المساعد الشخصي الرقمي

مشاهدة النسخة كاملة : من يخبر أكياس سمنت يالربع ولا كراتين لحلالي ماعندي علف



أبو شهااب13
24-12-10, 00:33
بسم الله الرحمن الرحيم
ياناس العلف وأرتفع سعره الشعير 54 والبرسيم وصل 27 وتكرمون التبن 15 يعني كيف نعلف حلالنا والله يالربع مهزلة قسم بالله إن راعين الحلال ترأف بحالهم خاصة البدو والأرض ممحلة الله يجيب الخير يعني مدري أيش أقول والله أنا صراحة فكرت أعلف حلالي كراتين ولا أي شيء ألقاه أخذه لهن فيه ناس على الله ثم الحلال
لا وظيفة وحالته الله أعلم بها طيب الحل مافه حل يعني , الدولة الله يعزة قوية الله يزيدها وماهو ضارها دعم الأعلاف يعني سعر الشعير مااااهو معقول حتى الحلال ماتلقى الي يشرية عشان ابيعة ونفتك منه كل الناس ودهم يبيعون لاكن ماقول الله يجيب المطر والربيع عشان العلف ينزل يالله يارب

كلاسيكو
24-12-10, 00:44
يمدحون كراتين البرتقال فيه نسبة من فيتامين c

موضوعك هادف لكن التخبط عند المسؤولين شاطي ماله ميناء

أبو شهااب13
24-12-10, 00:47
أخي كلاسيكو نعم إذا عندك كراتين ترنا نشري والله انه أرخص من التبن ههههههههههههه

شايب الشريه-----
24-12-10, 01:20
عوذاااااااااااااااا يالله دخلك الكل يصيح وينيح من الارتفاع بالاسعار لاعيشت البشر لا الغنم كل شين غالي غالي يالربع وش هالبلاء ووش الحل

فـل
24-12-10, 11:38
لاحول ولاقوة إلا بالله

الموقنه
24-12-10, 12:41
الله كريم

رائدالشمري
24-12-10, 12:48
االله يعين

أشواقي : T3b
25-12-10, 13:05
عوذاااااااااااااااا يالله دخلك الكل يصيح وينيح من الارتفاع بالاسعار لاعيشت البشر لا الغنم كل شين غالي غالي يالربع وش هالبلاء ووش الحل

إي والله عوذااااااا :)







دندنوا مافي أحد مرتاح :)

تنقو حآئل
25-12-10, 13:15
ربكَ يعينَ .. جمعو الخبزَ بس :icon36:

آهات حايل
25-12-10, 15:32
ماهن بعارين كان انت بجنب الامير مشعل الحين

خخخخخخخخخخخخخخخخخخخخخخخخخخخ

ومانشوفك الا بام رقيبه

والله ياخوي اشوا مابهن انك يذبحك الجوع ويذبحهن الجوع وتاكلهن تريحهن وتسد جوعك

وانا اشوف ليش عمي كل خميس جامع نسباه ع ذبيحه اتريه يبي يفتك منهن هههههههههه

امزح امزح والله انه كريم

الله يعينك

أبو شهااب13
25-12-10, 15:49
صح كلامك إذا ذبحني الجوع على قولتك وذبحتهم واكلتهم راح يأثر سلباً على المستهلكين ويرتفع أقيام الحلال يعني الطلي راح يكون 1500 وبعدين راح يقولوا ليش الشريطية يرفع الذبايح ومدري ايش يعني مشكلة لو أرتفع اسعار العلف راح يرتفع اللحم وحتى الدجاج مايسلم من الأرتفاع لن يعلفونه شعير ومكعب يعني كل شيء مولع الله يستر بس من تاليها

شمري حائل
25-12-10, 16:08
الله يعينكم

وين رايحين
25-12-10, 16:44
مــع كل بداية سنة وبالضبط مع كل زيادة 5% يرتفع السعر

الحقيقة فقط
25-12-10, 22:41
شي طبيعي ياخي يوم الغنم ب200و300 والعلف رخيص ،وهالحين يوم رفعتوا اسعاره لازم يرتفع العلف..
أجل بالله عليك خروف ب1000 تبي تعلفه بريالين :)

