المساعد الشخصي الرقمي

مشاهدة النسخة كاملة : مستشفياتنا ؟؟ ومستشفيات بريده ؟؟



•iîi•ƒâhâd•iîi•.
15-12-10, 16:10
السلام عليكم ورحمة الله وبركآته


مستشفيات بقمة الفشل مافيه اي اهتمام ولا اي شي
اشكي من الصداع 5 سنوات واكثر ويوم رحت اعطوني مسكن وموعد ويطلع مافي دكتور بمستشفى الملك خالد .. حولوني مستشفى حائل العام رحت واعطوني موعد بعد 3 شهور عيادة مخ واعصاب وجالس اتحرا الموعد على جمر واروح واخر شي مآفي دكتور ؟؟ يرجعون يقولون رح للملك خآلد ؟؟ وسكتت ورحت وقالو ماعندنا دكتور رح لم حائل العام عندهم الدكتور ؟؟ وش المصخره ؟؟ وش الفوضى ؟؟ وش حنا ؟؟ وش شايفيننا ؟؟ كل يوم عن اللي قبله احس روحي تطلع من الصداع صداع صداع حاد اتعب وانا اقولكم حاد احس براسي بينفجر منه ومن مهازل المستشفيات

اروح مدير الطبي بالمستشفى يقولي والله كل المنطقه مابه الا دكتور واحد وجايته جلطه وماخذ اجازه بيجي غيره بعد شهرين ؟؟ معقوله يعني هالشي

بعد كل المرمطه اللي جتن منهم رحت يوم الاثنين الصبح لم مستشفى الملك فهد التخصصي ببريده دخلت عليهم من الطوارئ الساعه 8 الصبح والنتيجه .. على طول ( ابره مسكنه للألم + اشاعه مقطعيه + تحآليل من وإلى + ادويه ياربي لك الحمد من قبل يومين لليوم ماحس بأي شي ) حتى الادويه اللي كنت اخذه من مستشفياتنا شافه الدكتور وقال لا تستعمله لانه ماله اي دخل باللي بك ؟؟

7 ساعات واطلع من عندهم بنتائج كامله وموعد بعد اسبوع وباحسن حال بفضل الله ..
وعندنآ مسكن وموعد بعد 3 شهور ووقت الموعد مافيه دكتور وانتظر شهرين لين يجي دكتور وتاخذ موعد ؟؟

اتمنى اتمنى من كل قلبي اللي يقدر يوصل كلامي هذا فوق يرسلي خاص عندي كل المواعيد حقات المصخره وعندي الادويه وكل شي .. نبي حل مهي حآله مع هالمستشفيات

مشترك
15-12-10, 16:35
الله يكون بعونك ويشفيك .. عصابات الشؤون الصحية في حائل

لاهم لهم الا ان يسرقوا حقوق المرضى والموظفين التابعين لهم.. ولايطالبون بشي من الوزارة

ومدراء المستشفيات لايعملون بجدية ويراقبون الاطباء ومواعيد المرضى وطرق علاجهم وكذلك تعامل الاطباء مع المرضى

ولو صلح المدراء صلحة المستشفى كلها .. ولو تم تغيير عصابات الشؤون الصحية .. لو كانوا يخافون الله فسوف يكون هناك اهتمام من الوزارة

والمصيبة انهم يكتبون لايوجد احتياج .. فتجد ان العاملين الذين يفترض بهم ان يعملوا في حائل يذهبون الى مناطق أخرى .. لماذا.. لأنه لايوجد احتياج

حتى فئة التمريض هناك من ابناء حائل من يعمل خارج المنطقة وعندما يطالب بالنقل لحائل .. يقال له لايوجد احتياج..

خجول بس ما يستحي
15-12-10, 16:51
طبعا هذا ما سيحدث لنا .. اتعرف لماذا .. لعدة عوامل من امها :


1- اغلب اصحاب المناصب في الدولة هم من اهل القصيم ووضح سيطرتهم عليها بالفزعات فيما بينهم .

2- التفاف اهل القصيم حول وجهائهم من الاسر التي لها ثقلها في الدولة , بعكس اهل حائل يحاربون بعضهم واول المحاربين الاسر المعروفة والواجهة بالمنطقة بل من المضحك ان يتم التكلم عن هذه الاسر والتقطيع بلحمها دون وجه حق والانتقاص منها وهي في غنى عنهم لذالك لا ترجون من ابناء اسر حائل المعروفين المساندة اذا انتم استمريتم في الابتعاد عنهم لان كلمتهم مسموعة عند ولاة الامر وعدم رجوعكم لهم لا يدعهم مطالبين لكم بل تقطيعكم وحسدكم لهم انقلب عليكم في الاستفادة من وجهاتهم .

3- اغلب اهل حائل من الذين يمسكون المناصب يتجردون من انهم من حائل ولا يخدمون من هم من حائل ولنا في وزير الخدمة المدنيه مثال على ذالك حين انكر انه من اهل حائل وهو من حائل .

