المساعد الشخصي الرقمي

مشاهدة النسخة كاملة : ياكهرباء حائل الى متى السرقه المدروسه والذكيه



سري
30-10-08, 17:23
اخواني من له قدره او يستطيع رفع المعانات اللي يعانونها قراياء حائل بسبب السرقه اللي تمارسها
شركه كهرباء حائل لان لايبرو انفسهم من هذه التهمه الا ايذا سلمو الفواتير الى الصحابها بعد قراءتها
في يوم او يومين اوثلاثه يوم يخزنو الفاتوره بعد قراءتها شهرين ليش ؟ الجواب لانهم يبون العداد يغطي الاخطاء
ويمضي عليه فتره ويغطي الغلط هم 5 هلالات حاصلين عليها في اي وقت ولاكن الزياده اللي تجيهم بطريقه الخطاء
لايقدر المضلوم يشتكي لان العداد غطاء الخطاء نظرن لطول المده ياشركه خوفو الله وفعلو عمل القاضي بيننا وبينكم
وهو العداد سوال ماهي فايدتكم من الاحتفظ بالفواتير المده شهرين ؟

سـمـو
30-10-08, 17:42
انشاءالله احد ىالاخوان يستطيع ايصالها

نجم الشمال
30-10-08, 18:42
بس علشانك طال عمرك أنفردت بموضوع جديد لحاله بمنتدى هذا

أعتبرها رد على موضوعك الرائع والمضطهد

تقبل مروري

والله يخلف علينا وعليك

سري
30-10-08, 18:58
الف شكر ياخوان على مروركم وكلاماتكم الحلوه ولاكن يعلم الله ان بعض الفواتير تجي في شي مايقره العقل
ولما ترجع للعداد تجده عد كيلوات كثيره عقب قراءتهم لان قراءتهم مضاء عليها شهرين

أبو فيصل 99
30-10-08, 19:08
الكهرباء سياستها الشفط المنظّم والمدروس للمشتركين المغلوب على أمرهم ... لعدم وجود البديل

سري
30-10-08, 19:10
ياجماعه الكرباء صار مثل الغنم تقبل فيه المساومه والله واحد جاء في فاتورته 8700 ريال وبعد المساومه
نزله الى 2800 معقول والثاني 3614 نزله الى 128 و1700 ريال الى 900 والله من اللي اعرفهم شخصين ليش
كذا

نجم الشمال
30-10-08, 19:19
والله واحد جاء في فاتورته 8700 ريال وبعد المساومه
نزله الى 2800 معقول والثاني 3614 نزله الى 128 و1700 ريال الى 900 والله من اللي اعرفهم شخصين ليش
كذا


أصــــلا 2800 ريال من الأول و 900 من الثاني كثيـــــرة ؟!

بس أبي أسألك هالشيء هذا صايــر عندنا هنا في السعوديــــــــة ؟؟؟؟؟؟

سري
30-10-08, 19:27
والله نها خفضه الى المبالغ اللي طتبتها ماني ظالمهم وعندي مايثبت ذالك

مع حبي ،،
30-10-08, 19:34
ماخبره جتنا اقل من 1500

نجم الشمال
30-10-08, 20:13
ماخبره جتنا اقل من 1500

الله أكبــــر !!

كم بيبـقى من راتبـك ؟؟؟؟؟؟

معقوله أنه شيء زي كذا بيصيـر في السعودية ؟!

نجم الشمال
30-10-08, 20:16
لا حول ولاقوة إلا بالله

لااااااا ونبـــــي المطر بــــــعد !!!!!!!! .. ما اقول غير لا حول ولاقوة إلا بالله والله المستعان في جميع همومنا وحالتنا إلي مايعرفها غير إلي خلقنــا

يا أخي الله يسلمك أحب أتدرج بموضوع شوي بعيد .. لكني أبي أرجع لصلب الموضوع

في ناس بالمنتدى هذا ( يناقـش ) مواضيع بايخه و يرفـع موضوعه كل نصف ساعة أو ساعة ويــغـطـي على مشاركتنا الخطيرة ولي تهم كل حائلي ينتمي لحائل من حيث طبيعتها و روحها و جبالهـا وأوديتـهـا وهواهــا وحاتميتـهـا العريقة . بسعلشان تكثر عدد المشاركات بموضوعه البايخ علشان تطلع أرقام بجنب مشاركته : ... 1234567

المهم هنــــــا
كل هالمواضيــــع الخطيــــــرة من ( طرق و كباري وشوارع و خدمات وغيرها كثير ) ومن ضمنها ملف ( فواتير كهرباء حائل ) مايحلــهـــــا أنا وأنت ولا هذا أو هذاك

يا أخي أنا لي أقارب في القصيم والرياض وكل مدينة تقريبا ً ولاأحد يتكلم عن فواتير الكهرباء (هذا لما نجتمع ) إلا أنـــــــا يعني ( راعي حايل بس ! )

