المساعد الشخصي الرقمي

مشاهدة النسخة كاملة : هذا ماقاله لي عسكري أمن الطرق في كبري العدوة !!!



ايميل
20-07-09, 11:13
باختصار يااعضاء منتدانا الغالي



اوقفني عسكري امن الطرق في كبري العدوة امس وانا قادم من القصيم وقالي الرخصة والاستمارة واعطيته وقالي وقف على جنب وقفت ورحتله لقيته يحرر مخالفة سرعة ب 125 كم/ساعة وقلتله ماهي مستاهلة ماني مسرع لهذيك الدرجة .... طبعا مارد علي نهائيا !!!!!!!!! وسألته بالله عليك لو انت مسافر كم تمشي رفع عيناه لي وقال امشي 200 لكن اذا وقفوني اعطيهم بطاقة العمل ومايحررون لي مخالفة لاني عسكري زميلهم .القهر انه كان شايل اسمة من صدرة . وماقدرت اسوي شي غير اني ادعي عليه .


بالله عليكم ياخوان وش رايكم ماهو شي يغث ويرفع الضغط

المفتش العام
20-07-09, 11:20
لو ظلمك ممكن اخي تدعي عليه

اما انك تمشيء 160 وإذا جيت عنده قلت والله كنت امشي 125 فهذا عذرنا ونحن نكذب بكلامنا


اخي ايميل لاتزعل مني ان ابقى بصف العسكري

(( إنت اخطأت وتحمل خطاك ))


وبعدين هو صادق يا أخي وش تبي تسولف معه تقل معه بشبته خلاص وقفك بإحترام واعطاك قسيمة بإحترام اسكت وأمش حتى مع السلامة لا تقولها له


والله ثم والله لو لم يكن بالخطوط السريعه رادارات لتشوف الهوايل

المشكله حنا ندري إن فيه رادار وطايرين وشلون لو قالوا حط رجلك كان وش تسوي

اتوقع ايميل نلقاه مركب قير جمس ومكينه على الكامري


تحياتي وهذي وجة نظر

عـاصفة الصحراء
20-07-09, 11:25
الله يعينه مرتفع ضغطه من شغله تجي انت وتكملها عليه..اكيد بيقول لك كذا...انتبه لعمرك

ايميل
20-07-09, 11:29
على اي اساس تقول اني ماشي 160 اذا هو حرر المخالفة بسرعة 125

لاتقوم تخبص بالكلام وتكذب الرجال انت فاهم

اكيد انك عسكري مثلة والله من صفق المخالفات على الضعوف لكن الله لايحله

ஐ ♥ мя. ηι¢є ♥ ஐ
20-07-09, 11:32
.. ايميل تقدر تشكيه ،، انه شايل اسمه من البدله ،، تره يجازى عليه ..

فريح الرديعان
20-07-09, 11:38
لو ظلمك ممكن اخي تدعي عليه

اما انك تمشيء 160 وإذا جيت عنده قلت والله كنت امشي 125 فهذا عذرنا ونحن نكذب بكلامنا
اخي ايميل لاتزعل مني ان ابقى بصف العسكري
(( إنت اخطأت وتحمل خطاك ))
وبعدين هو صادق يا أخي وش تبي تسولف معه تقل معه بشبته خلاص وقفك بإحترام واعطاك قسيمة بإحترام اسكت وأمش حتى مع السلامة لا تقولها له
والله ثم والله لو لم يكن بالخطوط السريعه رادارات لتشوف الهوايل
المشكله حنا ندري إن فيه رادار وطايرين وشلون لو قالوا حط رجلك كان وش تسوي
اتوقع ايميل نلقاه مركب قير جمس ومكينه على الكامري
تحياتي وهذي وجة نظر
المفتش العام
عوذااا وش فيك علي الرجال قبست فيه الرجال ( ايميل )
جاي يشكى لنا الحال وماحدث له من رجال امن الطرق وبعض العينات الفاسدهـ .
والصراحه معه حق يسوى مثل الموضوع واكثر ومثل ماقال انا برضو اخوي الصغير مره مسكوه علي نفس السرعه
123 كم وبرضو صكوهـ بمخالف بمركز امن الطرق علي طريق تبوك . لابارك الله فيهم .
وتدري وش الي يقهرك بزياده شماتة العسكري وشوفت النفس بزياده عندهم هذا وهم خيط وخيطين لعاد لو ظباط
تسان وش يسوون فينااا !!!!!!!!!!!!! ولكن الانظباط معدوم والنظام علي حسب المزاج ؟؟؟؟؟؟؟؟؟؟ !!!!!!!!!!!!
واتمنى من كل قلبي بان يحدث لك ماحدث لا اخينا ايميل حتى نعرف ردة فعلك وما سوف تشعر به بعدهاا يا ... المفتش .

