المساعد الشخصي الرقمي

مشاهدة النسخة كاملة : يامدير الجامعه ياناس ياهوه ياعالم لازم نفضح انفسنا عشان تحسون فينا ارحمو من في الأرض



أرق العيش
18-12-08, 10:25
بسم الله الرحمن الرحيم

والسلام عليكم جميعاً

ياأهل الخير يامدير جامعة حائل ياأهل حائل يامن تملكون الواسطات ياكل من يحب الخييييييييييييير لازم نفضح أنفسنا ونتكلم عن حالتنا الماديه المستعصيه عشان تنزلون لنا المكافئات؟؟؟؟
والله لو هي من جيوبكم كان قلنا بكيفهم لكن من الدوله واستحقاقاتنا وفيهن مـنّه ؟؟ لاوألف لا
أقسم لكم باالله العلي العظيم الذي لاأحلف به الا بالصدق ان حالتنا الماديه صعبه حيييييييييييييييل ومع هذا اقول الحمدلله والشكر فيه بنات أردى مني أقسم لكم باالله اني ادور سلف من اي احد عشان اشتري جكيت للبرد والله ماعندي الا حق العام ومشقوق من ورى خيطته امي وطلع مررررررقع ويفشل تدرون وش أسوي؟
ألبس ملابسي الصيفيه ألبس أكثر من ثلاث بلايز فوق بعض وأدري ان البنات يضحكن علي بس وش اسوي ماعندي الا بلوزه شتويه قدي والباقي كله حق العام.. علموني وش اسوي؟؟
أسرق من البنات؟
والا ابيع غرفتي والا أي شي؟
أبوي حارس عماره راتبه 1000 ريال ويقسط صابون 500 ريال وش تكفي 500 ريال؟؟؟؟؟؟
عيدالله السعيد اللي كلن فرح فيه مالقينا شي نلبسه ... وعشان فرحة العيد شرت امي من ابو خمسه لخواتي الصغار ملابس بثلاثين ريال وأنا قلت لها مسموح مابي شي وانحرمت فرحة العييييييييييييييييييييد
يعني ياعالم ياناس ياهوه يامسؤولين ماانتم مصدقين ان فيه ناس مثلي وشرواي عايشين على المكافأه؟؟؟؟؟؟؟
وتروني انـا أشوى من غيري أقسم لكم باالله العلي العظيم ان فيه بنات يبتسن تقل وغدان واذا سألتهن يجاوبنن لأنهن قريبات لحالتي يقلن (تفشلنا من ملابسنا واللي تقول امي تعبانه ودي أشتريلها علاج مااقدر)ياناس ليش مافي قلوبكم رحمه؟؟؟
فيه بنت قالت لي يوم الإربعاء راح اسرق من شناط البنات لما أجمع 60 ريال اشتري علاج لأمي قلت لها حرام عليك انتي وحده تخافين ربك لو تشحذين بالسوق احسن لك من السرقه قالت لي (ان شاء الله الذنب على اللي حرمن من راتبي ودعت عليهم وهي تبكي)

يعني فهمونا وش نسوي عشان تصدقون بحالتنــــــــــــــــــا

تبوننا نجي لمكم بالإداره ونكتب اسمائنا وننفضح ونفضح أهلنا عشان حقنا وراتبنا؟؟

وحده من صديقاتي تقولي ان ادارة الرجال يقولون للطالبات روحو للمشرفات وقولولهن ارسلو اسمائنا

يعني حنا جايين ندرس والا جايين نعلم المشرفات على شغلهن؟؟؟؟؟؟؟؟؟؟؟؟؟؟

والله العظيم وبعض صديقاتي في فقر مايعلم فيه الا الله جكيت للبرد ماعندي ـ 10 ريال عشان اعطي اخوي للبانزين عشان يودينن للجامعه مامعي وأنجبر اغيب..ومع هذا اقول الحمدلله حالتي اشوى من غيري

أنا في ثالث كليه ولحد يجي يقولي معليش فيه تنظيمات ومن هذي الخرابيط من دخلتي لسنه أولى وهم يذلوننا بالمكافأه وكلهم حويسه في دويسه

فضيحه وفضحت نفسي وبعض البنات
الواقع قلت لكم عن الواقع
وش باقي؟؟

باقي اجي احب رجل المسؤول وأقوله تكفى نزل لي المكافأه (هذا اللي تبيه صح؟)

والله لو اعيش كل عمري بدون دراسه وأموت من البرد والجوع ولاأنذل


اذا متت من البرد ذمتي برقبة المسؤلين
اذا سرقت احد خوياتي ياعله بألف حل ذمتها على المسؤلين
اذا جانا حرمان بالماده عشان مامعنا حق بانزين لأخواننا بذمتكم
اذا جعنا بالبرد ومامعنا ريال واحد نجيب به شاهي في ذمتكم

ماراح ادعي عليكم لأن قلبي مايطاوعني لكن والله العظيم اذا مانزلت لنا المكافأه بعد أسبوع او اقل راح ادعي على كل شخص بيده مسؤليه ودعوة المضطر مستجابه ... وعسى اشوف فيهم يوم واحد من معاناتي


