المساعد الشخصي الرقمي

مشاهدة النسخة كاملة : هيئة حائل تحذّر من سائق أبو عشرة .



العين الثاقبة
22-01-09, 11:22
هيئة حائل تحذّر من سائق أبو عشرة


حذّرت هيئة الأمر بالمعروف والنهي عن المنكر بمدينة حائل النساء من التساهل في الركوب مع السائقين الأجانب بدون محرم وانتشار ظاهرة ما يسمى ب(سائق ابو عشرة) الذي يخالف التعليمات ويقوم بتوصيل النساء دون رقيب بعد نشر أرقام جوالاته في الأوساط النسائية تحت ذريعة تقديم خدمات ميسرة وآمنة.

وذكر مدير عام فرع الرئاسة العامة لهيئة الأمر بالمعروف والنهي عن المنكرالشيخ سليمان عبد الله الرضيمان أنه تم القبض يوم أمس الأول على أحد هؤلاء السائقين بعد أن خدع إحدى الفتيات موهماً إياها بأنه سيقوم بتوصيلها للموقع الذي تريد فما كان منه إلا أن توقف عند سكن أحد أصدقائه وطلب منه إخلاء الغرفة ثم حاول إنزال الفتاة بالقوة .

سر الغلا
22-01-09, 11:57
اللــه يكفينا شرهم السائقين ( ابو عششره )



تقبل مروري

روح مـ غ ـليكـ
22-01-09, 12:06
الله يكفينا شرهم السواويق ( ابو عشره )

والله صحيح ان امهاتنا وبناتننا
كل مشاويرهن على ابو عشرهـ

وين ازواجهن وعيالهن وينهم
افرض ان امك او زوجتك ما عندها محرم غيرك .. نخليها تركب مع ابو عشره ..؟؟
لا والله ما اخليها لوانا برا الديره ..!!


حسبي الله ونعم الوكيل

ذايع الصيت
22-01-09, 12:34
انا اللى محيرن ليش مايسمحون بشركاة اليموزين ونفتك

روح مـ غ ـليكـ
22-01-09, 12:36
لا والله ولا الليموزين

الليموزين مثل ابو عشره

ما تركب معه الا ومعك محرم

فرحان الضبعان
22-01-09, 12:43
لا حول ولا قوة الا بالله ...

$$البتار$$
22-01-09, 13:33
الكلام هذا قاله سليمان ابورشيد في جريدة الجزيزة لا اذكر رقم العدد العام الماضي او اللي قبله بعنوان تقريبا (منعوا الشيبان من توصيل ابو ريالين وتركوا الاجانب ابو عشرة ) ليست هذه الصيغة بالضبط ولكن المعنى قريب من كذا يناشد
فيه مدير الادارة العامة للمرور في المملكة (البشر)فحال هذه المشكلة لابد من التكاتف والتعاون بين كل من
رجال البحث الجنائي -ورجال المرور -ورجال الهيئة -والمواطن فلابد من ان تكون رسمية اولا ثم تعونية ثانيا ولا يكون من طرف
دون الاطراف الاخرى

التيار
22-01-09, 14:32
هم معروفين واي واحد ايعرفهم ددسن غمارتين وبرزان ليه مايمسكونهم ويمسكون اللي امتسترعليهم

التيار

سفيرة الحزن
22-01-09, 15:01
والله مايدرى وش يعجبكم

رجالن متبطحتن بالأستراحات وعيال بس بهالبران يدبتسون

وحنا يالحريم تنقطع به رجل لو تبي مستوصف او بقالة مالقت والي يدي ولايجيب ولو دقته رجليه ماسلمت من اللي راكبين بسياراتهم

وسواق ابو عشره لقوا هالحريم يلعبون عليهن المشوار عليه خمس وعشرين ريال :icon25:

هذا بعد اذا ماكان صاحب سوابق او احد يبتزه من الي مايخافون الله واكيد كلكم سمعتوا بسالفة اللي ركبت مع ابو عشره وبالاخير طلع متفق مع شباب على مبلغ مالي عشان يجيب لهم حرمه

والسواقه تقولون لو سمحولكن سبعت مراضيف تسقن :icon19:

وانا ياوحده يروح بي ويجيبن للمدرسة هندي ابو عشره ومره متاخر ومره مسيومن باكثر ومره سيارته متعطله ومره اخر من يطلع من المدرسة انا

اجل وش الدبره ياجماعة الخير :icon19:

خالد نت
22-01-09, 15:03
سفيرة والله كلامك عين العقل بس من يسمع !!!!!!!!!

بس عاد ياليت الحريم يكون خذرتا في هذه الامور بالذات ّ!!!!!!!!!


تقبل مرروي

دلال الظلام
22-01-09, 15:03
إخبارية حائل ( حائل )

حذّرت هيئة الأمر بالمعروف والنهي عن المنكر بمدينة حائل النساء من التساهل في الركوب مع السائقين الأجانب بدون محرم وانتشار ظاهرة ما يسمى ب(سائق ابو عشرة) الذي يخالف التعليمات ويقوم بتوصيل النساء دون رقيب بعد نشر أرقام جوالاته في الأوساط النسائية تحت ذريعة تقديم خدمات ميسرة وآمنة.
وذكر مدير عام فرع الرئاسة العامة لهيئة الأمر بالمعروف والنهي عن المنكرالشيخ سليمان عبد الله الرضيمان لـ " إخبارية حائل " أنه تم القبض يوم أمس الأول على أحد هؤلاء السائقين بعد أن خدع إحدى الفتيات موهماً إياها بأنه سيقوم بتوصيلها للموقع الذي تريد فما كان منه إلا أن توقف عند سكن أحد أصدقائه وطلب منه إخلاء الغرفة ثم حاول إنزال الفتاة بالقوة ، حيث لم يكن يعلم بالمتابعة التي كانت تجري من أفراد الهيئة الذين تدخلوا في الوقت المناسب منقذين الفتاة من فضيحة كبيرة ستهدد مستقبلها خصوصا وأنها لم تتزوج بعد . وقد عبرت الفتاة عن شكرها الله ثم لرجال الهيئة على وقفتهم . موضحة بأنها تفاجأت عند وقوف السائق عند غرفة صديقة وهو يكلمه ويطلب منه الخروج من الغرفة واخلاءها له واعدن إياه بان يمكنه من فريسته بعد الانتهاء منها

محمد القنياوي
22-01-09, 15:12
والله خبرررررررررررر ولااحلى تسلموووون ياارجااال الهيئه مشكورين وربي ماقصرتوو

الف شكر لك يا دلال الظلام والله خبر يفرررح

fwaz911
22-01-09, 15:13
الله يكفينا شرهم

طيور الحب
22-01-09, 15:18
هذااا يرحل فورآ كلب جائع لعنة الله عليه

وووووووينكم يأهل البنت عن بنتكم ليش مطنشين البنت تروح لحاله

لاحول ولاقوة الا بالله

هذا درس يجب ان يستفاد منه قبل مايقع الفاس بالرأس وحينها لاينفع العويل ولا الندم

الوسم_2
22-01-09, 15:20
اللهم استر على نسائنا و نساء المسلمين

أما أنا فأقول العتب على الرجال اين هم من نسائهم الم يعلموا أن الله استرعاهم عليهن فأين حفظهم لهذه الرعية والامانة الا يستحون الا يخافون الله فيهن ؟!

