المساعد الشخصي الرقمي

مشاهدة النسخة كاملة : والله حرام عليكم يالتربيه والتعليم



ورق صيف
20-10-09, 11:31
وش هالظلم ... وش هالاجحاف في حقنا ...

ياوزاره الظلم ؟؟؟؟؟؟؟ ياوزاره سلب الحقوق ... والله حرام عليكم ...


حتى التعاقد لازم اثبات اقامه ؟؟؟؟؟؟؟؟؟


طيب واللي مامعه اثبات اقامه لاتعيين ولاتعاقد ؟؟؟


يعني التعيين والتعاقد صار من حظ بنات القرى ههههههه

وحنا يابنات حائل وش نسوي نصور مع شهاداتنا ؟؟؟؟

ولا نعلقها تحفه نشوووفها كل يوم ونتحسر ....

طيب عدد بنات حائل اضعاف عدد بنات القرى وين يتوظفون ؟؟؟؟؟؟؟؟؟


ياعالم صار هم وزاره التربيه والتعليم ... اثبات الاقامه ...


صار اهم من التقدير والمعدل ؟؟؟؟


يعني انا تقديري مرتفع اقعد اندب حظي لاني من حائل وماعندي اثبات اقامه بالقرى ...

وغيري تقديرها مقبول ولها سنين تحفر وتدفن بالكليه تتعين وتتعاقد ...وتصير احسن مني ..



اااااه يازمن العجايب ... اه ياوزاره التررررررررررررراب ..



حسبي الله ونعم الوكيل عليكم ؟؟؟

راعي الخلفات
20-10-09, 11:42
ورقة صيف بهدوء فقط تذكري أن لها كل الحق في التعاقد مثلما لك بالضبط

اسير الولــه
20-10-09, 11:46
طيب ضعي نفسك مكان بنات القرى

راح تقولي العكس


كل يغني على ليلاه

بطبعي وفيه
20-10-09, 12:06
أغلاق مدرسة دريميحة التابعه لمحافظة رياض الخبراء في منطقة القصيم أسبوع كامل لوجود أشتباه بأصابة عدد من الطالبات بأفلونزا الخنازير وبلغت نسبة غياب الطالبات لهذا اليوم 38%وجاء هذا القرار بعد أتصال هاتفي أجراه مدير عام التربية والتعلم بالمنطقة مع مديرة المدرسة

اسير الولــه
20-10-09, 12:35
أغلاق مدرسة دريميحة التابعه لمحافظة رياض الخبراء في منطقة القصيم أسبوع كامل لوجود أشتباه بأصابة عدد من الطالبات بأفلونزا الخنازير وبلغت نسبة غياب الطالبات لهذا اليوم 38%وجاء هذا القرار بعد أتصال هاتفي أجراه مدير عام التربية والتعلم بالمنطقة مع مديرة المدرسة


؟؟؟؟؟؟؟؟؟؟؟؟؟؟؟؟؟؟:38:

بكل برود
20-10-09, 15:05
حسبي الله عليهم هذا اللي نقدر نقول

حفيدالحجي
20-10-09, 22:38
كلامك صحيح


وبنسبه لمن يقول لهم حق مثلك أنا أقول ليتهم يعتمدون على الترتيب وعلى المفاضلة وليس على السكن وتتساوى الفرص كلنا سعوديين لماذا هذه التفرقة بين البشر !!!

نقطة أخرى هي إن بنات القرى لديهم أكثر من فرصة في حائل وفي المندوبيات بعكس بنت المدينة التي لبس لها فرصة إلا في المدينة .


خاتمة \\
أين من يدعي المساواة بين الرجل والمرأة عن التفرقة بينها وبين الرجال في الوظيفة فالخريجة يشرط عليها الإقامة والمعلم يسقط هذا الشرط .

جنى الورد
20-10-09, 22:45
يابنات بالضوابط اللي من الوزاره مابه شي اسمه اثبات سكـــــــــــــن

الاشراف بالحايط حط هالشي مت وانا اقول حاقديييييييييييين على بنات حايل عشان بناتهم

لا ورافعين قضيه ليش بنات حايل يتعينون عندنا وهم ليش بناتهم يدرسون عندنا

المفروض حتى الدراسه والكليه ماتقبلهم الا باثبات سكن

ولاهم يدرسون عندنا ومانقول شي ويحسدوننا اذا قدمنا على الحايط

شمس لاتغيب
21-10-09, 01:29
تكفين لاتشكين لي ازنه واصيح عندتس

نطرد مع مع ان حسب الاولويه من حقناعشان اثبات اقامة

طيب الاخ الي يقول حطي نفستس مكانهن يا عله با العافيه عليهن

بس من يحط نفسه مكاني لابديرتي لي مكان ولا بقرياه وين نذلف اجل

لا وشين وقوة عين

اذا جيت تفاهم مع الادارة يقضبونك الباب وصجه ولجه بعد لاتقدير ولا احترام

وما الومهم افضل وسيلة لدفاع الهجوم

هو صادز ابوي يوم قال الدعوى دبور

بانت سعاد
21-10-09, 02:04
والله حالة

نفهم من قرارات الوزارة ان النزعات العرقية والفصائل لها دور كبير

وبدل ما الوحدة تجتهد في تحصيل المجموع تجلس تندب وتقول ياليتني حايطيه ولا رشيدية مع احترامي لهالعشائر ، بس هل يعقل!!!!

