المساعد الشخصي الرقمي

مشاهدة النسخة كاملة : منظمون مهرجان حـائل السياحي هنا مخالفتهم الصريحة



سعود الراضي الرفاع
13-07-09, 01:15
.

http://up1.mlfnt.net/images/cb9bu50k8dhcc4yjmucg.gif (http://up1.mlfnt.net/)









منظمو مهرجان حائل السياحي يكشفون الوجه الحقيقي مخالفين تصريحاتهم السابقة بمجانية الدخول للمهرجان







كشف منظمو مهرجان حائل السياحي الأقنعة عن وجوههم، وأكدوا من خلال إعلان بيع التذاكر أن رؤوس الأموال لا تعرف سوى استغلال الناس حتى وإن كان الاستغلال ببيع الشعر والبهجة لهم، وخالفت اللجنة إعلاناتها السابقة بأن المهرجان سكون دخول فعالياته مجانا، وها هم يسيرون على خطى المنظم السابق الذي مص جيوب الناس مقابل صمت تام من الأمانة وجهاز السياحة.
وكانت اللجنة المنظمة لمهرجان صيف حائل السياحي قد أعلنت بأن بيع تذاكر أمسية الشاعر ناصر الفراعنة ستكون عن طريق البوابة الشمالية في الأستاد الرياضي.
وأوضحت اللجنة عبر رسالة جوال عممت اليوم أن التذاكر تنقسم إلى فئتين الأولى بـ200 ريال مخصصة للمنصة الرئيسية، والثانية ب50 ريال للدرجة الأولى.
وبقى لسان أهالي حائل المغلوب على أمرهم يلهج بالترحم:
ورحمك الله ياحجاج أمام فعل أبنك!!!

مصدر الخبر أخبار حائل ( صوت المجتمع الحائلي ) صحيفة جديدة

أخيراً
13-07-09, 02:03
شـرهـتـك عـلـى اللـي يـبـي يـحـضـر حـتـى لـو مــجــانــاً

مكلوم
13-07-09, 02:31
http://www.ashefaa.com/picup/uploads/b0e42e1f13.gif (http://www.ashefaa.com/picup)

العراف الثاني
13-07-09, 02:44
ملاحـــــــــــــــــــــــــــــــــــــظة ممتازة

الماسي
13-07-09, 02:49
يااخ سعود صدق انك
الحين الخبر هذا محذوف من اخبارية حائل تروح تنزله هنا

الفراعنة وخالد عبدالرحمن كل واحد مدفوع له 100000 ريال وتبي الدخول مجانا
المغواة الدخول والفعاليات مجانا وهذي تكفي

واعتقد هذا حق من حقوق اللجنة المنظمة

ابو نمشة
13-07-09, 02:49
يابو ياسر يابعد تسبدي وقلبي خشيمك جلستن عند جدي فدغوش وقصيده وقصيد الاولين مع كويسة شويهي نوينيع وبقيلات وكليجاء ومتركي عندة تسوى الفراعنه وقصيده ناقتي وسيارتي وعمارتي اقول يالهاملي وش رايك تسيّر علي ونروح لجدي وتذكرتك مدفوعة ابيك تذوق الشويهي والبقيلات اااه ياحلو لا سقطت كم بقله بكاستك وقعدت تسمع لقصيد جدي فدغوش بن مغلوث

الملـكي
13-07-09, 02:56
هلا ابو ياسر

/

اشكرك على الموضوع يـ استاذي .. ولكن اتمنى ماتغلبنا العاطفه الزايدهـ
المهرجان الماضي مافيه الا فنجال وعلوم رجال .. ومافيه شي يستأهل انك تحضر
رغم انه مجاناً الا ان الجميع طالب بـ إمسيات وشعراء مميزين .. وانا اول من طلب ذلك ..
وهاهم اللجنة المنظمة يسعون ويجتهدون ليل ونهار ويدفعون لأجل إرضاء رغباتنا ..
وبلأخير نشوف هالمواضيع ..
انقلك كل الاحترام .. لكن ما إيد الموضوع هذا يا أبو ياسر
وسلم لي على اخوكـ فهد ,,