كلا المناطق تجيهم فواتيرهم بـ 10 -20 – 50 ريال وحول هالأرقام هاذي ولا تتعدى

أما هنا فشيء والله مو طبيعــــــي

أنا اقولكم جميعا ... أنه صحيح هالمبالغ هاذي ماتدخــــــل بجيب أحد في كهرباء حائل

لكن

إلي يأيد هذا الشيء بكهرباء حائل أو يـنـفـذ خطط إدارته العليــا .... ترى له مصلحـة عظيمة . وتراهم واحد أو أثنين بـــس .. والفايدة تكون إما بـ كرسي إلي وراه مكافآت مجزية تعادل راتب 10 أو 20 راتب موظف حكومي من غير راتبه الأساسي ولي تجيه كل شهرين أو أربع أشهر أو يبنون له بيت أو شيء يستـاهــل ... وهم بكذا يعطون المستفيد في كهرباء حائل (( ولي أتفقنا أنه واحد أو أثنين بـس )) يعطونه الــ (( فضـلــه ! )) والباقي ببطونهم لأنه ما استجاب للحركه الوسخه هالذي إلي ما تمد بأسلام أو المسلمين بصله غير كم ( جـحـلـطـي خسيـس ) بكهرباء حائل ...

أرجع وأقــــــول أنه مش أنا أو أنت إلي نـحــل هالقضية

ولي يحلهــا ربــــك سبحانه وتعالى ثم أميرنا / سعود بن عبدالمحسن

وأنا ادعوا طويل العمر / سعود بن عبدالمحسن آل سعود في هذا المكان وفي هذي الأيام المباركة ( من الأشهر الحرم ) بأن يـفتـح هذي الملفات إلي يحاول من بعض من هم قريبين من الأميـر طمسهـا أو تهميشـهــا أوتحقيــرها ويكتفون بقوله (( هذا كلام منتديات وناااس فاضيـه ؟! ))

وأنا اظن أن للأميـر حنكــة ووعي

وأظن أن الأمير / سعود بن عبدالمحسن آل سعود حفظه الله يعرف تماما ً أن لأي مسؤول يوجد لديه وزيران .... وزيـر خائن ووزير صالح

ويارب نلقــى أستجابه من طويل العمر

سري
01-11-08, 17:29
هذا يجري وموكد وضحايا شركه الكهرباء يومياء ولاكن ليش المسؤلين مايحاسبونها الظاهر لهم الكهرباء بلاش
ولايدرون عن معاملتها لنا

أبو حفص
01-11-08, 17:50
Jjjjjjjjjjjjjjjjjjjjjjjjjj

MR. NICE
01-11-08, 17:57
والله لو نسلم من الكويليت اللي يقرا العدادات كان حنا بخير

و ثاني شي انا صار لي قبل فتره جتن فاتوره استراحتنا2500 و هي فاضيه بس مددنا الكهرب و سددنا ثمن التمديد

و خفضوه من 2500 الى 500 ريال ....!!!!

مدري على اي اساس يرفعون الفاتوره و هي ما به الا غطاس بس ...!!!

حسبي الله و نعم الوكيل

المؤشر
01-11-08, 18:10
الا على طاري قاري العداد موجود إلى الآن 0000؟؟؟؟؟؟؟؟؟؟؟؟؟؟؟؟؟

التيار
01-11-08, 18:13
الاخ العزيز

الخطأالاكبر يقع باعتقادي على جهل الناس وعدم متابعتهم لفواتيرهم

الفواتير باعتقادي واضحه وضوح الشمس هي عباره عن قراءه تاتيك واذا اصابك الشك شيك قراءتك بالفاتوره مع الموجود بالعداد تكتشف انت الغلط بنفسك

انا مثلا اتكلم عن نفسي فواتيري بالصيف تختلف عن الصيف وهذا طبيعي

اما ماناقشه احد الاخوان ان هناك تخفيضات بالفواتير من مبالغ هائله الى صغيره هذا كلام فاضي وهذه معالجه فارغه يمكن ان يكون غلط بالفاتوره وصححت لاان يكون تخفيظ فالالفاض تقلب المعنى

لاابرى شركة الكهرباء فهم يعملون ومن يعمل معرض للغلط

ارى من الغرض من طرح الموضوع تشويه لشركة الكهرب اكثر من تلمس الاصلاح وهذا ديدن الكثير منا ونلمس هذا من لحن بعض المقالات

