المساعد الشخصي الرقمي

مشاهدة النسخة كاملة : ليش صرنا موستهلكين ( مُستَهـلَكِين )



مستجد
15-12-08, 20:00
بسم الله الرحمن الرحيم
اسعد الله أوقاتكم ..
أضع بين أيديكم هذا الموضوع الذي أحسسني بالقهر والظلم الذي سببته لي
[ طابعة ]

قد تستغرب او تتساهل لكن لست أنا الوحيد الذي تم النصب عليه ولهذا كتبت هذه المشاركة للعبرة والفائدة..
وخصوصا انك عندما تطلب العون من أهله فإنهم يرفضونه وعذرهم أن تقدم شكواك للـ: حقوق المدنية ؟
وهل يعقل أن أقدم على الحقوق المدنية من اجل طابعة أنا لم اشتكي هذا المحل إلا لحماية المستهلك ولكي لا يتم النصب على شخص غيري , وسوف اشرح لكم قصتي بإختصار :
رحت لمحل إسمه مملكة الحاسوب الي بعد طلعت صديان وأنت داخل للبلد

http://www2.0zz0.com/2008/12/15/16/108695543.jpg
http://www2.0zz0.com/2008/12/15/16/989825662.jpg

طبعاً حاجتي طابعة وعرض علي عدة أنواع من الطابعات ومنها طابعة اسمها
EPSON والي أعجبن بها إنها طابعة وسكنر وآلة تصوير وسعرها 125 ريال بس

http://www2.0zz0.com/2008/12/15/16/535010521.jpg
مميزات ممتازة

وبالأخص إني فهمت من الشباب إن أسعار الطابعات ألان رخيص لأن أخر مره شريت فيها طابعة كان سعرها 600 ريال
وسألته هل حبرها متوفر جديد وتعبئة فأجاب انه متوفر بمحلات على شارع الثلاثين ويوجد منه الجديد لكنه نصحني بالتعبئة لأنه أرخص ، إلى هنا وحنا حلوين ، طلعت منه وشريت ورق تصوير ، لاكن المصيبة إن الحبر خلص وأنا ما صورت إلا تقريباً 200 ورقة بعده ما خليت محل كمبيوتر بحائل إلا وجيـته ولا حصلت لها حبر .

http://www2.0zz0.com/2008/12/15/16/663838035.jpg

رجعت للمحل لأني عرفت انه نصب على وطلبت منه يوفر حبر جديد وتعبئة حسب ما ذكر ، وخذ مواعيد حتى مضى 16 يوم وبعدها رجعت لها وأعطاني حبر ولكن من طابعة جديده عنده وعرض علي سعر الحبر لوحده 80 ريال .. ويوم قلت له اني اعرف انه اخذها من الطابعة فقال لي خذ الحبر مع الطابعة بـ110 يعني صار قيمة الطابعة 30 ريال فقط .. سألته طيب افرض اخذت الحبر وش تسوي بالطابعة قال ابيعها على انها سكنر بس ههههه
نصب بإحتراف
انا اقدر اخذ الحبر ولكن غيري وش يسوي وبما ان العرض مغري فاكيد الكثير سوف يغتر بهم ..
فقلت له إن يعطيني علب الحبر خاصتي عشان اقدر أعبيهم من برى حائل لرخص التعبئة مقارنةً بالجديد لاكن المصيبه انه قالي انه أعطاهم الموزع ؟ بأي حق ما أدري ؟؟؟؟؟
فقلت له سوف اتصل بالشرطة ان لم توفرهن لي فقال لي وبكل برود اتصل ..
الظاهر مارتن عليه هالسالفة أكثر من مرهـ
فتصلت وجوا للمحل وبعد النقاش اخبروني ان ارفع شكواي للحقوق المدنية ؟
ولما سألته اذا انا اخذت منه شي ولا رجعته وشكاني هل تستجيبون له فأجاب اكيد بنوديك للمخفر حتى ترجع له حاجته ؟
أيعقل هذا ان يبتخس حقي بينما حق الغير محفوظ ..

