ورقة من التعميم
الضابط الثالث يقووول الحد الأقصى لعدد البرامج التي ترشح لها الموظفة برنامج واحد فقط في الفصل الدراسي الواحد ....
لكن بعض المديرات يسمحن للمعلمة التقديم على ثنتيين على حسب تخصصها أو عدد حصصها
انا مديرتي السابقة ربي يوفقها تسمحلي أقدم على أكثر من وحدة لان نصاب حصصي قليل .... ربي يسعدهااا ويذكرهااا بخيرررر



طيب اذا وافقت المديره ارفع الاستمارات مع بعض ؟

منك تعلّمت
05-09-12, 01:16
جزاك الله خير يالبيروحاء ،، جهد تشكرين عليه .

وأتمنى تطلع أم الدورات بفايدة وحدة بس من دورات فن تضييع وقت الطلاب والطالبات ،، وتوقف المناهج .

البيروحاء
05-09-12, 01:17
السلام عليكم
هلا فيك أختي مقنونة
عبي كل الاستمارات وعااادي إرسالها بأي وقت أهم شي بوقت كافي قبل موعد الدوروة
لكن إنت مرة وحدة إرسليهن ....وارتاحي وأكتبي عندك المواعيد لا تنسييين
بحيث إذا قرب الموعد انتبهي لجوالك لانهم يرسلووون رسالة بالقبوووول
ربي يوووووفقك ويسهل أموووورررك

منك تعلّمت
05-09-12, 01:23
نفسي أعرف ليه ما يحطون الدورات فترة مسائية ... ليه مصرين على تضييع وقت الطلاب .

ليه المشرف القائم عليها يحسسك انه مجبور يسويها كروتين ..!!

انا ما حضرت دورات وتجيني شهادات حضور ..!!

ليه ؟؟

ومستعد أثبت كلامي بالأدلة بعد ..

دورة رفضتها السنة الماضية تخصصية ومدتها أسبوع .. لان فيها تضييع وقت الطلاب بدون فايدة ..

.. جتني شهادة حضور لها !!!

ليـــــــــه !!؟

البيروحاء
05-09-12, 01:24
السلام عليكم
الله يهديك منك تعلمت يعني إلا تخربه
يابن الحلال لا فيها ضياع ولاشي الواحد يرتب نفسه ويسنع أموررره
يعني تبيني أعطي المنهج للطالبات وأنا ما عرف خ من ب
لا إنت مو مثبط إلا كبييير المثبطييين

شكر لك على شكرررري ... بالتووووفيق

منك تعلّمت
05-09-12, 01:29
الله يوفقكم يارب وتستفيدوون .،،، أتمنى لكم التوفيق من كل قلبي ..


كلوز ذس سبجكت ..... :)

البيروحاء
05-09-12, 01:33
السلام عليكم
معقولة شهااادة بدوون حضووور
أناا عن نفسي أرفضهااا ما استلم شهااااادة كذا
هي من اسمها شهادة يعني تشهد على حضووووورررى
وبعدييين أرى إنه ما فيه ضيااع للطالبات بالعكس يخف عليهااا ضغط المواد والدراسة لكن بحدووود المعقووول يعني مثلا ما يكووون نصاب حصصي كثير وأقدم على أكثر من دورة أو يكون طويلة
من العااام وهم مقللين عدد أيااام الدورات بعضها يوميين وبعضها 3 بدل ماكانت أسبووووع
شكرا منك تعلمت على مشاركاتك ربي يوفقك

منك تعلّمت
05-09-12, 07:51
السلام عليكم
معقولة شهااادة بدوون حضووور
أناا عن نفسي أرفضهااا ما استلم شهااااادة كذا
هي من اسمها شهادة يعني تشهد على حضووووورررى
وبعدييين أرى إنه ما فيه ضيااع للطالبات بالعكس يخف عليهااا ضغط المواد والدراسة لكن بحدووود المعقووول يعني مثلا ما يكووون نصاب حصصي كثير وأقدم على أكثر من دورة أو يكون طويلة
من العااام وهم مقللين عدد أيااام الدورات بعضها يوميين وبعضها 3 بدل ماكانت أسبووووع
شكرا منك تعلمت على مشاركاتك ربي يوفقك

أنا كلامي مبني ع تخصص الرياضيات ومناهج طووويلة جداً .. وبنفس الوقت ٢٤ حصة .. يعني حتى المجال لأخذ حصص من الزملاء ضيّق جداً ..

ربما يوجد متسع للوقت في التخصصات الأخرى لأخذ العديد من الدورات .. حينها سيختلف الرأي وسأطالب بتكثيف الدورات ليس لغرض الاستفادة لان الفائدة محدودة .. لكن لغرض زيادة نقاط المعلم أو المعلمة في أي مفاضلة قد تعترض طريقه .

أكرر في تخصص الرياضيات ليس هناك متسع من الوقت كي افرط فيه من أجل دورات يندر الاستفادة منها ..

شكراً أختي البيروحاء .. وأتمنى لك التوفيق والسداد في الدنيا والآخرة ..

هتّـان
05-09-12, 08:57
منك تعلمت يمكن ضربة حظ جتك الشهادة بدون حضور :icon15: ..


بس لحظة ((إذا تخصصك رياضيات)) ممكن تكون حضرت البرنامج ((لسلاسل الرياضيات المطورة العام اللي

قبله)) لأنها نفس الفكرة ، والهدف واحد ، ويمكن أنه يعرفك ، وإختصر عليك ، خايف ينقص عدد الحضور ،

وتغلق الدورة ، وعاد تعرف أكثر المشرفين وده بهالإنتداب :icon36: ..

ملاك 6
05-09-12, 09:17
الله يعطيك العافيه

منك تعلّمت
05-09-12, 10:05
الله يعطيك العافيه

الله يعافيك ،،

vĭĆţθяIĄ
05-09-12, 14:39
باك من جديد
وشسمة نبي تحاضير جديدة وين نلقاه
وتحديدا منهج الدرااسات الاجتماعية والوطنية مرحلة المتوسط اول وثاني وثالث
ياليت تفيدونا
/

المنسقة الإعلامية
09-10-12, 00:38
يعطيك العافية