المساعد الشخصي الرقمي

مشاهدة النسخة كاملة : خبر مؤسف ومقلق ان كان الخبر صدق عن كبري السنبله فأرجو تداركه من البلديه



البحر الأحمر
20-12-10, 14:26
سمعت قبل فتره قليله جدا عن الكبري انه اثناء العمل للبدء في أعمال الزفلته واثناء ماصعدت عليه المعدات صار تشقق في الوسط
فكيف اذا صارت السيارات والشاحنات فوقه
((أروحنـــــــــــــــــــــــا ليست للعبه)
واذا كان الخبر صحيح فأتمنى كل واحد قبل مايرقى تكون الوصيه جاهزه ولايهون الي أسفل
((نبييييييييييييييييييييييييييييييييييييييييييييييي رقابه ))


أخوكم/ أبو عبدالله

بدوي الخطة
20-12-10, 14:32
عيّن خير مامن الا كل خير
حط ببطنك بطيخ صيفي وتوكل على الله ياخرسانات فيه
لو تجيب 100تريله مايتحرك ان شاء الله
المشكلة بشكلك الخارجي مشوه اما الاسمنت والحديد واجد


بدوي الخطة

بس ناقد
20-12-10, 16:11
أقول تقل ما بها البلد غير هالولد ، لحوووووول يا كوبري السنبلة ، خلاص يا شباب والله حمضنا به واللي مو جايز له يآخذ فوق تحت

قمراا
20-12-10, 16:15
عادي اذا طاحت السيارة الأرض قريبة ماتخفشي:icon36:

متقاعده عن الحب
20-12-10, 16:18
لبى قليبك قمرا والله انك صادقه
مامن بعد

المستعصم بالله
20-12-10, 16:21
لا الوضع مطمئن...الكوبري أنشئ على افضل التصماميم الهندسية العالمية...

ممرض محبط
20-12-10, 16:55
عادي اذا طاحت السيارة الأرض قريبة ماتخفشي:icon36:


قريبه الارض صح

بس اللي تحت الكبري وش يحس فيه اذا طاح

ممرض محبط
20-12-10, 16:58
لبى قليبك قمرا والله انك صادقه
مامن بعد


متقاعده

صح ما من بعد

بس اللي تحت ح يغني ضلموني


يجب تكوين لجنه قبل افتتاح الكبري لترى هل هو ايل للسقوط ام لا

واذا كان كذلك يجب اعاده بنائه ومحاسبه المقصر

واسف على الاطاله و دمتم

v i p-999
20-12-10, 17:00
عسى الله يعطينا من خيره ويكفينا شره

alhashash
20-12-10, 17:13
تصدق عاد.ان فيه دول نشأت واعترف بها لدى الامم المتحده ..بعد كبري الغفله ..ياعالم ياهووه مانبيه ..خلاص ماعاد ينفع ترميم وتصحيح هذا الكبري ..ومن الافضل ازالته واحاله صاحب الاميتاز الاول الذي فاز بالمناقصه ..للتحقيق عن عدم تطبيقه للشروط الموقعه من قبله
..لكن وحسب مانسمع دون دليل ..بأن المناقصات اصبحت تجاره ايضا ..تبدأ بصاحب النفوذ القوي المتعهد رسميا لانشاء المشروع بمبلغ وقدره ..ليباع بمبلغ وقدره ..حتى يصل لآخر سعر يصعب تنفيذه كما نشاهد في مشاريع حائل ..ليس فقط للكبري بل للكثير من المشاريع
وياقلب لاتحزن
تحياتي

خــيــ<القنصعي>ـــال
20-12-10, 17:28
مامن بعد الارض تطلع له ع رجولك
وبعدين كلن يبي يمر عليه هم احرص ع انفسهم

خالد فهد الرشيد
20-12-10, 21:29
لاتعليق

Mr.shammary
22-12-10, 03:46
يابن الحلال حتسي انا هكاليوم راقيه فاتحينوة بالليل ورقيته مابوه شين وبالعكس مرتب ومنظر من فوق حلو :)

الامور طيبه يالطربه:)

