المساعد الشخصي الرقمي

مشاهدة النسخة كاملة : شي خطير شفناه امس انا وصديقاتي واخر شي حنا المظلومات يالسعودياات ..ادخل وشوف



واثقه الخطى
05-12-10, 23:36
بسم الله الرحمن الرحيم

السلام عليكم ورحمه الله

اسمعوا وش شفت انا وصديقاتي امس بمستشفى النفسيه يوم رحنا زياره
انا مااقصد من تنزيل الموضوع تشويه سمعه المستشفى بل اقصد شي اخر راح تفهمونه بآخر الموضوع
اولا****
يوم جينا ودخلنا لقسم المريضات وربي فرحن المريضات والعجايز يوم دخلنا وقالن هلا هلا والله ويقعدن يرقصن ومستانسات وجبنا شبسات وكاكاوات وعصيرات لهن وفرحن لدرجه ماتتوقعونه

وبلحظه الوناسه معهن والرقص والطرب
قعدت وحده من المريضات تبكي وتصيح وتصرخ اقوى شي ونمسكها ونهديها قلنا ليه .؟ وش فيتس ؟؟
قالت ان وحده من الممرضات الفلبينيات وركزوا على كلمه الفلبينيات
ضربتني واعطتني كفين
وانحاشت ؟؟ واتفقت معها وحده كانت مريضه بس الحمدلله كتبوا لها خروج هالاسبوع

قلنا ليش ماقلتي للدكتور ؟؟ قالت قلت له وقال امسحيها بوجهي
تخيلوا يعني وحده مريضه ومريضه نفسيا مو اي مرض
تضربها وحده قليله ادب ياعل يديها القص ان شاء الله
ويسكتون عنها
وقمنا نتكلم معاها ونبي نهديها
جت ممرضه مغربيه ( تونسيه الظاهر) لان لهجتها غريبه شوي وركزوا مره ثانيه على كلمه مغربيه

قالت وش فيتس يا.....؟؟؟
قالت ابي ارد كرامتي
ضحكت عليها الممرضه وقالت : ليش وش صاير ؟؟
قالت الممرضه الفلبينيه (...) اللي اعطتني كفين ليش تضربني ؟؟
والله والله والله اني لااذبحها انا مريضه والمريض مرفوع عنه القلم ولو يودوني اعدام ماعندي مشكله
لان الموت ارحم لي من العيشه هنا
آآآآآآآآآآآآآآآآآآآآآآآآآآآآآآآآه وربي قطعت قلوبنا
وشوفوا رد الممرضه قالت: متى ضربتك ؟؟ وبعدين اتحداك تذبحينها
وتقعد تضحك وحتى انها تتكلم من غير نفس

وقالت لنا الممرضه اطلعن عنها واتركنها تصيح
خير ان شاء الله على كيفتس تطلعيينا وبعدين قاعدين على قلبك

معقوول ؟؟ مريضه نفسيا تكلمينها بهالطريقه ؟؟
لاتقوولون انها مريضه وتخرف من عندها ؟؟ لا لانها تقدر تطلع بأي وقت بس اهلها مو راضين ياخذونها
( لاحول ولاقوه الا بالله )
وشوفوا ثاني شي
صديقاتي جابوا شرابات وبيجامات واغراض للمريضات يوم وزعوها عليهم جت ممرضه سمراء نسيت جنسيتها بس مو سعوديه اخذتهم من المريضات وقالت ابي اخذهن للبيبي حقي ؟؟ تخيلوا وش هالحقاره
والمريضات يمشون حافيات بهالبرد والملابس قمصان نص كم بهالبرد الممممووووووت
البنات سكتن بس اليوم علمنا دكتورتنا وقالت باذن الله ماراح نسكت لاننا راح نقول للمسؤولين وهم يتصرفون معهن وانا معاها راح اتصرف ماراح اسكت عن الحق وعن الظلم

عاد حنا ناويات نسوي لهم حفله الاسبوع الجاي وراح احاول اخذ صور وانزلها لكم هنا تشوفونها

علما بان دفعه الدبلوم راح الترم اللي فات ؟؟
وسووا لهن حفله كبيره ماشاء الله وفرحن مررررره

عقب كل هذا
يجي واحد او وحده بالاخير يقول الممرضات السعوديات ماعندهن سالفه وسون وعملن
طيب لاتعمم على الممرضات كلهن
واذا شفتوا وحده اخطت بشي او كانت نفسيتها زفت

حنا مو مثل هالاشكال

انتم ماتشوفون هالايام هذي وش يسوون معنا من ناحيه الدراسه ؟؟
وربي يكرفوونا كرف بالكليه بس يبون يعلموننا وصرنا ندرس اكثر من الدبلوم ودراستنا خمس سنوات

لاننا حنا بكالوريوس وراح نتخرج اخصائيات تمريض ان شاء الله

وبالاخير مانلقى دعم من المجتمع اللي مايرحم ولايقدر
تعبنا وكرفنا ولاتقولون عشان رواتب وماادري ايش ؟؟
شغلنا يستاهل اكثر من كذا والمفروض توقفون معنا مو ضدنا

وبس حاطين حرتكم بالسعوديات
اما الاجنبيات حاطينهم فوق روووسكم ومتسترين عليهم

انا مااقول اخر شي الا حسبي الله ونعم الوكيل على كل من ظلمنا وشوه سمعتنا
واقوله اتق الله
ليش تعمم على الكل ؟؟
ابفهم ؟؟

وماقلت هالكلام للرياء
الحمدلله محتسبات الاجر بس من القهر والكلام اللي يقال عننا كتبت هالموضوع

واخر نقطه ابقوله
اللي يقول ( ليش يدخلن بناتكم بالتمريض والاختلاط وماادري ايش )
اقوله
ان الاختلاط شفه ببرزان وسماح وغيره اللي لابسات بناطيل وفاتحات العبايات الكتف ونص الوجه طالع والمكياج والعطر والتمختر

وحنا جايات وتاركات اهالينا عشان نعتني بالمرضى واخرتها يقولون اختلاط
الحمدلله ماشفت شي الى الحين لا من الممرضين ولا من الممرضات
واللي تخاف على نفسه هي ادرى
مانبي لكم نصح
ومايقول هالكلام الا اللي به بلاء ومسوي شي

وانا مااعمم على الكل اقصد اللي قالوا عنا شي وشوهوا سمعتنا



وشكرا

عادي جدا جدا
05-12-10, 23:50
./.

حيـآك ربي.ْ/.
صراحه انا مؤيد لكل كلمه تقولينهآآآآآآآآآْ.,
وانا من وجهة نظري القاصرهـ..
نفرح لا شفنا سسعوديهْ اهي الي تعتني وتقوم بلخدمــــــه لي بنات جنسهآ ولي حريمنآ.ْ,
نثق فيها تمام الثقه.ْ,/,
ودايم نعأرضْ الاختلاط سلامةً لك وحمايه صيانةَ من عبث العابثينْ.؟
اقسم لك بالله ان ما يسمي [[ رجل مع امراه في عمل واحد ]] والله هلاكـ
اقولك عن مستشفياتْ بحائل ./, ملاصقين تعرفي وش معني ملاصقينْ
ونهايك عن السعوديه ككل مثل التخصصي في الرياضْ
شايفهم يتلامسونْ بمقعدين متلاصقينْ
بحجة نافذه للنساء ونافذه للرجالْ مسوين مفرقين
ومجلسين هذولا مع بعضْ.؟

باالله هذا حتسي
كل شي لا بد من فيه موجب وسالبْ.؟
ياخوفي هالسالب يتكاثرْ

واثقه الخطى
05-12-10, 23:53
اقصر رد شفته بحياتي خخخخخخخ

مروور

يعطيك العافيه

المهاجر2009
05-12-10, 23:55
اذا عملكم هذا لوجه الله اسأل الله ان يعظم لكم لاجر

دانه بوسط شمر
06-12-10, 00:05
لا حول ولا قوه الا بالله ياربي لا تبلاني ولاتجيب لي اليوم الي اشوف فيه احد من ناسي داخله ان شاء الله الله يرفع عنهم جميعهم ولا يبلانا يارب
والله يكسر يديهم هالفلبينيات
الله فوقهم

واثقه الخطى
06-12-10, 00:06
عادي جدا

مشكور اخوي
انا معاك فيه اختلاط بس مو لدرجه التعميم على الكل
حرام والله

ووجهه نظرك على راسي واحترمها يعطيك العافيه

المهاجر
مشكوور اخوي على المرور الاكثر من رائع

ήθЃЩάĿ
06-12-10, 00:07
.