أكتب لكم من مشغل صاحبته الله يجزاه خير لما سيرت علينا واعطتنا المقسوم من التمر قلت له عن معاناتي وبعض البنات قالت لي تعالي عندي بالمشغل واكتبي بالموقع وان شاء الله يسمعونك والله يجزاها الف خير سجلتني وخلتني اكتب


ودي اقولكم شي يااصحاب المسؤليه في الإدارة الماليه /

لو يتأخر راتبك يوم واحد وش احساسك؟
لو يمر يوم وتشوف ولدك يتنافض من البرد وش احساسك؟
لو يمر يوم وتشوف اخوك الصغير يجي عندك ويقول معك ريال عشان اشتري عصير ومامعك وش احساسك؟
اذا قالت لك بنتك او اختك انا اشين وحده بالملابس بالكليه وش احساسك؟
اذا عشت اسبوع كامل أكلك تمر وخبزة بر وش احساسك؟
اذا عشت الشتاء كله ببطانيات بالييييييييييييييه وش احساسك
اذا خربت صخانتكم بالشتاء ومامعك 30 ريال تصلح ولا 100 ريال تشتري صخانه جديده واجبرتك امك تقوم كل صبح تصخن على القز ماء كل يوم لأخوانك وش احساسك؟؟

ترا كل اللي فوووووووق مر علي وعلى عشرات البنات فقط حس تكفى حس وقلنا وش احساسك

اذا تبون بنات اهل حايل يفضحن انفسهن ويقلن عن حالتهن المترديه هذا انا ماقصرت

أكتب لكم وأنا أصيح وعندي كلام كثير بعد باقي اقوله لكن مستحيه احد بالمشغل يحس بي




مع السلامه

أناهيد
18-12-08, 10:54
[ياارق العيش
لا حياة لمن تنادين
اذن من طين وأذن من عجين
لاذمة ولاظمير
اللة يرحم الحال

ĦąķσŌσற.ą
18-12-08, 10:56
الله يرحم الحال

الامير الصريح
18-12-08, 11:14
لا حياة لمن تنادين ...


الظالم يجيه يوم ويندم ...

الساااهر
18-12-08, 11:17
لقد أسمعت لو ناديت حياً ولكن لا حياة لمن تنادي يعني ماعندك احد

المسلما ني
18-12-08, 11:29
الله يرحم حالك وحال المسلمين اجمعين




الله يفرج كربتك الله يفرج كربتك الله يفرج كربتك

الملتـــاع
18-12-08, 11:36
الله يرحم الحااااااااااااااااااااااال

لاحياة لم تنادي


مالنا الا الدعاء الله لايحلهم

ويالله انك تضيق بعيشة كل من كان السبب

الحايلي 700
18-12-08, 11:41
الله يفرج كربتكم ويرزقك

حايلي وافتخر
18-12-08, 12:36
الله يعينك ويعيننا

حتى حنا طلاب الكلية الصحية من يوم ضمونا للجامعة مااستلمنا مكافآت ولا أول كنا نستلم المكافأة كل شهر

لكن الجامعة أي شي تدخله تخربه

والله من الفساد الإداري بهالجامعة

أرق العيش
18-12-08, 13:03
يانااااااااس أدري اني على قد حالي والموضوع ماكتبته عشان تدعون لي والله يجزاكم خير على دعواتكم

لكن انا كتبته عشان تتكلمون في المجالس عن حالتي وحال بعض صديقاتي يمكن تحن قلوبهم والله تعبت اقسم لكم باالله تعبت

عاشق السوبر
18-12-08, 13:17
السلام عليكم ورحمة الله وبركاتة

الله يفرج لك يارب ويسمعون كلامك
اقترح لك ان تستنجدي بالنت بأمير المنطقة
تكفى يا سعود بن عبد المحسن افزع
هذي حالتي وحال غيري

مقشوش
18-12-08, 13:32
الله يرحم حالتك وحال كل مسلم

الله يفرج على المسلمين


ومافيه احد يشكى له غير ربنا
ولا انتم يامسؤولين الجامعه
وماتستاهلون اننا نترجاكم
و مالكم فضل علينا لان مكافأتنا من الدوله الله يعزه
وهذي حقوق ناس
واللي تستاهلونه
الدعاء عليكم من كل طالب يحرم من مكافاته الشهريه..


والله اعلم وش يجلسه بيدين المسؤليين هل يتاجر بها ؟
والله اعلم هل فيه مراقبه على المسؤؤل ولا لا ؟


والحمدلله ابوي مكفيني وموفيني ولاني بحاجه المكافاه
بس فيه ناس الله اعلم بحالتهم مالنا الا الدعاء لهم

كلي ذوق
18-12-08, 13:33
غريب هذا المدير
والله لو تدفعه من جيبك
هذه المكافأه ملزمه فيها الجامعه من الدوله
ورنا شلون تبي تعيش لو يتأخر راتبك

الله يعينك يارب
وان شاء تنفرج ازمتك
ولاتسكتين عن حقك وصليها لأمير المنطقه فهو لايرضى بالظلم

