المساعد الشخصي الرقمي

مشاهدة النسخة كاملة : اقرار بدل التعيين+ تغيير االمهنه



بنت حــرب
29-08-12, 10:11
السلام عليكم

كل يوم طالعين بسالفه وحوسه

كثرت اسئلتي تحملوني ولا لكم غير الدعوات الطيبه

ورقة بدل التتعيين يقولون فيها خانه لتوقيع وختم المديره هذا الكلام صحيح؟ ولو صحيح كيف تجاوزو عنه .... المعلمات الي اعرفهم بغير حايل ختموه ووقعوه من المديره

انا ماشفت الورقه لاني رسلتها

يامعلمات حايل ردو

ثاني شي يقولون لازم اغير المهنه ؟؟ ولا بيتاخر الراتب بسبب هالنقطه<<<<<<<< !!! يقولون هالخطوه مهمه لكل معلم ومعلمه

من الجمعه ونا في اتصال وسؤال كل يوم سالفه وشي جديد

الله يجزاكم خير

معلمة رياضياتـــ
29-08-12, 10:52
الله يكون في عونكم

بس اتوقع لو اجباري توقيع المديره ماكان خلصوها بيوم من قسم الرجال والا على الاقل طبعتوها مع المباشره مثلنا العام
والله اعلم

تيتشر2012
29-08-12, 12:33
ماختمنا ولا وقعنا من المديره ماحد قالنا عالشي والله حاله قسم الحين المباشره بحايل قالوا ماهي لازم وهذي خاصه بالبنين فقط والمندوبيه قالوا لنا لا لازم مباشر ترفع حاسونا هالعالم الي ماتعرف شغله

vĭĆţθяIĄ
29-08-12, 17:53
مو لازم توقع عليه المديرة او تختمه لانه مو من اختصاصه وش دخله بالامور الماليه

بس مافهمت عليك وشو تغيير المهنة ؟؟؟؟

بنت حــرب
29-08-12, 20:15
يامعلمات ركزو معي

فيه خانه با اقرار بدل التعيين خاصه بالمديره توقيع وختم

يعني ادارة حايل همشوها ؟

واعرف بنت دقو عليها بسبب هالساالفه هي متعينه بالشملي

وتغيير االمهنه يقوولون لازم نغيره

وين المعلمين وين مستر وهتان

الي شاف اقرار بدل التعيين بيعرف ختم المديره وتوقيعها مهم لان فيه خانه مخصصه لها

مناديل فاي
29-08-12, 21:16
الله يهديك يابنت حرب قولي امين :d
انا رحت بنفسي للاداره بحايل وماتركت خانه ماوقعت فيها والموظف رجعلي الاوراق مره عشان اكمل الناقص وماجاب سيره لختم المديره.!
اصلا المديره مالها شغل باقرار بدل التعيين .!!
هذا بينك وبين الوزاره تتعهدي انك مااخذتي قبل كذا اي بدل باي وظيفه حكوميه.!!
ان شاءالله خير وربك ييسرها

اما تغيير المهنه فهذا فعلا مطلوب وتروحي تغييريها من الاحوال , بس مااعرف اذا لها علاقه بالراتب اولا.؟؟
اتمنى الافاده بهالنقطه

بنت حــرب
29-08-12, 22:46
الله يهديك يابنت حرب قولي امين :d
انا رحت بنفسي للاداره بحايل وماتركت خانه ماوقعت فيها والموظف رجعلي الاوراق مره عشان اكمل الناقص وماجاب سيره لختم المديره.!
اصلا المديره مالها شغل باقرار بدل التعيين .!!
هذا بينك وبين الوزاره تتعهدي انك مااخذتي قبل كذا اي بدل باي وظيفه حكوميه.!!
ان شاءالله خير وربك ييسرها

اما تغيير المهنه فهذا فعلا مطلوب وتروحي تغييريها من الاحوال , بس مااعرف اذا لها علاقه بالراتب اولا.؟؟
اتمنى الافاده بهالنقطه


,,ووويهديك ويرحم والديك طمنتيني

تغيير المهنه عشان يصرفون لك بدل التعيين

حايلي وسيم
30-08-12, 01:24
اتوقع ماهي .. خم طم :icon15:
كل واحد يروح لحاااله

لازم تكون نفس ادارة التربية والتعليم ترسل جميع اوراق المتعينات للأحول بخطاب رسمي على شان يتم تغيير المهنة

:icon40: .. هذا والله اعلم ..:icon40:

مناديل فاي
30-08-12, 02:44
^^
يكون احسن والله
يوفرو علينا المشاوير :d
ناقصين احنا كل يوم فرفره خخخخخ