المساعد الشخصي الرقمي

مشاهدة النسخة كاملة : شارع المطاعم والإتفاق على رفع سعر الشاورما .!!



ياحيي يزي جروح
09-12-10, 18:11
مسيتووو بالخير

.
.
.
.

مثل ماهو موضح بالعنوان شارع المطاعم بالزباره متفقين الله اعلم على رفع سعر الشاورما ..
المهم سعره صار بـ 4 ريال يعني ثنتين وبيبسي ب 10 ريال عقب مكانت بـ 5 ريال ..

المطلوب ياشباب المقاطعه تكفوووون لا يلعبون علينا ابو هنود والاتراك
صدقوني لو طنشناهم وقاطعناهم يبون ينزلون السعر غصبن عليهم ..

وياليت الامانه تشوف الموضوع

تسيف نطلع من جرح وندخل جرح ..
مادري متى على هالجروح
عسى الله يزينه بس

بنتظاركم :icon40:

نارسيسو
09-12-10, 18:46
مهنا ازين من اكل البيت
المفروض هالمطاعم فقط للعماله
اللي ماعندهم اهل يطبخون لهم !!

صراع الرمال
09-12-10, 18:49
الحمدلله اني مااكله

عياد العمودي
09-12-10, 18:55
أتركوا الأسعار أهم شي الصحة

والله إن الشاورما قمة المرض

الواحد بس لو يشوف وشلون يصلحونه قبل تعليقه بربي إلا يحرم أكله ليوم الدين

شفت واحد من الأتراك يصلح ويمسح عرقه ويرجع يركبه مرة ثانية

بعدين الأتراك هم قمة الوصاخة بحائل وفوق هذا شيعة أغلبيتهم ،،،

المكافح
09-12-10, 19:02
الشاورما مررررررررررررررض

مميز المميـز
09-12-10, 19:28
هيه قمة الجراثيم
بس ان شاء الله يعطيك العافية

بدووون أسم
09-12-10, 19:30
اقوول مافيه احسن من اكل البيت .... وان حدتك الظروووف خذ لك تصبيره ....

بدون تفاهم
09-12-10, 19:31
والله يارجال مامثل المقاطعه
وفي حاجه نغفل عنها والمفروض كل مواطن يطبقها وهي طلب تسعيرة البلديه

Nـــــواف
09-12-10, 19:58
كلكم تبون تقاطعون وكلكم تبون أكل البيت واذا عدينا من شارع فية مطاعم ماقدرنا نعدي من الزحمة كلام في كلام !!

عبور
09-12-10, 20:20
كلكم تبون تقاطعون وكلكم تبون أكل البيت واذا عدينا من شارع فية مطاعم ماقدرنا نعدي من الزحمة كلام في كلام !!

عداك العيب أخوي نواف كلامك صحيح 100%
المشكلة اننا نحب نحكي ونشكي ونبكي ولين جاء الفعل كل واحد يقول ليش بس أنا اللي أسوي

asd4500to
09-12-10, 22:38
البلا مو منهم البلا من التجار الموردين الكبار كل شهر ارفععع الاسعار يابووو يمن

خالد فهد الرشيد
09-12-10, 23:57
اكرم الله الفضل من زين الشاورما كله امراض ولا بعد لهم وجه يرفعون السعر قولوا لهم خلهم من ماء البحر يشربون احسن لهم

..روان..
10-12-10, 00:58
الحمد لله على النعمه
وشي هي عاد
قاطعوهم
واذا حدك الجوع
لوزين بالجبن ونعمه

السكب 998
10-12-10, 01:31
عاد حنا مانعيش الا بشاورماهم والله استغرب من هاللي يشرون منهم ياعيال ياحبايبي تروا هالمطاعم قسم بالله مرض والله مرض وشاورماهم بالذات تجيب الشلل ياحيي اللي يبي يتعشى ولا يبي اي وجبه عنده بيت ومطبخكم تيصلحون لك اهلك لك وجبه يووووه ياسلام
وشلون لو تجون عند شلتنا بالاستراحه والله تظحكون عاد كلنا نفس الطبع مطاعم مالنا بهن ابد ابد تدخلون هالاستراحه تقل بيت حموله هالطبخ اللي يفتح النفس وهالوذافه وهالشغل الزين واللي يقطع الطماط والبصل واللي يغسل الرز واللي يكشن واللي يودن اللحمه او الدجاجه وكل يوم لنا شكل يوم رزيزات ويوم مكرونيا ويوم نواشف ويوم لا صرنا بتاريخ 25 من الشهر يوووه كل هالزقرت انواع الطنخه هههههههههه يصير به ذبيحه ولا هذا قلنا خلاص بكرا نبي عشاء جماعي منوع واحد يجيب رز لين وواحد يجيب كبيبا وواحد يجيب هريس وواحد يجيب مرقوق وواحد يجيب مصقع وياسلام عشاء يحبه قلبك
وتقولون لي مطاعم

