المساعد الشخصي الرقمي

مشاهدة النسخة كاملة : حــــــــــائــــــــل بعـــــــد حيـــــي ...!!!



المقنــــع
21-07-01, 14:43
السلام عليكم ...
ياشباب اشوف بهالشوارع لوحات دعاية عن مهرجان سياحي ( حائل بعد حيي ) وماادري شالسالفه ..؟؟!
راح يسوون مهرجان زي ( جدة غــيــر ) في حائل والا ايش ؟؟ ومتى ؟؟ واين ؟ وكيف ؟؟
تكفون اللي عنده اي معلومات يزودنا بها وله الشكر الجزيل ......

الأباتشي
21-07-01, 23:07
حبيبي المقنع .. مثل جده غير ( لا )
مهرجان .. يعني ..
كل على قده .. سوف ينطلق يوم الاربعاء القادم
4/5/1422هـ مهرجان ( حائل بعد حيي ) بحفل
مبسط ( خطابي ) والعاب ناريه .. بمنتزه الامير
سلطان وبرعاية أمير حائل .. وسوف يستمر لمدة
شهر وسوف يتخلله محاضرات وندوات وأمسيات
شعريه .. وعرضه وسامري ومخيمات ودوري حواري
ومسرحيات وبرامج ترفيهية وسباق جري ومعرض
فنون تشكيليه ومعرض للحيوانات السامه ومعرض
ثقافه وتراث وأسواق شعبيه .. وخلافه .

يكفي يابو القناع

هجرس
22-07-01, 22:56
ماشاء الله تبارك الله
والله انها بشرى سارة هالخبر الزين

تكفى يالاباتشي ركز لي على الامسيات حبتين :)
ترى أخوك مفتون سماع الشعر

وعساهم على القوه .

الأباتشي
22-07-01, 23:10
تعجبني ياهجرس .. آرائك ومداخلاتك .. جميله .. وقويه
وصريحه .. ومن دون مجامله .. آرائك واضحه .. وهذا
المطلب الحقيقي لمثل هذه الملتقيات ..

تبي أسردلك المستضافين .. والله ان الامور ماهي ثقه تماما
تعرف الاوضاع هالايام ماهي ثابته .. لكن اللي اعرفه ان هناك
الشاعر / عبدالرحمن العشماوي .. والشاعر / مساعد الرشيدي
والشاعر / نايف صقر .. ويمكن الامير الشاعر/ بدر بن عبدالمحسن
ان وافق ( هو )..
وفي المحاضرات والندوات
فضيلة الشيخ / عبدالله المطلق ..
الدكتور / عبدالله الفوزان ..
والدكتور / سالم الزهراني
والدكتور / خالد عبدالعزيز السيف

وهناك محاضرات نسائيه .. لعدد من الاستاذات في الجامعات

هجرس
22-07-01, 23:29
شهادة من عميد كتاب الموقدة الاباتشي محل اعتزازي ومصدر فخري والله

الاسماء جميلة
كنا موعودين في يوم من الأيام بالشاعر الكبير علي الدميني
لماذا لا يحاولون دعوته مرة أخرى
ثم القائمة لا تحوي أيا من رموز القصيدة الحديثة في السعودية
الصيخان ، الثبيتي ، محمد الحربي ، جاسم الصحيح وغيرهم .

لك تحياتي