اللهم احفظنا واحفظ نسائنا ونساء المسلمين

ثاقب
22-01-09, 15:25
الشكر لله ثم لرجال الهيئة


استهين برجالنا قبل نسائنا

زمن عجيب

مكلوم
22-01-09, 15:33
الله يكفينا شرهم

فتى المعاق
22-01-09, 15:35
البنت متعاونه مع الهية


طيب شنهو مدري الهية الله وكبر


ليه مايروحوان الي استراحه الشفاء

ويشفوان في عيونهم

بس اعلام حكي فاضي

والله ماعندهم سالفه لاتصدقوان


الله وكبر يعني بس هلون دهمو

علي طوال بدوان بلاق

والله عيب عليكم


والله عيب عليكم الامر بامعروف
االه وكبرررررر

ثاقب
22-01-09, 15:40
فتى المعاق
لك من اسمك نصيب
وأعتقد اعاقتك في تفكيرك
وشكراً

سطم
22-01-09, 15:51
العجيب هو تحذيرتهم من سائق ابوعشرة طيب ماهو البديل !!!
ارجو ان يطرح البديل المناسب مثلاً يسمح للشغلات بقيادة السيارات بالحريم او افضل شي ان تقود السيارة بنفسها سوف تكون امنة من هؤلاء الذئاب البشرية وتقضي امورها بنفسها حالها حال بنات ونساء كل العالم ويكفينا مصائب وتشرذم دمتم بودّ

الحنكبور
22-01-09, 16:09
لا حول ولا قوة الا بالله ...

ليل الشمري
22-01-09, 16:28
أحووووووووووووووووووووووووووووووووووووووووووووووووووووووووووول

نـايـفــ الـذوقــ
22-01-09, 16:37
اختي ســفــيــرة الــحــزن وش الله موزيتس <حادك> على ابو عشرهـ ليه ماتروحين مع نقل مع مجموعه من الموضفات او الطالبات وينقلكن سـعــودي او دايم السعودي بنظرتكن مشبووهـ وتاثقن بالاجنبي اكثر
الحل ســهــل وبيديكن لاكن سبحان الله بعد كل مانسمع من مصايب الاجانب مازال بعض الحريم يرحن معهم مع العلم ان فيه سعودين ينقلون .... لاتحطن الغلط على الرجال صح عليهم نسبه من الخطا بس انتن تتحملن النسبه الاكبر ... لاحول ولا قوه الا بالله

abuomar300
22-01-09, 16:45
شكرا للهيئة .................والبديل كل راع وكل مسؤول عن رعيته

عطر الذكرى
22-01-09, 16:52
انا اللى محيرن ليش مايسمحون بشركاة اليموزين ونفتك


لا والله ولا الليموزين

الليموزين مثل ابو عشره

ما تركب معه الا ومعك محرم
كذا وإلا كذا.. المفروض فيه معايير ، وفيه رقم خاص للتبليغ عن مثل هؤلاء، في كل تنظيم وفي كل فوضى
تلقى الصاحي والطاحي.. :rolleyes::rolleyes:



والله مايدرى وش يعجبكم

رجالن متبطحتن بالأستراحات وعيال بس بهالبران يدبتسون

وحنا يالحريم تنقطع به رجل لو تبي مستوصف او بقالة مالقت والي يدي ولايجيب ولو دقته رجليه ماسلمت من اللي راكبين بسياراتهم

وسواق ابو عشره لقوا هالحريم يلعبون عليهن المشوار عليه خمس وعشرين ريال :icon25:

هذا بعد اذا ماكان صاحب سوابق او احد يبتزه من الي مايخافون الله واكيد كلكم سمعتوا بسالفة اللي ركبت مع ابو عشره وبالاخير طلع متفق مع شباب على مبلغ مالي عشان يجيب لهم حرمه

والسواقه تقولون لو سمحولكن سبعت مراضيف تسقن :icon19:

وانا ياوحده يروح بي ويجيبن للمدرسة هندي ابو عشره ومره متاخر ومره مسيومن باكثر ومره سيارته متعطله ومره اخر من يطلع من المدرسة انا

اجل وش الدبره ياجماعة الخير :icon19:
معتس لا فض فوتس (إلا بموضوع السواقة بدون ضوابط وبلا حاجة مُـلـــحة أشد الالـحـــــاح) :icon27:

وإهامل الأهل بكل سعودي موب بالحايلي بس، أنا ما نيب حايلية ولا نيب بحايل، بس هذي صفة بكل سعودي..
ومن واقع تجربة.. أخواني تبطح وتسدح عند المبارايات والقنوات:
فلان أبغا المستشفى.. دقي على أبوي.. الديربي اليوم >> أجعلهم بخفس إن شاء الله.. :icon25:
فلان رح للبقالة (قدام الباب) أبغا أغراض، ليش ما قلتي من أول؟! >> يتحجج..
طيب عادي أروح لأسد وإلا كومار >> راعي البقالة ، هأ جعلتس .. فيتس خير روحي.. :icon28:
طيب أمي مـعـي، وفلانة أختي عند الباب من داخل تراقب تحسبا ً لأي شيء لا سمح الله.. ما علي منتس :mad:
فلان أبغا حاجات ضرورية.. (والحريم يبي لهن أغراض أحيانا ً فجأة تجي وما تدري وش يصير عليها.. :icon18:
حاجات زي الفوط الصحية والحبوب وفهمكم أوسع) وحضرة عيال العز مطنشين.. :020:

يا اخي افهموا.. مهوب كل شيء بنقوله لكم، أبغا السوق عشان ذا الغرض وإلا ذاك، :icon18:
المرأة طبعه تستحي تصرح باللي تبي، وأغراضه الخاصة :_16: ، ليش ما تتفهمّون؟! :az9:
حاجة تقفل أم المزاج.. :icon28: :az9:

طيب منت واثق في راعي بقالتكم وعليه ملاحظات، قم لا بغوك إف شيء وجبه لهم،
مهوب الوحدة تحتوس بعمره ما تعرف وش تتصرف/ ولا من لعب عليها اللي ما يخاف الله تقولون المرأة
ناقصة عقل والمرأة ما تفكر والمرأة والمرأة.... :icon28:
والمرأة أحسن منك وفوق عقلك اللي يخلي كورة يتطامر وراها ناس مستفيدين ٍ منها هي أكبر همّكم.. :icon321:
اللهم لك الحمد..