اما مدير الجامعه ومنسوبيها مايهمهم الا الفلاشات والجرايد

صورة مع التحيه لمدير الجامعه لمايعيشه الطالبات بالجامعه

الــحــزيــن
18-12-08, 14:13
الله يرحم حالك وحال المسلمين اجمعين

زيد السليمان
18-12-08, 14:15
الأستغفار الأستغفار الأستغفار ((( فقلت استغفروا ربكم إنه كان غفاراً يرسل السماء عليكم مدرار ا ويرزقكم بأموال وبنين ويجعل لكم جنات ويجعل لكم أنهار@ مالكم لاترجون لله وقارا. وقد خلقكم أطوارا))

ذيب الليل
18-12-08, 14:51
بسم الله الرحمن الرحيم

والسلام عليكم جميعاً

ياأهل الخير يامدير جامعة حائل ياأهل حائل يامن تملكون الواسطات ياكل من يحب الخييييييييييييير لازم نفضح أنفسنا ونتكلم عن حالتنا الماديه المستعصيه عشان تنزلون لنا المكافئات؟؟؟؟
والله لو هي من جيوبكم كان قلنا بكيفهم لكن من الدوله واستحقاقاتنا وفيهن مـنّه ؟؟ لاوألف لا
أقسم لكم باالله العلي العظيم الذي لاأحلف به الا بالصدق ان حالتنا الماديه صعبه حيييييييييييييييل ومع هذا اقول الحمدلله والشكر فيه بنات أردى مني أقسم لكم باالله اني ادور سلف من اي احد عشان اشتري جكيت للبرد والله ماعندي الا حق العام ومشقوق من ورى خيطته امي وطلع مررررررقع ويفشل تدرون وش أسوي؟
ألبس ملابسي الصيفيه ألبس أكثر من ثلاث بلايز فوق بعض وأدري ان البنات يضحكن علي بس وش اسوي ماعندي الا بلوزه شتويه قدي والباقي كله حق العام.. علموني وش اسوي؟؟
أسرق من البنات؟
والا ابيع غرفتي والا أي شي؟
أبوي حارس عماره راتبه 1000 ريال ويقسط صابون 500 ريال وش تكفي 500 ريال؟؟؟؟؟؟
عيدالله السعيد اللي كلن فرح فيه مالقينا شي نلبسه ... وعشان فرحة العيد شرت امي من ابو خمسه لخواتي الصغار ملابس بثلاثين ريال وأنا قلت لها مسموح مابي شي وانحرمت فرحة العييييييييييييييييييييد
يعني ياعالم ياناس ياهوه يامسؤولين ماانتم مصدقين ان فيه ناس مثلي وشرواي عايشين على المكافأه؟؟؟؟؟؟؟
وتروني انـا أشوى من غيري أقسم لكم باالله العلي العظيم ان فيه بنات يبتسن تقل وغدان واذا سألتهن يجاوبنن لأنهن قريبات لحالتي يقلن (تفشلنا من ملابسنا واللي تقول امي تعبانه ودي أشتريلها علاج مااقدر)ياناس ليش مافي قلوبكم رحمه؟؟؟
فيه بنت قالت لي يوم الإربعاء راح اسرق من شناط البنات لما أجمع 60 ريال اشتري علاج لأمي قلت لها حرام عليك انتي وحده تخافين ربك لو تشحذين بالسوق احسن لك من السرقه قالت لي (ان شاء الله الذنب على اللي حرمن من راتبي ودعت عليهم وهي تبكي)

يعني فهمونا وش نسوي عشان تصدقون بحالتنــــــــــــــــــا

تبوننا نجي لمكم بالإداره ونكتب اسمائنا وننفضح ونفضح أهلنا عشان حقنا وراتبنا؟؟

وحده من صديقاتي تقولي ان ادارة الرجال يقولون للطالبات روحو للمشرفات وقولولهن ارسلو اسمائنا

يعني حنا جايين ندرس والا جايين نعلم المشرفات على شغلهن؟؟؟؟؟؟؟؟؟؟؟؟؟؟

والله العظيم وبعض صديقاتي في فقر مايعلم فيه الا الله جكيت للبرد ماعندي ـ 10 ريال عشان اعطي اخوي للبانزين عشان يودينن للجامعه مامعي وأنجبر اغيب..ومع هذا اقول الحمدلله حالتي اشوى من غيري

أنا في ثالث كليه ولحد يجي يقولي معليش فيه تنظيمات ومن هذي الخرابيط من دخلتي لسنه أولى وهم يذلوننا بالمكافأه وكلهم حويسه في دويسه

فضيحه وفضحت نفسي وبعض البنات
الواقع قلت لكم عن الواقع
وش باقي؟؟

باقي اجي احب رجل المسؤول وأقوله تكفى نزل لي المكافأه (هذا اللي تبيه صح؟)

والله لو اعيش كل عمري بدون دراسه وأموت من البرد والجوع ولاأنذل


اذا متت من البرد ذمتي برقبة المسؤلين
اذا سرقت احد خوياتي ياعله بألف حل ذمتها على المسؤلين
اذا جانا حرمان بالماده عشان مامعنا حق بانزين لأخواننا بذمتكم
اذا جعنا بالبرد ومامعنا ريال واحد نجيب به شاهي في ذمتكم