/

العراف الثاني
13-07-09, 03:06
عن إذنك يا سعود

الماسي والملكي لهم مصيلحه بس شف وشي ؟!

d7ooom
13-07-09, 03:12
فعلا ياخ سعود المفروض تكون عقليتك اكبر من كذا
جيب اي مهرجان بأي منطقة او اي دولة مافيه فعاليات بدون تذاكر او رسوم
ياخوي بدبي العالم تصف طوابير عشان يشترون كوبونات للدخول فيها سحب على جوائز ولاحد قال انهم يستغلون او ينصبون فما بالك باللي يغامرون بدم قلوبهم عشان يجيبون لك ولاشكالك فعاليات سنعة.

على فكرة

اذا انت مستخسر تدفع الخمسين على داهية زي الفراعنة ترى عزازي يبون يجيبونه بنجران تذكرته بــ 400 لا يفوووووووووتك ههههههههههههههههههههههههههههههههه

ابو ذيــــــــــب
13-07-09, 03:17
اقول شرهتك على اللي يبي ياقف عليهم هم وقصيدهم الماقس

يسهرون
13-07-09, 03:18
لا تعليق

الملـكي
13-07-09, 03:20
العراف الثاني

الحمدلله والشكر
عمر ابوكم ماحضرتوا .. والمهرجان ماهي واقفه عليكم
جيتوا او ماجيتوا مافرقت ..

/

\

أحمد الشودحي
13-07-09, 03:20
ربي لا يوفقهم


طيب والله غالية التذكرة

ويقولو أدعمو السياحة الداخلية

وأنا ألوم اللي يطلعوا برا السعودية

اللي هذا أولها ينعاف تاليها

العراف الثاني
13-07-09, 03:31
فعلا ياخ سعود المفروض تكون عقليتك اكبر من كذا
جيب اي مهرجان بأي منطقة او اي دولة مافيه فعاليات بدون تذاكر او رسوم
ياخوي بدبي العالم تصف طوابير عشان يشترون كوبونات للدخول فيها سحب على جوائز ولاحد قال انهم يستغلون او ينصبون فما بالك باللي يغامرون بدم قلوبهم عشان يجيبون لك ولاشكالك فعاليات سنعة.

على فكرة

اذا انت مستخسر تدفع الخمسين على داهية زي الفراعنة ترى عزازي يبون يجيبونه بنجران تذكرته بــ 400 لا يفوووووووووتك ههههههههههههههههههههههههههههههههه


هذي مؤامره ضدك يا سعود وين أنت عنهم ؟؟!

العراف الثاني
13-07-09, 03:36
العراف الثاني

الحمدلله والشكر
عمر ابوكم ماحضرتوا .. والمهرجان ماهي واقفه عليكم
جيتوا او ماجيتوا مافرقت ..

/

\


بس لو نعرف وش اللي محرقــــــــــــــــــــــن رزك ؟!

البندري%
13-07-09, 03:40
طيب هم وش يبون يستفيدون من حظوركم الامسيات الشعريه مجانا والشعراء جايين بفلوس....يعني لو الشعراء جايين مجانا ممكن نقول ليش ندفع

العراف الثاني
13-07-09, 03:47
طيب هم وش يبون يستفيدون من حظوركم الامسيات الشعريه مجانا والشعراء جايين بفلوس....يعني لو الشعراء جايين مجانا ممكن نقول ليش ندفع


هم يبون يدفعون من ( جيــــــــــــــــــــــــــــــوبهم ) شي ؟!