وحبّيت أنوه بس على خدمات التوصيل إن كان عندكم بحايل.. بعد هم زي هالفئة اللي تقولون عليها..
بعضهم ما ينوثق فيه.. والــــحــــل:
خل التسدح والتبطح والرفالة .. واخدموا أهلكم..
مهوب لا طاح الفأس بالرأس والمرأة ضعيفة ما لها لا حول ولا قوة تقعدون تفلسفون علينا وتهايطون بمجالسكم
وبمنتدياتكم.. :3rbe.com_148:
فيكم خير؟؟!!
(خياركم خياركم لأهله) قوموا بواجبكم تجاه أهاليكم وحريمكم ثم احتسوا ولاحظوا بكيفكم... :cool:


:25:

مفاهيم الـ خ ـجل
22-01-09, 17:05
العجيب هو تحذيرتهم من سائق ابوعشرة طيب ماهو البديل !!!
ارجو ان يطرح البديل المناسب مثلاً يسمح للشغلات بقيادة السيارات بالحريم او افضل شي ان تقود السيارة بنفسها سوف تكون امنة من هؤلاء الذئاب البشرية وتقضي امورها بنفسها حالها حال بنات [align=center]ونساء كل العالم ويكفينا مصائب وتشرذم دمتم بودّ

وهذا هو الحل البديل بزعمك ؟؟

عطر الذكرى
22-01-09, 17:05
اختي ســفــيــرة الــحــزن وش الله موزيتس <حادك> على ابو عشرهـ ليه ماتروحين مع نقل مع مجموعه من الموضفات او الطالبات وينقلكن سـعــودي او دايم السعودي بنظرتكن مشبووهـ وتاثقن بالاجنبي اكثر
الحل ســهــل وبيديكن لاكن سبحان الله بعد كل مانسمع من مصايب الاجانب مازال بعض الحريم يرحن معهم مع العلم ان فيه سعودين ينقلون .... لاتحطن الغلط على الرجال صح عليهم نسبه من الخطا بس انتن تتحملن النسبه الاكبر ... لاحول ولا قوه الا بالله

السعودي وغير السعودي يا أبو الذوق فيهم وفيهم، هذا أولا ً...

وثانيا ً: السؤال ليه نركب معهم؟!
لسواد عينهم مثلا ً ؟!
ما نركب إلا من ردى بعضكم، اللي مهوب مع احترامي لهم :icon26: ، اللي من عينة اللي في ردي السابق.. :icon25:

وليه ما نحط الغلط عليكم وأنتم الملزومين بنا مهمب الغرب؟!
ليه ما نحطه عليكم وإحنا شعر وجيهكم مثل ما تزعمون ؟!
إذا أنا شعر وجهك وشعر وجه الثاني والثالث فحافظ علي وقم بي خير قيام مثل ما أمرك الله به ورسوله،
ومثل ما تعارف عليه الطيبين.. ثم تعال هنا وتكلم زي ما تبغا لو سويت اللي يخليك تنكس رأسك من فعلي وإلا
لانتمائي لك.. مهوب تحميل نسبة خطأ وبس >>> (هالرسمة جدا ً معبرة عن بعض الآراء) :020:

عطر الذكرى
22-01-09, 17:09
ليش البعض فاهم إنه توصيل المدارس؟!
حنا نتكلم عن توصيل المشاوير كلها...

امير والعذال جنودي
22-01-09, 17:19
اولا شكرا لكم ايها الاسود البواسل....



ثانيا صراحة من تشوف اشكالهم تغسل يدك


مدري شلون يأمنون هالعمالة...


وبنفس الوقت اللي محتاجه له مجبورة انه تروح وتخلص اغراضة اذا كان اخوه او ابوه او زوجه مو موجود وله شغله ضرورية



بعدين بالاول والاخير انا ملزوم باهلي ليش اخليهم يضطرون انهم يروحون مع ابو عشره ولا حتى تكسي...ياخوي وناستك لاحقن عليه




تقبل مروري..

اسير فدك
22-01-09, 17:24
ن نأمل من سمو الامير تشكيل لجنة من الامارة والشرطة والجوزات والهيئة لمراقبة العمالة الوفدة الدعوى طمع وخرب بيوت وقلة حيا

عطر الذكرى
22-01-09, 17:28
كما نسأل الله العلي القدير في علاهـ.. أن يهدي شباب المسلمين لخدمة أهاليهم وأن يصرفهم عن ما هم فيه قلة عقل واتكالية...

spot light
22-01-09, 19:24
اصبح سواق ابو عشره وسيله ..... الي .... حسبي الله ونعم الوكيل

سلام100
22-01-09, 20:30
الله يستر

المهاجر2009
22-01-09, 21:37
لا حول ولا قوة الا بالله

الــحــزيــن
22-01-09, 21:39
لا حول ولا قوة الا بالله

aZoUz
22-01-09, 21:42
يآخي تجيب لها سوآق وخلاص .. !

وريح نفسك .. وبعدين ليش التكسي قليل بحآئل <<<< محيرني من زمآن .. !

وبعدين عتبي ع الي يقول لازم تروح مع خوآتك او امك حتى لو كنت مشغول .. !

يآخي وش الي حادك .. اذا والله انت مآتبي تقوم بالخدمه خل السوآك يجيبهم ويوصلهم .. !

ولاتقعد تتفلسف علينآ .. تقولي المره ماتطلع الا بمحرم ومدري وش .. ؟؟

Λ Ł Ģ Λ Ŋ Я Λ Ł
23-01-09, 01:04
الله يكفينا شرهم والله المصايب ماااتي الى من فوووق روووسهم

العزوف
23-01-09, 01:20
الله يستر
ياليت تقولون اسمه عشان الناس تعرفه

~ سواح ~
23-01-09, 01:35
لا حول ولا قوة الا بالله ...

عطر الشام
23-01-09, 01:39
لاحول ولاقوة الابالله

ارضاء الناس غايه لاتدرك

يوسف الزهير
23-01-09, 03:03
تم التحذير من هؤلاء العماله بكثير من المواضيع التي طرحتها هنا ، وذكرنا السلبيات لعدم وجود ايجابيات وايضاً ذكرنا اهمال الكثير من اولياء الامور ، وذكرنا ان بعض النساء لا يجدن احد لينهي بعض متطلباتهن لعدم وجود ولي امر وذلك لسفره او لمرضه او لعدم وجوده اصلاً .


