المساعد الشخصي الرقمي

مشاهدة النسخة كاملة : إلى متى ونحن بهذا التخلف يا أهل حايل



مقهور منهم
22-12-10, 17:56
v
v
v
v
v
v
v
v
v
v
v
v
v
v
v
صراحةً هذه أول مشاركة لي في مجلس حائل الأول أو إذا أردت فسمِّه ديوانية حائل الأولى ؛ وأخترت هذا الملتقى لطرح موضوعي لكثرت المتفاعلين...
فما أجبرني على الكتابة عن موضوعي إلا عندما أحرجني أحد زملائي من خارج المنطقة - مع العلم بأنني أعمل خارج منطقة حائل- , وأما أنا فمررت على هذا الموضوع كثيرًا .
المهم . . .
إلى متى ونحن نرضى بهذا التخلف ====> كبري وبعده فتحة صغيرة ( مديورة -فوق تحت-) لا والأدهى والأمر إنه هذه الفتحة تلتقي مع مخرج جاي من اليمين يعني اللي ماسك الخط وجاي مع السريع (وهو نفس مكان زميلي) الله يستر عليه ناس طالعين مع الفتحة وناس جايين من المخرج اللي من اليمين يعني راح . . . . !!!
طيب وش فائدة الكبري والمخارج إذا كان فيه فتحة قبل الكبري أو ماعندكم ثقة في كباريكم يا أصحاب المؤسسات.


أخيرًا يامن تغارون على حائل وسمعتها يا مسؤولين احرصوا على سمعة حائل فنحن نتجرع المهازل ====>
(كبري وبعده فتحة) قوية يا حائل هذا ما يرددونه ما صارت حتى بالدول الفقيرة وتصير بحائل.....أحسن ما قالوا (كبري وبعده دوار).



أظنكم عرفتم الموقع؟؟:icon19:

راعــي الـمـلــحــاء
23-12-10, 20:45
اعتقد انك تقصد كبري المدينهـ وانت طالع بأتجاهـ الجنوب

يا أخي الكريم كم من روح ازهقت بهذهـ الفتحة الدورانية اللي مالها اي داعي
والسبب الاول والاخير ردى المهندسين بهالشركات الخايسهـ الله يعين بس

ومرهـ ثانية يالحبيب اذا بغيت تكتب موضوع مهم مثل هذا حاول تنتقي عنوان مناسب
واذا بغيت تتكلم او توصف تكلم عن نفسك ووصف نفسك ولا تعم اهل حائل بهالصفة

ارجو تقبل مروري بصدر رحب

مقهور منهم
23-12-10, 20:51
شكرا على مرورك
أنا ماتهمني العناوين كثر المضمون....
وبعدين أنا أقصد الفتحة اللي عند حديقة الامير سعود بن عبدالمحسن اللي قبل كبري بقعاء لأنها تلتقي مع المخرج اللي جاي من كلية البنات ...
ومررة ثانية شكرا على مرورك.

راعــي الـمـلــحــاء
23-12-10, 22:08
شكرا على مرورك
أنا ماتهمني العناوين كثر المضمون....
وبعدين أنا أقصد الفتحة اللي عند حديقة الامير سعود بن عبدالمحسن اللي قبل كبري بقعاء لأنها تلتقي مع المخرج اللي جاي من كلية البنات ...
ومررة ثانية شكرا على مرورك.

يعطيك العافية اخي الكريم
اتوقع لو فيهـ احد مايعرف حائل ويقرا اللي صار بيننا يتوقع ان حائل بهاعشرين كبري
<<قال صفوا صفين قالوا حنا اثنين>>ههههههههههههههههههه
لو تلاحظ الكباري بحائل كلها نفس التصميم الخايس كل كبري تلقى بعدهـ فتحة دوران
خطيرة//
(1)عندك كبري المدينهـ الفتحة وانت بأتجاهـ الجنوب بعد الكبري على طول الله يستر
(2)عندك الكبري اللي تفضلت وذكرتهـ فتحتين شرقهـ وغربهـ الغربيهـ تقل اشوا من الشرقيهـ الله يستر منهن كلهن
(3)عندك كبري القصيم الفتحة وانت بأتجاهـ الغرب بعد الكبري بمسافة قريبة من المخرج اللي جاي من الدائري الشرقي
وبعض الفتحات الجانبية الخطيرة للي طالعين من المنطقة الصناعية الله يستر
واكرر شكري لك على موضوعك المهم وعلى رحابة صدرك وتحملك لي

