المساعد الشخصي الرقمي

مشاهدة النسخة كاملة : وشي حايل عاد........



الاكحل
04-05-01, 16:38
السلام عليكم
مرحبتين وصباح الخير
كل انسان بهالدنيا له وطن وبلد وبطبيعة الحال فان هالانسان يحن ويشتاق لبلدة وبلدأبآئه
الى الان لاجديد في الموضوع
تقولون أجل وشو الجديد
حب البلد والوطن لايمكن لاحد أن يلومك بوه
لاكن ماشفت احد يترك وظيفته عشانه اشتاق لديرته والا فصل من الجامعة عشان خوياه قالوا له الديرة مطر
والثالث يدور له شغلة ولا يلقى الا بديرة ثانية ويقول لا يا هنا يا ماأبي
وياما من السوالف اللي صارت
كله حب بديرتنا
كل يحب ديرته لكن مافيه احدبالدنيا كله يحب مثل حبنا لديرتنا
عني أنا لما اكون بحايل اتمنى اطلع لو لاقرب قرية حارج منطقتنا
ولكن لامني طلعت من اول ساعتين يضيق صدري ودي أرجع
الحين صار لي تسع أشهر ماتنفست هواه اللي هو دواء للعليل ويشفي اللي يعنا لها
تقل خبل من افتح كمبيوتري لين اسكره وانا على مواقع ديرتي لاتلومونن كلكم يعرف هالديره وشي بالنسبة لنا
ودي اكمل بس العبره وقفتن غصب
سلام

سهيل التميمي
04-05-01, 16:57
images/bgb/34.jpg
الأخ المغترب عن ديرته الأكحل ( رده الله سالما)
السلام عليكم ورحمة الله وبركاته وبعد:
يمال الغنيمة ماحدٍ بها الدنيا يعرف وشي حايل
ويلومك إلا الخبل اللي عراضٍ كتوفه ,بعد حيي
اصبر يمال الخير وخلك صبور بعد حيي ...
وعساك ترجع سالمٍ غانمٍ بإذن الله ...
وياما والله من الفرص راحت علينا بسبب
حبنا لحايل وضلعانه .. وياما فاتت علينا أشياء
كثيرة بسبب هالضلع اللي يكسر فيه عليه العصير
لكن ماهو خسارة .. حايل هي أمنا وحنا عياله
على قولة إبراهيم الرديعان.. بقصيدته المشهورة
وعساك إذا أنت طالب تنجح وتجيب أحسن الشهادات
وتخدم ديرتك ووطنك .. وإذا أنت موظف عساك
توفق وتاخذ أحسن المراتب والدرجات ...
وعندي لك هاالهدية يمكن تنفعك
http://www.fadhaa.net/forum/showthread.php?threadid=146
وتقبل خالص تحياتي .......

[ebgb]images/islam/17.gifimages/islam/17.gifimages/islam/17.gifimages/islam/13.gifimages/islam/10.gifimages/islam/12.gif

الاكحل
04-05-01, 17:08
تسلم اخوي والله يجزاك خير لاكن ما اقول الا
ياويل حالي كان بعده علي تم
..... وياحسرتي وان كان طول نزوحي

سهيل التميمي
04-05-01, 17:14
images/bgb/32.jpg
شكراً لك على سرعة الرد
لاكن نسيت شيء مهم ....
طلبتك تشرفنا بالساحة الشعبية
أكيد عندك قصائد بحايل ...
وعندك شيء كثير ...
[ebgb]

الاكحل
04-05-01, 17:19
انا اللي اتشرف بدعوتك لي يالعزوه
اما من ناحية عندي شي اتمنى ان اقول لو بيت واحد بديار اهلنا
بس مثلك عارف اللسان معقود

حكيم الزمان
04-05-01, 22:03
أقول يا جدي أنتم
وعزوتي
وبعد حيي وميتي
شلونكم وشلون حمايلكم
.
.
.
.
أعذرونن
من مبطي ما حتسيت حتسينا
الغربة
الله ييسر ويعين
مشكور أخوي الأكحل وأخوي التميمي

ابوشهـــد
04-05-01, 23:39
http://www.httpcity.com/abushahad/aa/natfl055.jpg
أييييييييييييه شوقتوني لديرتي وانا فيها .. الله يرد الغايب ويسعد الموجود...