4- الالتفاف كما ذكرت من اهم العوامل , وترك التعصب والحسد والاحترام المتبادل ما بين المواطنين والشيوخ هو مطلب اساسي , لان المسؤول لن يضرب حساب لجميع المواطنين بل تأتي القوة والاراده والالتفاف تأتي بالقوة واحترام المطالبات عندما تأتي من الوجهاء . ( مثال للعميد متقاعد الشيخ علي الصالح السبهان الذي ذهب لوزير الصحة هو ووفد معه من الوجهاء المعروفين والشيوخ لمناقشة سوء الصحة في المنطقة والموضوع في طاولة الوزير ويتم الان التنسيق ما بين الوزير وفروع الصحة بالمنطقة ومحاولة ايجاد سبل التطوير للصحة واعتمادها في المزانيات القادمة ويتم التواصل المستمر عن طريق لجنة الاتصال لمشاريع المنطقة في مدينة الرياض التي اسسها الشيخ السبهان والتي تتابع اول بأول .. فلنا بذالك مثال واضح لاهمية الالتفاف وراء هذه اللجنة والعمل معها )

روح وترثيها قصيدة
15-12-10, 16:59
الله يكون بعونكم وربي يعطيك الصحه والعافيه يارب...

عهـ الغرام ـد
15-12-10, 18:15
,’

..[{ مآرآح تعدل مستشفيآت حآئل لو تكتبون بآلدم ~

:
:
آصلآ لآتنتمي للإنسآنيه ولآ يمتلك آلفآشلونـ ‘ آلي فيهآ ذره رحمة فتمتْ آنفآسإأ وهي تعآني آإلمآإأآ
لكن رحمة آلله وآسعه أوسع من رحمة عبآده
فيآرب آلبس كل مريض لبآإأآسس آلعآإأفيه ودآوهـ بدوآك آلذي لآيغآأآإدر سقمآ ~


!!

سعد السليطي
15-12-10, 21:43
والله ياخوي
زيد اخو عبيد
كلهم زي بعض
بحكم ان في القصيم
اهالي المنطقة يشتكون من عصابات الشؤون الصحية والمستشفيات
بس مانقول الا لا حول ولاوقوة الابالله العلى العظيم

ولد حايـل
17-12-10, 15:03
طبعا هذا ما سيحدث لنا .. اتعرف لماذا .. لعدة عوامل من امها :


1- اغلب اصحاب المناصب في الدولة هم من اهل القصيم ووضح سيطرتهم عليها بالفزعات فيما بينهم .

2- التفاف اهل القصيم حول وجهائهم من الاسر التي لها ثقلها في الدولة , بعكس اهل حائل يحاربون بعضهم واول المحاربين الاسر المعروفة والواجهة بالمنطقة بل من المضحك ان يتم التكلم عن هذه الاسر والتقطيع بلحمها دون وجه حق والانتقاص منها وهي في غنى عنهم لذالك لا ترجون من ابناء اسر حائل المعروفين المساندة اذا انتم استمريتم في الابتعاد عنهم لان كلمتهم مسموعة عند ولاة الامر وعدم رجوعكم لهم لا يدعهم مطالبين لكم بل تقطيعكم وحسدكم لهم انقلب عليكم في الاستفادة من وجهاتهم .

3- اغلب اهل حائل من الذين يمسكون المناصب يتجردون من انهم من حائل ولا يخدمون من هم من حائل ولنا في وزير الخدمة المدنيه مثال على ذالك حين انكر انه من اهل حائل وهو من حائل .
4- الالتفاف كما ذكرت من اهم العوامل , وترك التعصب والحسد والاحترام المتبادل ما بين المواطنين والشيوخ هو مطلب اساسي , لان المسؤول لن يضرب حساب لجميع المواطنين بل تأتي القوة والاراده والالتفاف تأتي بالقوة واحترام المطالبات عندما تأتي من الوجهاء . ( مثال للعميد متقاعد الشيخ علي الصالح السبهان الذي ذهب لوزير الصحة هو ووفد معه من الوجهاء المعروفين والشيوخ لمناقشة سوء الصحة في المنطقة والموضوع في طاولة الوزير ويتم الان التنسيق ما بين الوزير وفروع الصحة بالمنطقة ومحاولة ايجاد سبل التطوير للصحة واعتمادها في المزانيات القادمة ويتم التواصل المستمر عن طريق لجنة الاتصال لمشاريع المنطقة في مدينة الرياض التي اسسها الشيخ السبهان والتي تتابع اول بأول .. فلنا بذالك مثال واضح لاهمية الالتفاف وراء هذه اللجنة والعمل معها )

متى انكر ؟

خالد نت
17-12-10, 15:04
يأخي القصيم دولة

تقبل مروري

•iîi•ƒâhâd•iîi•.
17-12-10, 15:14
يرجال خله على ربك هنا والله اننا عايشين عيشه مايعلم به الا الله مع المستشفيات
كل شي عندنا بحايل بحادور وين ماتروح ماتلقى اي اهتمام والله يعين بس
مادري الى متى على هالحاله

فيه ناس مساكين يعني حتى مهو قادر يطلع برا حايل يعانون بشكل كبير

آهات حايل
17-12-10, 15:17
الا ينكرون انهم حايليين

بعيد عن كشف اسبابي

الا ينكرون وبقوووووووووووه بعد

خجول بس ما يستحي
18-12-10, 06:38
ولا ننسى بأن :

1- وزير المالية السعودي الدكتور العساف من اهل القصيم .