هواوي الجبال
22-12-10, 10:50
المشكله انه في لقاء في اذاعه الرياض الاسبوع الماضي
مع امين منطقه حائل وابدا اعجابه الشديد بالكبري وانه في طور وضع اللمسات
الاخيره لتجمليه (((( ترقيعه )))
الزبده انه عاجبن امين المنطقه وقضينا ماراح تغيرون شي لين تتحدون
وتصيرون يد وحده في تطوير حائل وايصال مشاكلها لولاه الامر
لكن مانقول الا الله يستر على كل مسلم ويحفظه من كل مكروه
بس الحديقه اللي جنب الكوبري ياليت يفتحون فيها اسعاف ودفاع مدني
اختصار للوقت وانقاذ ارواح الناس باسرع وقت على الاقل استفيدو من هالحديقه
كتعويض عن الكوبري
كل ماشفته اضحك والله المقاول فله اول مره يعمل بالكباري والانفاق فلازم تصير هالاخطاء
لان حنا محط انظارالمقاولين الجدد لبدء تجاربهم بمنطقتنا الغاليه
الطيبه مانفعتنا شدو الهمه وشمرو عن سواعدكم وخلوكم كأهل باقي المدن لايسكتون عن
شي في مضرتهم ومضره مدينتهم

غرباوي
25-12-10, 08:57
سمعت أن أغلب المشاريع يعلن عنها في مناقصة عامة يتقدم المقاولون بتقديم عطاءآتهم عبر أضرف مغلقة ويحدد وقت لفتح المضاريف ثم يتم اختيار أقل المتقدمين لهذا المشروع بعد أن يقدم الضمانات اللازمة لإتمام تنفيذ المشروع حسب شروط محددة 0000 وبعد ذلك 0000 وكما أسمع 00 يقوم هذا المقاول ببيع تنفيذ المشروع لآخر والآخر لآخر والآخر لآخر0000000 وكل آخر يحصل على نصيب يتفق عليه بين الأطراف حتى يتم ترسيته على آخخخخخخخخر الآخخخخخخخرين سؤالي لأهل المعرفة والدراية ( هل هذا من الفساد الإداري ؟ ) ودمتم سالمين 0

ييزي جرح ياحيي
25-12-10, 10:09
قريبه الارض صح

بس اللي تحت الكبري وش يحس فيه اذا طاح
هههه ما جايه شي يدعس لين يطير الغبار الي على سيارته :icon15:

Falcon Legend
25-12-10, 10:50
هو الكوبري الى هالحين ماخلص:icon29:..قنبلة ذريه هذا مو كبري:icon19:

أحمد الشودحي
25-12-10, 10:57
تطمن يالحبيب حتى لو صار فيه كوارث في المقايل لا يوجد عقوبات

حائلي وافتخر
25-12-10, 11:22
بناء فندق 15 طابق في الصين في 90 ساعة فقط (http://www.youtube.com/watch?v=ONsZ9v2jHAI) <<<انقر على الرابط (مقطع فيديو )




صورة من غير تحية للعاملين على كبري السنبله

صفحة الايام
26-12-10, 19:18
يبي يصير تحفه معماريه بعد الترقيعات

ابوفهد66
26-12-10, 21:56
قصدك كبري السيكل عن قريب رايح تسمع خبر موزين

الاداشري
27-12-10, 21:30
اقول والله كان تبون الصراحه مو كبري هذا قلة حياء
كبري سياكل الضاهر مو للسيارات ,,

الا الطيحه مار خالصين منه بس شف انت تموت ولا لا؟

وتقبلوا مرووووووووووووووووووري

فهاد السهلي
27-12-10, 21:40
لا الوضع مطمئن...الكوبري أنشئ على افضل التصماميم الهندسية العالمية...

اي عالميه ياخوي المستعصم بالله شف كباري الصين والله تكره الكبري الي له فوق 5 سنوات وكله 500 متر

صديان الغربي
28-12-10, 06:59
وانت عندك بلدية اساسا ؟؟؟

ستل جناحة
28-12-10, 10:05
نسأل الله السلامه ........ ضاعو وضيعونا معهم

يابلد هذا كلامي
واضح وسهل ونظامي
بلد المليون مُخبر
!... ماقدر يمسك حرامي

بمان الله ....