اذا كان لك اقدمية في التخرج ولديك خبرات ومجموع عالي وحاصلة على نقاط عاليه من الدورات التدريبية فهذا لا يهم ما دمت لست حايطية او .. او .. او .. والحل

لاتيأس !!! كتاب يمدحونه

على الاقل لو تحتسب الاقامة بنقاط كان عديناها بعون الله لكن المشكلة ان الاقامة اصبحت فوق كل شي،، اصلا بعض مؤهلات المتقدمات على القرى تعتبر مكسب لاهل القرية او المحافظة,,

الشاي الأخضر
21-10-09, 02:58
تكفن خلاص تروني تعبت تذكرت مذاكرة الكلية والدورات التي دفعت عليها دم قلبي وسنوات الخبرة اخر شي يتم استبعادي اثبات اقامة وغير كذا مافية تعاقد قهر ناااااااااار تحرق صدري لية التعب واخرتها نجلس بالبيت
حسبي الله والنعم الوكيل عليكم

ورد و عطر
21-10-09, 03:20
المفرووض التعيين يتم حسب المعدل
ندرس ونتعب وبالاخير نجلس

وبعدين الجايط لية يبون يشتكون؟؟
طيب نص عيالهم موظفين هنا ليش مايتوظفون بالحايط؟؟
اوووه او مابوة
طيب حنا مابوة وظايف بحايل

رواسي
21-10-09, 09:41
طيب البنت اللى من الحايط وتتعين بالحايط من راح تدرس؟؟؟؟؟؟؟؟؟؟؟
اكيد خواته وبنات عمه وبنات خاله وبنات جيرانه
واااااااااااااااااااااااااو وناسه مراح احط يسقط ابد لا بنتهم هي اللي تدرسهم يعني غصب ناجحين
واللى ما ينجح ياقرده يشرهون عليه
وبنات الحايط والقرى اللى بالكليه بعد وناسه لا تجتهد ولا تذاكر والسنه بسنتين او اكثر كله عادى ضامنه وظيفته بثبات السكن ولا احد عليه من تقديره او مجموعه متى ما خلصت كليه وظيفته جاهزه تستناه

ياليتن من بنات القرى كلمه كل يوم اردده واحلم به

بكل فخر حايليه
21-10-09, 10:28
وبعد سنه دراسيه وبعد اثبات الاقامه تتقدم المعلمه الى نقل اة تقريب لمنطقه اخرى !!!!!!!

لماذا تثبت الاقامه اذا انها تريد النقل ؟؟ !!

الشغله كلها واسطات بواسطات

ويفترض منع نقل اي معلمه اثبتت اقامتها الإ بعد 5 سنوات لكي يتيح للجميع فرصه التعين

ولكن المسئولين نايمين بالعسل

AMANE
21-10-09, 10:33
يوم رحت للإشراف بالحايط قالت لي وحدة منهم بالحرف الواحد ووالله ما أزيد على كلامها شيء :

إنتم يا بنات حايل تبون تتوظفون عندنا وبنات البلد جالسين ببيوتهم بنات البلد أحق منكم بالوظايف

ما أدري متى صارت الحايط بلد مستقل عن حايل !!!!!


سبحان الله الحسد

اللي يسمع كلامها يقول إني سيرلانكية أو هندية داخلة للسعودية تهريب وجاية أبتوظف عندها وهي اللي تدفع لي الراتب

الله يغنينا عنك إنتي وأشكالك


وفوق هذا قلة أدب مع المراجعات وبالذات بنات حايل


أجل لو هي وزيرة وش بتسوي ؟؟!!!


أصلاً ما علّمها تقرأ وتكتب هي وخواتها وبنات عمها وخالها إلا بنات حايل



حسبي الله على كل حسووووووووووود

بكل برود
21-10-09, 15:29
خلاااااااااااااااااااااااااااص تعبنا من هالسالفه كل ما تذكرت اني خلااااااااااااص مستبعده اموت من القهر

سلام100
21-10-09, 17:45
يابنات بالضوابط اللي من الوزاره مابه شي اسمه اثبات سكـــــــــــــن

الاشراف بالحايط حط هالشي مت وانا اقول حاقديييييييييييين على بنات حايل عشان بناتهم

لا ورافعين قضيه ليش بنات حايل يتعينون عندنا وهم ليش بناتهم يدرسون عندنا

المفروض حتى الدراسه والكليه ماتقبلهم الا باثبات سكن

ولاهم يدرسون عندنا ومانقول شي ويحسدوننا اذا قدمنا على الحايط


:icon27::icon27::icon27::icon27::icon27::icon27::icon27::icon27::icon27::icon27:

جنى الورد
21-10-09, 19:43
آآآآآآآآآآآآآآآآآآآآآآآآآه عشان تتاكدون من كلامي انا كنت مدرسه هناك العام تعاقد للاسف

حقدهم باين من اول يوم جيت فيه وسؤالهم لي دايم كم راتبك ؟؟؟؟

تقل يعطوننا من جيوبهم ولا قلت خصمو علي هالشهر من راتبي يقولون احسن حيل الله اقوى

وربي هذي كلمتهم لي

والله يذكر الطيبين منهم بالخير ولا يحل اللي كلوني بقشوري منهم

بس بردت قلبي بهم اخر يوم لي بالمدرسه قبل اتركهم عطيتهم درس ماينسونه هالاستغلاليين