صصرآحة نفس تجربتي قبل سسنوآت بس بقسم الرجال
مع ان الممرضين سعوديين بسس صصرآحة وضع المرضى سئ جدآ
ملابسسهم واشكالهم صصرآحة شي يكسر القلب //
مدري بس يعني حتى علم التمريض بقسم المرضى النفسين يحتآج الكثير
لأنك ماتتعامل مع جسد او جروح اوكسور انت تتعآمل
مع نفسسية وهذي اصصعب من اي شي
صصرآحة ماقصرتن معاهن والله يجزآكن خير
ومدري وش عاجبهم بالمغربيات والفلبينيات
اللي مايخافن الله اجل تضرب مريضة !!




.

واثقه الخطى
06-12-10, 00:07
دانه

ااااااااامين ياارب

تسلمين يالغلا

سليط
06-12-10, 00:08
أحتسبي الاجر عند الله

وبالنسبة لتعميم الاشياء والاتهامات والحكم على كل الممرضات السعوديات أنهن فاشلات بالعمل ( غير مقبول )

ونفس الشي بالنسبة للمرضات الاجنبيات فيهن الصالح وفيهن الطالح

لكن المشكلة الاعظم وين هالمسؤلين مايضبطون الامور باداراتهم ويضعون حد للتمادي اللي يحدث ؟؟

والغريب أن المريضات ( حافيات , ولبسهن خفيف بهالبرد ؟؟!! ) كان هالكلام صحيح فهي كااااارثة بمعنى الكلمة ؟؟

وموضوع الاختلاط :) لاتعليق !!

وبالاخير الله يجزاكن خير في حسن معاملة المريضات

واثقه الخطى
06-12-10, 00:11
ήθЃЩάĿ

ايه يكسروون الخاطر

اللي مايلين قلبه ماله قلب يعطيك العافيه اخوي على المرور الرائع

واثقه الخطى
06-12-10, 00:12
سليط

جزاك الله خير يااخوي

وربي ماكذبت عليكم

والحمدلله محتسبات الاجر بس من القهر والكلام اللي يقال عننا قلت هالكلام

ام عبدالله.
06-12-10, 00:20
لا حول ولا قوة الابالله..
شي يقطع القلب..

حكايه مات راويها
06-12-10, 00:28
لاحول ولاقوة الا بـــــــــــآلله
من جد شي يقهر
الله يوفقك ويجزاك خير انتي وصديقاتي

عادي جدا جدا
06-12-10, 00:32
عادي جدا

مشكور اخوي
انا معاك فيه اختلاط بس مو لدرجه التعميم على الكل
حرام والله




راجعي الرد مره اخرىْْ./
قلت فيه موجب وسالبْ., + .... ــــ

واثقه الخطى
06-12-10, 00:34
راجعي الرد مره اخرىْْ./
قلت فيه موجب وسالبْ., + .... ــــ



ايه اخوي انا اقصد اللي يتكلمون عننا
وانا فاهمه وجهه نظرك وصح لسانك
وجزاك الله الف خير

ابو خالد حائل
06-12-10, 00:35
هذا كله بسبب الادراه
لوالاداره متشدده وتشوف كل شئ ماصار اللي صار

واثقه الخطى
06-12-10, 00:38
هذا كله بسبب الادراه
لوالاداره متشدده وتشوف كل شئ ماصار اللي صار

ماراح نسكت
راح نتكلم بهالامر معهم با\ن الله

شكرا على المرور

ولد النصر11
06-12-10, 00:38
وشو الي مستشفى النفسيات ,!

استخدمي لغويات نـآجحة ,!

عقب كل هذا
يجي واحد او وحده بالاخير يقول الممرضات السعوديات ماعندهن سالفه وسون وعملن
طيب لاتعمم على الممرضات كلهن
واذا شفتوا وحده اخطت بشي او كانت نفسيتها زفت

حنا مو مثل هالاشكال

انتم ماتشوفون هالايام هذي وش يسوون معنا من ناحيه الدراسه ؟؟
وربي يكرفوونا كرف بالكليه بس يبون يعلموننا وصرنا ندرس اكثر من الدبلوم ودراستنا خمس سنوات

لاننا حنا بكالوريوس وراح نتخرج اخصائيات تمريض ان شاء الله

وبالاخير مانلقى دعم من المجتمع اللي مايرحم ولايقدر
تعبنا وكرفنا ولاتقولون عشان رواتب وماادري ايش ؟؟
شغلنا يستاهل اكثر من كذا والمفروض توقفون معنا مو ضدنا

وبس حاطين حرتكم بالسعوديات
اما الاجنبيات حاطينهم فوق روووسكم ومتسترين عليهم

انا مااقول اخر شي الا حسبي الله ونعم الوكيل على كل من ظلمنا وشوه سمعتنا
واقوله اتق الله
ليش تعمم على الكل ؟؟
ابفهم ؟؟

^^

اول شي : كل جنسية وله عمله ,!

يعني حنا مانسب الممرضات ونعم فيهن ولكن وقت عملهن مو منـآسب الممرضة لازم تكون مداومه شفتات وفيه شفتات من بعد الساعه 12ص وهـذآ ليس من عادتنا أن تكون البنت السعودية خارج البيت بعد هذا الوقت ,!

وبآلنسبه لكلمك هل لديك مايثبت صحته ..؟

وبـآلنسبة لـ كـلأمك يعني مدري شلون جاي,!

على العموم يعطيس العافيه ,!

بالتوفيق ,!

واثقه الخطى
06-12-10, 00:51
ولد النصر

اولا

انت الظاهر ماشفت المواضيع اللي نزلوها هنا وردود بعض المتحجرين والحقودين

شفها وتعال تكلم بعدين



وبعدين اذا مو مصدقني رح شوف بعيونك ؟؟
ولك اللي تبي اذا طلع كلامي خطا

وبعدين انا مو قاعده بحصه تعبير او نحو

وماكتبت بلهجه غريبه

هذي لهجتنا

Cappuccino
06-12-10, 00:53
والله شوفي تعاملت مع تونسيات ومصريات وفلبينيا وهنديات وسعوديات

تلقين الصالح والطالح < بالنسبه للتعامل مع المرضى

الاهم انه يكون عندك انسانيه ورحمه بغض النظر عن الجنـــس والجنسيه والدين

والله يوفقكن

ذبحني حبه
06-12-10, 00:53
ياري بس ربي لاتبلانا

ولد النصر11
06-12-10, 00:55
ولد النصر

اولا

انت الظاهر ماشفت المواضيع اللي نزلوها هنا وردود بعض المتحجرين والحقودين

شفها وتعال تكلم بعدين



وبعدين اذا مو مصدقني رح شوف بعيونك ؟؟
ولك اللي تبي اذا طلع كلامي خطا

وبعدين انا مو قاعده بحصه تعبير او نحو

وماكتبت بلهجه غريبه

هذي لهجتنا


انا ماعلي من الردود ,!