البندري%
13-07-09, 03:50
اها يعني مو منهم الفلووووووس .....اجل بس يبون الفااااايده ....الله يخسهم

نجمS
13-07-09, 03:50
وش الفائده من هذا الموضوع ؟؟؟؟؟؟
بفلوس ولا بلاش وش المشكله ؟؟؟ حاضرين المتنبي او أمير الشعراء !!!!!!!!!

سعود ,,,, دائماً مواضيعك ذات طابع خرافي .

العراف الثاني
13-07-09, 03:58
اها يعني مو منهم الفلووووووس .....اجل بس يبون الفااااايده ....الله يخسهم


هالحين كلك مفهوميــــــــــــــــــــه ؟

الفسحمي
13-07-09, 04:16
تحياتي لك يا سعود

أتوقع والعلم عند الله انها لن تنجح لسببين:

1 غلاء التذكره على العامه ونحن نعرف ان الشباب يتذمرون من 20 ريال قيمة تذكرة مباراة للهلال او النصر "مع حبهم للعبة القدم"

فما بالك بأمسيه شعريه...!!

2 الفراعنه والشبرمي وخالد عبدالرحمن انخفض وهجهم الاعلامي كثيرا عن العام السابق...

أتمنى انها تنجح ولكن ........؟

اما الماده فمن حقهم ,,,

الا اذا سبق واعلنوا انهم لا يهدفون الى الربح المادي, فهم بفعلتهم ناقضوا كلامهم ....!!!

تحياتي

وفاء الفواز
13-07-09, 04:22
لن اتوانى عن الادلاء بكلمة الحق اخي سعود ...واسمح لي
الخطوه الجميله والجيده ..
هي السماح لدخول تلك العوائل ذالك المهرجان المسوّر مجانا ً !!
بينما كان ياخذ عليه سابق منظميه 30 ريال لكل أسره مما كان سبب في حرمان اغلب العوائل الفقيره زيارته ولو بغرض المشاهده لترفيه فقط
عندما كانت الّسن مثلي وامثالي تتكلم مطالبه بنطق " الحق " وردات الفعل مخروسة ؟
فحين يحضر شاعر جماهيري / او فنان معروف
ويبرم عقد واتفاقيه بمبلــغ وقدره ....؟
لايعني ذالك ان المنظم مسؤول عن ترفيه المواطن لدرجة الدفع من جيبه الخاص دون الاخذ منه للعطاء ؟
فهناك من يطالبون بمبالغ خياليه

نعم هنالك رعاة وداعمين ...

وهناك بالمقابل دفع .. ومشاركين ... وعاملين ؟

ولايختلف اثنان ان الربح هدف اساسي لكل المنظمين

و لكنه خارج حدود الجشع جميل ..
ولاعليه غبار ؟

عبدالله الشلاقي
13-07-09, 04:29
يا جماعه

وش فيكم (50 ريال) لحضور فعالية لست مغصوبين على حضورها والدفع لأجلها
السياحة قطاع ربحي ..شيء بمقابل ...واللي يقول برا و ما ينلامون للأسف نعم
يكابرون على حساب دفع أموال طائلة بسياحة شبه معروفة و مشبوهه بالخارج القريب..
وهذه الاموال تكفيهم لأن يحضرون مهرجانات المملكة قاطبة ..ولكن خيرهم لغيرهم

واقف بصف الاخ الملكي و الاخ d7ooom... كما لا امانع بأن يتجه الأخوة الراغبين
والمنافصين ضد الرسوم الربحية من فعالية سياحية ..كغيرها بباقي دول العالم وتعتبر ارخصها

للأخ ابو نمشه وتناول البقل وشاهي النعناع والكليجا ..فهي دعوة حائلية مجانية

ولد الحفير
13-07-09, 04:30
ليش دافعين تذاكر مباراة الطائي كلها الفراعنة والجن.
ولا يسوى تذاكر مباراة الطائي

*صاحب الأمتياز*
13-07-09, 06:24
يااخ سعود صدق انك
الحين الخبر هذا محذوف من اخبارية حائل تروح تنزله هنا

