المساعد الشخصي الرقمي

مشاهدة النسخة كاملة : قرية الحويط



ماك فلوري
09-10-08, 11:23
السلام عليكم

لوسمحتوا اللي يعرف اي معلومه

عن قرية الحويط اللي تابعه للحائط

لايبخل فيها

واذا كان فيه احد معاي تعين هالسنه ياليت اعرف شبتسوي

وخصوصا بالنقل

وجزاكم الله كل خير

الباسر
09-10-08, 12:06
مرحبا مهندسه الحويط يبعد عن الحائط تقريبا من45الى50 كيلو

كله سفلت ماعدا كيلوين قبل الحويط

المديره ممتازة على ماسمعت ولا فيها طالبات واجد

المديره حائطيه مطنوخه

أشوف وأنا رايح للدوام فيه واحد ينقل راعي جيب من الحائط ينقل

ومعه تقريبا3أو 2 ماني متأكد بالضبط

أذا تبين رقم الى ينقل أحاول أجيبه

وعسى الله يوفقك وللمعلوميه أهل القريه طيبين
فيه من أهل الحائط وفيه رشايده
(أعتقد تقسيمه)

فيصل42
09-10-08, 12:46
انا اعرف اللي ينقل من الحايط الى الحويط اذا كنتي تين تسكنين اقرب واحسن والعام فيه نقل من حائل الى الحويط تبعد حوالي 290 او 300 والطالبات مرة قليلة يابختك فيهم ماشاء الله كل فصل يمكن 3طالبات او 4 والله يوفقك

الباسر
09-10-08, 13:02
فيصل 42 تخبر أحد ينقل من الحائط الى فيضة أثقب

فيصل42
09-10-08, 13:06
العام كان فيه على حسب عدد المعلمات واذا كن فيه معلمات من الحائط اكيد بيطلع نقل لان السواقين بالحائط كثيرين وكلا يدور رزقة والله يوفق وعلى فكرة تبعد حوالي 10 دقائق من الحائط وكله مسفلت

الباسر
09-10-08, 13:16
أنا أخبره وأدله اذا فيه أمكان أبي رقم أحد السواقين

يمكن بعضهم ينقل للعراديه وهي حول العراديه مامن بعد

ماك فلوري
09-10-08, 13:29
الله يعطيكم العافيه اخواني

والله ماادري اذا اقدر اني استقر بالحايط

طيب بكم ينقل من الحايط لها

وكيف وضع السكن في الحائط اذا عندكم خبر

سهل وخصوصا من ناحية الامان؟؟؟؟؟؟؟

فيصل42
09-10-08, 13:33
الحائط حلوه من ناحية السكن يالمهندسة وكمان ونسة حيل وانا ادلك على سكن زين للمعلمات بس انتي من وين من حائل وبالنسبة للعرادية فيه لها نقل من الحايط

الباسر
09-10-08, 14:46
الظاهر400 ينقل

والسكن متوفر بالحائط فيه عماره كله مدرسات

وفيه شقق اذا أحد يسكن معك

فيه عماره ممتازه بس ما أدري اذا فاضيه ولا لا

وراء المحطه اللي عند مركز الاماره لونه أخضر
كله حريم
وفيه شقق جديده له سنه سيراميك وفيها مكيفات شهري 1100
مع الماء بس فاضيه ما أعلم

ومن ناحية الأمان تطمني أمن فيه وهيئه والوضع زين
أنا لي 5سنين فيها ما شفت شي

خــزامــى
09-10-08, 14:58
بالنسبة للحويط تبعد عن الحايط 50 كيلو
ومعظم معلمات الحويط العام ساكنين الحايط
وكان ينقلهم حايطي اسمه ابو حويان
وفيه واحد ثاني
ومن حائل ينقلهم ابو معالي
بالنسبة للشقق اللي بالحايط كثيرة لسكن المعلمات
من ضمنها شقق النحيت وشقق الجميعان على نفس الشارع العام للحايط
قريب من مجمع المدارس
والحويط بطالباتها ومديرتها العام مرة حلوة بكلام زميلاتنا
موفقة انشاء الله

ماك فلوري
10-10-08, 19:00
الله يعطيكم العافيه اخواني

ماقصرتوا

فيصل42
10-10-08, 19:17
طيب ماقلتي لنا يالمهندسة وش بتسوين عشان فيه وحده من الحايط تبغى تروح للحويط عشان نتفاهم من ناحية النقل

ماك فلوري
10-10-08, 19:19
فيه نقلين للحين ماعطوني خبر اكيد

اول مايردون لي اكيد بعطيكم خبر

بس اعتقد بروح من حائل للحويط بكرا

واشوف الوضع

واذا حسيت انها صعبه وتعب

بسكن الحايط

فيه ابو معالي والبلوي

abo gareeb
10-10-08, 19:19
الله يعينكن يالمعلمات

ماك فلوري
12-10-08, 06:31
صباح الخير اخواني

بس حبيت اعطيكم نبذه عن ماحدث معي امس

طبعا الطريق كان جدا طووووووووويل

ومتعب

والمديره الله يهديها بس

ماتعطي وجه ابد ولا تقدر الظروف ولاعندها فكره عن اي شي بالمدرسه كل ماسالناها شي ماتجاوب

شكلها حازمه جدا

مع ان المدرسه وطالباتها شكلهم مؤدبين

اذا كان فيه احد درس فيها قبل كيف كنتي تتعاملين مع المديره

حربي حايل
13-10-08, 17:53
افضل شي اسكني فالحايط وفيه سكن للمعلمات ونقل بعد

افضل من المشوار اليومي

والله يوفقك

الغرووب
10-09-10, 21:47
لو سمحتو احد يعرف نقل ينقل للعراديه من حائل وسيارته فان

دنياك لحظه
11-09-10, 00:46
السلام عليكم

لوسمحتوا اللي يعرف اي معلومه

عن قرية الحويط اللي تابعه للحائط

لايبخل فيها

واذا كان فيه احد معاي تعين هالسنه ياليت اعرف شبتسوي

وخصوصا بالنقل

وجزاكم الله كل خير
الله يوفقك يارب قريه الحويط فيها ابتدائي بس وعدد الطالبات قليلات جدا والاداره ممتازه جدا وفيها نقل من حايل للحويط وطريقهاسفلت بس في رادميه 8 دقائق تقريبا .....والكل يمدحها تطمني الله يسهل عليك....دعواتك لي بالوظيفه

معلم مظلوم
11-09-10, 01:21
بالتوفيق للجميع ..


ياربي لك الحمد مالي بالقطاع الجنوبي ولاعمري طلبت مدارسه ..



وجهتي شرقية من أول تعيين لي ..

شوق وشقى
11-09-10, 01:57
ان شالله من اول يوم دوام لك بتحبينه

بالتوفيق

نونه 2010
11-09-10, 02:06
ماك كيف عرفتي انك بالحويط منزليلك قرية وحده يعني رتبنا المدارس وباقي ماندري وين بيقطونا فيه اسال الله يسهل امرك وامرنا

gold fish
16-09-10, 16:14
السلام عليكم
ابي رقم النقل من حائل الى الحويط اذا فيه
و شكرا

معلمه2
19-09-10, 10:28
لوا سمحتم ابغى رقم سواقين للمعلمات من الحائط الى الشملي
تكفووووووووووون لاني ابغى اسكن الحائط

سنايبر التعليمي
19-09-10, 15:37
ليس لدى معلومات