ولكن الحل موجود وسوف نذكره لكم غداً بأذن الله وهو ( صرخه ومناشده ) للامير مع حلول منطقيه وواقعيه


ختاماً
لا بارك الله بمن استقدم هؤلاء الحثاله لهدف تسريحهم بين المؤمنين وتسببهم بكثير من الجرائم

صاحب السمو الفلكي
23-01-09, 04:21
ابو عشره هذا دمار لعنبوهم ولا يردون عليك مع الشوارع هالصبح طلق على شان يلحق لا وبعد العين هالطول

وين المرور وين الجهات المختصه بس الله يعين

صمتي عذاب
23-01-09, 04:35
خلاص من اليوووووووووووووووووووم مقاطعه ابو عشره الله يكفينا شرهم

عبدالرحمن الفراج
23-01-09, 06:04
الله يكفينا الشر

تسيف ماهضمت سالفه ان السواق يودي الحريم ويجيبهن

اقل القليل لو يوصلهن احد محارم الام اما ولد اخته يعني تصير خالته والا ولد اخوها والا اخوها بنفسه

ماأقول الا يالله تعيييين ويبعد عنا الشر

أم الحلوين*
23-01-09, 08:49
انتبهوا يابنات . سمعت انهم يحطون السحر على المرتبه والي تركب تنسحر وتصير على كيفهم .

الله يسترنا وذرياتنا وبنات المسلمين يارب

اقرد وحده
23-01-09, 09:04
والله الفساد بعد بسواقين الأجره هالشهبان اللي عيونهم زايغه !!
الواحد يجي عمره متجاوز الخمسين والستين ويالله حسن الخاتمه
المفروض فحص دوري لهم كل ست شهور عن تعاطي المخدرات والمسكرات
واللي يشوفون فيه خاش خرباش يعاقبونه العقاب الرادع
والا الهنيدي مسكين كلمه وحده من المره اعلم عليك الجوازات والا الهيئه ينشف دم وجهه من الخرعه
بعدين المرأه من اول مره تعرف الصالح والطالح
ليش تركب معا السواق لحالها من الاساس ؟
الظاهر ان سالفتك هذي يالعين الثاقبه مع عذري وتقديري تسذبه
من اجل منع سائقين ابو عشره ؟؟
بس حرام الظلم والكذب سواء منك او من غيرك مهما كانت الاسباب ؟ ...:icon19:


ا..

عطر الشام
23-01-09, 11:43
تسلمين ياحلى وحده


كلامك صحيح والله سواقين الليموزين ماهم صاحين

اقرد وحده
23-01-09, 12:04
تسلمين ياحلى وحده


كلامك صحيح والله سواقين الليموزين ماهم صاحين

تسلمـ / يـ يا أحلى برفان :icon7:
والله انهم شيبان وزايغه عقولهم .. لا والمشكله يسولفون عند حريمهم
وحريمهم يغارن عليهم :icon26:
تحكي عاجوز قبل فتره لقيتها عند وحده من الخالات
تقول اضطريت اتعامل معا سواق اودي بنتي واجيبها
وباحد المرات اتصلنا عليه قلنا ابو فلان تعال وحنا نحكي والمرأه تشتب حريقه وراه تلجلج :icon3:
لابوكن لابو اصلكن ؟؟؟:icon19:
تحسبنا نبيه ؟
لاحوووول الله شها النشبه من زينكم ياسواقين هالتكاسي عشان يغارن عليكم ؟
والله لو اتزوج سواق تكسي عيونه زايغه ماغار عليه
يالله لك الحمد !!
والحين اقولها انا وحده بالفم المليان اما تسمحون لنا بالقياده
والا
سواق ابو عشره افضل الف مره من السعودي ..

عطر الشام
23-01-09, 12:19
كلامك صدق والله تعبنا


ياليت يسمحون لنا والله في ناس وانا وحده منهن بامس الحاجه لنقود السياره



اشكرك على الرد يا احلى وحده

ذيب اجا@
23-01-09, 13:32
مو صحيح الخبر ..... حنا بالسعودية .... ؟

الجرح العطيب
23-01-09, 19:15
السلام عليكم ورحمة الله وبركاته

ايها الاجبه اليكم هذا الخبر فيجب الانتباه واخذ الحذر وتأمين اهلنا وتوصيلهم وتلبيه احتياجاتهم لكي لا يكونو لقمة سائغه في افواه الجائعين

عاجل (الحياة)-

قبضت الجهات الأمنية بالتعاون مع هيئة الأمر بالمعروف والنهي عن المنكر أول من أمس على سائق مقيم، حاول اغتصاب فتاة في مدينة حائل، بعد أن توقف بها عند سكن أحد أصدقائه وطلب منه إخلاء الغرفة، قبل أن يحاول إنزال الفتاة بالقوة.
وذكر المدير العام لفرع الرئاسة العامة لهيئة الأمر بالمعروف والنهي عن المنكر الشيخ سليمان الرضيمان في بيان (تلقت «الحياة» نسخة منه) أنه تم القبض على سائق خدع إحدى الفتيات موهماً إياها بأنه سيقوم بتوصيلها للموقع الذي تريده، قبل أن يتوقف عند سكن أحد أصدقائه ويطلب منه إخلاء الغرفة، ثم حاول إنزال الفتاة بالقوة، لكن متابعة أفراد الهيئة للسائق منذ البداية ساعدت في تدخلهم في الوقت المناسب لإنقاذ الفتاة.
وقال إنها فوجئت بالسائق يقف عند غرفة صديقه وهو يكلمه ويطلب منه الخروج من الغرفة وإخلاءها له، واعداً إياه بتمكينه مني.
وحذّرت هيئة الأمــــر بالمعروف والنهي عن المنكر في مدينة حائل النساء من التساهل في الركوب مع السائقين من دون محرم، وانتشار ظاهرة السائقين المخالفين.
من جهة ثانية، تقوم القوة الخاصة لأمن الطرق في منطقة حائل بتكثيف نقاط الرصد على مدار الساعة لردع المتهورين وضبط مرتكبي المخالفات المسببة للحوادث، وإقامة نقاط تهدئة للسرعة على طول الطرق التي تغطيها قوة أمن الطرق في حائل.
وأوضح الناطق الإعلامي في شرطة منطقة حائل المقدم عبدالعزيز الزنيدي أن هذه التدابير الأمنية والمرورية أثمرت عن ضبط 274 مخالفة سرعة، والعديد من الحالات الجنائية خلال اليومين الماضيين، ويأتي ذلك ضمن الخطط التي تسير عليها القوات الخاصــة لأمــن الطرق

العزوف
23-01-09, 19:27
الله يستر شئ يخوف
تسيب وعماله مجرمه
لو شهروا باسمه افضل

مهموم بدنيتي
23-01-09, 19:28
الله يستر بستره
يعطيك العافيه اخوي

اقرد وحده
23-01-09, 19:50
حسبي الله ونعم الوكيل وانا اشوف هالسواقين مذعورين لا اتصلنا عليهم كنهم مهربين مخدرات !!؟
س:ـ مين انتا ؟
س :ـ منين يجيب رقم ؟
س :ـ ايش يبكى : )
ج :ـ انا مسغول : (
بعدين
طوط طوط طوط طوط هههههههههههه
اسحنننننننن : )
وربي رغم اني دافعت عنهم اليوم واحيان اشك ببعض المواضيع او التصريحات وصدقها
بس العماله الوافده مثل ذيل الكلب حاشاكم ماتنعدل

