المساعد الشخصي الرقمي

مشاهدة النسخة كاملة : كلوا واشربوا هنيئاً يا أهل حائل .. وناموا على جانبكم الأيمن ..!!



Maestro
09-08-09, 19:36
السلام عليكم ..


قبل ان اذكر الموضوع لابد لي من ان اكر لكم قصه حصلت لي ..


انا موظف في أحد القطاعات الحكوميه .. ولابد من هذا القطاع ان يوفّر عاملين او ثلاثه


احدهم لتصليح القوه والشاي والاخر لتنظيف المكتب ودوارة المياه " أعزكم الله "


في أحد الأيام عندما كان فتره دوامي " ليليه "


شعرت بالجوع .. فإستأذنت للذهاب لأحد المطاعم القريبه ..


دخلت الى المطعم " الشهير " الذي يرتاده الكثير من هذه المدينه لطلب المأكولات الطازجه واللذيذه


وبعد ما وصلني الدور طلب لي 3 بروستود و4 برجر وببسي عائله <<-- لازم اذكر الطلبات عشان تندمجون مع القصه



وحين انتظار الطلب ومن دافع الفضول .. قلت خلني اخذ جولة من الداخل ابي اشوف وشلون يصلحون الأكل ..


استأذنت من مدير المطعم وكان من العماله التركيه .. ولكنه قال انه ممنوع دخول اي شخص للداخل ..

وان هذه هي تعليمات صاحب المطعم .. " طبعاً انا دريت انه يكذب لأن صاحب المطعم انا اعرفه نايم بالعسل وممشي النظام بالنسبه واخر همه ما يحدث بالمطعم واهم شي عنده كم يقبض منهم اخر الشهر "


المهم ..

بعد محاولات منه لردعي .. دخلت من ورا خشمه .. والله العظيم يالربع ان الباب كان مغلق ..

وانا افتحه و بحكم اني طالب " بروست " كنت ناوي اشوف وشلون يسوونه ...


صدمت حين رأيت كيفية التصليح ..!!


4 من الجنسيه البنقاليه ..يمسكون الدجاج بدون قفازات .. وييدمونه بخلطتهم السريّه ..!!


واكثر شي فجعني .. صديقي البنقالي .. المختص في تنظيف الحمامات اعزكم الله .. هو المشرف على طبق البروست ..!!!

و2 ماسكين قسم الهمبرجر .. وجالسين يقطعون في الخبز والدجاج بطريقه مقززهــ ..!!

و2 كل واحد مفسّر و" مدعّس " يدهـ الوسخه داخل العجينه عشان يولمونها للفطاير ...!!


يــــاااااااااااهـ والله يالربع اني من شفت المنتظر زامت تسبدي ... وانا افقد اعصابي ...

وانا اسوي لجّه داخل المطعم ...


سألت الشرذمه المتجمعه .. وقلت كيف تسوون الأكل بدون أي قفازات .. قال واحد منهم

" انا صديق لازم قبل نظّف يد انا بدين انا في سوي كيدا "

طبعاً التفت على صديقي البنقالي " منير "

قلت انتا كيف في صباح نظّف حمام .. وبعدين يجي بالليل سوي برستد ..!!

طبعاً ما رد علي ..


دخل علينا المدير " التركي " وقلت له وين النظافه .. وكيف تسمح للعمال يعملون الأكل بدون قفازات


رد علي بكل برود وقال ...


حنا اكلنا نظيف والعمال قبل لا يدخلون هنا لازم ينظفون يديهم ..


قلت له انا ماعلي منهم ينظفون يديهم وغصب عليهم ماهو تكرماً منهم ,, وكيف نظيف وهم يسوون الأكل بهالطريقه

لازم انكم تجيبون قفازات للطبخ .. انا وش يظمن لي ان هالانسان مو مريض .!!


وبعدين انت موظّف واحد عندك يشتغل عندنا بالصباح في تنظيف الحمامات .!!!!!


قال بكل برود .. القفازات موجوده عندنا لكن ما يلبسونها الا نادراً .. وبالنسبه للعمال كل واحد قبل لا يدخل لازم ينظّف يديه وهذا قسم غسيل اليدين وهذا الصابون ..!!


وهذا بلا ابوك ياعقاب ...


العدّه موجوده ولكن ما يستخدمونها وكل هذا استخفاف بصحة المواطن


اهم شي الريال .. والباقي ماعلينا منه ..


قال التركي .. شو انت موظّف بالبلديه ..!!


قلت له ماهو لازم اصير موظّف بالبلديه .. وانا طالب من هنا ولازم اشوف شغلكم ونظافتكم

لكن للأسف مطعم وسخ مع درجة الشرف ..

قال ازا ما بدّك مو لازم تاكل من عنّا روح دور مطعم ثاني ..


الغيت الطلب وفضحت فيهم شوي قدام الزباين .. ومشيت ..



رحت لأحد المطاعم الامريكيه .. وطلبت .. وأثناء رجوعي مريت من عند المطعم ووجدت ان الزبائن اللي حظروا

اثناء الهوشه والكلام .. جالسين للحين ينتظرون الطلب ...!!



فعلاً فيه ناس أهم شي انه ياكل .. وماهمه طريقه التحظير .. يعني لو تجيب له " ز.." ماعنده مانع ياكله ...



طبعاً ققصي واجد مع المطاعم ولكن هالمره هذي فجعت لأني شفت المختص في تنظيف الحمامات

يشتغل باللليل في تحظير البروستد ..


وفيه مثل هالحالات كثير كثير كثير ...


.. لو ان الاغلبيه لو حاول يشوف طريقه تحظير كل أكل في كل مطعم


كان انهبل من الحاجات الي يشوفها ..

ولكن الاغلبه يطلب وينتظر الطلب .. وياكل بدون أي معرفه في طريقه التحظير ...


وهذا دليل على اننا بس نبي ناكل وماهمنا النظافه ... ويجي بنقالي او تركي ويبربس علينا

وماهم الا انه يجمع فلوس .. لو يطبخ على الأرض ماعنده مشكله ..


وصاحب المطعم ممشي النظام بالنسبه واهم ماعليه ياخذ الفلوس اخر الشهر..


على العموم ...


اتمنى من البلديّه ان توظّف متطوعين وتسلحهم بكاميرات .. بحيث يقيمون جولات على المطاعم

واي شي يخل بالنظافه يصورونه .. عشان تكون حجّه على صاحب المطعم .. اثناء القفل ..



وانا اول المتطوعين ....

ابو باكوره
09-08-09, 19:40
يا خي قصة كملت بس لوتقول اسم المطعم

العدسه
09-08-09, 19:47
الشكوى لله

البلديه نايمه بالعسل



يا خي قصة كملت بس لوتقول اسم المطعم

مثل ما قال الرجال يا ليت لو تقول اسم المطعم :)

ســراب
09-08-09, 20:01
الله يقرفك سديت نفسي

لحظات المغيب
09-08-09, 21:26
الله يعين
تعودنا على هالحركات

أبو فيصل 99
09-08-09, 22:45
ما انشار الأمراض المعوية بالناس إلاّ وأحد أسبابها أكل المطاعم .. لا بارك الله فيهم

نطالب باسم هذا المطعم الوصخ