انا علي من موضوعك انا كل الردود اضعهـآ جانبا ولا اتطرق لهـآ ,!

ولكن انك تتهمين بدون دليل فـآهذآ لأيجوز ,!

المتهم بريئ حتى تثبت أدانته !!!

وبـآلنسبه لـ اللهجة زي قولتك مستشفى النفسيه ,!

الطبي النفسي فـآهذآ يكون أطيب لـ النطق ولايوجد فيه تجريح ,!

وانا مازلت اقوول المراهـ السعودية لاتصلح إن تعمل كـ ممرضة ,!

تحياتي

واثقه الخطى
06-12-10, 00:56
كابتشينو

ايه انا مااهتم بهالامور بس يوم شفت ردود الناس بالمواضيع اللي نزلوها عنا وواحد حقير قاعد يسب السعوديات ويمدح الاجنبيات
انقهرت ونزلت الموضوع

شاكره لتس مرورتس



ذبحني حبه

ااااااامين

ولد النصر11
06-12-10, 00:56
والله شوفي تعاملت مع تونسيات ومصريات وفلبينيا وهنديات وسعوديات

تلقين الصالح والطالح < بالنسبه للتعامل مع المرضى

الاهم انه يكون عندك انسانيه ورحمه بغض النظر عن الجنـــس والجنسيه والدين

والله يوفقكن

لا ششلت يمينك يـآلذيب ,!

كـلأمك صحيح 100% ,!

ألـى ألأمام يـآلـ غ ـلأ ,!

تحياتي

ولد النصر11
06-12-10, 00:58
كابتشينو

ايه انا مااهتم بهالامور بس يوم شفت ردود الناس بالمواضيع اللي نزلوها عنا وواحد حقير قاعد يسب السعوديات ويمدح الاجنبيات
انقهرت ونزلت الموضوع

شاكره لتس مرورتس



ذبحني حبه

ااااااامين

من كـلأمك إن انزالك لـ هذآ الموضوع ليس لـ مصلحة ألمرضى المساكين ..؟

بـل من أجـل الرد على من كتب مواضيع أخرى ..؟

إختـي الكريمة نحن أبناء بلد واحد وشعب واحد ,!

من ألأفضل ان نكون على قلوب وحدهـ وليس على ميحدث ألأن ,!

لو كان موضوعك من أجل المريضات وليس الرد على الناس ألأخرين ,!

لكن ألأفضل ,!

يعطيك العافيه ولكن انصحك بـآن تكتبي مواضيع لـ فائدة شعبنا وليس من اجل الرد على الفرد ألأخ ـرى ,!

تحياتي

واثقه الخطى
06-12-10, 00:59
وشلون اجيب دليل يعني تبيني اصور المرضى ؟؟
ولا ايش .؟؟

انت تعال هناك وشووف

وبعدين كل الناس تقول مستشفى النفسيه حتى مدير المستشفى ؟؟

ولاتدقق الله يعافيك
حنا بوادي وانت بوادي

Cappuccino
06-12-10, 01:00
<هذا المستخدم شاب فني عاطل
فبلاش كلمه لتس

<< يووه يالروقان خخخخخ

واثقه الخطى
06-12-10, 01:00
افهما مثل ماتبي

عجزت ابيك تفهمني بس للاسف

تدافع عن اللي سبوونا

وانا مارضى ولا راح اسكت

واثقه الخطى
06-12-10, 01:01
كابتشينو
خخخخخخخخخخخخخخخخخخخخخخخخخ

تشوووفين ؟؟؟؟؟؟ هههههههههههههه

ولد النصر11
06-12-10, 01:02
وشلون اجيب دليل يعني تبيني اصور المرضى ؟؟
ولا ايش .؟؟

انت تعال هناك وشووف

وبعدين كل الناس تقول مستشفى النفسيه حتى مدير المستشفى ؟؟

ولاتدقق الله يعافيك
حنا بوادي وانت بوادي

ولله مشكلة اذا مديرة المستشفى تطلق هذي الكلمة على المستشفى ,!

طيب وش جنسية مديرة المستشفى ,..؟

Cappuccino
06-12-10, 01:03
وشو ( تشوفين )

انا شاب مو بنت < متعوب على شاب هههه

فهمتي شيء ؟

خخخخخخخخخخخخ

ولد النصر11
06-12-10, 01:03
افهما مثل ماتبي

عجزت ابيك تفهمني بس للاسف

تدافع عن اللي سبوونا

وانا مارضى ولا راح اسكت

إنا أنسان ليس معك وليس معهم انا مع الحق ,!

لعلمك انا ماشفت اي موضوع عن الي تقولين ,!

ولكن اذا حبيتي تدافعين في طرق أكثر من أنك تدخلين المرضى في أنك تدافعين عنهم ,!

واثقه الخطى
06-12-10, 01:04
مدير المستشفى وليست مديره المستشفى ؟؟

مستشفى النفسيه يقصد مستشفى الصحه النفسيه

وكل اللي حواليني يقولون مثل كذا
وماعمري سمعت ان اسمه طب نفسي

Cappuccino
06-12-10, 01:06
الا طب نفسي هو اسمه التخصص

يعني لما تتخصص ينقال قسم الطب النفسي

المستشفيات اسمها

مستشفى الصحه النفسيه

< مسوي جايب جديد

واثقه الخطى
06-12-10, 01:09
ولد النصر

شوف يااخوي
ادري انك مع الحق بس رح شف الموضوع اللي نزل عننا وشف رد واحد او وحده اسمه( لاتعتذر)
وفيه واحد منزل مووضوع عن هالعضو ورده
وربي كلام قووي

تدري وش يقول من كلامه

يقول انتن يالممرضات خدامات ومهمتكن تنظيف الوصخ
ترضاها انت علينا ..

وبعدين انا منقهره من اللي شفته بالمستشفى امس
وشفت ان المووضوع راح يحل قضيتين مهمتين ؟؟





كابتشينو
اووووووووووووه سوري سوري

اعذرني اخوي وربي على بالي بنت

بهالمنتدى عجزت لاافرق بين البنت والولد

تقبل اعتذراي

Cappuccino
06-12-10, 01:11
كابتشينو
اووووووووووووه سوري سوري

اعذرني اخوي وربي على بالي بنت

بهالمنتدى عجزت لاافرق بين البنت والولد

تقبل اعتذراي

ولايهمك بس لاتعودينها < يحقد خخخخ

ولد النصر11
06-12-10, 01:12
مدير المستشفى وليست مديره المستشفى ؟؟

مستشفى النفسيه يقصد مستشفى الصحه النفسيه

وكل اللي حواليني يقولون مثل كذا
وماعمري سمعت ان اسمه طب نفسي

يعطيك العافيه ,!

ولكن المستشفى لـ المريضات ولا المريضين ..؟

واثقه الخطى
06-12-10, 01:13
هاااااااه ابي رايكم باللي يقول

ان الممرضات خدامات ومهمتهن تنظيف الوصخ ؟؟؟

ولد النصر11
06-12-10, 01:14
ولد النصر

شوف يااخوي
ادري انك مع الحق بس رح شف الموضوع اللي نزل عننا وشف رد واحد او وحده اسمه( لاتعتذر)
وفيه واحد منزل مووضوع عن هالعضو ورده
وربي كلام قووي

تدري وش يقول من كلامه

يقول انتن يالممرضات خدامات ومهمتكن تنظيف الوصخ
ترضاها انت علينا ..

وبعدين انا منقهره من اللي شفته بالمستشفى امس
وشفت ان المووضوع راح يحل قضيتين مهمتين ؟؟





كابتشينو
اووووووووووووه سوري سوري

اعذرني اخوي وربي على بالي بنت

بهالمنتدى عجزت لاافرق بين البنت والولد

تقبل اعتذراي

لايحق له أن يقول خدمات ,!