هذا ما أعجبني في المنتدى القديم .. صدق الإنتماء .. وحثني على أن يكون هذا الملتقى بدرجة من التميز التي لا تليق إلا بكم أحبائي...

وانتظروا فالقادم أحلى...


تحياتي،،،
[ebgb]

غريس منيرة
26-05-01, 15:25
images/bgb/42.jpg

السلام عليكم ...
كنا ندرس برا حايل .. وتقريبا كل شهر نروح لحايل .. ماهو تغلي !! لكن دجة , وفقر ونقر .. لان الراتب - عفوا المكافاة - لو نصرفه كله تذاكر ماتجي الا روحتين او ثلاث !! لذلك غصب علينا نرفض بديرتنا اللي ندرس به ، لمين الله يفرجه ونلقى احد يروح بسيارة ، تلقانا نروح معه .. ولو درجة سياحية ( بالصندوق ) .. وكان فيه واحد من خويانا مايروح لحايل ابد !! الا اذا خلص الفصل الدراسي .. وكنا نضحك عليه ونقول له انت ماتحب ديرتك !! بس حكي فاضي تسمع باللي يحبون حايل وتقول زيهم .. وكنا نقول له انت زي اصقه الكلاب ( والحشيمه له وللجميع ) اذا شافها تتثاوب نبح يحسبها تنبح ..
المهم كان يسكتنا بفلسفه معقوله ، فيقول : انا اموت بحايل ومن كثر شوقي لحايل ماودي اروح .. واذا رحت يومين استانس بس اتنكد كل الترم .. زي اللي يشرب شاهي ويحط معه شوي حليب .. فلا هو ذاق شاهي .. ولا تطعم بحليب .. ولا هو لون الشاهي .. ولا بياض الحليب .. بس حوسه وحسر .
لذلك يجلس كل الترم ويروح اسبوعين يفله فل وينبسط ويستانس .. والحين يشتغل برا حايل ويستلم راتب كويس ومتزوج وعنده اولاد .. وراتبه يصرفه كله تذاكر ...
--------------- هــمــســـة مــــــع مــهــصــــة ---------------------
حـــــايـل هـــــواهــــــــا
ماابــغــى ســـــواهــــــا
اجــمــل مـن لـبـنــان
---------------------------------------------------------------------
شرفونا في غريس منيرة .. حيث الــقــهــوة .. والمـتــعــة .. والنـكــهــة .. والنــكــبــة ( غراز )

[ebgb]

حجازي حايل
26-05-01, 22:49
السلام عليكم كلّكم
هادي حايل (عروس الشمال) أيش بكم ماتعرفوها.
د.غازي القصيبي (وكلكم تعرفوه،الله يذكره بالخير)بيقول:
يقولون عن لبنان طلقٌ هوائها *** فقلت مهلاً فحائلُ أطلقُ.
لو أتكلم من هادي اللحظة مايكفيها مجلدات حتى أتكلم عنها كل شيء.
هادا موضوع، والموضوع التاني حق غريس منيرة : طيب ورينا صورجديدة عن غريسك هادا اللي جننتنا فيه، ماأدري الحين هو زي أول ولاّ لا ؟نبغى صور حديثة لوسمحت (هادا إزا كنت في حايل ).
ماأقول إلاّ : يابعد حيي وميتي ياحايل ومن سكنها.

الدكتور الجربا
02-06-01, 09:15
images/bgb/50.gif

لا من قيل ( حايل ) صاح بضلوعي صـدى للصوت ( حايل )
...................................... يثور بداخلي بركان عشق صوت ناي وقلب شاعر
أنا اللي هامتي وراسي (أجـا) ومتوني (الســــــمر) الهوايل
................................... وكن متوني عروق النفود وعاتقي ( سلمى ) وافاخر
ثراها جلدي واطرفي ( الشعبان ) وعروقي مــــــــــــــــسايل
..................................... عساها للحـــــــــيا هــاك الديار يعلها بالوسم ماطر


وللقصيدة بقية ..... محبكم .....
د . الجرباء

[ebgb]

بســدرة
29-07-08, 13:52
يقوله إلي ما ذاق طعم القروش بالرياض

سايزز
29-07-08, 14:01
*******************************************************************
*******************************************************************