ولدعوف
10-12-10, 01:43
اقوول مافيه احسن من اكل البيت

بنــــــــــــــــدر
10-12-10, 01:59
لايوجد رادع

الهلالي1
11-12-10, 10:31
لاتنسون المقاطعه

الهلالي1
11-12-10, 10:37
الشاورما والله مرض طبغ الولده ماغير شي

دكتور اجرام
11-12-10, 11:35
صدقت اخوووي هاااااااذاا اللي صاااااااااااااااير
قبل امس بصديان مريت بوفيه وطلبت 4شاورما و2 حمضيات:icon36::icon36: جويعااان :336::336:

المهم قلت كم الحساااب قال 19ريااااااااال:icon33::001::001:

قلت ليش 19 قال شاورما الحبه 4رياااال ؟؟؟؟لو ماني جوعان وقتها قسم لاحذفها بوجهه ؟؟؟
استغلال عيني عينك والامااانه لاحسيب ولارقيب يعطونهم بخشيش اذا جووو يكشفووون وتمشي امووورهم

قسم بالله ما ارجع للشاورما الا اذا حدتني الامووووووور:38::38:

شكرررررررررررررررررررا خيوووو المووووووضوع

درقن درقن
11-12-10, 12:00
بقلعتهم رفعو الاسعار ولانزلو

Falcon Legend
11-12-10, 12:06
عمر ابن الخطاب قالها ارخصوها بالترك...لو فعلا نجزم كان ماتجرأو يرفعون السعر لأنهم عارفين ان ماعندنا الا الهياط

وين رايحين
11-12-10, 12:08
بـــــــــــــــدأت مقاطعة الشاورما من الآن

h.s.n
11-12-10, 12:13
الدجاج مرتفع سعره طبيعي ترتفع الشاورما .. كرتون الدجاج ب 80 ريال الحين ب 120
لاتلومونهم شي يجر شي

جامعيه طموحه
11-12-10, 15:23
الله يكفينا شر المطاعم..

ولد لبده
11-12-10, 23:25
في بريدة الشاورما بريالين

النصراوي
12-12-10, 02:16
اقول والله لو اتفقنا وقاطعناهم الا يرضخون وينزلون اسعارهم

وعلى قولة القصمان

الغالي دواه الترك

ήθЃЩάĿ
12-12-10, 12:24
.




قسسم بالله متى علمي بالشورمآآ !!
اللهم لك الحمد من تعلمت شغالتنا طريقتها تسويها لنا بالبيت ونظيفة ومن احسن مايكون
قسسم بالله اللي عندي الأتراك مرررض
الزحمة اللي تشوفونها بشارع المطاعم ( الزبارة) هذا عادة تعودوا هالناس يشترون ولا لو يقطعها اسبوع او شهر قسم بالله ماتفرق معاه
هذي حركة مدروووسة ومتفقين عليهآآ آكيد
بس والله تقدرون ياشباب تقاطعونهم من الفراغ الشباب يروحون يتمشون وياخذون شورمآآ
خلوكم صحيين وادخلوا اندية ريآضية او صحية غيروآ هالروتين اللي كل مزعج / فر / اكل / شيشة !!
وبعدين !!



.

ساهر حايل
12-12-10, 14:51
مقاااااااااااااااااااااااااااااااااااااااااااااااااااطعه من الجميع ولامانع من التجربه وتشوفون فعلاً الفائده ((واحب اذكركم بأنه في عهد عمر بن الخطاب امير المؤمنين آن ذاك رضي الله عنه ارتفع سعر اللحم وجاؤه الناس تشتكي من رفع الأسعار فقال لهم : ارخصووه ؟؟؟ فقالوا نأتي لنشتكي وتقول أرخصوه !!!! كيف , فقال لهم رضي الله عنه اتركوا لحمهم لهم يرخص لكم ))

فلنرى ولنجرب .. والله لاكرامة لنا عندهم هالأجانب ونستحق قلة الإحترام من تصرفاتنا ..

قمراا
12-12-10, 16:21
الله يعين
المطاعم هذي بلوه ابتلينا فيها

واثقه الخطى
12-12-10, 16:25
يؤ يؤ او ماي قاد

قمراا
12-12-10, 16:43
...................