فـآ يدرسن أكثر من 4 سنوات ويعتبرن تخرجهن بـآلدكتورات أو الماجستير ,!

ولكن نحن أكبر من هكذآ أختي ,!

وبناتنا مشالله عليهن مايهزهن ريح ,!

لكن خطا أنك تصححين الخطا بخطا اخر ,!

وليس كل من تكلم تنقهرين منه [القافلة تسير و..... تنبح ,!]

بـآلتوفيق لك أختي ,!

واثقه الخطى
06-12-10, 01:15
ولد النصر
حسستني اني مسويه جريمه وبالتحقيق خخخخ

بس مايخالف انا تحت امركم

المستشفى قسمين قسم للرجال وقسم للنساء

وحنا نطبق فقط فقط بقسم النساء والممرضين ماشفناهم ولا شافونا
وشف رد واحد من الممرضين وش قال عنهم بموضوعي اتوقع بالصفحه الاولى
وراح تصدق كلامي
لانك قبل شوي تقول جيبي دليل

ولد النصر11
06-12-10, 01:16
هاااااااه ابي رايكم باللي يقول

ان الممرضات خدامات ومهمتهن تنظيف الوسخ ؟؟؟

لايهم راينا ,!

في مواضيع من ألأفضل أن لانتطرق لهـآ ,!

كـل أنسان له راس وشخصية ,!

وليس كـلأم يغير الشخص وشخصيته ,!

فـآلي فاهم أن الممرضات خدمات يبي يبقى نفس تفكيرهـ لو مدري أيش حصل والعكس صحيح ,!

تحياتي

ولد النصر11
06-12-10, 01:17
ولد النصر
حسستني اني مسويه جريمه وبالتحقيق خخخخ

بس مايخالف انا تحت امركم

المستشفى قسمين قسم للرجال وقسم للنساء

وحنا نطبق فقط فقط بقسم النساء والممرضين ماشفناهم ولا شافونا
وشف رد واحد من الممرضين وش قال عنهم بموضوعي اتوقع بالصفحه الاولى
وراح تصدق كلامي
لانك قبل شوي تقول جيبي دليل

عندما تريد أن تحكم على شخص أو دولة بـآكملهـآ ,!

هل تحكم من كـلأم الناس ..؟


تحياتي

واثقه الخطى
06-12-10, 01:18
ولد النصر

مشكور اخوي على اهتمامك بالموضوع
واسفه اذا غلطت عليك بكلمه او شي من هذا القبيل

وردك اثلج صدري
لك خالص شكري وامتناني
وياليت الكل مثل تفكيرك

ولد النصر11
06-12-10, 01:19
ولد النصر

مشكور اخوي على اهتمامك بالموضوع
واسفه اذا غلطت عليك بكلمه او شي من هذا القبيل

وردك اثلج صدري
لك خالص شكري وامتناني
وياليت الكل مثل تفكيرك

لا ابد لم يرد منك أي خطا ,!

وانا احترم من يناقشني وحتى أن غلط علي لا اعتبرهـ في حقي لاني الان خارج عن كل شي فآنا اناقش شخص ,!


بآلتوفيق ,!

فمان الله ,!

واثقه الخطى
06-12-10, 01:21
طيب اخوي انت وش راح تخسر لو رحت بكرا وشفت بعينك

ماراح تخسر شي ؟؟

عشان تصدقنا
وانا مالي مصلحه اني اكذب

يمكن مسؤؤل يدخل موضوعي ويشوف وش يصير هناك ؟؟

Cappuccino
06-12-10, 01:22
هاااااااه ابي رايكم باللي يقول

ان الممرضات خدامات ومهمتهن تنظيف الوصخ ؟؟؟

والله شوفي بردي الاول قلت لك يبي للمهنه رحمه وانسانيه
اللي يقول خدامات قولي ايه خدامه لشخص عاجز افرح وانا اساعده وهو يشوفني العون الاول له
لشخص محتاج .. لكن الشرهه على اللي يرد على هالرد وهو يجيب لنفسه خدامه دليل انه عاجز
الشيء الثاني
لو ماكان فيه ممرضين وممرضات من بيقوم بدورهم ؟
الشيء الثالث والاهم
لاتسمعين لكل واحد لانهم يكابرون
تبين الدليل
خلي اللي رد عليك يصير فيه شيء هو او امه او ابوه او احد اخوانه
اول شيء يروح له بعد مايدخل المستشفى او المستوصف
التمريض سواء شباب او بنات

ياختي صدقيني التخصصات الطبيه بكل فروعها من الطب الين اخر تخصص
شيء انساني ويبي له انسان وسيع صدر ويتحمل
بكرا بتشوفين بعينك ان بيجيك مريض ويسبك ويجيك مرافق ويشتمك
بس لاننا نقدر وضعهم الصحي نمشيها لهم
وكثييييييييير لما يغلط علينا بعد مايتطمن على الحاله يرجع ويعتذر

تبين تلفتين لكل كلمه تنقال لك
ترى ماراح تطولين بتخصصك
فـ الافضل طوري نفسك وثقي بنفسك وبشغلك
ولاتضيعين وقت بمثل هالامور لانك ياما راح تشوفين وتسمعين

شاكر ومقدر لكم حسن استماعكم
وغدا الاذاعه مع صف اول / ب
< تحمس خخخخخ

واثقه الخطى
06-12-10, 01:25
اخ كابتشينو <<وركز على كلمه اخ يعني ماغلطت ههه

وربي كلامك عين العقل وانت صادق وكلامك ميه بالميه

صح المفروض مااهتم بكلام الناس لاني واثقه الحمدلله بنفسي

يعطيك الف الف الف عافيه على هالكلام الاكثر من رائع
لك خالص شكري وعظيم امتناني

واثقه الخطى
06-12-10, 01:27
اللي تحت وش قاعدين يسوون ؟؟
من الصبح اشوفهم هنا ولا رد ولا هم يحزنون خخ

حياكم الله بموضوعي
واللي بينام هنا تراه للايجار هههههه

واثقه الخطى
06-12-10, 01:31
خرووووج للنوم

واشكر كل من مر هنا

shhaab
06-12-10, 01:44
الأخت واثقة الخطى الله يوفقك وتتخرجين ويعطيك العافيه انتي وزميلاتك
اما مايحدث في مستشفى النفسيه وفي مركز التأهيل الشامل وفي كل المراكز الخاصه بأيواء المتخلفين عقليا والمعاقين الغير قادرين على حماية أنفسهم فحقيقة يندى له الجبين من تعامل سيْ وأهانه
ويجب على المسؤلين عن هذه المراكز الخوف من الله وتشديد الرقابه على الممرضين والعاملين ومحاسبتهم لأن هذه الفئه لاحول لهم ولا قوه والي يصير حرام حرام

أمل الانتظار
06-12-10, 01:47
دائما اسمع انه المرضى يعانون من سواء التعامل في مستشفى الامراض النفسيه ومستشفى الامل ..........

شتات الذكريات
06-12-10, 03:18
وش يجيب السعوديات للاجانبيات فرق بين السماء والارض
الاجنبيات قاسيات حسبي الله عليهن والله يشل يد هالفلبينيه
وجزاك الله خير

ساهر حايل
06-12-10, 04:09
أحتسبي الاجر عند الله

وبالنسبة لتعميم الاشياء والاتهامات والحكم على كل الممرضات السعوديات أنهن فاشلات بالعمل ( غير مقبول )

ونفس الشي بالنسبة للمرضات الاجنبيات فيهن الصالح وفيهن الطالح

لكن المشكلة الاعظم وين هالمسؤلين مايضبطون الامور باداراتهم ويضعون حد للتمادي اللي يحدث ؟؟

والغريب أن المريضات ( حافيات , ولبسهن خفيف بهالبرد ؟؟!! ) كان هالكلام صحيح فهي كااااارثة بمعنى الكلمة ؟؟

وموضوع الاختلاط :) لاتعليق !!