تابيم
20-07-09, 11:44
ايميل
كان فيه مهندس لبناني مدير لأحدى المصانع بالرياض
لي معرفه بسيطه به فقال لي لما انفتحت سيره
طريق السريع لحائل ويشكوا معامله بعض العسكر
اهدانا الله وياهم وبالأخص تفتيش التربيه
من المفترض هذولا زوار لحائل يجب احترامهم
بعض الشي لما يمثلونه لأهل حائل
واذا مشى 130 على كلامه هذا طريق سريع
وناس فاهمه
وتقبل مروري,,,,

المفتش العام
20-07-09, 12:27
على اي اساس تقول اني
ماشي 160 اذا هو حرر المخالفة بسرعة 125

لاتقوم تخبص بالكلام وتكذب الرجال انت فاهم

اكيد انك عسكري مثلة والله من صفق المخالفات على الضعوف لكن الله لايحله



ياشين العجلة

حتى بالرد مستعجل وشلون لو إنت ماسك خط اجل

اخوي انا ماني عسكري بس خلك إنسان متفهم ومحترم في حوارك

انا اقول حنا لو نمشيء 160 ماراح نقول نمشيء 160 دائما نكذب على الرادار ونحلف بعد بس
اللي ابيك تفهمه اخوي

انت غلطان ولازم تأخذ جزاك زهذا الشيء ليس محرم

اخي من أمن العقوبة أساء الأدب

والأمانة في العمل هو من ستسأل عنه يوم القيامة

سؤال صريح اخوي انت مخطيء او لا

السرعة القانونية 120 وتبيه يسامحك وإنت تمشيء 125 هههههههههههه
والله إرضاء الناس غاية لا تدرك

المفتش العام
20-07-09, 12:31
المفتش العام
عوذااا وش فيك علي الرجال قبست فيه الرجال ( ايميل )
جاي يشكى لنا الحال وماحدث له من رجال امن الطرق وبعض العينات الفاسدهـ .
والصراحه معه حق يسوى مثل الموضوع واكثر ومثل ماقال انا برضو اخوي الصغير مره مسكوه علي نفس السرعه
123 كم وبرضو صكوهـ بمخالف بمركز امن الطرق علي طريق تبوك . لابارك الله فيهم .
وتدري وش الي يقهرك بزياده شماتة العسكري وشوفت النفس بزياده عندهم هذا وهم خيط وخيطين لعاد لو ظباط
تسان وش يسوون فينااا !!!!!!!!!!!!! ولكن الانظباط معدوم والنظام علي حسب المزاج ؟؟؟؟؟؟؟؟؟؟ !!!!!!!!!!!!
واتمنى من كل قلبي بان يحدث لك ماحدث لا اخينا ايميل حتى نعرف ردة فعلك وما سوف تشعر به بعدهاا يا ... المفتش .


مساك الله بالخير


سير ترانا شابين اليوم


هههههههههههههههههه


ردي للشخص اللي كاتب الموضوع ليس لك اخي

فحاول ان تكون وجهة نظرك في صفحة اخرى بعد ما أنتهي من الرجال

لاتزعل اوكي

ஐ ♥ мя. ηι¢є ♥ ஐ
20-07-09, 12:52
.. المفتش العام ،، فيه قرار صادر قبل سنه من الامير نايف يقول : مسموح الزياده على السرعه القانونيه 25 كيلو ..