مقهور منهم
23-12-10, 22:13
يعطيك العافية اخي الكريم
اتوقع لو فيهـ احد مايعرف حائل ويقرا اللي صار بيننا يتوقع ان حائل بهاعشرين كبري
<<قال صفوا صفين قالوا حنا اثنين>>ههههههههههههههههههه
لو تلاحظ الكباري بحائل كلها نفس التصميم الخايس كل كبري تلقى بعدهـ فتحة دوران
خطيرة//
(1)عندك كبري المدينهـ الفتحة وانت بأتجاهـ الجنوب بعد الكبري على طول الله يستر
(2)عندك الكبري اللي تفضلت وذكرتهـ فتحتين شرقهـ وغربهـ الغربيهـ تقل اشوا من الشرقيهـ الله يستر منهن كلهن
(3)عندك كبري القصيم الفتحة وانت بأتجاهـ الغرب بعد الكبري بمسافة قريبة من المخرج اللي جاي من الدائري الشرقي
وبعض الفتحات الجانبية الخطيرة للي طالعين من المنطقة الصناعية الله يستر
واكرر شكري لك على موضوعك المهم وعلى رحابة صدرك وتحملك لي

شكرا لك...
أجل على كذا المخارج والكباري مالها أي داعي...الله يعين بس.

ابله مزيونه
23-12-10, 22:21
تقبل مروري

فـل
24-12-10, 11:35
على بالهم كباري الرياض!؟
موضوعك جميل

الكاسرbreaker
24-12-10, 11:39
ومرهـ ثانية يالحبيب اذا بغيت تكتب موضوع مهم مثل هذا حاول تنتقي عنوان مناسب
واذا بغيت تتكلم او توصف تكلم عن نفسك ووصف نفسك ولا تعم اهل حائل بهالصفة

.........

الموقنه
24-12-10, 12:39
الله اعلم

رائدالشمري
24-12-10, 12:52
الله يعين

نوري اجهرهم
24-12-10, 15:21
ماافهم بالمواضيع هذي ^_^

وقلت ارد تستفيد من رفعي وتزيد مشاركاتي خخخخ ..

مقهور منهم
24-12-10, 17:34
أبله..شكرا على مرورك
فل..حلووووووة على بالهم الرياض
الكاسر..مشكوووور على ملاحظتك
الموقنة..مشكورة
رائد..ربك ييسرها وييعين على مؤسساتنا
نوري أجهرهم..تكفي طلتك

آهات حايل
24-12-10, 17:47
هههههههههههههههههههههههههه

تشوف بكره يفتحون كبري ومعه مجانا دوار بس عاد شف وين

مقهور منهم
24-12-10, 18:08
آهات شكرا لك ...

الله يستر أنا خايف لا يكون كبري جبة بعد ما يفتحونه يحطون بعده دوار مقابل المغواااااااة ..أنا حاس كذا ..

ما صار دائري هذا صار دوارات!!

يالله يمكن نصير مثل اليابان بكرى؟!

منااااال
18-01-11, 03:53
وأنا بعد ماأفهم بهالمواضيع
بس أدري إن الحوسة اللي يسوونه بالشوارع
ماله فايدة بس علشان يصير عندنا كباري
وكنت أتوقع الموضوع عن عقلية أهل حايل
لإني عانيت منه في أول موضوع لي بالمنتدى

المنادي.
18-01-11, 04:35
اخي الفاضل

اعتقد انك لم توفق في اختيار
الموضوع المناسب لمشكلتك !!

فنحن لسنا متخلفين

جنون المشاعر
18-01-11, 04:44
شكلهم توهم يعرفون للكبري ويتعلمون فينا معذورين لازم ياخذون درس علشان يتعلمون بس على حساب ارواح المواطنين
مانقول الاالشكوى لله
يسلموووووووووو على الموضوع