أبو شهااب13
25-12-10, 23:28
أول شيء حبيبي الحقيقة من الي قالك انو حنا الي رفعنا أسعار الطليان لو الشعير والبرسيم رخيص كان بعنا برخص وثاني شيء ايش ذنب الي ماعندهم طليان في ناس عندهم غنم ماعز يعلف طول السنه ويبيع له تيس بخمس اميه هذا إذا كان طيب والله ياناس مافيه فايدة انت أحسبها وشوف راع الحلال كسبان ولالا
ياخي سنة كاملة تربي علف النعاج وبعد مايولدوا نعلف عيالهم لعمر ست شهور وعمال وايجارات استراحات وعلاجات ودبلت سبد والي بالبر اردا واردا بس وكل ربك
جالس لي بالمنتدى وتقرق وماتدري وين هي موليه

بدوي الخطة
26-12-10, 15:17
مرحبا بالعقيد ابو شهاب,

اعتقد ان اسعار الحلال مرتفعة وخاصة الذبايح
خلال العام الماضي نزل الشعير الى 12ريال
والاعلاف تكدسة عند والمزارعين ومع هذا
اهل الحلال (مطيرينه) بالسماء واللي خسران المزارع
والمستهلك ,
هذه السنة دارة ووارتفع سعر الاعلاف والمزارع الان مستفيد ويعوض
مخاسير العام الماضي ,
اقول هذا الكلام لان اهل الحلال ماهم قليلين شر والعام الماضي كله رافعين السعر
والعلف متوفر عندهم بسبل الماء,
اصحاب المواشي والمزارعين لازم تكون علاقهم مثل (الاوبك)
ترفع (البترول نرفع عليك السلع) لان مصالحهم
مرتبطه مع بعض ولا لاحد غنى عن الثاني,,
معلومة اخرى يابو شهاب
قبل كم يوم ذكرت جريدة الشرق الاوسط ان (الجياد تموت كمدا في ايرلندا)
وقال التقرير ان اكثر من 20الف او 100الف من الجياد تركوها اصحابها تهيم بالارض وتموت جوعا
بسبب الازمة الاقتصادية التي تضرب البلاد الان
وان هذه الجياد هي من السلالات الجيدة التي تشتهر بها (ايرلند) وتكلف كل يوم 40 دولار,
مقولة ان الاتفاع الاعلاف يرفع سعر الحلال لااعتقد ذلك النا س تريد تبيع الان ,
الله يرزق الجميع ,المزارع وصاحب الحلال والكريم اللي (سكينه تقطر دم)
وان شاء الله شدة وتزول واهم شي لايبالغون بالاسعار اذا توفرة الاعلاف باسعار مناسبة,

شكرا لك

بدوي الخطة
طلعة مسلّم

أبو شهااب13
26-12-10, 15:38
معك أخي الكريم بدوي الخطة صحيح إرتفاع الحلال يتحكم به من ؟ هم الشريطية يعني الشريطية مبوزين الدنيا . بس أنا أقصد المربين هم الي ماكلين هوا
أنا مربي أبيع بأبخس الأثمان ويجيك شريطي يرفعة وهو ماعلف ولا تعب فهمت لاكن المربين لا ماكلين هوا أرجو ان تفهم الفكرة

أبو شهااب13
26-12-10, 15:43
وأريد تعقيب على الموضوع بعد نسيت حاجة ماقلته ؟؟
بدوي الخطة انت تقول الشعير وصل 13 بس مااستمر ياحبيب قلبي صح وصل القيمة 13 ثلاث ايام وهو زاقح لل 30 لاكن هذا المره مطول أربع شهور وهو فوق سعر الا 40 ريال ياخي والله كارثه والله كارثه

ابوفهد66
26-12-10, 22:28
عنديلك اكياس سمنت بس مقلتلي ليه ارتفع سعر الشعير او اقولك ان يوم من الايام وصل سعر الخروف 1500 ريال هل رحمت الى رتبه 2000 ريال اقول الله يرفع كيس الشعير 500 ريال علشان تكون الذبيحه 30ريال ان شالله:icon36:

أبو شهااب13
26-12-10, 23:05
أسمح لي أبو فهد انت غبي ؟؟؟ لو ارتفع كيس الشعير فوق الخيال ؟ انت الي خسران انت وووجهك تدري ليش لان إذا وقت الذبايح وقت العطلة ورمضان والضحية راح ياصل الطلي اسعار مو معقولة فهمت يعني كل الشعب خسران بالنهايه حنا ياطويل العمر نبي أسعار أعلاف معقولة ومستمرة وراح تشوف انت الفرق ....... المشكلة ان الشعير والعلف يرتفع سعرة بوقت مثلا مثل الوقت هذا تشوف وقت اشتاء ولما يجي موسم العطلة والعروس ينزل سعر العلف وتقولون ان الشعير نازل ليش الطليان سعرها غالي وراعي الحلال طول الوقت معلف وتعبان وجهد ودبلت تسبد ولازم يعوض خسايرة يابابا وآسف على الآطالة ... انا وين ابي افتح الموظوع عندكم حنا نبي حل وانتم جالسين تهكمون أخيرا اسف على الإطالة انا تعبت من الحتسي