.. مثلا لو محدد بالطريق السريع 120 مسموح انك تمشي الى 145 ..


.. بس وش يفهم الهمج اللي عندنا ..

العدهي
20-07-09, 13:26
ما ظلمك

ولو تروح تشكي راح يطردونك

لان السرعة المحددة 120 وانت 125 ماشي

المفتش العام
20-07-09, 13:31
.. المفتش العام ،، فيه قرار صادر قبل سنه من الامير نايف يقول : مسموح الزياده على السرعه القانونيه 25 كيلو ..


.. مثلا لو محدد بالطريق السريع 120 مسموح انك تمشي الى 145 ..


.. بس وش يفهم الهمج اللي عندنا ..


اعطني رقم القرار وتاريخه

وربي اشريه منك بالف ريال لإن على مخالفات الدنيا كلها سرعه

لم نسمع بهذا القرار ولا أتوقع بان يفعلها سمو وزير الداخلية لإنه لو فتح باب للسرعه توفوا نصف السعودية

تلقاهم طيارات بها الخطوط

الاكنش
20-07-09, 14:09
ايميل كسفوبنا هالسلنتح وسدح من المخالفات بس الشكوى لله ..
اخوي ( المفتش العام ) :
مساك الله بالخير .. انت تناقض من نفسك لنفسك ...
اول رد لك على الاخ ( ايميل ) :

<<(( لو ظلمك ممكن اخي تدعي عليه

اما انك تمشيء 160 وإذا جيت عنده قلت والله كنت امشي 125 فهذا عذرنا ونحن نكذب بكلامنا ... الـــخ ))>>

ورجعت ورديت عليه وقلت :
<<((ياشين العجلة حتى بالرد مستعجل وشلون لو إنت ماسك خط اجل

اخوي انا ماني عسكري بس خلك إنسان متفهم ومحترم في حوارك

انا اقول حنا لو نمشيء 160 ماراح نقول نمشيء 160 دائما نكذب على الرادار ونحلف بعد ...... الـــخ ))<<


سؤالي .. شلون تقول بالرد الاول ( انت ) والثاني تقول ( حنا ) !!؟؟

......................................... برب ..........................................

نعيم
20-07-09, 14:33
كان ماخذ رقم لوحة سيارته

وتجيب خبره

ஐ ♥ мя. ηι¢є ♥ ஐ
20-07-09, 14:41
اعطني رقم القرار وتاريخه

وربي اشريه منك بالف ريال لإن على مخالفات الدنيا كلها سرعه

لم نسمع بهذا القرار ولا أتوقع بان يفعلها سمو وزير الداخلية لإنه لو فتح باب للسرعه توفوا نصف السعودية

تلقاهم طيارات بها الخطوط




.. والله سمعته بـ قناة الاخبارية العام ..

تايتنك الهلال
20-07-09, 15:30
يارجال هذولا هم لو ماعطاك على السرعة يروح يدور على السيارة يشوف فيها شي ولا لا علشان يصك مخالفه يبي يدور الزله عليك

لكن مالك الا تدعي عليه وانا اخوك اذا كان ظالمك اما اذا كان أماظلمك لا معاه حق

الرأي السديد
20-07-09, 15:59
تستاهل المخالفة


اما بالنسبة لرده عليك فهي مجاملة لك ومداعبة شكلها لأن العسكري جالس يمغط الخ رايح جاي علشان انت وانا وهو

المحترم
20-07-09, 16:00
السرعه محدده بجميع الطرق السريعه 120 ك بالساعه للمركبات الصغيره
وكذلك 100 ك بالساعه للمركبات الكبيره دون استثناء هذا نظام المرور من
عدة سنوات والوحات الأرشاديه على الطرق السريعه واضحه ومع كذا نسرع
واذا خذينا مخالفه نتذمر ونكتب بالأنترنت ونبي ندعي على العسكري الي
عطنا المخالفه ... عجبي يأخوان من بعض الردود

اتمنى فهمت وش قصدي ياصاحب الموضوع

fahad alshammri
20-07-09, 16:03
مالومك والله قهر والمشكله كل زملائه يشهدون ضدك لو اشتكيت !!

