المساعد الشخصي الرقمي

مشاهدة النسخة كاملة : يانواف .. كل الصحة تبي تعديل



نادر حرار
14-07-09, 20:30
نواف الحارثي بوادر الرجل طيبة جدا ولكن للأسف من خلقت الدنيا تقول الرجال ( اليد الواحده ماتصفق ) وهذا هو

الصحيح الحارثي مامعه أحد يابعد حيي وأنا أشير عليه اذا يبي يمشي الصحة صح ويطوعهم صح أول شيء يعمله

يشيل مدير مكتبه وموظفينه ويبدلهم والشلة الكبيرة من مدراء الأقسام الموظفين والمتابعة والمستشفيات والرعاية

وأخص الموظفين وادارة المستشفيات وادارة المراكز الصحية والحركة والمالية والأرشيف وكل الأقسام

والمشاريع والحركة وما أدراك مالمشاريع والحركة و مسئولين المناقصات والمشتريات ومديرين الاقسام

بالمستشفيات الاستقبال و جميع الخدمات الاخرى من تغذية وصيانه ومواعيد و لا ينسى المراكز الصحية وبلاويهم

اللي قاموا ينقلون ملفات المرضى من المستوصف اللي جنب بيت المريض الى مستوصف آخر بعيد وياليل ماأطولك

وليتك بعــد تشوف السيارات اللي محطوطه لخدمة المريض ومتابعة العمل بالمستشفى وبالادارة كلهن مسلمات

لمدراء الأقسام فقط ويتمشون بهم برا ويقضون مصالحهم عليهن والأقسام مخلات بلا شيء ولا حسيب ولا رقيب

والقائمة تطول ولكن هذه الأهم ..

مانقول الا يعينك يانواف شــد حيلك وفكر بالأمانة اللي أنت شلته تراه ياعزوتي كايده بالحيل الله يعينك

بارق53
14-07-09, 20:56
يعني الدعوى احزاب وعصابات .؟؟؟
حسبنا الله ونعم الوكيل على من لاخير فيه

نادر حرار
14-07-09, 22:02
وهذا هو الصحيح ..والا وش نسميه

العوفي1
15-07-09, 00:00
كلام عين الصواب
يــــــــــــــانـــــــــــواف نبي واحد راعي ذمـــــه
وانت راح تسال يوم الحساب
يعطيك العافيه اخوينادر

طلال السهلي
15-07-09, 00:11
كل راع مسئول عن رعيته

منيف الراوي
15-07-09, 00:57
المسؤول في بلدان أخرى إن لم ستطيع التغيير للأفضل في موؤسسته

أول شي يفعله هو ان يستقيل حفاضاً على كرامته وسمعته العلميه ...!!!

ولكن في بلدي الحبيب لن يستقيل إن لم يشبع من الراتب ...!!!


الله يزين الحال

مـاجـد الـجـردان
15-07-09, 02:25
نتوسم فيه الخير بإذن الله

وإن شاء الله نُشاهد العمل على ارض الواقع للأفضل

تحياتي وتقديري للجميع

يسهرون
15-07-09, 02:47
الله يوفق بس

ابو عكش
15-07-09, 02:54
ألا وش يقربله سعدالحارثي

ياعين ابوي
15-07-09, 18:40
ياخوي عندنا مدراء مستشفيات يبيلهم تغيير كلي
الحارثي مشكلته مدير مكتبة الي بالامس مشطوف واليوم مرزوز قدام