ابوفهد66
26-12-10, 23:07
وبعدين نسيت اقول يوم كان كيس الشعير 13 كان الطلي الطيب 1300يعني ماتفرق عندنا ان شاالله يرتفع العلاف وتبعون الى عندكم برخص ولا تلقون احد يشري شريطيه اذبحونا

العربية
26-12-10, 23:10
هههههههههههههههههههه حنا مالقينا اللي يعيشنا ماهو بهايم

ابوفهد66
26-12-10, 23:13
والله انك صادق ياالعربيه شريطيه ذبحونا يبون العلاف رخيص ويبعون غالي

ابوعثمان
26-12-10, 23:36
الله يجعل كيس الشعير ياصل 2000 الله ابخص بكم يا أهل الحلال يوم الشعير رخيص وانتم تبيعون الذبايح فوق 1500 ريال وتقلون للي ما يبي ياكل لحم ياكل دجاج وهلحين جيتو تصيحون الله يجعلة ما ينزل ابد

أبو شهااب13
26-12-10, 23:49
الله يرجكم كلكم وشبلاكم وجع ؟؟؟ لعن ابو حيكم وش دخلنا بالشريطية حنا مالنا دخل بالشريطية هذولا وشبلاهم الشريطية هم الي مستفيدين
ياخي ارحموا الي ماهو شريطي وبعدين انت الي تقول مالقينا الي يعيشنا ماهو بهايم العربية ؟ طيب الي يعيشك ماهوبهايم يخي أنت ماتاكل لحم وتذبح لا جوك الضيوف ذبيحة , خلاص يعني الشعير والبرسيم وأكلنا حنا الاوادم واحد لو ارتفع الشعير يرتفع الطلي بس متى ؟ بمواسم العطل والعيد
أقول بس حنا نوريكم بس خل يجي وقت العطلة والله نرفع الطلي 5000 ريال << خربهااا
هههههههههههههههههههه ضيقتوها

ابوعثمان
27-12-10, 00:03
الله يرجكم كلكم وشبلاكم وجع ؟؟؟ لعن ابو حيكم وش دخلنا بالشريطية حنا مالنا دخل بالشريطية هذولا وشبلاهم الشريطية هم الي مستفيدين
ياخي ارحموا الي ماهو شريطي وبعدين انت الي تقول مالقينا الي يعيشنا ماهو بهايم العربية ؟ طيب الي يعيشك ماهوبهايم يخي أنت ماتاكل لحم وتذبح لا جوك الضيوف ذبيحة , خلاص يعني الشعير والبرسيم وأكلنا حنا الاوادم واحد لو ارتفع الشعير يرتفع الطلي بس متى ؟ بمواسم العطل والعيد
أقول بس حنا نوريكم بس خل يجي وقت العطلة والله نرفع الطلي 5000 ريال << خربهااا
هههههههههههههههههههه ضيقتوها


طيب يا خي اذا كنت مانت قد هذي الشغله خله ودور لك شغله ثانية.
اما انك جالس تبي تضحك علينا لا والف لالالالا
انتى اول الشريطية للي تلعب بالاسعار وهذا هو اعترافك بنفسك خافو الله بالمسلمين

نفسي اجيك
27-12-10, 00:18
اتمني يرتفع سعر كيس الشعير الى 100 الف ريال علشان لاجيت للشريطي مايحلف
وش ذنبي وذنب فلان وغيره ترفعون سعرها وتبون منا نعطيكم قيمة العلف



عندي حل تحطون ميزان وتشوفون كم كيلو الخروف وعلى قد الكيلو ندفع زي ماهو بالاردن

أبو شهااب13
27-12-10, 00:25
لا والله ياعثمان انا بس امزح يوم اقول نرفع قيمة الطلي بس والله ياناس انا رجال هاوي ماعز مالي دخل بالطليان بس انا أتكلم على عموم الحلال سواء
أغنام او بعارين او بقر او ماعز أو دجاج انتم خليتوها طليان وبس لاكن ماقول الا الله يعين اهل الحلال جميع والشريطيه بكل مكان تلقاهم نصابين سيارات أغنام بعارين بكل مكان تلقى لك شريطي يغث تسبدك وبالنهايه هو المستفيد من كل النواحي