ماراح ادعي عليكم لأن قلبي مايطاوعني لكن والله العظيم اذا مانزلت لنا المكافأه بعد أسبوع او اقل راح ادعي على كل شخص بيده مسؤليه ودعوة المضطر مستجابه ... وعسى اشوف فيهم يوم واحد من معاناتي


أكتب لكم من مشغل صاحبته الله يجزاه خير لما سيرت علينا واعطتنا المقسوم من التمر قلت له عن معاناتي وبعض البنات قالت لي تعالي عندي بالمشغل واكتبي بالموقع وان شاء الله يسمعونك والله يجزاها الف خير سجلتني وخلتني اكتب


ودي اقولكم شي يااصحاب المسؤليه في الإدارة الماليه /

لو يتأخر راتبك يوم واحد وش احساسك؟
لو يمر يوم وتشوف ولدك يتنافض من البرد وش احساسك؟
لو يمر يوم وتشوف اخوك الصغير يجي عندك ويقول معك ريال عشان اشتري عصير ومامعك وش احساسك؟
اذا قالت لك بنتك او اختك انا اشين وحده بالملابس بالكليه وش احساسك؟
اذا عشت اسبوع كامل أكلك تمر وخبزة بر وش احساسك؟
اذا عشت الشتاء كله ببطانيات بالييييييييييييييه وش احساسك
اذا خربت صخانتكم بالشتاء ومامعك 30 ريال تصلح ولا 100 ريال تشتري صخانه جديده واجبرتك امك تقوم كل صبح تصخن على القز ماء كل يوم لأخوانك وش احساسك؟؟

ترا كل اللي فوووووووق مر علي وعلى عشرات البنات فقط حس تكفى حس وقلنا وش احساسك

اذا تبون بنات اهل حايل يفضحن انفسهن ويقلن عن حالتهن المترديه هذا انا ماقصرت

أكتب لكم وأنا أصيح وعندي كلام كثير بعد باقي اقوله لكن مستحيه احد بالمشغل يحس بي




مع السلامه



لك رسالة على الخاص

عهود
18-12-08, 14:57
حاولت اقرا الكلام .. مرتين
نبهوني اذا مانتبهت .. انتم حالتكم صعبه جداً .. من وين لك نت وكمبيوتر !!

و شي كويس انك تعرفين تستخدمينهم.

عموماً .. الله يرزقكم .. الله أرحم من خلقه
وهذي حال الجامعات هنا .. تعالي شوفي جامعة الملك سعود
كلنا ندري ونشوف .. بس ماباليد حيلة

al_nader2011
18-12-08, 15:02
أحيي فيك ي أرق العيش هذه الجرءة والتكلم عن الواقع الذي يعيشة آلآف الطلاب والطالبات

هذا رقم جوال وكيل الجامعة د . محمد النافع 0505816221

وشكراً

كلي ذوق
18-12-08, 15:16
أحيي فيك ي أرق العيش هذه الجرءة والتكلم عن الواقع الذي يعيشة آلآف الطلاب والطالبات

هذا رقم جوال وكيل الجامعة د . محمد النافع 0505816221

وشكراً

الدكتور محمد النافع وكيل الجامعه للشؤون الأكاديميه

هناك وكيل للشؤون الأداريه والماليه هو عثمان الصقير والمسؤول عن الأمور الماليه والأداريه

يعني الدكتور ماله شغل ولاعلاقه بالمكافأت والأمور الماليه

وبعدين ماله داعي تحط رقم الجوال حق الدكتور:icon7:

ثامر سعود
18-12-08, 15:50
يا أختي الفاضلة الله يفرجها عليكم ويسترها عليكم
انا ارى لو تحاولين وتكتبين خطاب بحالتكم بالصبط وحاله بعض الطالبات التي تواجهه مشاكل بحياتها
وانها عايشه على الله ثم على المكافئه موجه لمعالي المدير شخصيا
ويروح أحد من اهلكم ويوديه لمكتبه شخصيا ويتأكد من دخول الخطاب والله ماراح يقصر المدير معكم
بس البلاء من اللي تحته أهم شي وصولوا صوتكم للمدير تروا دائما الصورة توصل مش واضحه للمدير
ولا تقولين ماراح يسوي شي اهم شي حاولي مرة ومرتين وعليكي بذل الاسباب الباقي على الله

ثامر سعود
18-12-08, 15:54
بعدين يا أختي الفاضلة تري هذي حالة الجامعات كلها
انا درست في جامعة وكنا اغلب الاحيان ماناخذ الا بعد شهرين والا ثلاثة؟؟

ربي يسها ويفرجها وزي ماقلت لك بالرد السابق
أبذلي الاسباب وحاولي توصلين صوتك بصدق للمدير
والله المعين

الراقي
18-12-08, 16:41
حاولت اقرا الكلام .. مرتين
نبهوني اذا مانتبهت .. انتم حالتكم صعبه جداً .. من وين لك نت وكمبيوتر !!
و شي كويس انك تعرفين تستخدمينهم.