وبالاخير الله يجزاكن خير في حسن معاملة المريضات


كان فيه استاذ كبير اسمه محمد الراضي اكثر الله من امثاله ومن هم على شاكلته وكان ماسك المستشفى صح وكامرات مراقبه للمرضى لكن لم يبقى عندهم وهو الآن مساعد المدير العام بالمنطقه ..



ولا نعلم من يدير المستشفى حالياً , لكن ان كان كلام الأخت وانشاء الله انه صح فهو غير كفؤ للمستشفى ونسأل الله العلي القدير بأن يرحم ضعف مرضانا ..


اختي الكريمه احب ان اقول انكم على أجر من الله بما تفعلون وكثر الله امثالككم وانتم الأفضل دائماً فلالا يهمكم من يتكلم وهو بعيد عن هالمهنه العفيفه ..



موفقااااااااااااااااات اختي , والله يعينكن على أداء عملكن بما يحب ويرضى

نارسيسو
06-12-10, 04:11
قبل 10 سنوات او اكثر تقريبا كان مسئولي معهد التمريض يقومون بزيارات للمدارس بهدف ترغيب الطالبات بدخول المعهد ليصبحن فنيات تمريض فيما بعد
الان هناك اقبال كبير وكبير جدا على هذه المهنه الأنسانيه بالدرجه الاولى .. ومن من ؟؟
بدايه من بنات المدينه وانتهاءا ببنات القرى ..!!


المقصد من كلامي ان الغيره والحسد تملأ بعض القلوب فتقوم بالتقليل من شأن الغير وتصفهم بالخادمات مثلا
( كما سبق وقرأتي) .. هذا الشيء يجعلك تزدادين اصرارا ... اتعلمين لماذا ؟؟
لأن واثق الخطوه يمشي ملكا.. ولايهمونك اللي يقللون من شأن الممرضات السعوديات بالذات ..
كوني متأكده انك على صح ولن يصح الا الصحيح .. اما الفسادالاخلاقي بسبب الاختلاط فليس عذرا دائما .. لم ؟؟
لان الاختلاط في كل مكااان وزمااان حتى في الحرم المكي الشريف !!!
الخلاصه تقول ( كل اناء بما فيه ينضح) سواء حصل اختلاط ام لا !!
واللي منحرفه اساسا ماتحتاج مكان مختلط عشان تسوي اللي تبيه !!

من ناحيه مريضات مستشفى الصحه النفسيه .. ماكتبتيه يعتبر كارثه بكل ماتعنيه هذه الكلمه .. .. وبما انك وقفتي شخصيا على ماحدث .. فالساكت عن الحق شيطان اخرس .. ولابد من ايصال صوتكن للمسئول عن هذه التجاوزات اللا اخلاقيه بحق مريضات لاحول لهن ولاقوه ..
والله يقويكن على طاعته في السر والعلن .. ولا يضيع لكن تعبا .. وبالتوفيق الان كطالبات وغدا كملائكه رحمه باذن الله ..

طاقتن تسبدي
06-12-10, 06:44
يامليني يا واثقه وسسسعي صدرتس ولا يهمتس خلي يقولون خدامه ويقولون تخالط الرجال وش ماقالوا دام واثقه من نفستس وحاطتن مخافة الله بين عيونتس بالعكس انتي المستفيده ولله الحمد الواحد وش يبي من هالدنيا حسنات تجيتس وانتي غافله هذا يقذفك وهذا يسبك وهذا يتلفظ عليك غير الظلايم وكل شي حطوه بهالممرضات اللي ماحلمن بهم بس بالنهايه مايصح الا الصحيح مالهم غناة عن الممرضات السعوديات والاجنبيات ماهن دايمتن لهم الواحد لاتعبت امه ولا اخته واداه للمستشفى قال وين الممرضه وين الدكتورة مانبي رجل يكشف على حريمنا وهوبنفس الوقت يقلل من قدره عشان وظيفته لاتستغربين انتي بمجتمع متناقض
انتي بس احتسبي الأجر عند الله ربك ما يرضى بالظلم كل من قال وعمم حقك راح تاخذينه منه إذا مو بهالدنيا بيكون في الأخرة يوم لا ينفع مال ولا بنون إلا من أتى الله بقلب سليم
وبالتوفيييييييييق

بدوي الخطة
06-12-10, 07:19
صباح الخير
واثقة الخطى
اولا انتي تعملين بمهنة شريفة مهنة رفعة من شان بنت معوذ ورفيد
الانصارية,
مهنة كثير من الصاحبيات وجل نساء العرب قبلك
مهنة انسانية والجزاء من رب العباد,
المفروض ان كل هذا مفروغ منه ولاتناقشينة بموضوعك
وتجعلين تركيزك على سوءمعاملة المرضى واوضاعهم
السيئة وماشاهدتيه خلال الزيارة كما<<( تقولين)
للاسف مثل هذا كل يوم نطالعة بالصحف
وما احداث (اشهار) عنا ببعيد,

تحياتي لك لكل المحترمين
من الممرضين والممرضات,


بدوي الخطة

بس لحظه
06-12-10, 07:58
والله ي اختي انتن تقمن بعمل جبار

واننا نرتاح اذا شفنا ممرضه سعوديه على الاقل الي منك ابخص بك

على ان به البعض منهن تخرب على الباقيات ولاكن كل قاعده له شواذ

تلقاه متكشخه تقل جيتن يم عرس ماهو مستشفى ولا تطق خبر للمريضات

ولاكن انتم اشوى من الاجنبيات

والاختلاط الحين صار بكل مكان

وليت من مسك الممرضه الفلبينه ودق اصابعه بمطرقه على شان تمد يده

...أبو عجاج...
06-12-10, 08:59
شي يقهر وين المسؤولين عن هذا أو طايحين بالدبس ...
لكن ودي إنك تطمنين هالمريضات الكبار إن حقهن محفوظ وتبي تاخذه إن شاء الله يوم تقف هي والمسؤولين بين يدي الله عز وجل ...

قمراا
06-12-10, 14:19
الله يعينكم

أرهابي
06-12-10, 15:06
: )
الله يجزاتس كل خير خالتي : )
الممرضة أكانت سعودية أو مقيمة فهي عندما تخطي لابد أن تحاسب : ) هذا النظام موُ : )
ولا يوجد فرق بالتمريض بالجنسيات .. فهم أخذو على عاتقهم آمانة عظيمة ألقيّت عليهم : ) فلابد أن يكونو على قدر هذة الأمانة : )
وبخصوص التعميم .. فهذا خطأ طبعاً : ) والأختلاط بالتمريض موجود منذو زمن : )
فعليك ياخالتي أن لا تصغي لكل ما يكتب .. أذا كنتي وُاضعه أمام عينيك هدف معيّن فالمحبطيّن كُثر : )
<-- يا أنوُ تعب من هالرد بلكي ع الله نحصل من وُراتس كفالة بغمارتين اذا تعينتي خخخخخخخ : )

أسلمي وقلبه أرجنتيني
06-12-10, 17:48
آآآهـآإْ أنـآإْ الصرٍآآآآحـه تأثرٍت بالبدآيـه مـع القصـهـ عرفت ليش تخترٍعيِـنّ القصـه علشآآآن خـآطر الممرضآت السعوديآت اللـي عجوز تشحذهـآ مـآآآء تقوٍل ماني خدآمـه عنــدّكّ ..آمممممم شـيّ حلوٍ

وٍشــآكرٍ لـــ على القصـه المخترعه ــــك

ورق صيف
06-12-10, 18:09
اختي الحق ينقال الممرضات فيهن الصالح وفيهن الطالح ..