كــفــانــي عـــذاب
23-01-09, 19:53
الله يستر بستره

الجرح العطيب
23-01-09, 20:45
العزوف

مهموم بدنيتي

كفاني عذاب


اسعدني مروركم جميعا

الجرح العطيب
23-01-09, 20:51
حسبي الله ونعم الوكيل وانا اشوف هالسواقين مذعورين لا اتصلنا عليهم كنهم مهربين مخدرات !!؟
س:ـ مين انتا ؟
س :ـ منين يجيب رقم ؟
س :ـ ايش يبكى : )
ج :ـ انا مسغول : (
بعدين
طوط طوط طوط طوط هههههههههههه
اسحنننننننن : )
وربي رغم اني دافعت عنهم اليوم واحيان اشك ببعض المواضيع او التصريحات وصدقها
بس العماله الوافده مثل ذيل الكلب حاشاكم ماتنعدل

لماذ تشكين في بعض التصريحات

ما ام انها موثقه ام هذا الخبر فهذا رابطه

http://www.hail2h.net/inf/news.php?action=show&id=567

وهذا رابط اخر
http://www.burnews.com/news-action-show-id-4127.htm

فلا تشكي

وانتبهي لنفسك لا تتوهقين معهم

همهم الوحيد الحصول على المال بأي طرقه كانت

اناايمن
23-01-09, 22:22
ياسفيرة انتبهي واحذري من ابو عشرة بكرى الله لايقدر شر يخدعك وتروحين فيها لاسمح الله

san300
25-01-09, 09:29
اقترح على المسؤلين يسمحون باستقدام نساء من الدول العربية لايقل اعمارهن عن 40 سنه وتصير سواقة للبيت بدل هالسواقين وبدل هالمشاكل الي ماله حل الا هذا وشكراااااااااااااااا

المــضيوم
25-01-09, 14:20
والله مايدرى وش يعجبكم

رجالن متبطحتن بالأستراحات وعيال بس بهالبران يدبتسون

وحنا يالحريم تنقطع به رجل لو تبي مستوصف او بقالة مالقت والي يدي ولايجيب ولو دقته رجليه ماسلمت من اللي راكبين بسياراتهم

وسواق ابو عشره لقوا هالحريم يلعبون عليهن المشوار عليه خمس وعشرين ريال :icon25:

هذا بعد اذا ماكان صاحب سوابق او احد يبتزه من الي مايخافون الله واكيد كلكم سمعتوا بسالفة اللي ركبت مع ابو عشره وبالاخير طلع متفق مع شباب على مبلغ مالي عشان يجيب لهم حرمه

والسواقه تقولون لو سمحولكن سبعت مراضيف تسقن :icon19:

وانا ياوحده يروح بي ويجيبن للمدرسة هندي ابو عشره ومره متاخر ومره مسيومن باكثر ومره سيارته متعطله ومره اخر من يطلع من المدرسة انا

اجل وش الدبره ياجماعة الخير :icon19:


أختي الكريمه ليس الرجال كلهم كما ذكرتيهم إلا من رحم ربي

وبعدين ما أنصحك يا أختي العزيزه ان تركبين مع سواقين إلا بمحرم

بعدين وين زوجك واخوانك ليش مايودونك الله يهديهم اجلسي معهم وقولوا لهم يودونك

أبرك من السواقين إلا ماوراهم الإ الفساد وقصصهم معروفه

الله يستر عليك ويحفظك بالدنيا والأخره

المــضيوم
25-01-09, 14:26
سطم خل أختك تسوق وشف وش راح يصير لها من الذئاب البشريه


قسم بالله تلقى البناتيه يلحقونها ويغازلونها هم الحين يلحقون السواقين اللي معهم بنات

أجل وشلون لاصارت لحالها أترك الجواب لك طال عمرك

المحترف
25-01-09, 15:53
تسلمـ / يـ يا أحلى برفان :icon7:
والله انهم شيبان وزايغه عقولهم .. لا والمشكله يسولفون عند حريمهم
وحريمهم يغارن عليهم :icon26:
تحكي عاجوز قبل فتره لقيتها عند وحده من الخالات
تقول اضطريت اتعامل معا سواق اودي بنتي واجيبها
وباحد المرات اتصلنا عليه قلنا ابو فلان تعال وحنا نحكي والمرأه تشتب حريقه وراه تلجلج :icon3:
لابوكن لابو اصلكن ؟؟؟:icon19:
تحسبنا نبيه ؟
لاحوووول الله شها النشبه من زينكم ياسواقين هالتكاسي عشان يغارن عليكم ؟
والله لو اتزوج سواق تكسي عيونه زايغه ماغار عليه
يالله لك الحمد !!
والحين اقولها انا وحده بالفم المليان اما تسمحون لنا بالقياده
والا
سواق ابو عشره افضل الف مره من السعودي ..



سبحان الله تقولينها بالفم المليان اما تسمحون لنا بالقياده ولا ابو عشره افضل من السعودي

ليش وين ابوتس واخوانتس يودونتس ويجيبونتس او لانهم سعوديين مع اني عندي شك ماتحبين تروحين معهم

عشان فيه حبس للحــــــــــــــــــــريه

المحترف
25-01-09, 15:59
الحل \ لا ابو عشره ولا قيادة المرأه
كل شنب يفسر عن ذرعانه ويخدم اهله خيرا من ان يخدمهم بنقالي حقير ينظر اليهن كنظرة ثامر اخوي لفيفي عبده

والمدارس يوجد سواقين خصوصي لنقل الطالبات ويوجد ضمانات ايضا اما ابو عشره والله عيب
والي ماعنده احد يخدمه تنابرهن لما الله يفرجه

المحترف
25-01-09, 16:02
بعدين اكثر مشاوير الحريم مال امه داعي

يعني على كل حرمه ان تستحرم بعض المشاوير الي ماله داعي وتقضب ارضه اصرف له

المحترف
25-01-09, 16:06
اقرد وحده \ عيــــــــــــــب عليتس

تتطاولين على شيبان يسوقون بالي يسوى والي مايسوى من اجل لقمة عيش له ولابنائه ولتوفير حياة كريمه لهم

واذا واحد اخطاء لا يجب ان تعممي

بس ليش الهندي احسن من السعودي بالله ذبحتن الشفايه وركبن الشيطان قوليلي قبل لا افسره انا بطريقتي الخاصه

المحترف
25-01-09, 16:10
سطم خل أختك تسوق وشف وش راح يصير لها من الذئاب البشريه


قسم بالله تلقى البناتيه يلحقونها ويغازلونها هم الحين يلحقون السواقين اللي معهم بنات