<<--- أن كنتي قريتي الموضوع مرتين أنا قريته أكثر ,,
ولكن بعيدا عن صرف المكافأت في وقتها أو تأخيرها لبعض الوقت أو حتى التجني اللي نطالعه هنا عن الجامعه الوليده اللي كنا في يوما من الأيام ننادي بها وكأنها كانت هي التي سوف ( تصحح ) بعض العقليات وتخرجهم من ذاك الأرث الذي لم يستطيعوا حمله كما يجب ، وبالتالي لم يستطيعوا التخلص منه ، أو حتى تطوير مصطلحاته ..!!

ألا أننا للأسف كانت أمنياتنا عبثيه بل وفوضويه في غير محلها ..

فهذه وأن كان وأعني ..
كاتب الموضوع أو كانت كاتبة الموضوع <<<--- لأننا هنا لا نفرق بين الجنسين ألا ماندر ..

أقوول أن كان
صاادق ،، أو صاادقه ..
فيما قالته فأن المشكله الحقيقية ليست بتأخير المكافأه ، والتي تحصل في كثير من الجامعات لأسباب كثيره وكثيره جدا ، بل في التباكي اللي تضمنه الموضوع والاستناد على مصطلحات بدائيه ( وهي التي تقول أنها طالبه سنه ثالثه ) جاامعه ، ومع كل هذا لم تتغير لغتها ولم تتطور ولم يشفع لها تلك السنوات التي قضتها في الحرم الجامعي وهي تتعلم ألا أنها بقيت على ذاك الأرث ..

ولا أدري كيف نحلل ، أمور محرمه ، كــ السرقه وخلافها ، ونأتي أيضا ( لنفتي ) لأسباب أفعالنا ..
وهذه أن ترسخت في عقول البعض فأنها طامه كبرى ..

وتقول أن والدها يعمل حارس بــ 1000 ريال ولم تقول أنه يستفيد من الضمان الأجتماعي ، وكذلك لم تقول أنه يستفيد من الجمعيات الخيريه ، وخلااافها ..

وأيضا تقول أنها تكتب من خلال ( مشغل ) قامت صاحبة المشغل بتسجيلها بالمنتدىء أي أنها لا تعرف تستخدم النت وربما لا يوجد لديها أيميل وهذه غرائب توقفت عندها كثيرا ..

ولعل الشي بالشي يذكر ..

هو قيام الجامعه وقبل عيد الأضحى بضخ مبلغ ( عشرون مليون ريال ) مكافأت للطالبات والطلاب لــ 3 أشهر ..
وهي شهر 10 ، وشهر 11 ، ( وأيضا ) شهر ( 12 ) والذي لم ينتهي حتى الآن ..

ولكن كان ( هم ) معالي مدير الجامعه ..
أن يستفيد هؤلاء الطلاب والطلبه من المكافأه في هذه الأيام ، وهو الذي وأقصد المعالي كان قد وجه بأن تكون مكافأة الطلبه تنزل في حساباتهم مع رواتب الموظفين وكان مهتما بهذه الجزئيه وهذه ننقلها كوننا مسئولين أمام الله عنها لأن معاليه قد أكد عليها ، ولكن من غير المعلوم لدى الكثيرين هو ما عانته الإدارة المختصة بالجامعه من العمل والفوضويه التي كانت عليه الكليات قبل أن يتم ضمها للجامعه وكان الوضع يتطلب عمل جبار من قبل الجامعه لتصحيح وضع فوضوي كما أسلفت لم يتكلم عنه أحد على أيام العردان وآخرين ..

ما أردت الوصول إليه هو أن كلمة الحق يجب أن تقال ..
ويجب أن تكون هي الساائده أي أنه لا يجب بأي حال من الأحوال التجني أو الكذب أو حتى أختلاق المشاكل ..
أو الضن بأن تشويه صورة المعالي أو بعض منتسبي الجامعه أو التطبيل لأخرين هو الصح ..

والحقيقه تقول :

بأن الكليه الصحيه وكلية المعلمين أستلموا مكافأتهم ..

وبعض الكليات الأدبيه والعلميه تبقى ( جزء ) منهم أعيدت معاملتهم نظير وجود خطأ بسيط ببيانات الطلبه ..
والأسبوع القادم سوف تكون مكافأتهم في حساباتهم ..

والله الموفق ،،،

أرق العيش
18-12-08, 17:27
أستغفر الله العلي العظيم وأتوب إليه أسأل الله لكل من ظلمني منكم اليوم أن يظلم أمام الملاء ليشعر ماأشعر به
اللي تقول عندكم نت وكمبيوتر يعني حاسدتنا؟؟
بعدين لو قريتي الموضوع زين كان عرفتي من وين كتبت الموضوع
ولعلمكم انا اعرف النت والكمبيوتر لأني درسته بالثانوي وسريعه بالكتابه ياربي لك الحمد لكن ماعندي نت وصاحبة المشغل الله يجزاه خير قالت لي تعالى عندي بالمشغل واكتبي اللي تبينه هي اللي سجلتني وهي اللي فتحت لي صفحه قالت اكتبي هنا وكتبت
والحين انا رحت عنده للمشغل لأنه تبي تدبر لي شغل وان شاء الله تقدر حتى لو أكنس ماعندي مانع الشغل ماهو عيب