الصراحه مانسيت يوم اترقد بمستشفى حائل العام ..
ممرضه سعوديه سمرا الله يذكره بالخير.. ماادري هي موجوده اللحين او لا ..

شوفي اختي كل مجال عمل وقطاع معرض للانتقاد مهما كان ..

انا معلمه .. روحي شوفي المواضيع اللي بالقسم التعليمي سب المعلمات من معرفات الله واعلم هي بنت او ولد ..

لايهمك احد مهما كان !! اهم شي تخلصين بشغلك وتحتسبين الاجر ..

عوااافي

تناهيد الغروب
06-12-10, 18:47
الله يصلح الاحوال
عوآفي

alt20
06-12-10, 22:06
باختصار الشريفة شريفة والله لو تحطها بجمع من البشر ................واللي فاسدة لو تقفل عليه أبواب راح تفسد

أنا لو يحصل اتزوج ممرضة عادي ....الممرضة بنت ناس وشرف تقدم خدمة للمجتمع عظيمة( وتذكروا ايام الممرضات المصريات بحائل وش سوون)

مع عدم الانكار بسوء تعامل بعض الممرضات السعوديات ولكن التعميم بالحكم ظلم!!!!!!!!!!!!!!

حفظ الله بناتنا وسترهن

<عيووني لك>
06-12-10, 22:17
اي يا حياتي هن الله يكون بعونهم
حسبي اللله ونعم الوكيل

تغّير الوقت
06-12-10, 22:32
ياواثقة الشق اكبر من الرقعه الله لايرميك بيد امثال هؤلاء !
الا تذكرين فضائح مستشفى شهار بالطائف وتعامل البنقاليه مع النزلاء وكأنهم بهائم يغسلونهم جماعي وغير وغير....!!
هذه الفئه نسأل الله ان يطلف بحالها لانها فئه منسيه.
الشق الثاني من مااااااضووووعك:: اجابته للأسف ثقافة مجتمع ستتغير يوماً لكن ليس الان!
فتك بعافيه.

سعد السليطي
06-12-10, 22:40
لا حول ولا قوه الا بالله

كلام وزير
07-12-10, 00:08
من واقع التجربه انا اقول الممرضات السعوديات افضل بكثير من الأجنبيات وبالأخص عندما يكون التعامل مع كبار السن . اما عن الأختلاط فانا لاشاهد أختلاط صريح. اتمنى من المجتمع ان يعي دور الممرضه في عملها وماتناله من الأجر والثواب .... تقبلي تحياتي .

ساعة صفا
07-12-10, 00:26
الله لايوفق هالممرضات لا واللي باطن تسبدي اللي تقول ابيهن للبيبي دقم يدقم خشته

واثقه الخطى
07-12-10, 01:07
الى اسلمي

اقول تلايط بس
وشوف الردود اللي احسن من ردك
على بالك بتهمن انت وردك


الحمدلله واثقه من نفسي ومن وضيفتي
وحسبي الله عليك وعلى امثالك

درقن درقن
07-12-10, 01:19
كفو والله والله يكثر من امثالكن
اختي ماعليك من بربره الناس والهياط الفاضي انتي سوي الي يطلب منك ولا عليك من اي مخلوووووووق هذولا ناس فاضيه ماعندهم ماعند جدتدي سعدا الله يرحمه ههههههههه

واثقه الخطى
07-12-10, 01:21
درقن درقن

هههههههههههههههههه
الله يرحمها

يعطيك العافيه
الله يسعدك ويوفقك يااااااااااااااارب

شرفتني

غريب امرك يازمن
07-12-10, 03:58
لاحول ولا قوه الا بالله ان شاء الله صوتك يصل الى المسؤلين ويشوفون هالبشر الي لاحول ولاقوه لهم
جل احترامي لك...!

мσтмяđħ
07-12-10, 10:12
الله يعينكن ويأجركن على ماتقومن فيه ويبعد عنا هالاجانب ..

مالك الأحساس
07-12-10, 14:40
حـــيـــــاك الله أختـــي
أشــــكــرك ‘ عـلى أهتمامك
وأتمنـــــى أن يصل صــــوتك إلى المســـؤلين
لأن كل المرضاء االي في المستشفى في ذمـــتهم وراح يســـئلون عنه في يوم من الأيام

آآما عن موضوع الأختـــــلاط

لا أتمنى ولا أحب لغة التعميم هناك من مخلصه للعمل وهناك من تكون مقصره شي القليل
وهناك من تتجمل في المظهر لحسن نيه وهناك من تعف نفسها
والبنت الصالحه الذي ع خلق ودين أعتقد حتى لو كانت في أختلاط مع الرجال
قادره انها تكون عفيفه

أتمنى التوفيق لك

غاالي الاثمان
07-12-10, 15:22
واثقه الخطى


كيفك اختي


اولآ وقبل كل شي اتقي الله سبحانه وتعالى في اي كلمه تكتبينها لأنها محسوبه عليكِ


ثانيآ اي مريض نفسي توجد لديه هلاوس وضلالات ضد اي شخص من العاملين او اي شخص من اهله


وانا اجزم بأنك تعاملتي مع المريض النفسي كأنه شخص طبيعي وهو عكس ذالك وانتي كتبتي موضوعك لان ماعندك خلفيه عن المرض النفسي والعالم الثاني الذي هم يعيشون فيه


نسئل الله ان يشفيهم


وانا ارى ان اغلب كتابتك في الموضوع من باب الحقد على الفلبينيات


واتمنى من الله ان يكون تعيينك بعد التخرج في الصحه النفسيه ؟:icon7:

Cappuccino
07-12-10, 17:41
واتمنى من الله ان يكون تعيينك بعد التخرج في الصحه النفسيه

قيمتها انها ماتعرف تتعامل مع المرض النفسي
وانها تعاملت معه كـ انسان سوي ..!
وتدعي عليها مو لها .. تصير بالصحه النفسيه
يعني الاخ حــاقد ..
انا مايعنيني الموضوع انك دعيت عليها او لا
لكن من باب اولى انك ع الاقل انتظرت الين ماتتاكد من كلامها
خصوصا وانها قالت بيرفعن شكوى
والاهم من ذلك ان كان عندك دليل على انها مجرد مدعيه المفروض توضحه للكل

بس مااقول الا عجيب امركم يااهل حائل

جامعيه طموحه
07-12-10, 18:50
حسبي الله عليهم يارب

أسلمي وقلبه أرجنتيني
07-12-10, 19:23
الى اسلمي

اقول تلايط بس
وشوف الردود اللي احسن من ردك
على بالك بتهمن انت وردك


الحمدلله واثقه من نفسي ومن وضيفتي
وحسبي الله عليك وعلى امثالك




شآكر لـك رردك وتعاملك الرآقي مـع مـن هـم من يتصفحوٍن موٍضوٍعّكّ ...وحبيـت أقوولك لـيش عصبتي ؟ مآعصبتي على ردي عبـث

آنـا أسمـع قديمـآ كلآم الحـق يزعـل وشـي أشوفه بعينِـي مـآقدرٍ أكذبه وٍأنتِـي بنـت مـن آلآف الممرضآت السعوديـه ممكـن تكونين أنتي وأقليـه من صديقآتكّ بنسبـة لآتتجآوز الـ2 بالمئـه بـس من ردكّ عرفـتك والله يعيـن المرضــى عليكـم وعلى تعـآملـكّـــمّ وٍحسبـيّ الله عليكـّـــمّ ...،

انفرميشن
07-12-10, 19:52
حسبنا ونعم الوكيل

جزاك الله كل خير

ملك-7
07-12-10, 21:51
الله يجزاك خير ياختي .. ان شاء الله تتخرجين وتنفعين بلدك

بنسبه لسالفت مستشفى النفسيه ..الله يعين والله ضيم ..بس الشكوى الله ..