أجل وشلون لاصارت لحالها أترك الجواب لك طال عمرك



اشكر حرصك اخوي بس ليش مايكون هناك ادب في الحوار

يعني وش دخل اخت سطم بالموضوع عشان تذكره

حبيبي اي شخص يطرح فكره او رأي اما تؤيد بأدب او تعارض بأدب

المحارم لا يحق لاي احد ان يذكرهن ابد ابد

اقرد وحده
25-01-09, 17:11
سبحان الله تقولينها بالفم المليان اما تسمحون لنا بالقياده ولا ابو عشره افضل من السعودي

ليش وين ابوتس واخوانتس يودونتس ويجيبونتس او لانهم سعوديين مع اني عندي شك ماتحبين تروحين معهمعشان فيه حبس للحــــــــــــــــــــريه

ليش تشك ؟؟

او ماتقدر تقولها بالفم المليان زيي ؟؟؟

( مع اني اشك بأخلاقك ) ... ؟؟؟

يا اخي اتق الله الله لايسامحك ويبتليك (( باخواتك )) اذا كان بنيتك الشيئ السيئ ضدي

منذ صغري...

تعودت اني اقول كلمة الحق ولو على قطع رأسي

وعندما تكلمت عن السائقين والنساء اللي يحتاجن مشاوير ماتكلمت عن نفسي بشكل خاص

لأني املك ولله الحمد سائق ولدي سياره خاصه بأسمي

وأهلي مايمانعون في ذالك لأنهم عارفين اخلاق بنتهم

ولكني اعرف بل و متأكده ان النساء يرغبن الهندي ابو عشره ويخيرنه على السعودي اللي عيونه زايغه !!!

ونيته كذى :icon26:

واذا وصل وحده بيتها والا سوق والا عزيمه راح يسولف فيها بنت الفلان وصلتها ووديتها ؟؟

في كل عمل ( تجب الأمانه )

وعمل السائق وان كنت لا اعمم الا ان الرجل السعودي غير اهلا لأمانته

عبدالرحمن أبراهيم
25-01-09, 17:18
ياوسعات الوجيه لا تركبن مع أبو كشرة قبل يطيح الفاس بالراس كل روحاتكن لم السوق والمشوير الفاضيه والمره ما لها الا بيتها

اقرد وحده
25-01-09, 17:21
اقرد وحده \ عيــــــــــــــب عليتس

تتطاولين على شيبان يسوقون بالي يسوى والي مايسوى من اجل لقمة عيش له ولابنائه ولتوفير حياة كريمه لهم

واذا واحد اخطاء لا يجب ان تعممي

بس ليش الهندي احسن من السعودي بالله ذبحتن الشفايه وركبن الشيطان قوليلي قبل لا افسره انا بطريقتي الخاصه

فسرها بطريقتك الخاطئه ...

( أهل العقول في نعمة )

SSالذيــــبSS
25-01-09, 18:46
يجيب الله مطر ,,,,,,


ويغسل عقولكم وترجع الثقة بالسائق السعودي , وتخف مشاوير الحريم اللي ماله داعي وجلسات الاستراحات والشبات اللي مشغلات الرجال عن اهلهم , ويهتمون ببعض وما يحتاجون لأحد .

صفاء الالماس
25-01-09, 19:12
الله يكفينا شرهم السواويق ( ابو عشره )

والله صحيح ان امهاتنا وبناتننا
كل مشاويرهن على ابو عشرهـ

وين ازواجهن وعيالهن وينهم
افرض ان امك او زوجتك ما عندها محرم غيرك .. نخليها تركب مع ابو عشره ..؟؟
لا والله ما اخليها لوانا برا الديره ..!!


حسبي الله ونعم الوكيل



ياصار عيالهن ماهم فاضين لهن ومايبي يكلف نفسه بمشاويرهن >>> مستعجل يبي يم الاستراحه خوياه ينتظرونه

هرم شمر
25-01-09, 19:19
لا حول ولا قوة الا بالله ...

اين الرقابه وأين المرور السائق يطلب منه رخصه

يطلب منه الاقامه ويعرف الكفيل ويطبق على النساء اللي معه فقط

وتنتهي مشكلتهم ....

بارق53
25-01-09, 19:20
اللــه يكفينا شرهم السائقين

إنسان غادي
25-01-09, 19:25
الله يكفينا الشر

المحترف
25-01-09, 19:25
ليش تشك ؟؟

او ماتقدر تقولها بالفم المليان زيي ؟؟؟

( مع اني اشك بأخلاقك ) ... ؟؟؟

يا اخي اتق الله الله لايسامحك ويبتليك (( باخواتك )) اذا كان بنيتك الشيئ السيئ ضدي

منذ صغري...

تعودت اني اقول كلمة الحق ولو على قطع رأسي

وعندما تكلمت عن السائقين والنساء اللي يحتاجن مشاوير ماتكلمت عن نفسي بشكل خاص

لأني املك ولله الحمد سائق ولدي سياره خاصه بأسمي

وأهلي مايمانعون في ذالك لأنهم عارفين اخلاق بنتهم

ولكني اعرف بل و متأكده ان النساء يرغبن الهندي ابو عشره ويخيرنه على السعودي اللي عيونه زايغه !!!

ونيته كذى :icon26:

واذا وصل وحده بيتها والا سوق والا عزيمه راح يسولف فيها بنت الفلان وصلتها ووديتها ؟؟

في كل عمل ( تجب الأمانه )

وعمل السائق وان كنت لا اعمم الا ان الرجل السعودي غير اهلا لأمانته




اول شي تشكين باخلاقي او ماتشكين هذا شي راجع لتس وكل له ملف شخصي يعكس اخلاق صاحبه

ومن ناحية حديثك عن انك لم تعممي فلم اقرأ لكي الا من رحم ربي من سواقين سعوديين يخافون الله
لهذا استنتجت التعميم من حديثك

بعدين انتي تقولين انك اذا اتصلتي على حدا هالسواقين من الذله تقل مهرب مخدرات والعياذ بالله ويسكر السماعه
من الخرعه
وتقولين انا عندي سائق خاص ............ ماهذا التناقض يا اخت العرب؟؟؟؟؟؟؟؟؟؟؟؟

ثانيا والله لم اقصد الاساءه لاخلاقك لكني كنت اريد اجابه لماذا تفضلين الاجنبي على السعودي
يمكن عشان الاجنبي مايفهم لهجتنا ولا عشان تاخذين راحتس بالجوال مع صديقه او اخت
وحيائك يمنعكي من فعل هذا مع السعودي

لم ولن ارمي احد باخلاقه وشرفه ماحييت حتى ولو كان او كانت عديمي اخلاق وشرف
فلم اتربى على رمي الناس باخلاقهم

عموما ارجو مرة اخرى عدم ذكر اخواتي وان كنت مخطئا ادعي علي انا لاتتعرضين محارمي لاهنتي