اللي يشوف اني اكذب او ابالغ الله لايحله وعساه يذوق يوم واحد فقط من أيام عيشتي
ويااللي تقول مكافئتكم تبي تنزل الأسبوع الجاي يا(مطبل لهم) لاتستصغر الناس ومو عشاني بثالث جامعه لازم اكتب بشكل فهلوي
ترا اقدر أكتب مايبهرك لكن انا أكتب لكم واقع مو رتوشات أدبيه وبعدين وش عرفك ان ابوي له ضمان؟؟
لو له ماذليت نفسي وكتبت هنا

عموما أشكركم جميعا واللي يبي يقول كلمه تجرح ويبي يستهزي بحالتي اقوله لاترد احسن واللي عنده كلمه طيبه اقوله جزاك الله الف خير

ومشكورين

وادعو ان القى شغل لو بميتين الشهر

أرق العيش
18-12-08, 17:33
بالنسبه للي عرضو مساعدتهم بالرسائل الخاصه اولاً اقولكم ماقصرتو الله يجزاكم خير ويرفع قدركم
وثانياً أنا ماجيتكم عشان اجمع مساعدات لاوالله مو هذا القصد ومقصدي واضح واللي هو نبي حلالنا اللي ذلونا فيه وربي راح يكفيني ويكفي اهلي
على العموم مشكورين الله يجزاكم خير وربكم يعين وينصرن وينصر كل مظلوم

حلى بنات111
18-12-08, 17:37
مسؤول المكافاات في منتدى اكاديميه حائل قال السبب

سبب تاخير المكافاات

السلام عليكم ورحمة الله وبركاته
اسف عالتاخير او عدم الرد على بعض الاستفسارات خلال الفترة الماضية بسبب بعض الظروف
سأل الكثير من الطلاب والطالبات عن سبب التاخير وكل شخص يظن انها من قسم المكافات وهذا خطا
سبب التاخير ماكان من عندنا واقصد مكافات شهر 10و11
انا قلت قبل ان المكافات راح تنزل متى ماستلمنا في قسم المكافات بيانات الطالبات من الكلية الادبية والعلمية
مااحد ارسل الوحيد اللي جهز بياناته هم جامعة حائل فرع الطالبات والطلاب
البقية لا
كلية التربية للاقسام الادبية يوم الاربعاء الماضي
كلية التربية للاقسام العلمية يوم الاثنين غير كامل
يوم الثلاثاء اخر يوم من الدوام الرسمي وصلت لقسم المكافات مباشرات +دسك احياء واصلات بعد صلاة الظهروالله العظيم
كذلك يوم الثلاثاء الساعة تقريبا 10 او 10ونص وصلت مسيرات + دسك الكلية الصحية بنات
يعني اخر يوم من الدوام الرسمي وخلال فترة قصيرة يطالبون بالمكافات
طيب وينكن عن الموظفات من شهر ليه ولا طالبة راحت للموظفات وطالبت بسرعة ارسال الدسك والبيانات
بصريح العبارة انا ماتحمل خطا غيري او تاخيره
واخيرا الله يكون بعون الجميع


ملاحظه بسيطة :
1 ــ ماشالله منتسبين جدد واكثر من اول للمنتدى حبيت ارحب فيهم وتحياتي لهم واحد واحد
2 ــ للجميع ياليت نرتقي اكثر بطرح المواضيع والردود وانها تكون بحدود لانكم طلاب وطالبات على مستوى عالي من العلم واعيد واكرر انتم واجهت حائل التعليمية والمنتدى اكبر صرح يهتم بالعلم والحركة التعليمية على مستوى المنطقة ولا تتصورون من اللي يطلع على المنتدى ويقراه من اساتذة ورجال ونساء علم واداريين واداريات جامعة حائل
يعني عندك نقد مو عاجبتك شغله حاول تطرح الموضوع باسلوب راقي واللي يبغى يرد يختار الفاظ مقبولة
لاني انصدمت من بعض المواضيع واكثر منها الردود فيها انحدار لفظي فيها تشكيك بذمم الناس
لكني التمس العذر للبعض بحجة ( منفعل وخانه التعبير )
تحياتي للجميع






وكانت احد الردود


أخي الكريم
على ماأعتقد بان الخطاء مشترك بين الطرفين
أفدت بان الوحيد الذي جهز بياناته هم جامعة حائل فرع الطالبات والطلاب
لماذا لم تنزل مكافأتهم حتى يومنا هذا ؟؟؟؟
انتم لم تطلبوا بيانات الطالبات الا من قرابة ثلاثة اسابيع ....
كان من الممكن الاستفادة من البيانات التي رفعت لكم العام الماضي وكذلك
الاستفسارعن بعض الحالات من قبل وكيلة شئوون الطالبات لجميع الكليات
علماً بانه ليس من حق الطالب ان يسأل الموظفات والمطالبه بسرعة ارسال الدسك والبيانات
لانهن ليس لهن دراية بتلك الامور !!!!! ولان هذا يعتبر عملكم الذي كلفتم به .....
فمن المفروض الاتصال المستمر بينكم وبين شئوون الطالبات لاتمام عملكم !!!!!
أسفه لتدخلي في هذا الامر لكن احببت ان ابين لكم وجهة نظري
هذا مع تمنياتي للجميع بالتوفيق