قبل فتره كنت جاي من القصيم وقفنا امن الطرق سرعه انا وصاحب كامري بسبب السرعه

وكلنا غلطانين فوق الـ 160 ومعترف بخطاي

بس الي يقهرك

اعطاني مخالفه وصاحب الكامري طلع يعرفه ماحرر له مخالفه

سألته ليش كذا قال مو شغلك واذا مو معجبك الادارة قدامك

رفعت ايديني للعزيز الحكيم وقلت الله لايوفقك.

بس بهالحاله وش يسوي الواحد

رياضي999
20-07-09, 16:36
كل الردود جهل في جهل كذالك الموضوع مبالغ فيه ياخي محد جايك وظالمك من راسة

الجـــبـــال
20-07-09, 16:44
باختصار يااعضاء منتدانا الغالي



اوقفني عسكري امن الطرق في كبري العدوة امس وانا قادم من القصيم وقالي الرخصة والاستمارة واعطيته وقالي وقف على جنب وقفت ورحتله لقيته يحرر مخالفة سرعة ب 125 كم/ساعة وقلتله ماهي مستاهلة ماني مسرع لهذيك الدرجة .... طبعا مارد علي نهائيا !!!!!!!!! وسألته بالله عليك لو انت مسافر كم تمشي رفع عيناه لي وقال امشي 200 لكن اذا وقفوني اعطيهم بطاقة العمل ومايحررون لي مخالفة لاني عسكري زميلهم .القهر انه كان شايل اسمة من صدرة . وماقدرت اسوي شي غير اني ادعي عليه .


بالله عليكم ياخوان وش رايكم ماهو شي يغث ويرفع الضغط

هذا حظك ماطحت فى واحد مطنوخ

السابحة
20-07-09, 16:52
الله يكون بالعون

رجل من اقصى المدينة
20-07-09, 17:16
فستمسك بحبل الله معتصما
فانه الركن ان خانتك اركان
لايتكبر الا كل وضيع ....................ولايتواضع الا كل رفيع
فإحذر التكبر على غيرك وتواضع تكن لدى الناس محبوب ..........

رجل من اقصى المدينة
20-07-09, 17:23
انا اقول حنا لو نمشيء 160 ماراح نقول نمشيء 160 دائما نكذب على الرادار ونحلف بعد بس



يالمفتش xxxxxولكن لاتعمم قول الصدق ولو عليك ملامة
انا صرلي حادثين مع امن الطرق
كلهن جنوب حائل

مره كنت امشي 140 قبل الحليفة وفاتني دورية واطالع بالطبلون الا امشي 140 وصلت النقطة الا ماسك واحد ويشر لي واوقف قالي انت مسرع قلت كم امشي قال 140 قلت صدق وصدقت حرر لي مخالف

موقف اخر كنت امشي 170تقريبا وناوي ماتغيبني الشمس الا بحبي حائل ومادريت الا الدورية تكبس لي واوقف قال اثباتك الا مامعي اي شي مسروقه المحفظه وفيها كل شي الا اني اخذت من الامن ورقة ..

قالي انت مسرع قلت اي والله ادري اني مسرع وضحك قال الله يسهل عليك الي يقول الصدق نحاول نتعاون معهم ولكن البعض يقعد يحلف انه ماهو مسرع وينكر وين مسرع ونعطيه مخالف غصبن عنه
.................................................................................................... .................................................................................................... .......................................................................
اما اخونا وغالينا ايميل فبعض العسكر مايتنازل يسولف مع البشر كانه من كوكب اخر بس لو قلتله انا شغال بالامارة وهذي بطاقتي دق لك تحية

صراحة 90بالمية من عسكرنا شايفين حالهم ضباطهم داقينهم وهم يحطون حرتهم بالشعب

..................................................................................................