بس تصير باكبر المستشفيات لانه ليس هناك رقيب ولا حسيب على الممرضين..

اذكر حصل موقف مشابه لموقف الفلبنيه .. كنت مرقد بمستشفى حكومي شهير بالرياض وكنت متكسر ماقدر اقوم من السرير وكان فيني ليات ..
مادريت الى كائن شي تلني وقمت من الوجع وانا نايم تقريبن الفجر .. الى الفلبيني قدامي سحب الي بقوه من جسمي نظراته نظرات الحقد .. والله ماقلت شي لان مردي لهم ..

ع العموم اصابعك مهي واحد فيهم الصالح..

تحياتي لكي ولغيرتك ..

يامن سكنت الحنايا
07-12-10, 22:06
مايضيع حق وراه طلابه .......والمخطي ينال جزاه .....ومشكورات على جهودكن وعملكن الشريف ...والذي يلامس فئة بحاجه الى مثل دافعكن واحساسكن بالمسئوليه وهم مرضانا آآآآآآآآآآآ
اختي الكريمه .......
..وردا على الاختلاط وعملكن المهني الشريف للاقلام الناقدة الحاقدة ...اخي الحاقد >>(( من يقف مع اختك ...امك ....زوجتك ) وهي مريضة ...هل نستدعي ممرض ممثلا يعتني بهم

ننحن نفرح اذا شاهدنا سعودية تهتم بمرضانا ....هل الفلبينيه وغيرها من الاجنبيات لديها على الاقل حس مثل ما يوجد باحاسيس اخواتنا السعوديه

نسال الله لكم التوفيق في اداء رسالتكم وانهاء تطبيقكم على اكمل وجه ورزقكم الاجر والمثوبه

عبدالله الشلاقي
07-12-10, 22:37
بارك الله فيك يا واثقة الخطى !!

واحيي فيكم انتي ومن زار معك مستشفى النفسية
هالروح الطيبة والاخلاق ..و ان شاء الله ترفعون راس المنطقة
اذا وفقكم الله بعملكم الانساني ,,


والله التمريض النسائي شيء لابد منه ,,قلنا اختلاط ولا ما قلنا
وعلى قولتك هذي الاسواق رايحة وطي ,, وش له يفكرون باختلاط عملي
كهذا ,, مع العلم انه ما يسمى اختلاط حيث لكل جنس قسمه ,,

صراحة عن نفسي ,, اجد من الممرضات الاجنبية الاسيويات تحديدا
تسيب و اهمال في العمل وقلة خبرة ,, و زد على ذلك نوعيات خسيسة
عملها كممرضة ثانوي بالنسبة لأعمال اخرى تمارسها داخل المستشفى وخارجه
والكل يعلم ماذا اقصد ,,

والله العظيم قبل اكثر من عشر سنوات ,, يمكن ما كان للممرضة او الدكتورة السعودية
دور كبير ,, و لكن وجدت وانا صغير اثناء تنويمي بأحد مستشفيات المنطقة رعاية و تقدير
واهتمام على يد سعودية ,, ما كنت اعتقد انه ممرضة لأني ما اشوف الا الاجنبيات هم الممرضات

والعكس صحيح نومت في مستشفى اخر ووجدت اهمال كبيير وضعف متابعة وكانت الهنديات
مستيدات الموقف "ومحد يمنا"


ولكن بحول الله و قوته نشوف صعود الممرضات السعوديات والتي تقدر عملها
مع مغادرة اخر ممرضة اجنبية مهملة بعملها !!

واثقه الخطى
07-12-10, 23:21
واثقه الخطى


كيفك اختي


اولآ وقبل كل شي اتقي الله سبحانه وتعالى في اي كلمه تكتبينها لأنها محسوبه عليكِ

لهالدرجه مو مصدقني وضالمني
براحتك مااشكلت علي
ان شاء الله عمرك ماتصدق
انا وش مصلحتي اكذب واكتب كلام من عندي
روح شوف بعيونك وبعدين تعال انصح

ثانيآ اي مريض نفسي توجد لديه هلاوس وضلالات ضد اي شخص من العاملين او اي شخص من اهله
ايه داريه وعارفه ودارسه هالشي بالماده
والدكتوره قايله لي انها متعافيه ومابه البلاء والحمدلله

بس للاسف مااحد من اهلها جاء ياخذها
وضرب الممرضه لها راح يدهور حالتها

وانا اجزم بأنك تعاملتي مع المريض النفسي كأنه شخص طبيعي وهو عكس ذالك وانتي كتبتي موضوعك لان ماعندك خلفيه عن المرض النفسي والعالم الثاني الذي هم يعيشون فيه

وش درااك ؟؟ شايفني
نسئل الله ان يشفيهم
اااااااااااااااامين

وانا ارى ان اغلب كتابتك في الموضوع من باب الحقد على الفلبينيات

لا والله العظيم
انا نزلت هالموضوع عشان شفت موضوع سب للسعوديات واهانه لنا
وقلت جت الفرصه اني يمكن احل مشكله المرضى بالمستشفى

واتمنى من الله ان يكون تعيينك بعد التخرج في الصحه النفسيه ؟:icon7:

ااااااااااااااامين
لان دوامهم رووعه ووناسه الله يسمع منك :icon37:
ومنها اعتني بالمريضات اللي حبيتهم من كل قلبي وحبوني
وااي احلى دعوه :38::38::38::icon35:

مدينة الشوق
08-12-10, 15:03
ماقول غير الله يعينك ع ماكتبتيه ع سمية وحاشيتها بعد هالموضوع راح تجمعون وتحلفون من اللي كاتبه هذي سياستها الله يعينكن يابنات الكلية الصحية من وين تلقنها من سمية وحاشيتها أو من نظرة المجتمع لكم .الله يكون بعونكن .........

مميز المميـز
08-12-10, 15:06
انت الربحانه

ســـــعد الريـــــان
08-12-10, 18:14
واثقة الخطى
الله يثيبك على قد نيتك تماماً
وأرى من الموضوع بأن سبب نزوله لا يتعدى 3 اشياء
1- عدم إلمام تام بنوعية الامراض النفسية والاعراض التي تظهر على المريض النفسي , وكذلك عدم معرفة أن من الامراض النفسية الضلالات ضدك أو معك بمعنى احياناً المريض النفسي الذي سبب مشاكل لذويه يشوف بأنكِ انتي سرقتي امووووواله مثلاً ويحقد عليك بل ويحيك النوايا الخبثية ضدك وانتي كما تفضلتي طالبه او متدربه او امتياز او حتى موظفه لا تعرفينه الا بعد دخوله للمستشفى ,,,,,,,,,,,,كيف صرتي سارقه ياسبحان الله ..الله انعم علينا بنعمه لا يعرفها الا من يفتقدها بل ما يؤمن بها الا من يرى المرضى النفسيين شفاهم الله عاجلاً غير اجل ..
2-عدم معرفة بأن لكل مشكلة حل مهما كانت بشرط ان يتبع بحلها الطريق الصحيح وليس التشهير بمستشفى أنتِ لو لا قدر الله صار عندك مشكلة نفسية ستتجهين له ,,,,,, لو كنت مكانك لذهبت لرئيس التمريض او اتصلت عليه إذا لا تريدينه مثلاً ان يعرفك ونقلتي له ملاحظاتك كلها ولو لم يتجاوب لذهبتي لمدير المستشفى ولو لم يتجاوب لذهبتي للمدير العام للشئون الصحية د.نواف الحارثي ولو لم يتجاوب لذهبتي للإمارة وهكذا ستحصلين على ثواب مضاعف إن شاء الله ,,,,,,
3- من باب إظهار أن الممرضات السعوديات يعملن بإستعمال العاطفة وهذا شي لا يختلف عليه اثنان والان ليس مثل زمن فات كون في زمن سابق من تريد ان تخدش سمعة عائلاتها تعمل بالتمريض وإما الان العكس تماماً ولكن المجتمع ليس كله متعلم وليس كله سوي وبالتالي يصعب تعديله إلا بطريقة إثبات الوجود ياواثقة الخى ......صدقيني يا اختي الفاضلة بأن الممرضات السعوديات اثبتن وجودهن بشكل سريع نظراً لكثرتهن ولله الحمد والمنة ونظراً لقلة الفاشلات فيهن ولذلك صارت الممرضة أفضل من اي مهنة غيرها ...اتعلمين اختي بان موظفات البنك لا يغطن وجيههن اثناء العمل وتعلمين بان ذلك يسجل مدة بقائهن بالعمل ؟؟لكن هذا ليس ذنبهن ولا يعني اننا مخولين بان نقول بان شرفهن كذا وكذا ..لان الله يعلم ماتكن الانفس وماتعلن وشديد العقاب حينئذ ..