واتمنى ان الراقي مايزعل

وان شاء الله الجامعه من احسن لاحسن

ومدير الجامعه والمسؤولين يصيرون يد وحده

حلى بنات111
18-12-08, 17:44
تابع للردود على مسؤول المكافئات في منتدى اكاديميه حائل


احد الردود بمنتدى اكاديميه حائل


وش هالنظام اللي في الجامعه مــــــــــــــــــــــــــــــــافي تنسيق

ولو ترد وتقول فيه

اقول وارد عليك مـــــــــــــــــــــــــــــــــاعندكم تنسيق في الجامعه

يوم اعذار تحطونه على منتدى الجامعه والحين جايبين اعذار ثانيه

تقولون في البدايه تغيير بنوك والحين تقولون الديسكات ماوصلت

توكم تفطنون

وينكم ماتسووون اجتماعات للموظفات وتسألون عن سبب التأخير

الخطأ راكبكم انتم الاثنين

تلومون بعضكم ماتشوفون وش الخطأ وتصلحونه


اللحين تقولون نرووح للموظفات ونقول لهن عجلن ارسلن الديسكات

وان شاء الله وش صارت وظيفتكم

اللحين الاداره هي اللي تشتغل لمصلحه الطلاب

صرنا ندرس وبعد نشتغل اداريات في الجامعه

اعطونا رواتب على كذا مو بس مكافئات








وفيه بعض الطلاب من كليه المعلمين و بعض الطالبات من الجامعه ماستلموا مكافئاتهن

طالبه جامعه


لقد أفدت بان الوحيد الذي جهز بياناته هم جامعة حائل فرع الطالبات والطلاب
لماذا لم تنزل مكافأتهم حتى يومنا هذا ؟؟؟؟

كان صرفتوا لهم وخليتوا الباقي بعد العيد




طالب بكليه المعلمين

السلام عليكم ورحمة الله وبركاته

المكافاه ما نزلي شين رغم ما عندي انذار ولاني بمتاخر . الي عنده فكره يقولي جزاه الله الف خير


واتمنى ان الراقي مايزعل

وان شاء الله الجامعه من احسن لاحسن

ويصيرون المسؤولين يد وحده

حلى بنات111
18-12-08, 18:54
احد طلاب كليه المعلمين بمنتدى كليه المعلمين يشتكي

بسـم الله الرحمن الرحيم ..

مســاكم الله بـ الخير جميـ ع ـا ً ..
في الحقيقــة زادت التساؤلات عـن المكافئــة وعــن سبب تآخرهـا ..
حتـى أنها أصبـ ح ـت حديــث المنتدى الوحيــد ..



لاشـك أن الصرافات أشتكت من قــلة الأوراق وذلك لكثرة تررد الطلاب عليها وسـحب الإصـالات والتي تحمل الرقم ( الرصيد 0.00)

فيا ترى من المسؤول عن تأخر المكافئـات ؟؟!!
وهـل يا ترى ستكون ردت فعـل المسؤولين عنها (إيجابية) في حالة تأخر راتب أحدهم ولو يوم واحد ..!!

أشكـ في ذلك فعلا ً .. !






أشغلـتنا المكافئة ..! وأصبحت همنا الوحيد ..
حتى أثناء الصلاة لا نخلوا من التفكيـر فيها ..! فلا بــارك الله فيما كـان السبب ..!!





إن إنقطـاع المكافئـة يدفع الكثيـر من شباب الكلية إلـى التفكير السلبي ..
وعلى غزو المنازل ليلا ً والتلصص من أجل توفير المصرووف ..
فالمكافئـة هي التي كانت تغير فكرة هؤلاء الشباب الإنحـرافية ..!
وإنقطاعها سيسبب الكثيـر من المشاكل .!! فلا بــارك الله فيما كـان السبب ..!!





حتى الحيوانات أشفقت على حـال طالب الكلية ..؟ وما يمر به من ظروف قاسية ..
فكيف بـ هؤولاء المرتزقة الذين لا يملكون ضميـرا ً ولا ذمـة .!
لا بـارك الله فيهم ..!


أح ـبتي ..
أصبروا .. عسى الله أن يفرج همكم وغمكم وأن يعينكم على ما أصابكم ..
وعظم الله أجرنا وأجركم ..



* بـرايفت *

صـورة مع التحية

الخالة
18-12-08, 19:49
الله يرزقك يارب ويخليلك اهلك
ومالك الا الصبر

ذيب الليل
18-12-08, 20:10
الوضع خطيرررررررررررررررررررررررررر ياناس ؟؟ الله يستر

نجد العذيه
18-12-08, 20:58
والمشكله بعد التخرج والتعب والبهذله مافيه وظايف 000000 الله يعين المستحين

ذيب الليل
18-12-08, 21:02
[quote=نجد العذيه;2289336]والمشكله بعد التخرج والتعب والبهذله مافيه وظايف 000000 الله يعين المستحين[/
Quote]