ابوعثمان
27-12-10, 00:28
اتمني يرتفع سعر كيس الشعير الى 100 الف ريال علشان لاجيت للشريطي مايحلف

وش ذنبي وذنب فلان وغيره ترفعون سعرها وتبون منا نعطيكم قيمة العلف





عندي حل تحطون ميزان وتشوفون كم كيلو الخروف وعلى قد الكيلو ندفع زي ماهو بالاردن

؟؟؟؟؟

ابوعثمان
27-12-10, 00:32
لا والله ياعثمان انا بس امزح يوم اقول نرفع قيمة الطلي بس والله ياناس انا رجال هاوي ماعز مالي دخل بالطليان بس انا أتكلم على عموم الحلال سواء
أغنام او بعارين او بقر او ماعز أو دجاج انتم خليتوها طليان وبس لاكن ماقول الا الله يعين اهل الحلال جميع والشريطيه بكل مكان تلقاهم نصابين سيارات أغنام بعارين بكل مكان تلقى لك شريطي يغث تسبدك وبالنهايه هو المستفيد من كل النواحي


اخوي ابو شهاب والله احنا عارفين ان الشريطية كذابين ونصابين ولا عمرهم دخلو بشي وصار صالح اي شي يدخلونة يندمر وان شاء الله انهم هم حطب جهنم لأنهم يأخذون مال الفقير قبل الغني بغير حق
وان شاء الله انك يابو شهاب منت منهم

أبو شهااب13
27-12-10, 10:18
أبو عثمان أنا والله لست بشريطي انا رجال راعي حلال صنف ماعز , والحمد لله الحال ميسوره لقلة حلالي يعني عندي حوالي 50 راس فقط بس أنا والله اني أتكلم على عموم الحلال مع أني والله العظيم ماني موظف وشباب بمقتبل العمر صح أننا نعاني من ارتفاع الشعير والبرسيم بس في ناس أحوج منا والله لاني انا رجال مجرب , وثاني شيء في ناس يقول اترك الشغلة اذا مانت قده ؟؟؟؟
طيب اتركه اخي أين أذهب ياخي لا وظائف ولا شيء والله العظيم لولا الغنم أني دااااااااااشر بس الحمدلله على كل حال , وأكره ماشوف انا الشريطي والله لانه ملعون جدف لا بغيت تبيع السلعة صار يتدلع عليك ويأخذه بأبخس ثمن لانو مافي إلا شريطي يشري الوقت ذا

professional
27-12-10, 10:23
كان الله في عونكم

ريــنــاد
27-12-10, 13:58
اهم شي الخبز اذا بقى اجمعه لهن

والله يعين ان شاء الله

سلطــان الحسيني
27-12-10, 14:15
لا حول ولا قوة الا بالله

أبو شهااب13
27-12-10, 15:13
أي والله ريناد حتى الخبز نجمعه بس إذا كان العدد كثير مايوفي الخبز مايسوي شيء ...

ابن الشرق
27-12-10, 16:41
عندي لك اقتراح يابو شهاب 13 .

إيش رايك تبيع كل الحلال اللي عندك وتشتري شعير ...!!؟




أمزح .

بس .. شوف .. أنا من رأيي إنك تروح وتشتري طحين أبيض قيمة الكيس .. تقريباً 26 ـ 28 ريال 45 كغم .

خذ لك 30 ـ 40 كيس لين ربك يفرجها .

بدوي الخطة
27-12-10, 23:00
عندي لك اقتراح يابو شهاب 13 .

إيش رايك تبيع كل الحلال اللي عندك وتشتري شعير ...!!؟




أمزح .

بس .. شوف .. أنا من رأيي إنك تروح وتشتري طحين أبيض قيمة الكيس .. تقريباً 26 ـ 28 ريال 45 كغم .

خذ لك 30 ـ 40 كيس لين ربك يفرجها .




وكل صبح رغفن لهن من هالمصالي ههههههههه
اذكر اهل هجن السباق يقولون يفطرونهن خبز مفرودعسل اوحليب وتمر
اشياء حنا مانحصلها

بدوي الخطة

أبو شهااب13
27-12-10, 23:52
تصدقون والله انها فكره زينه بس بكرا تلقا أهل الحلال طوابير على الطحين ونروح حنا البشر ملح هههههههههههههههههههه

أبو شهااب13
29-12-10, 15:43
الله يكتب الي فيه خير يارب ويجيب المطر قولو امين يارب ويرزقنا المطر والمال الحلال