المساعد الشخصي الرقمي

مشاهدة النسخة كاملة : يالمجلس البلدي!!! بدل الدخان أمنعوا الأفغان من!!



ساري200
30-12-09, 23:43
السلام عليكم ورحمة الله وبركاته
سواقة الدينات وتحميل البضايع شغله متيسره وسهلة المنال على من يريد العمل الجاد شدوا حيلكم ياأعضاء المجلس الموقر وابحثوا عن مايعين شباب حايل مثل مايمنع الغير سعودي من بيع الخضار والفاكهه كذالك قيادة الدينا وشيل المقاضي والبرسيم وغيره مما يتمتع به جمع غفير من أخواننا الأجانب !! هذي اللي كل الناس بيقولون يعطيكم العافيه حليتوا مشاكل بيوت مايلقون ماياكلونه ويدعون لكم وبعدين الدخان والدخان وآخرته يباع وكأن شيً لم يكن كل التحايا لمن يبحث عن مايعين الناس على قوت يومهم /// عاد هالحين ودي بآرائكم يالغالين

درع سلمى
31-12-09, 00:33
والبنغاليه ...

واليمانيه ..



والدشير ..

حزب البعث
31-12-09, 04:35
والبنغاليه ...

واليمانيه ..



والدشير ..


عفيه ... عليك اشكرك بقوه

رجل من اقصى المدينة
31-12-09, 06:53
تصدق الاحظ ان عيونهم قويه على المستضفين اهل البلد ولا الاجنبي يمرح ويسرح واحد يقسم ان دخل رفيقه يقول رفيقي وصديقي الشهري 30الف وهو افغاني الجنسية ..

حنا على فضل الله سبحانه ثم هالرويتب اخر الشهر
والبعض حتى الرويتب ماعنده

تاون كار }
31-12-09, 07:03
و الله شي يقهر و يحز بالنفس الاجانب سيطروا على كل شي بالبلد

لكن خلنا واقعيين شوي لو منعوهم كان علوم

ما اقولك مافيه شباب تبي تشتغل بس قليل و ما يغطون الاحتياج

و اكبر مثال السطحات

قبل نهون
31-12-09, 08:59
اقتراح جيد تشكرعليه00

ĻετĶ Μ3ε
31-12-09, 09:22
.


يعني تبيهم يمنعون البنغاليه مثل مامنعوا الدخان !
يعني وصلت بك الثقه بعيال حايل انهم راح يمدي يصيرون بدال البنغاليه
والله ان شرهتك تسايده

.

ساري200
31-12-09, 14:55
والبنغاليه ...

واليمانيه ..



والدشير ..

صدقت يادرع سلمى
بس حنا نحاول نبحث لمجلسنا الموقر عن الحلول السهله واللي بسرعه الشباب يتقبلونه ومثلك عارف أكل العنب حبه حبه شكراً على المرور الخفيف

رشودي 2010
31-12-09, 14:58
والبنغاليه ...

واليمانيه ..



والدشير ..

اماا ابو يمن هذوول يازين كرشتهم من السعودييه هم سبب التخلف بالمملكه وخاصه .[بالاسواق].والنصب على الحريم واكبر دليل .[محل ..الحسون ..] ببرزان ونتم ادرا بسوالفهم

الراوي 28
31-12-09, 15:42
أقول ليما بس نستجوب مدير البلدية و الجوازات بحايل
ونفتك منهم

http://www.vb.fadhaa.com/image.php?u=57206&dateline=1231924749

رشه عطر
31-12-09, 16:02
المهم ان السعوديين ما يرفعون الاسعار مثل ما صاير باسعار الماء
الباكستاني يبيع الوايت 80 ريال السعودي 120
التجاره شطاره وصبر وعدم طمع
الديره فيها خير وتسع الجميع المهم الهمه
بعد حي

ابو محمد طلال
01-01-10, 20:53
اقول امطر يحمار يجاك الربيع على شان يمنعون البنغالية

مجهول الهويه
01-01-10, 21:45
جميع الأنظمة لا تطبق إلا على السعودي , أما بخصوص الأجنبي فهو يسرح ويمرح لا حسيب ولا رقيب عليه

ساري200
01-01-10, 23:22
الشكر الجزيل لكل من عقبّ على هالموضوع وبخصوص تفاوت أسعار السعودي والغير سعودي كان بودي لو الشخص اللي هذا تفكيره يسأل نفسه وعن كيفية معيشته ومعيشة الغير سعودي . أفضل مكان لتكاثر الأجانب هي السعوديه والسبب معروف "التوفير" ماعنده أي شي يصرفه فقط تحويل لبلده وعلى حساب مستقبل شبابنا

سمو
02-01-10, 07:13
والله الصراحة يستاهلون الافغان

كل خير ياخي السعودي يجيك

رافعن خشمه وعزيزت نفسه تقل مغصوب

واذا كان معه اي شي محمل ماينزله والى يقولك جب لك احد ينزله

اما الافغان ارخص منهم وبنزله لك وهو مبتسم ويضحك معك

دمتم بود

ستل جناحة
02-01-10, 09:25
فهمتك عليك أخوى ببساطة نشيل 8000000 مليون أجنبيى الى مايستفيد منهم البلد ونعين بدالهم سعودين السعودين الى عاطلين عن العمل من عشر سنوات مالقو وظائف ماسكين سراء .... وبكذا نحسم أمر البطاله الى عجز عنها القصيبي


ممكن يصير وممكن ما يصير .....

العدهي
02-01-10, 20:40
اتركوا الحسد

ماغير هم وغم ياخي الله يرزقهم

وش تبون فيهم

خالد فهد الرشيد
03-01-10, 13:21
اقتراح جيد تشكرعليه00

ساري200
03-01-10, 22:00
أقول ليما بس نستجوب مدير البلدية و الجوازات بحايل
ونفتك منهم

http://www.vb.fadhaa.com/image.php?u=57206&dateline=1231924749

الراوي حلوووووه نستجوب هذي لحاله للجيل اللي مانولدو تصير معهم أقول شرهتك كبيرة بالحيل يالغالي مانبي أستجواب نبي منهم الصدق والأمانه مع اللي رشحوهم قال تعالى في محكم التنزيل "...خير من أستأجرت القوي الأمين " صدق الله العظيم