حلوه والله هههههههههههههههههه

مهموم بدنيتي
19-12-08, 02:38
الله يعينكم ويفرج كربتكم

انا مابي اقول لك رساله على الخاص

ابي اقولك هنا على العام امام الموجودين كلهم
اذا ابوك راتبه 1000 ريال وماله وظيفه حكوميه او تامينات او مطلع عمال باسمه
مستعد اني اسجله بالضمان الاجتماعي هو واللي معه بكرت العائله
اقسم بالله اني صادق
للمعلوميه كل هاللي بسويه لوجه الله تعالى

المحبة للخير
19-12-08, 03:10
اولا:فرج الله كربكم وكرب كل مكروب

ثانيا:احيي فيك الشجاعة والجرئة ومن الافضل ان تكتبي شكواك بمنتدى الاكاديمية لان اغلب منسبو ومسؤلون الجامعه يطلعون عليه
http://www.hail4s.com/vb/forumdisplay.php?f=226

ثالثا:راجعي الخاص

senior1
19-12-08, 03:37
بسم الله الرحمن الرحيم

يااختي العزيزة ... كلنا يعرف سواء في حائل او خارجها اي جامعه او كلية اقسامها كثيره وطلابها كثر وارد فيها الخطأ وتأخر البيانات والتسلسل الاداري وكل دائرة تنظر من الدائرة الاخرى تصحيح الاخطأ وعلى هذا الموال اي خطأ يتسبب في التأخير ...


مجمل حديثي يااختي العزيزة انك لاتأملي على المكأفاة كل احلامك وحياتك لان المكافأة احتمال تتأخر او ان المكأفأة احتمال تنقطع بسبب سقوطك لاسمح الله ,,, ففي ناس تتمنى ان لها مكأفأة حتى لو تتأخر واحيان التأخير فيه خير تكون مجموعه لك المكأفاة بمبلغ كبير يستفاد منه ولا يفرط به ,,, وهكذا الحال له مسبباته...


والله كلنا معك قلبا وقالبا ولا يمكن من احد في قلبه أيمان يتجرأ ويشتم في حالك حتى لو كنتي على جواد وسيف من ذهب ..

وبنسبه لحالك بغض النظر عن المكأفأة فهناك جمعيات خيريه وضمان اجتماعي لتأمين حالكم حتى لو انقطعت المكافأة ...

وجزاء الله الاخوان كل خير كلهم معك بسطوا لك وأذلوا جميع العقبات امامك...

اسأل الله ان يلطف بحالك وحال جميع المسلمين والمسلمات

سمــــــــــو
20-12-08, 17:47
أعانكِ الله أُخيتي ورزقكِ من حيثُ لاتحتسبِ ... عليكِ بالإستغفــار...وأعلمي أن كـُل مماطل في رواتب الطالبات بقصد وبتثاقل سيــُجازى في الدُنيا قبل الآخره ... أحتسبي الأجر في وضعك وأحمديه كثيراً وستنالين الرزق بإذن من المولى وكرمه...قلبي والجميع معكِ..

حلى بنات111
20-12-08, 18:20
الله يرزقك ويصبرك ويغنيكم

امين
امين
امين
امين

أرق العيش
25-12-08, 16:25
بسم الله الرحمن الرحيم....أعود وقلبي يتفطر لكن مااقول الا الحمدلله على كل حـــــال

قالو لنا آخر الإسبوع الثلاثاء او الإربعا تنزل المكافأه واليوم الخميس ولاشفنا شي..حسبي الله عليهم الله يضيق عليهم رزقهم ويعيشون مثل ماأعيش ... اللهم ياكريم أذلهم في الأرض قبل الآخره كما أذلونا في رزقنــا...اللهم حنن قلوبهم علينا ياااااااااااااااارب العالمين

ذل وانذلينا لكم
وبكل الأساليب تكلمنا معكم ولافاااااد
وش بقى عشان نسوي؟؟
وياليت اذا نزلو الراتب يصير كامل 3 شهور ياخوفي يصير شهر واحد ويسحبون منه 50 ريال
يارب انك تضيق عليهم لو يوم واحد عشان يحسون اللي احس فيه انا وبعض البنات
الله لايحلكم
الله لايحلكم
الله لايحلكم
الله لايحلكم
الله لايحلكم

يامسؤليييييييييييييييييييييين من أكبركم الى اصغركم من موظفات وموظفين الله لايحلكم وياعساني اشوفكم تنذلون مثل ماذليتوني

حايل الغلا
25-12-08, 17:21
سبحان الله بعض الناس حتى الكلمه الطيبه مايعرف يقولها


اللي شككو بمصداقية البنت بالله عليكم شلون تفكرون خافو ربكم البنت ماشكت الا تبي حقها ولا فيه منَه من احد


والبنت اللي قالت ان اسلوب الكاتبه مايدل على انها جامعيه هل هالموقف يحتاج لتنسيق ومتابعة اخطاء املائيه


البنت داخله النت من مشغل وتحس بذل وهي تطلب حق لها وتبينها تكتب باسلوب يعجب حضرت جنابك ؟!


عيب عليكم الواحد يصير بوجهه دم ..



الاخت ارق المشاعر الله يفك اسر مكافآتكم وإن شاء الله انها على يدك وتكسبين اجر باقي زميلاتك ..


خلي املك بالله كبير وإن شاء الله تفرج