2- رئيس الديوان الملكي الاستاذ التويجري من اهل القصيم .

3- اغلب مستشاري الملك من القصيم .

4- اغلب المسوؤلين الكبار في القطاعات الحكومية والمنفذه هم من القصيم .

5- التفاف اهل القصيم مع بعضهم وذهاب وجهائهم بدعم من ( مواطنيهم ) الى المسؤولين السابق ذكرهم .

ولا ننسى بأن التجار التي قائمه عليهم اقتصاد البلد هم من اهل القصيم

لكن هذا لا ينفي بأننا قادرين على العمل متى ما التففنا على وجهائنا وبدوره هم يذهبون لمناقشه امير المنطقة او وزير من الوزراء او حتى الذهاب الى وزير الداخلية وولي العهد والملك ( مع علمي بأن لجنة الاتصال والتنسيق لمشاريع منطقة حائل بالرياض تقوم بهذا الدور ولهم جهود ملموسه في ذالك ) ولكن هم بحاجة الى الالتفاف اكثر واكثر فالكل مكمل لبعضه ..


ولا ننسى بأن على مسؤولي هذه المستشفيات ومسؤولي الصحة بالمنطقة دور كبير في تحسين الخدمات حسب الامكانيات المتاحه .. لانه من الواضح ان اغلبية المدراء في الصحة لا يعلمون ماذا يحدث ولو كان هناك رقابه ادارية من المدير للعاملين بالمستشفى والشدة في اداء العمل لما ترى التقصير الحاصل ..
شكرا لكم املين ان يتم التحسين لان هذه المنطقة منطقتنا وهاؤلاء الناس هم اناسنا واهالينا ...

أم عـلـوشـ
19-12-10, 16:58
هــــــــذا الي هـــــم جيـــــدينن بوه يملا النمــــل الاصفر الي يعشعش على كراسيـــهم واصير كريمه والسوسه الي تنخر بأوراقهم وشهادتهــــــم نخـــــراً بالحيل قوي :icon36:>>والله ان الواحد لشااااف وجه الدختور الي قباله ان يتعوذ منه قبل مايتعوذ من الشيطااااان :icon36:

>>ماباليـــــد حييـــــــــله غيـــــــر انا نسوي تكاتـــــف اجتمااعي ونهج للقصيـــــم لبغى الواااحد من مرضاااانا علااااج...ياااعمااااار يااول الواحد يحب مهنته ويخلص به والحين كم بقى عن اخر الشــــهر ياابو الشباااب :icon36:

الله المستعاااااااااان

بس ناقد
20-12-10, 16:23
بلا والله من طيب أهل بريدة ، بس مطالبات بها الوزارات ، وإلا حنا بس نبي كل شي جاهز وحنا قاعدين ببيوتنا ، المشكلة إذا ما فيه مطالبات من المواطنين في نفس البلد ما راح أحد ينظر للنقص الحاصل في مستشفياتنا ، صحيح فيه تقصير لكن مو بالشكل المآخوذ عن الصحة بحائل ، أنا أعرف كثير من الصحة والله ياهم جايبين حيلهم والنتيجة بس بها المنتديات سب وشرشحة ، اللي فيه خير يا جماعة يروح يآصل الوزارة مو بس بها المنتديات له هياط ، أنا عن نفسي سمعت كثير من اللي راحو للوزارة يقولون لا جينا للوزارة يستغربون إنا من حايل ويقولون وش بلانا ما نشوف مراجعات لديرتكم ومطالبات ، أما القصمان فحدث ولا حرج ومن حصل شي يستاهله .

Jotim
20-12-10, 16:24
لا يوجد اى مقااارنه بن حايل والقصيم

الفرق شااااسع جداا

الله يعين بس
تقبل مرورى

...أبو عجاج...
20-12-10, 16:39
بلا والله من طيب أهل بريدة ، بس مطالبات بها الوزارات ، وإلا حنا بس نبي كل شي جاهز وحنا قاعدين ببيوتنا ، المشكلة إذا ما فيه مطالبات من المواطنين في نفس البلد ما راح أحد ينظر للنقص الحاصل في مستشفياتنا ، صحيح فيه تقصير لكن مو بالشكل المآخوذ عن الصحة بحائل ، أنا أعرف كثير من الصحة والله ياهم جايبين حيلهم والنتيجة بس بها المنتديات سب وشرشحة ، اللي فيه خير يا جماعة يروح يآصل الوزارة مو بس بها المنتديات له هياط ، أنا عن نفسي سمعت كثير من اللي راحو للوزارة يقولون لا جينا للوزارة يستغربون إنا من حايل ويقولون وش بلانا ما نشوف مراجعات لديرتكم ومطالبات ، أما القصمان فحدث ولا حرج ومن حصل شي يستاهله .

ودي أرد على الموضوع لكن يوم شفت ردك وقفت ...
تسلم يالذيب ولله يعيننا ويعينكم ...