لوك على سيارة فارهه لاحسب لك الف حساب بس قال هذى مايهمني وياما صار لنا معهم مواقف اذكر قبل كم سنة مسكني بموقف خطاء وشاف اوراقي وقالي روح قلت يعطيك العافيه وينظر فيني قال العافيه من الله ماهي منك !!!!!!!!!!!!!!!!!!افا افا ليه اجل الله لايعطيك العافيه قال ايش قلت سلامتك وامشي واخليه بغيت اطشهن بوجهه واقول الله لايشكر فضلك اكتب مخالفه بس قلت مستعجل ولاني فاضي

واحد من اخويا الزملاء يقول قالي سامحنتك ولاتعودها واطش مستنداتي بوجه واقوله الله لايشكر فضلك ماني اصغر عيالك اكتب المخالف ويعي خلاص روح روح واصر الا يكتب لي المخالفه قلت قضيت قال مع السلامه قلت الله لايسلمك وش هالعقليات سمحناك روح لاتعودها ويش اسلوبك الواطي هذا ...رد واحد عليه من الزملاء وقاله يارجل امش وش لك دامه سامحك لاتتحرش فيه.... وينفعل صاحبنا قلنا خلاص خلاص رديت كرامتك يعني هههههههههههه رخيصه ب150ريال
ولاتحاتي اخوي ياما وياما واعذره يمكن مدبل عليه مجازا يعني .

وفيه اسلوبتوجر عليه والله انك تكون سعيد وهو انك لاتحاول تنتقم لنفسك خلها لله سبحانه هذا طريق الهدى طريق خير البشر الرسول صلى الله عليه وسلم ..

مقادير
20-07-09, 17:34
بالبداية القانون واضح والمفروض يطبق ع الجميع بدون استثناء
لكن انا اشوف بعض رجال امن الطرق يوقف اي شاب (( اعتقد الشباب لهو وضع خاص ))
واما الرجال لايوقفهم اقصد الرجال فوق الاربعين سنة
يعني الشاب دايما تحت الملاحظة حتى لو كان رابط حزام الامان !!! ودايما الشاب تحت نظرة الشك !!

الطوفان
20-07-09, 21:50
^
^
^

و إذا معه كامري أو هايلوكس يبشر بالمخالفه على طووول لإن هالسيارتين شبهه

لاللعنصريه
20-07-09, 22:41
وش لك بكل هالسالفه
لامنك رحت لبريده تلقى عند بياعين الجوالات جهاز كاشف الرادار
إشتر لك واحد بخمسمائة ريال وريح دماغك
ترى الخمسمائة ريال تطلعهن بسفرتين لما تسلم من الرادار ..

ابو سميه
20-07-09, 23:34
اخي ايميل للاسف الشديد انهم يطبقون النظام على الغريب فقط لو كان العسكري هذا يعرفك كان ما عطاك مخالفة لو تمشي 300 يا اخي انا سافرت للمنطقة الشرقية قسم بالله اني كنت امشي 150 و 160 ما احد قالي صفط على جنب والدوريات الامنية كنت تمشي معنا بالطريق وكنت تتابع جميع السيارات بس ما حطوا اي نقطة تفتيش من الرياض الى الدمام

فوق مستواك
21-07-09, 02:51
وبعدين وش النتيجة !!!!!!!!!!!!!!!!!!!!!!!!!!!!!!!!!!!!!!!!!!!!!! وشكراااااااااااا

INESTA-HAIL
21-07-09, 03:02
يارجال ما شفت الاهذي انا مسكونن قطع اشارة وانا والله العظيم مشيت وهي برتقالية


يوم جاء حق البلاغ قلت له مشيت برتقاليه قال وشسمك قلت فلان قال منت من الربع


شفت لو انك ماشي خضراء ابي اصكك مخالفة !! قلت الله يسامحك للمعلومية ( يضحك مع واحد ماشي وهي حمراء وراااي )

يسهرون
21-07-09, 03:19
الله يهدي المسلمين

يعطيك العافيه

عابد الجمعاوي
21-07-09, 10:36
.. المفتش العام ،، فيه قرار صادر قبل سنه من الامير نايف يقول : مسموح الزياده على السرعه القانونيه 25 كيلو ..


.. مثلا لو محدد بالطريق السريع 120 مسموح انك تمشي الى 145 ..


.. بس وش يفهم الهمج اللي عندنا ..

كلامك بالسليم لكن من يقول للعسكر الهمج هذولى