الفراعنة وخالد عبدالرحمن كل واحد مدفوع له 100000 ريال وتبي الدخول مجانا
المغواة الدخول والفعاليات مجانا وهذي تكفي

واعتقد هذا حق من حقوق اللجنة المنظمة

صح عليك

الفراعنه لحاله 70000 الف وتبوون تدخلون ببلاش

اقرد وحده
13-07-09, 06:42
وش الفائده من هذا الموضوع ؟؟؟؟؟؟
بفلوس ولا بلاش وش المشكله ؟؟؟ حاضرين المتنبي او أمير الشعراء !!!!!!!!!

سعود ,,,, دائماً مواضيعك ذات طابع خرافي .


لاتخطي على الشعراء ماضروك ولا اسائو لك

والمتني وامير الشعراء بزمنهم

والفراعنه والشبرمي بزمنا

بكرى يجي يوم يقولون حاضر الفراعنه والا الشبرمي ؟

بزمن غير زمنا ...

احترام الضيف قبل وبعد قدومه واجب يالحاتمي ..

اقرد وحده
13-07-09, 06:57
اعتقد المنصه 200 ريال غاليه .. لو مخلينها 100 والمدرج 50 معقول



7

7

7

تقول لو مافيه عندنا زواج كان اتسلف 200 ريال والبس لبس ولد واتلثم واحضر امسية ابو فارس والله محد طاق لي خبر :icon15:

الا كان واحد فيه جنـــــــــي وبتفطنـه جناونة الفراعنه؟ http://www.vb.fadhaa.com/images/icons/39.gif

طبعا ً امزح
بالتوفيق والجماهير الطيبه ان شاء الله

طراد العنزي
13-07-09, 07:10
لاتعلييييييييييييييييييييييييييق

همس شاعر
13-07-09, 09:49
اول شي جزاهم الله خير الدخول مجاني افضل من المنظمين الي قبل
ثاني شي محدن مغصوب على الحظور اكرام النفس هواها الي يبي يحظر يدفع

الهيئة السياحيه
13-07-09, 15:38
السلام عليكم ورحمة الله وبركاته


اولا ياجماعة السياحة موجوده لا سعادكم باذن الله لا للنقد والتجريح بالغير ,,,

ثانيا ,المنظمين السياحيين يتعبون بالليل والنهار ,,ليبحثوا عن السعاده المرجوه للعائله الحائليه ,,

ثالثا ,بالنسبه للفعاليات ,,دخول المغواة مجانا ً,بعدما كان بـ30 ريال ,ثانيا تنوعت الفعاليات ,بوجود شعراء لهم القاعده الجماهيريه
ولا يوجد غير الشعراء الذين يكون الدخول لهم برسوم ,فرجاءا تقدير عمل اللجنه المنظمه للمهرجان بالدعم لا لانزال للنقد الجارح الذي لايفيد بشي للتطوير ,



فالشاعر ناصر الفراعنه لا يختلف على شاعريته ,واداءه المتميز وحب الناس له ولشاعريته .
وماذا فعل في شاعر المليون النسخه الثانيه


والله يوفق الجميـــــــــــــــــــــع

غالي الشمري
13-07-09, 15:40
ماهو كثير ابداً .. والحضور راح يكون قوي بإذن الله
ياليتهم بس مخلين خالد عبد الرحمن يوم اخر

وفاء الفواز
13-07-09, 15:54
على يقين لوطالب الجمهور / خالد عبد الرحمن بتمديد الأمسيه يوم آخر
والقاء بعض القصائد ( كاشلات) مغناة بصوته ..
لفعل ذالك مجانا ً دون اي محسوبيه لتفاقية نظام مسبق او غيره
.. فـ خالد عبد الرحمن يحب جماهيره جدا ً غير انه ( فنان ) اكثر من شاعر ؟
وحضوره شعريا امام الفراعنه ربما لايرضي غروره
ولايكفي جماهيره وعشاق فنه
كنت اتمنى ان نستمتع بأمسيه مستقله لخالد عبد الرحمن .
يخلفها مهرجان حائل !

