المساعد الشخصي الرقمي

مشاهدة النسخة كاملة : رالي حائل 2009



عـ2000ـادل
20-12-08, 20:02
السلام عليكم ورحمة الله وبركاته

اخواني حبيت استفسر عن الرالي اللي عندهـ خبر ..

بالمكان .. والوقت ..

لان مافيه اعلانات مثل الصخب الاعلامي العام السابق .

وسمعنا انهم انهوا الفعاليات المصاحبه ..هل الخبر صحيح ؟

أبو فيصل 99
20-12-08, 20:11
سينطلق " رالي حائل " يوم الاثنين 29 محرم 1430 هـ الموافق 26 يناير 2009 م لمدة ثلاثة أيام.

والمكان نفسه مع تعديل بعض المراحل بناء على رغبة السائقين ....

غموووووض
20-12-08, 20:18
الله يعين على اللجه والصجه

<<<< تقل عاد هي اللي تبي تصفهم وتنضمهم




هو زين شين الرالي بس لولا الاختلاط والعوائل تسان خوش رالي ...

للغايب عذر
20-12-08, 20:33
الرالي حولك ماهو بعيد

والفعايليات بعطله الربيع

شملاوي22
20-12-08, 21:44
الله لا يجيبك يالرالي
الله يجعله يفشل هالسنة وكل سنة يا حي يا قيوم

وليمز
20-12-08, 21:46
سلام عليكم ورحمة الله وبركاته


كيفكم


انشالله بخير

نصيحه لهل حائل

كهرب فعاليات الرالي على حسابكم

يعني كل واحد يطفي كهربه ويشغل تريكات

عشان يوفر الكهرب

وبدل ماتجيك الفاتوره (200)او (300) أو ماشابه ذالك توقع الفاتوره راح تجيك دبل القيمه

تحياتي للجميع

قلبي قبر مايضم أثنين
20-12-08, 22:00
الله لا يجيبه والله من الدشاره والحوادث بهالرالي وبصراحه ماله داعي وماله اي استفاده تقولون ترفيه بصراحه ترفيه مو كل اهل يدشر اهله اما بتفحيط والا باي شي سخيف ..؟؟

الله يعين عليه ؟؟

الساااهر
20-12-08, 22:05
الرالي على طريق الحفير وسيقام والله يعييييييييين عليه ومشاااكله

محب الجنه
20-12-08, 22:11
بنفس المكان والزمان

ذيب الليل
20-12-08, 22:28
الله لا يجيبك يالرالي
الله يجعله يفشل هالسنة وكل سنة يا حي يا قيوم


يااخي فيه ناس كثير لهم باب رزق فيه وعلى فكره اي تجمعات سواء رالي او غيرة له ايجابياتة وسلبياتة ولاننسى قول النبي صلى الله عليه وسلم كلكم راع وكلن مسؤل عن رعيتة ....هذا رائ

مدير شركة دجووو
21-12-08, 00:20
الله يجيبه علي خير نبي ننبسط بها الرالي

الاتجاه المعاكس
21-12-08, 00:29
يااخي فيه ناس كثير لهم باب رزق فيه وعلى فكره اي تجمعات سواء رالي او غيرة له ايجابياتة وسلبياتة ولاننسى قول النبي صلى الله عليه وسلم كلكم راع وكلن مسؤل عن رعيتة ....هذا رائ

كلامك سليم وازيد عليك الي مو عاجبه ينطق بيته و يعطي محبين الرالي فرصه ماهو تقولون الله لايعيده وانتم اول من يزاحم هو وحريمه

البرررررررنس
21-12-08, 00:30
الله لا يجيبك يالرالي
الله يجعله يفشل هالسنة وكل سنة يا حي يا قيوم





عين خير ياولد

مقيدني شموخي
21-12-08, 00:50
أنـا بصراحـة أتمنــى إن الرالي يكـون فيه فعاليات مثل السنوات الي مضــت

وحبيـت أبـدي رأئيي من حيث الناس الي مايبون الفعاليات المصاحبـة

يعني نشوف ردود كثيرة يطالبون اصحابها بمنع الفعاليات المصاحبة

وذلك لم فيه من مشاكل ودشرة على قولتهم

طيب شئ طبيعي بكل مناسبة وبكل مكان سواءً بحايل او مدينة ثانيه

تصير فيه سلبيات وإيجايبيات

يعني حنا ليش نشوف الفعاليات من منظور واحد فقط والي هو السلبـي ؟؟!!