تركي الجامعيين
13-12-10, 04:46
ايوالله ماازين من اكل البيت والله ياانا واحد مااحب المطاعم ابد ماازين من طبخ الوالده
الله يطول بعمره
وش تبون بالمطاعم مابه الا الخساير والامراض الله يبعده عننا

حبيت اقولكم مره ولد اختي طلب من ماكدونالدزوجبه يوم فتح الهمبرجل لقينا وسط الخس والجبن حشرات الله والعالم الكلاب هالعماله شكلهم حاطين الخس
من غير غسل وصار على الجبنه وصخين الله يقرفهم

ولا بعد والله شوف عيني حقين الروشن واحد يحك اذنه بصبعه وطلع شي الله يقرفه ومسحه بمنطلونه يعني انا مستغرب وهالناس تشري يعني لو جلست هالساعتين ماكليت تبي تموت بالعكس اذا كليت هاللي انت شريته تبي تجرثم وتموت بس لله يستر
ويعطيك العافيه على هالموضوع

فــيوز
13-12-10, 07:55
أتركوا الأسعار أهم شي الصحة

والله إن الشاورما قمة المرض

الواحد بس لو يشوف وشلون يصلحونه قبل تعليقه بربي إلا يحرم أكله ليوم الدين

شفت واحد من الأتراك يصلح ويمسح عرقه ويرجع يركبه مرة ثانية

بعدين الأتراك هم قمة الوصاخة بحائل وفوق هذا شيعة أغلبيتهم ،،،

هذا اللي يعطيها الطعم الزين ... ووهـ بس يا مضياااااف

محبوبك
13-12-10, 12:06
عاد من زين اكلهك اكرم الله انعمه كله وسخ بـ وسخ لا وبعد اتراك ووبنغال منين تجي العافيه

مكلوم
13-12-10, 12:57
http://www.ashefaa.com/picup/uploads/b0e42e1f13.gif (http://www.ashefaa.com/picup)

قمة الأدب
13-12-10, 15:12
إن شاء الله تصير الوحدة بعشرين واكثر؟؟؟ومن ياكل هلحين شاورما المطاعم وكبدي !!!!هالشاورما وش ماكان هي أساس المرض وجرثومة المعدة لأنها معرضة للأوساخ والحشرات وغير ناضجة بس مجرد حرارة قوية من براعشان تعطيها رائحة الشواء من غير ماتستوي
,,,,,,,,,,, إنتهى,,,,,,,,,,,,,

علي الصالح
14-12-10, 01:01
يااربي لك الحمد دجاجه مشروره على الصيخ من العصر واجي الساعه عشر من الليل ااكله ياارب تكرم نعمتك ..

يوسف....حائل
14-12-10, 22:41
الحمد لله على النعمه
وشي هي عاد
قاطعوهم
واذا حدك الجوع
لوزين بالجبن ونعمه


ههههههههههههههههههههههههههه
حللو هالاقتراح
خذللك تصبيره مع لوزين

الجبل الأخضر
14-12-10, 22:53
صح النوم .. ياأمانة حائل

لحن الحزن
14-12-10, 22:53
كلكم تبون تقاطعون وكلكم تبون أكل البيت واذا عدينا من شارع فية مطاعم ماقدرنا نعدي من الزحمة كلام في كلام !!

:icon27: :icon27:

ابو نمشة
15-12-10, 00:26
ياجماعة الخير وشفيكم ماتفهمون انتم

كيس السكر 184 ريال بعد ماكان 84 قبل سنه ونص تقريبآ

كرتون الدجاج كان 75 واللحين 110

الرز القهوة التايد كل شي زاد وانتم زعلانيين على الشورما اللي زادت ريال
وقسم بالله مالوم المطاعم والبقالات كل شي زاد والضحية حنا
اكل الغنم زاد وندبل سعرة اجل وشنقول حنا
حاطين حرتكم بالمساكين والمفروض وزارة التجارة تشوف لنا حل كل يوم نقوم بسعر زايد من المواد الغذائية وهذي مشكله كبيرة
تجار جدة والرياض هم السبب

ابو عبدالله15
15-12-10, 08:40
بـــــــــــــــدأت مقاطعة الشاورما من الآن



واللي يسلمك ماحد يقاطع مثل سالفة مقاطعة ( بيبسي )


وغيره كثير ولاحد قاطع


الله المستعان....

عاشق السعودية
15-12-10, 09:31
شاطرين على الضعوف ((قاطعوهم )) يارجال هذولاء جايين يدورون ماعند الله سبحانه بعدين شي طبيعي انهم يرفعون السعر لأن سعر كرتون الدجاج الخاص بالشاروما ارتفع من 103ريال إلى 140ريال .
علشان كذا المفروض يكون فيه مطالبة وبشدة لتدخل وزارة التجارة وماهو المبرر حتى يكون هذا الارتفاع .
كان الله في عوننا وعونكم والقادم اذهل ولاتستغربون اذا تم رفع اسعار مياه الشرب في ظل وزارة التجارة النايمه على اذانها.

آهات حايل
16-12-10, 22:43
يعني قاطعوه كم واحد اعلاه مو معناه الكل قاطعهم
انا بنتن اشوف اخواني ماينفع بهم نطبخ مانطبخ يروحون يتعشون برى

جد جد جد يبي لك توزع اعلانات وتلزق استكارات ع سيارتك عشان المقاطعه

<<<عقبال مانقاطع كافتيريا الجامعه المتلوثه النصابه