صفاء الالماس
25-01-09, 19:25
ان شاء الله الحذر موجود وماتركب مع سايق الا وحده مضطره وماله حيله


وبعض البيوت مافيها شباب تلقى لك سبعة حريم ماعندهن الا ابوهن وش يبي يلحق عليه هالشايب


هو يودي اللي تروح للكليه او الثانويه او يجيب اغراض البيت او يودي اللي له موعد بالمستشفى


اضف لذالك عمله وطرد الرزق وبعضهم يطلع الفجر وما يرد الا بالليل


وبعضهم اللي مريض وهو بنفسه بحاجة الرحمه


بعدين الدنيا ماهي لعبه بس تركب مع كل من هب ودب اكيد تتاكد


تحيه


صفاء الالماس

خوخة ابوها
25-01-09, 23:26
حسبي الله ونعم الوكيل
على هذولا السواقين


بس اذا اخوها مشغول وكذلك زوجها وابوها ما يقدر اي تسوي
وبعدين العيال هنا اتعودوا على هذولا مو مساول عن بيتها
وما يطلع الواحد مع اهله الا اذا كان توه عيس جديد "حق الزه موهنا كمان بة حائل عشان ميعرفون اصحابه

يتقول متعايب اهله وخواته "

وعندها طلبات


ابغي حل ؟؟؟؟؟؟؟؟؟؟؟؟؟؟؟؟؟؟؟؟؟؟

حايليه بحته
26-01-09, 00:35
ياسلام عليكي ياسفيرة الحزن
والله الوحده بهالديره صراحه ماتدري وش تسوي علشان ترضيهم

ان بغتهم يوصلونه كلن يقول الآخر واذا راحت مع سواق تعرضت للخطر
الله يهدي ابو متعب ويسمح لنا بالسواقه والله ماقصدي انشر الفتنه بس
والله تعبنا من هالرجال ولو بشروط
احيانا والله ماادري من يروح بأطفالي للدكتور( شي ضروري ) واذا تعبت انا لازم اشحذ الجيران والأخوان علشان يودوني
والزوج مرتاح ونايم مايبي يودي احد

حالة على الله نجلاه........

صقرأجا
26-01-09, 01:03
هذي القضيه مالها حل
تدورفي حلقه مفرقه
اما الحريم تسوق مثل
حلم ابليس بلجنه
تقبلو مروري

الشبط
26-01-09, 01:16
صح النوووووووووووووووووووم
توهم يحذررررون سواق ابو عشره من عام 1418 وهو ماخذ راحته
الله يخلف

المــضيوم
26-01-09, 13:32
أقول ماذبحونا إلا اليبراليه حسبي الله عليهم ونعم الوكيل

الاسطورة
26-01-09, 15:40
وانا ياوحده يروح بي ويجيبن للمدرسة هندي ابو عشره ومره متاخر ومره مسيومن باكثر ومره سيارته متعطله ومره اخر من يطلع من المدرسة انا

اجل وش الدبره ياجماعة الخير

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياأختي سفيرة الحزن بارك الله فيك, كلام غير مبرر ,لايجوز الركوب مع السائق بدون محرم قال صلى الله عليه وسلم (( ماخلاء رجل بإمراة إلا وكان الشيطان ثالثهما))

طيب شوفي ولد أختك أو ولد أخوكي، أو أحد من الجيران من كبار السن ينقل معلمات أو طالبات الحمد لله يوجد أوناس ينقلون إلى المدارس .

ولا تضعين نفسك في حرج مع السواقين

مشكوررررررررررررررررررررررر أخوي العين الثاقبة للنقل هذا الموضوع المهم وغيرتك على نشاء المسلمين جهلها الله في ميزان حسناتك

الاسطورة
26-01-09, 15:42
وانا ياوحده يروح بي ويجيبن للمدرسة هندي ابو عشره ومره متاخر ومره مسيومن باكثر ومره سيارته متعطله ومره اخر من يطلع من المدرسة انا

اجل وش الدبره ياجماعة الخير

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياأختي سفيرة الحزن بارك الله فيك,لايجوز الركوب مع السائق بدون محرم قال صلى الله عليه وسلم (( ماخلاء رجل بإمراة إلا وكان الشيطان ثالثهما))

طيب شوفي ولد أختك أو ولد أخوكي، أو أحد من الجيران من كبار السن ينقل معلمات أو طالبات الحمد لله يوجد أوناس ينقلون إلى المدارس .

ولا تضعين نفسك في حرج مع السواقين

مشكور العين الثاقبة

الشووق امرني
26-01-09, 17:08
وش السالفه

طلول2009
26-01-09, 17:15
ياشخ ليش اصلأ النساء يطلعون وين اهلهم مايودونهم

همس الربيع
27-01-09, 19:20
خلاص أنحلت بتسوووووووووووووووووق البنات أقصد السيدات بلا دوشه عاااااااااااااد

راحل غريب
27-01-09, 19:48
والله مايدرى وش يعجبكم

رجالن متبطحتن بالأستراحات وعيال بس بهالبران يدبتسون

وحنا يالحريم تنقطع به رجل لو تبي مستوصف او بقالة مالقت والي يدي ولايجيب ولو دقته رجليه ماسلمت من اللي راكبين بسياراتهم

وسواق ابو عشره لقوا هالحريم يلعبون عليهن المشوار عليه خمس وعشرين ريال :icon25:

هذا بعد اذا ماكان صاحب سوابق او احد يبتزه من الي مايخافون الله واكيد كلكم سمعتوا بسالفة اللي ركبت مع ابو عشره وبالاخير طلع متفق مع شباب على مبلغ مالي عشان يجيب لهم حرمه

والسواقه تقولون لو سمحولكن سبعت مراضيف تسقن :icon19:

وانا ياوحده يروح بي ويجيبن للمدرسة هندي ابو عشره ومره متاخر ومره مسيومن باكثر ومره سيارته متعطله ومره اخر من يطلع من المدرسة انا

اجل وش الدبره ياجماعة الخير :icon19:


وانا اضم صوتي لكـ وبقوووه


العيب فينا يالرجال !! ونعترف بها وبقوووه ( تبون تقول خص ولا تعم ) الا بعم وكل واحد أبخص بنفسه

وأولهم رجال الهيئة اللي طايحن قضب باللي ينقلون المعلمات والممرضات ووو ( خواتنا اللي مثل سفيرة ) وأعرف ناس من رجال الهيئة وانا والله العظيم متأكد حاطن سواق مع أهله !!طيب ما دام أنكـ ما أنت رجل قادر ٍ توصل أهلك وحاط سواق !! ليش قاعد تدور على عيال ا لناس !!

بعض الرجال عنده ظرف وما يقدر بحكم شغله او ظروفه الصحية نقول معذور !! ليش نمنع أهل هالشخص من أنهم يقضون حوائجهم مع سائق


لا تقول ( هندي ) ترا أبرك من بعض هالسعوديين اللي وما خفي كان أعظم !! يعني هاللي يحذرون منه الهئية بس هو اللي يسوي جرائم !! والسعودي !!