وكتبت هذا الموضوع للأسباب التالية :
أولاً : أين دور حماية المستهلك ولماذا أصبحنا
مُستَهـلَكِين ( بضم الميم وفتح ألام )
ثانياً : ما دور الشرطة وما دخل الحقوق المدنية في مثل هالمواضيع
ثالثاً : للتحذير ولاخذ الحذر من هذه الطابعة اينما كانت ومن هذا المحل بالخصوص..

تقبلو خالص التحايا

راكان المزيني
15-12-08, 20:18
ونصابين زي محل جدار بجدار بمملكة الحاسوب شريت شاحن عليه ضمان رجعته قال اجيب لك جديد ولا جاب جحد قال ماجبت لي

شاحن ولا شي


الله لا يحلهم ولا يوفقهم


تقبلوا تحياتي راكان المزيني

مستجد
15-12-08, 21:25
راكان المزيني

الظاهر إن الدعوى عامة


أشكرك على مداخلتك

محب الجنه
15-12-08, 21:38
الله لا يخسر

بس ضروري تتاكد من اكثر من محل قبل مشتراتك للطابعة

احترامي

همس الربيع
15-12-08, 21:49
الله يعين هذا وانت رجاااااااال وتقدر تدور المحلات وتبحث عن الأفضل لك

وش حيلتنا حنا إذا انصب علينا



لا يوجد في حائل حماية مستهلك للأسف
روح شوف هالمعارض الي تفتح بين فينة وأخرى بسلمى مول أو الروشن يبيعون بضائع مستعمله على أنها جديده


وأم الجميع ولا حيااااااااااة لمن تنادي وهالحريم هات ياشرا وهم يخدعونهم

سفيرة الحزن
15-12-08, 23:32
الله يكون بالعون

Ladis First
16-12-08, 00:59
لاحول ولا قوة الا بالله


وصلت فيهممم لكذا



الله يعييييييييين هذا وانت رجال ينصب عليك



اجل حنا وحسرتناااا استغفر الله :(

مستجد
17-12-08, 12:47
مشكورين على المرور

انزح وراك
17-12-08, 13:06
قبل 5سنوات اشتريت مثل الطابعه هذي بــ 1200ريال

وكان سعــر الحبر 120ريال

وتستهلك الحبر بشكل كبير خاصه اذا التصوير ملون


ولا القى الحبر الخاص فيها الا عند مكتبة المكتبه او المكتبه اللي كانت بمكان مصلحة التقاعد


نصيحتي لك خذ هالطابعه وطشه من فوق سطحكم: ) ... لان ماوراه الا الغثـــا


حبره مايلقى بالهين

علي الصالح
17-12-08, 13:25
الضاهر انتم ماوصلكم أسلوب " الدبغ "
أخي الكريم الأجنبي حاليا بدا يتطاول على السعودي وبدا ينصب ويستهتر ولا رادع لهم
فأنصحكم بأسلوب الضرب .. يعني صراحه سالفت راكان المزيني اللي يقول جحد ,,! معقوله تسكت له
رح استفتزع لك ثنين من الشباب وادخلو عليه وادبغووه دبغ وقولو خل الشاحن لك .. ومع السلامه
إلى اللقاء

طالب مثابر
17-12-08, 13:39
http://www.merkaz.net/up/uploads/100961.gif (http://www.merkaz.net/up/100961.html)

الــمــلــتــاع
17-12-08, 15:52
حتى انا صارت لي مشكله مع الهنود
وكلمت كفيلهم ونفذ لي اللي ابي والهندي انقهر من اجابة شكواي له
المحل هذا يقهرونك وصدقت يا اخ علي ههههههه

مستجد جزاك الله الف خير واتمنى مواضيع قادمه مثل هالموضوع الحلو