التيار

سري
02-11-08, 10:05
الف شكر لك الاخوان ولاكن اللي ابيك تعرفه ياخي التيار هو المشكله اللي حاصله بالقراياء
يقرؤن الفاتوره ويحتفضو بها شهرين او 50 يوم بعد القراءيه وهذا بالقرياء بس مايشمل مدينه حائل
والتاخير بتسليم الفاتوره يغطي الاخطاء اللي يعملونها لان ايذا سلموك فاتورتك وهى مقريه قبل شهرين
كيف تتكد من العداد وهو بعد القراءيه عد الاف الكيلوت والمشكله كبير ماهي على ماتتصور لانهم حيانن
القاري يترك العداد مايقراه وفرصه للقراين لان العداد يغطي اخطاه ثم يقراه صحيح بعد 6 شهور او حولها
وتتجمع الكيلوت حيث انه بالاول يحط كيلوات قليله وعند قرايته الصحيحه تجمعت الكيلوات اللي كانت
اول مهملها ثم رفعت التعرفه الى الشرايح العاليه الا يخافون الله يحملون الناس مبالغ لم يستهلكونها
والسبب قاري متكاسل يبي يقيم العدادات وهو في بيته اهله والعدادات بعض منها ايتام ومساكين
اتقو الله في انفسكم يامسؤلين الصلا العداد اللي عند الباب في القرايا ماله قيمه فعلوه خلوه
يعمل العمل اللي وضع من اجله

التيار
02-11-08, 11:15
الف شكر لك الاخوان ولاكن اللي ابيك تعرفه ياخي التيار هو المشكله اللي حاصله بالقراياء
يقرؤن الفاتوره ويحتفضو بها شهرين او 50 يوم بعد القراءيه وهذا بالقرياء بس مايشمل مدينه حائل
والتاخير بتسليم الفاتوره يغطي الاخطاء اللي يعملونها لان ايذا سلموك فاتورتك وهى مقريه قبل شهرين
كيف تتكد من العداد وهو بعد القراءيه عد الاف الكيلوت والمشكله كبير ماهي على ماتتصور لانهم حيانن
القاري يترك العداد مايقراه وفرصه للقراين لان العداد يغطي اخطاه ثم يقراه صحيح بعد 6 شهور او حولها
وتتجمع الكيلوت حيث انه بالاول يحط كيلوات قليله وعند قرايته الصحيحه تجمعت الكيلوات اللي كانت
اول مهملها ثم رفعت التعرفه الى الشرايح العاليه الا يخافون الله يحملون الناس مبالغ لم يستهلكونها
والسبب قاري متكاسل يبي يقيم العدادات وهو في بيته اهله والعدادات بعض منها ايتام ومساكين
اتقو الله في انفسكم يامسؤلين الصلا العداد اللي عند الباب في القرايا ماله قيمه فعلوه خلوه
يعمل العمل اللي وضع من اجله

ولو اني وجت صعوبه بقراءة كتابتك الا انني فهمت ان المقصود بالقرى لامدينة حائل

ياخي اذا اتتك فاتوره مثلا 20 ريال والبيت كبير وبه مكيفات يجب ان تذهب للشركه وتبلغهم اكيد هناك غلط

اذا اخطأالقاري يجب ان تحمي نفسك انت

مرة اخرى لاابريء الشركه ابدا ولكن التعاون يجلب الحل الامثل

التيار

سري
02-11-08, 18:34
اخي والله مالومك في صعوبه فهم كتابتي انا الاملا عندي صفر ولاكن ياخي الغلط مقصود وفيه مصلحه لشركه غير
شرعيه وايذا تبي الشرح لك الطريقه مستعد

سري
03-11-08, 10:16
ياكهرباء اقرو الفاتوره واعطوها صاحبها

سري
03-11-08, 19:05
خواني في هذا المنتدى الشي اللي انا مستغربه في هذا المنتدى والمنتديات الثانيه
انهو ايذا الموضوع فكاهي او معلومه مالها داعي كل عظو زارها وتكلم في حد معرفته وايذا
الموضوع مصلحه عامه واحد او ثنين يردو والبقيه كانها في عالم اخر مايخصه الموضوع ولاكن السوال هل
هم التكاليون ام خايفون وانا اقول ساكت عن الحق شيطان اخرس ويد تقص بالحق ماتعيب والمسلم
يجب انه يحب لاخيه كماء يحب لنفسه وتحياتي للجميع

نجم الشمال
03-11-08, 19:14
خواني في هذا المنتدى الشي اللي انا مستغربه في هذا المنتدى والمنتديات الثانيه
انهو ايذا الموضوع فكاهي او معلومه مالها داعي كل عظو زارها وتكلم في حد معرفته وايذا
الموضوع مصلحه عامه واحد او ثنين يردو والبقيه كانها في عالم اخر مايخصه الموضوع ولاكن السوال هل
هم التكاليون ام خايفون وانا اقول ساكت عن الحق شيطان اخرس ويد تقص بالحق ماتعيب والمسلم
يجب انه يحب لاخيه كماء يحب لنفسه وتحياتي للجميع


الله يسلمك بعضهم مايعرف شيء ؟! ولا يعرف أنه هناك شيء أسمه فاتورة كهرباء .. أو أن الأغلبية تسدد ابهاتهم فواتير الكهرباء

لكن تأكد أن هناك ناس نفسها تشارك بموضوعك ومواضيع هامه أخرى .. لكنهم مايعرفون يسجلون بالمنتديات

تقبل مروري

سري
04-11-08, 09:05
نجم الشمال الف شكر لك على مرورك والله إذا ماصرنا كلنا مع الحق وضد الباطل انهايه كلنا خاسرين