يااخوان المظاهر الي تتكلمون عنها تحدث بمساح سنتر وببرزان

وبشوارع حايل

ليش نعلق بس على الفعاليات المصاحبة للرالي

طيب نشوف الايجابيات والي انا اشوفها بنظـري:

*تغيير جو برى المدينة للعوايل والشباب

*التسوق بالسوق الشعبي ولاننسى الي يكسبون رزقهم هناك مثل الحريم

*التعرف على القطع الأثرية وماشابه بالمتحف

*فعاليات الصقور

*مخيم الأهالي يستقبل الزوار أيضاً وتصير فيه أمسيات شعرية وعروض السامري والعرضة السعودية

*تعرف ضيوف حائل على حائل وأثارها وتقاليد أهلها وعاداتهم

*التعرف أيضاً على مخيمات الدوائر الحكوميـة والشركات ومعرفة أدوارها ونبذ عنها

يعنـي أنا أشوف الشئ الكثيـر من الفايدهـ

وانا ماانكر انه فيه حاجات تصير سلبية

بس عمومـــاً الفعاليات جيدة جـداً

ونتمنـى استمرارهــا

بس لايمكن نهمش هالفعاليات ونقول فيه مشاكل وفيه وفيه ؛؛ إلخ


أتمنى إني مأطلت عليكم

بس نقطة وحبيت أعلق عليها


تحياتي لكم

الاتجاه المعاكس
21-12-08, 01:14
مقيدني شموخي انت/ي مبدع/ه وكلامك عين الصواب

دحومي حائل
21-12-08, 01:33
بس بدون عطله

غموووووض
21-12-08, 01:39
طيب حايل مو محتاجه شهره او تحسين سمعه ..

هي معروفه قبل الرالي وبدونه بعد ...


هالخساير وهالالاف المؤلفه يصرفونه بشي ينفع المدينه ...


مو بخرابيط فاضيه .. لاتقدم ولا تاخر .. بس حق الفسق ...

(( الــgافـي)
21-12-08, 03:07
مابــه الا الحوادث والترويج وقل السنع لاجابه الله

كــفــانــي عـــذاب
21-12-08, 03:12
يااخي فيه ناس كثير لهم باب رزق فيه وعلى فكره اي تجمعات سواء رالي او غيرة له ايجابياتة وسلبياتة ولاننسى قول النبي صلى الله عليه وسلم كلكم راع وكلن مسؤل عن رعيتة ....هذا رائ

كلامك سليم وازيد عليك الي مو عاجبه ينطق بيته و يعطي محبين الرالي فرصه ماهو تقولون الله لايعيده وانتم اول من يزاحم هو وحريمه

كلام صحيح:icon27:

ابو عكش
22-12-08, 00:19
ا مرقوق وحنيني ومطازيز ومقشوش بايتات لهن اسبوع لاوبعد آخره محمض يارب لك الحمد

ابو عكش
22-12-08, 00:28
الله لا يجيبك يالرالي
الله يجعله يفشل هالسنة وكل سنة يا حي يا قيوم

ليه أفا ..؟ياخي ان كان الرالي موذي لبعض الناس لايجوون أحسلهم ..اللي مستغرب من الناس لابغا يطلع هو وأهله لازم يرووح لأماكن التجمعات ليه هذا سؤال ممكن تجاوبون عليه؟؟؟ مهو أحسن يرووح لمكان شبه خالي من الناس ويستانس هو وأهله

غموووووض
22-12-08, 00:55
طيب ليش يروح للرالي من الاساس لاصار يبي يجلس مع اهله بعيد عن الناس ؟


اهلوه يبون يتفرجون - تقليد من هاللي يشوفونهم ويسمعونهم؟


ضاقت تمشي اهلك بوقت الرالي ؟ وينكم عنهم طول السنه ؟


انا الرالي مااحبه ولا اايده - مامنه فايده ؟

واصف2002
22-12-08, 08:38
والله الرالي مايستفيد منه الا رعيين الشقق المفروشه اما غيره ماحد مستفيد الا الحوادث

بس ملاحظ شي واحد هو ان شباب أهل حائل طايرين بسيارتهم رايحين جايين ماياطا على الأرض ومسكر القزاز
وماتسمع الا طرقن طق طرقن طق طرقن طق ههههههه وطايرتن عيونه مادري وش عليه ؟؟؟؟؟؟

فشل كلوي
22-12-08, 18:17
خخخخخخخخخخخخخخخخخخخخخخخخخخخخ

تلفزيوننا ما قده احد
22-12-08, 22:53
رالي حائل غصب عن اللي راضي واللي مهو ر اضي

اعتمده ابن سعود اللي ما تثن كلمته

لكن نبي شي اكيد وراع الموضوع ما قال ابي رايكم

يقول ... اخواني حبيت استفسر عن الرالي اللي عندهـ خبر ..

بالمكان .. والوقت ..

أحمد الغثي
22-12-08, 23:46
سينطلق " رالي حائل " يوم الاثنين 29 محرم 1430 هـ الموافق 26 يناير 2009 م لمدة ثلاثة أيام.

والمكان نفسه مع تعديل بعض المراحل بناء على رغبة السائقين ....

تلفزيوننا ما قده احد
23-12-08, 00:08
شكر لك يالغثي

لكن السوال

هل يصدف اجازه منتصف العام