انا اقول للهئية ( ضبطوا شغلكم ) واتركوا عنكم هالحركات اللي الاخيرة ( تبون تظهرون سمعة الهيئة بأي شكل )

انا احترم عملكم وهو من أفضل الاعمال وبها أجر أن احتسبها رجل الحسبة لله سبحانه وتعالي

ولاكن !!!


عندي تحفظ على بعض رجال الهئية



//

اقرد وحده
27-01-09, 19:56
برافوووووووووووووووووو بنات كذى تعجبني:icon27:

المــضيوم
27-01-09, 23:59
همس الربيع على جثتي يالحبيب يسقن الحريم

انا ماقاهرني إلا الرجال الا متسدحين بالأستراحات ولايودون أهلهم

تقل ماعندهم غيره وين العادات والتقاليد لا وتركب مع سواق بعد (( ياعيني ))

بدون محرم ولا شئ وبعدين يقولون عادي خواتنا يركبن مع سواق والسواق ماهو رجل ..!؟

ماعنده شهوه الله يهديهم بس

المــضيوم
28-01-09, 00:00
الأسطورة كلامك عين العقل

لافض فوك

حرف الهـــاء
28-01-09, 00:12
اللـــه يكفينـــا شـــرهــــم


الشكوى لله مالنـــا حنـــا يالحريم الا خيارين

امـــا نركب وبدون محرم وهذي مستحيـــل اسويه لو به حياتي

ولا نكنسل المشوار والله صارت لي اكثر من مره ,,يصير عندي كم مشوار واخواني [ السمحين ] يعيون يركبون
معي والحل الوحيد اللي يبقى لي اني اقعد بلا هالمشوار

عاد لاصار المشوار مهو مهم بكيفه
لكن البـــلا لاصـــار ضروري واللـــه تضيق بي الوسيعـــه

لكـــن مااقـــول غير الشكـــوى للــــه

ابو عبيد
28-01-09, 08:16
مشكور على الموضوع

خاص
28-01-09, 14:22
يالله الستر

ابو محمد الشمري
28-01-09, 14:58
هيئة حايل ماورااهم الا المشااااااكل

صمت الحكي
28-01-09, 19:21
تدرون وش المصيبه !



المصيبه بهالعيال وبهالشيبااان ..


تلقى البيت بوه ثلاثه اربع رجال مايتحركـــون !!

طيب هذي اختك وامك وزوجتك من يوديــّــهـن ؟؟


يجي هالشايب المسكين ويصــف هالسيارات لهالعيال

وكلهم ان شاء الله نودي اهلنا ومدري ويجلس شهر يودي ويجيب

همـّـن ( ماني فاضــي ) !!


طيب الشايب ليه مايحشر عياله

ويقول لهم انه ماشرى هالسيارات لهم إلا على شان يقضون

حاجات الأم والخوآت !!

جيــديـن بها المسيرات وبهالتفحيط وفرفره عند المدراس

المــضيوم
28-01-09, 20:57
هيئة حايل ماورااهم الا المشااااااكل

والله هيئة حائل أسود

وأنت الله يهديك ليش ماوراهم الإ المشاكل ..؟!

أتق الله فى نفسك حنا خير أمه كما ذكر الله فى القرآن الكريم

أتدري لماذا لإننا نأمر فى المعروف وننهى عن المنكر

ما اقول الإ الله يصلح الحال

فتى الشمس
29-01-09, 08:52
الطريقة الوحيدة للقضاء على هذه الظاهرة الخبيثة هي ( السماح بقيادة المرأة للسيارة )

عطر الذكرى
29-01-09, 13:54
تدرون وش المصيبه !



المصيبه بهالعيال وبهالشيبااان ..


تلقى البيت بوه ثلاثه اربع رجال مايتحركـــون !!

طيب هذي اختك وامك وزوجتك من يوديــّــهـن ؟؟


يجي هالشايب المسكين ويصــف هالسيارات لهالعيال

وكلهم ان شاء الله نودي اهلنا ومدري ويجلس شهر يودي ويجيب

همـّـن ( ماني فاضــي ) !!


طيب الشايب ليه مايحشر عياله

ويقول لهم انه ماشرى هالسيارات لهم إلا على شان يقضون

حاجات الأم والخوآت !!

جيــديـن بها المسيرات وبهالتفحيط وفرفره عند المدراس

صـــــح لسانك..

بس الشايب يا قلبي عليه وشلون بيحشرهم؟!!!

ألف سيارة مسوطره عند الباب والحريم يتجدّن من يجيبهن ويوديهن.. الله لا يعين اللي ما فيه
خير لأهله.. ولا يوفقه ولا يمشي معه من وين ما وجّه يمته له.. :icon25:

عطر الذكرى
29-01-09, 14:05
الطريقة الوحيدة للقضاء على هذه الظاهرة الخبيثة هي ( السماح بقيادة المرأة للسيارة )

لا مهيب هذي هي الطريقة الوحيدة..

الحين يقولون سمحوا بالقيادة... بس لكن اللي ما تعرف.. ولا عندها أحد؟!

ولا عندها حق السيارة ؟!

طيب واللي وَلِيّها ما هوب سامح لها ؟!

صحيح إني مانيب مع القيادة بدون سبب وقوي جدا ً بعد.. إلا إني بنت وأقدِّر جدا ً إن ما فيه وحدة عاقلة
بتسوق إلا وهي محتدة..

هالحين ما لحقوا المرور على مصايبكم أنتم بهالشوارع تبغوننا بعد نكمل الناقص؟!!

سلام100
29-01-09, 16:44
الطريقة الوحيدة للقضاء على هذه الظاهرة الخبيثة هي ( السماح بقيادة المرأة للسيارة )

صحيح هذا هو الحل:icon27:

قهوة وهيل
30-01-09, 13:52
والضحية هالمسكينات الحريم لاحول له ولاقوة اذاكان عنده رجل مابه خير او ولدمثل قلته وتخوف من ابو عشره طيب وش الحل ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!؟

صمت الحكي
30-01-09, 14:10
الطريقة الوحيدة للقضاء على هذه الظاهرة الخبيثة هي ( السماح بقيادة المرأة للسيارة )


الله يرحم ضعفـك !!

إذا الحيـن وبدون سواقـة سيـارات المشاكل كثر الترآب

وشلون لآمـن ساقـن الحـريم !!

ولآ تبـيهن يسقــن على شان يجون هالزكرـت اللي مايخافون الله

ويحدحدونهـن بهالشوارع !!

على رجليـهن ماسلــــمن فما بالك بـ لاصارت معهن سيارات !!


واذا انت لك خوآت ( ترضى تخليـهن يسقـن ولآ لآ ) !!!!!