عـاصفة الصحراء
13-07-09, 15:59
خمسين ريال ليس لها اي قيمه ...والامسيه اتوقع لها النجاح بوجود ناصر الفراعنه

الحاير بينهم
13-07-09, 16:00
انا لا امانع بدخول الامسيات بمقابل بيع التذاكر
لاكن امانع من دخول الااسواق ودخول السيارات والافراد لحاجات تافهه بمبالغ ماليه

طيور الحب
13-07-09, 16:30
هههههههههههههههههههههههههههههههههههههههههه

المـــــــاس
13-07-09, 16:51
والله اعتقد ان السياحه مافيها شي ببلاش هذا المفهوم العالمي لها الا اذا كان احد رجال الااعمال متبرع هذا شي ثاني .

العراف الثاني
13-07-09, 17:01
فيه سؤال مهم جدا


لو أن دخول الأمسية مجانا من الذي سيتكفل بتكاليفها ؟

خالد الرخيص
13-07-09, 17:20
يبون يطلعون فلوس الفراعنه من فلوسنا اللي ندفعهن علا التذاكر

محمد العزيز
14-07-09, 09:00
مهما قلنا فالموضوع منتهي من ناحية تحديد سعر التذاكر
ولكن كان يجب على الأخوة المنظمين مراعاة ظروف الشباب الراغبين لحضور الأمسية

فلو كان سعر التذكرة بالمنصة على الأقل 50 ريال والدرجة الأولي 30 والدرجة الثانية 20 = 80 ريال لكل الدرجات

5000شخص × 80 ريال قيمة التذاكر = 400،000 ألف ريال
6000 شخص ×80 ريال قيمة التذاكر = 480،000 ألف ريال
7000 شخص ×80 ريال قيمة التاكر = 560،000 ألف ريال
8000 شخص ×80 ريال قيمة التذاكر = 640،000 ألف ريال
9000 شخص ×80 ريال قيمة التذاكر = 720،000 ألف ريال
10000 شخص × 80 ريال قيمة التذاكر = 800،000 ألف ريال

لو قلنا أن المسرح يكلف 50،000 خمسون ألف ريال
ومستلزمات أخرى 50،000 ألف ريال

الصافي أللهم لا حسد ومن حصل شئ يستاهله بس ليس على حساب المواطن

اقرد وحده
14-07-09, 10:32
خالد عبد الرحمن امسيه لحالــــــــــــــــهـ

فن رقمي
15-07-09, 12:23
اصدق معاذيريــــ

إن كان حبي لك هو أعظم خطاياي
ما أقول يا نفسي عن الحب توبي
أجمل خطاي وآخــر حدود دنــياي
واصدق معاذيري واطهر ذنوبي
نزعات روحي لـك تــباري نواياي
والـقلب يـمك والمـشاعر سعـو بي
حــب لــك الله ماكن (ن) فــي حنـاياي
أبــيه لو ضـعـفي بأكـبر عـيـوبي
كـل الهـوى والـحـب باقـي بـقـايـاي
خذت أولـه واتــلاه وأقــول ذوبي
ومـن لـه مثـل حـبي يسوي سواياي
يـاصل مواصـيلي ويسلك دروبي



ليته يغنيها ......

عفواً اقرد :_71: خالد عبدالرحمن ........ مهرجان بلحاله

ياخي بحل لو التكت بألف !!

ياعين ابوي
15-07-09, 18:38
صدق الماسي

حايلي مرتب
16-07-09, 22:37
انواع الاقتراحات هنا وما احد درى بكم

بعدين احس الموضوع كله دعايه للصحيفة الجديده