اختي يجب ان تعلمين بأني اعمل بالمستشفى ويجب ان تعلمين بأن عملي لله سبحانه وتعلمين بأني لستُ متضرر من ماتقولين ولكن للتوضيح ودلالتك على مايغيب عنك


لو قلتي سبب ردك
اقول لك بان بسبب أن اتهامنا ربما يضر ونحن نبحث من ورائه المنفعه غذا كان بغير محله ودون درايه او مصدر موثوق
تحياتي لك

ابله مزيونه
08-12-10, 21:53
شوفي حبيبتي الممرضه مثلها مثل اي موظفه واتركي الاختلاط على جنب حاليا كل العالم مختلطه
المهم فيهم السيئات المستهترات وفيهم القمه بصراحه من واقع تجربه كنت مع اختى كانت في حالة وضع
والقابله كانت هنديه ومعاها ممرضه سعوديه
كانت الممرضه السعوديه انواع التقرف وحاطه على خشمها منديل وكل شي وع وع بصراحه بغيت اضربها وينك ياملاك الرحمه
حتى اختى نفسيتها تعبت منها
كان في بنفس المستشفي بالكونتر ممرضه قمه ادب اخلاق تعامل احترام حشمه بصراحه افتخرت انها سعوديه
فخلاصة هالموضوع مانعمم في الزين والشين مثل اي وظيفه مثل المعلما ت وغيره
حبيبتي نصيحه لاتسكتون على الي شفتوه في المصحه النفسيه تعاونوا مع صحفي صادق يطلع الفضايح
اتمنى تقبلين مروري وتعليقي وعسي الله يوفقك

أبو علاوي
09-12-10, 22:40
حسبنا الله ونعم الوكيل
المفروض هالموضوع يوصل لجهات اكبر من ادارة المستشفى او اي مسئول
بالصحه .. المفروض يوصل للأماره

حرام والله

واليل له اهل هناك ياليت لايسكت

الله يشافيهم ياااارب ويعظم اجرهم

خآآآطرة عآآآشق
10-12-10, 20:01
حبيبتي نتششرف بمثلك من بنات منطقتنا تكون نيتها لوجه الله وربي يجازيها يوم الحساب
وانتي امششي صح وماعليك من كلام الناس الناس لما تقوم القيامه وهم يسسبون ومايعجبهم العجب وبعدين مافيها شي الصحابيات يعالجن المرضى بالغزوات والغزو كله رجال والرسول مامنعهن وقال اختلاط
بس اللي ساتره نفسسه ونيته زيينه يخسسسى احد يتطاول عليييه ....بعدين هاللي يسسبون الممرضات الشريفااات معناته هو ديوووث يرضى لمحااارمه يكششفون لممرضين اجانب رجال ولا كان يررضى ويقول الحمدلله فيه حريم يكششفن ن مرضانا
واذا هو يقول لا اوديهن محارمي لدكتورات اجانب مااقول غييير اللي مافيه خيير لاهله واهل ديرته مافيه خير للناااس بالعررربي(مرفووع عنه القلم)
ولاتحسسبووني رديت انا بنفسس القسم لا ابشركم متخرجه واقتصاد منزلي بس يقهررن الهياط اللي مثل وجييههم مايحسسون بالمعاناة اذا رحنا المستشفى ندور دكتوره شاطره وحرمه ..ويلا سلااااامووو

جديد
11-12-10, 15:29
واثقة الخطى / تقولين :

عاد حنا ناويات نسوي لهم حفله الاسبوع الجاي وراح احاول اخذ صور وانزلها لكم هنا تشوفونها ))

بغض النظر عن سوء أو حسن النيه في طرح الموضوع هو موضوع انساني بامتياز

ولكن بخصوص الصور وتنزيلها (( انتبهي ياواثقة الخطى لخطاك ))

رومـآنتك
12-12-10, 15:41
السسسلآم عليكم

اولآ انا سجلت عشـآن هالموضوع ...

اختي واثقه الخطى حنـآ كلنا نزلنـآ معك المستشفى ليه ما شفنـآ اللي انتي شفتيه ؟؟

بعدين انتي بمستشفى ( نفسيه ) و اتوقع الدكتورات تقطعن وهن يشرحن الحـآلآت و بغض النظر عن شرح وحتسي الدكتورات
المفروض انك جـآيه للدكتوره ومنـآقشتهـآ كثره البلبله مـآلهـآ داعي


والله والله والله اني لااذبحها انا مريضه والمريض مرفوع عنه القلم ولو يودوني اعدام ماعندي مشكله
لان الموت ارحم لي من العيشه هنا


<< لآ تعليق


و سـآلفه الدكتوره المغربيه والدكتوره ةالثـآنيه لآ تمت للحقيقه بصله مو نـآقصهم شي عشـآن تقولي يـآخذو حـآجيـآت المريضه


عاد حنا ناويات نسوي لهم حفله الاسبوع الجاي وراح احاول اخذ صور وانزلها لكم هنا تشوفونها

<< انتي مـآلك اي احقيه انك تصوري او تنشري عورآت مرضى على كذا انتي مو كفو تصيري ممرضه تحـآفظ على عورات المسلمين والا تحسبين مرضى خـلآص عـآدي



عمومـآ حسسبي الله ونعم الوكيل

انتي حطيتي نفسك بمشكله اكبر منك اذا انتي قد كـلآمك و وآثقه بنفسك بقووه وان كل اللي قلتيه صايـر حقيقه اتمنى من كل قلبي انك تقولين انـآ فلآنه والا تروحي للدكتوره بنفسسك وتقولين لهـآ على اللي صـآر


و احب اضيف ان مستشفى النفسيه بغض النظر على اللي مكتوب هو احسن مستشفى من نـآحيه الاستقبـآل ومعـآمله الاداريين والدكـآتره ومـآ نقلل من حق المستشفيـآت الثانيه

بس مستشفى النفسيه مـآله مثيل بالمعــآمله ولو بشكرهم من هنـآ لبكـرآ مارح يكفيهم ..

الله يوفقهم ويعينهم ويجزيهم الف خييير واعذرونـآ على التقصير واللي صـآر غلطه من وحده تمثل نفسهـآ فقط

واتمنى انهـآ تكشف هويتهـآ وتريحنـآ

اللهم استرنـآ فوق الارض و تحت الارض و يوم العرض ~