**** الاكحل الله يردك سالم غانم أن شاءالله ***


** والديرة وأهلها لاحق عليها أن شاءالله **

** خلك بدراستك وأنتبه لنفسك **


** والديرة موجودة وبخير **


* ماسمعت دغيم الظلماوي وش يوقل بأحدى قصايدة *


*** أصــبـر وأن الصــبر يازين غبــــة ++++ يرقيك روس مشمرخات الاهضابي **



**** الاكحل الله يوفقك وترجع بالسلامة أن شاءاالله محبك سايزز ***



****





**





*

SSالذيــــبSS
29-07-08, 14:21
ياااااااااو من وين طلعتو الموضوع ...

ما ينلامون اهل حايل بحبه .

دعوني اتكلم
29-07-08, 16:21
أخواني المغتربين الله يعينكم على فراق من تحبون وصبركم وسلكم ولكن تذكروا سيد الخلق عليه افضل الصلاة والسلام كيف خرج من مكه مهاجرا وترك مرباه ومدينته وأهله تذكروا حينا رحل في ظلمت لليل غريب ووحيد وفقير لايرفقه إلا الله وأبو بكر لهدف منشود وهونشر هذا الدين واتم الله له هذا وانتم كذلك خرجتم تلتمسون طلب العلم ومن خرج يلتمس علمنا سهل الله له طريق للجنه ..فكونوا خير لسفراء المنطقتكم فانتم تمثلون من خرجتم منهم ... ولكم مني فائق لاحترام

شموخ امراءه
29-07-08, 16:36
اخى الاكحل الله يلوم الي يلومك بحب هديره واهلها لكن وانا اختك الصبرزين والله يردك سالم

ماهمّهااا
29-07-08, 16:54
حايل .. ياحايل ..

كلنـــــا نحبهااا ونموت فيهااا بعد..

والله اذا سافرنا خلال الاسبوع الاول نشتاق لها والله ابي ارجع..

بـــــس

وش سوينا لحايل ؟؟ وش عطينا لحايل؟؟

ام مهندي777
29-07-08, 22:19
ديرتي حايل واهلها عزوتلي
كنها لبنا ن عندي بالوناسه

طامي
29-07-08, 22:48
فصل من الجامعة عشان خوياه قالوا له الديرة مطر
والله العظيم انك صادق بكل كلمة قلته

الله يرجعك لديرتك يالغالي

دمت بود

سليمان المزيني
29-07-08, 23:04
آآآآآآآآآآآآآآآآآآآآآآآآآآآخ ياحايل

والله لو اتكلم عليك من اليوم لبكرا ماراح اوفيك حقك

آخي الفاضل

مشكووور ويعطيك الف عافيه

لك كل الشكر

المحترف
30-07-08, 07:33
الله يلوم الي يلومك ياحيي ويردك سالم غانم

حائلي_منطقي
30-07-08, 14:44
الله يعينك بالغربه وشد حيلك يالبناخي .....
ويقول المثل : ... تأتي الرياح بما لا تشتهي السفن

م ج ه و ل ه الخطاوي
31-07-08, 05:53
احساس الغربه قاتل فكيف اذا كانت حائل هي المكان الذي تتمنى العوده الى احضانه

ينتابك احساس ببروده الاماكن فتحتاج لركن دافئ فلا تجدة لانك افتقدته برحيلك عن حائل

مهما كانت عباراتي فعبراتي ابلغ واصدق لتعبر عن شوقي لمسقط راسي حائل بعد حيي

فتنتابي لحظات اتمنى لااعود الى حائل حتى لااتجرع مراره الفراق مره اخرى عند العودة الى الغربة المؤلمه

مللاسف من ارتوى من ماء حائل لايستطيع العيش في غيرها مهما كانت المغريات والمحفزات

مهما ابتعدنا عنك ايتها المدينة الرائعة لاابد لنا من عودة قريبة اليك لنتعانق عناق المحبين بعد طول فراق طويل

مهما كتبت وكتبت لن استطيع ترجمة مشاعري المتبعثرة في شوارع الغربة التي لن يجمعها الا جبال حائل

بعيد
31-07-08, 06:00
الاكحل


حائل كل(ن) يبي ضله