المساعد الشخصي الرقمي

مشاهدة النسخة كاملة : تعليم حائل لمعلمات الأمر الملكي توجيهكن سيكون داخل القطاع الذي تم تعاقدكن عليه



أبو شجون
31-08-12, 18:32
حائل ( إخبارية حائل ) : أوضحت الإدارة العامة للتربية والتعليم بمنطقة حائل أن توجيه معلمات المثبتات بالأمر الملكي سيكون خلال الأيام القليلة القادمة بإذن الله تعالى حيث تعكف الآن إدارة شئون المعلمين " بنات" على انجاز توجيه أكثر من 800 معلمة تم تثبيتها بالأمر الملكي داخل القطاع الذي تم التعاقد معها عليه.وأوضح مساعد المدير العام للتربية والتعليم للشئون المدرسية بمنطقة حائل الاستاذ علي المنصور أن توجيه وزارة التربية والتعليم للمعينات بالأمر الملكي ينص على أن التثبيت يكون حسب آخر عقد تم التعاقد عليه وفي القطاع نفسه.وأضاف المنصور"ستكون حركة التوزيع داخل القطاع نفسه الذي تم التعاقد عليه مع المعلمة وفي حاله العجز في القطاعات سيتم التسديد من القطاع الفائض بشرط أن يكون القطاع الفائض هو الابعد.

يشار إلى أن كافة معلمات المثبتات بالأمر الملكي باشرن السبت الماضي في مدارسهن اللاتي تم التعاقد معهن حتى صدور الحركة الإلحاقية لتوزيعهن على مدارسهن الجديدة.

ريما الصغيره
31-08-12, 18:54
جزاك الله خير وهالتعميم نازل تقريبآ بشهر اربعه او خمسه و السؤال ليش لم يتم توجيهنا الى الان خافو الله من يوم نزل هالتعميم وحنا نسمع من بعض المشرفات بقسم شؤون المعلمات ان تثبيتنا بالقرى و المعلمات الرسميات احق طيب الى متى وانتم ترضونهن على حسابنا ، حركتهن طلعت وش بقى والمعلمات الجدد وجهتوهن طيب حنا الى متى ؟؟ المديره تبي توزع علينا الجدوال وحنا رفضنا مع العلم انه عنده نقص بتخصصنا بالمره الى ان نشوف وش تاليتها مع هالاداره .

رعيل
31-08-12, 19:00
عارفين ان تثبيتنا بنفس القطاع
لكن السؤال اللي نبي له جووووواب متى توجيهنا؟؟؟؟؟

Mr-n
31-08-12, 19:36
عارفين ان تثبيتنا بنفس القطاع
لكن السؤال اللي نبي له جووووواب متى توجيهنا؟؟؟؟؟

كم تدفعين :)

بنت شمرر
31-08-12, 19:45
هههههههه اللي تبي مستر ان

حكاية غربة
31-08-12, 19:47
توجيهنا اذا حج البقر على قرونه

أبو شجون
31-08-12, 20:20
جزاك الله خير وهالتعميم نازل تقريبآ بشهر اربعه او خمسه و السؤال ليش لم يتم توجيهنا الى الان خافو الله من يوم نزل هالتعميم وحنا نسمع من بعض المشرفات بقسم شؤون المعلمات ان تثبيتنا بالقرى و المعلمات الرسميات احق طيب الى متى وانتم ترضونهن على حسابنا ، حركتهن طلعت وش بقى والمعلمات الجدد وجهتوهن طيب حنا الى متى ؟؟ المديره تبي توزع علينا الجدوال وحنا رفضنا مع العلم انه عنده نقص بتخصصنا بالمره الى ان نشوف وش تاليتها مع هالاداره .

صحيح الخبر نزل بشهر خمسة
بس مع كثرة الطلبات والأستفسارات تم تجديد الموضوع من قبل مساعد المدير العام وقال خلال الفتره القادمة القليله يتم التوجيه

Mr-n
31-08-12, 20:28
الف شكر ابو شجون
على هذا المتابعة

أشتقت لك
31-08-12, 20:32
نبي نستقررر بس..

خالد نت
31-08-12, 20:49
يعطيك العافية

هتّـان
31-08-12, 21:55
قرارات تثبيتهن سبقت قرارات تعيين المعلمات الجدد ، فالمفترض توجيههن قبل ..


الأمور ماشية بالعكس بهالزمان ..


الله يكون بالعون ..


شكراً لك على النقل ..

ابواضواء
31-08-12, 22:15
مابرينا ولاغداء الشر. ..
من رمضان وحنا نصيح ونسأل متى توجيهنا وعارفين أنه تبع القطاع بس اللي الى اﻷن مجهول متى بيطلع
قولت اﻷيام القليله ماتسقي الضامي ولاتروي عطشنا لكن الى الله المشتكى. ....

تيتشر2012
31-08-12, 22:54
يعني كم بالرزنامه حقتهم ( الايام القادمه ) شهر شهرين والله ماينعرفلهم
مشكوووور ماقصرت أبو شجون

الروض
31-08-12, 23:21
يوم يومين
اسبوع اسبوعين
شهر شهرين
سنة سنتين

ياحليل مستر ان ينكت
أخوي هتان ومستر ان ماتقدرون تعرفون لنا متى المباشرة لان المديرة اعطتنا مناهج تقول اخاف ماتداومن الا الترم الثاني اشرحن بس واشترن دفاتر تحضير

Mr-n
31-08-12, 23:23
الخيار الثاني صحيح :)

ربيع الحرررف
31-08-12, 23:31
الخيار الثاني صحيح :)

يعني يامستر الله يسهل امورك ياااااااارب

بحر العلم
01-09-12, 02:46
حسبي الله عليهم متي نحس بالاستقرار
ونحس اننا معلمات مثل باقي الخلق

-عطر الخزامى-
01-09-12, 03:01
الله ينكد عليهم نكد ماتنكدو قبله - اوووووف منهم بس جعلهم الماحي

وش رايكن بس نفصل نرتاح من المرمطه ونسجل ف حافز هههههههه

السجينة
01-09-12, 11:55
اخر همهم المثبتات
يشتغلون على الحركه الالحاقيه الحين حسب ماسمعت

الروض
01-09-12, 14:25
يعل يصيبهم الهم وليه مانصير اخر همهم واوله
حسبي الله ونعم الوكيل
مشكور مستر بن يعني اصبر ماسجل ولدي بالروضة اسبوع واسبوعين والشكوى لله

الحسام-2008
01-09-12, 15:32
حسبنا الله ونعم الوكيل