المساعد الشخصي الرقمي

مشاهدة النسخة كاملة : هل يعلم مدير كهرباء حائل ؟؟؟



صحفي بلا صحيفه
23-05-08, 06:27
السلام عليكم

طواري الكهرباء وش صار خلال سنه

موظف بالمقايسات
==========
يقدم نقل ويرفض ويروح للرياض ويجيبه غصب ماهي طيب وهج عن هالقسم

مهندس بالتشغيل
==========
يجيه عرض من شركة كيان دبل راتبه وماصدق خبر وهج بليلة ظلماء مابها ضو قمر وكان روحتوه خساره للطوارى وللكهرب كله

2 من الاستقبال
=========
حطوهم بالموائمه وماصدقوا خبر على طول موافقه وهجوا مثل اللى قبلهم

رئيس الطواري
========
نقلوه غصبن عليه عقب مشاكل لسنين مضت

نائب المدير
=======
تعب مع هالبشر يبي يصلح لكن الامور ماتجى على الكيف وفضل راحته لانه شاف انه ماحولك حد وقدم نقل

موظف بالكابلات
=======
قدم نقل وعقب واسطات وافقوا له وهج بليلة ظلماء مابها ضوء قمر

3 موظفين بالاستقبال
======
جاهم نقل غصبن عليهم ومن فوق !!!!

موظف فلبيني
======
مداوم بالليل وانتها دوامه الساعه 11 بالليل حس بتعب راح لطواري المستشفى القديم وقدام الطوارى فارق الحياه وسبب وفاته ارتفاع بالظغط وكان مابوه الا العافيه يضحك ويسولف

موظف فلبيني
========
عقب الاول بيومين كان مداوم الصباح وكان يشتغل بالونش وراكب بالسله اللى فوق وفجاه حس بتعب ونزلوه وطارو بوه للمستشفى وبالطواري يقول الدكتور انه توفي دماغيا وبعد يوم فارق الحياه

3 موظفين بالنقليات والاستقبال والتشغيل
=======================
قدموا على الموائمه التقاعد المبكر وجت موافقه لهم ويبون يودعون الطوارى قريب

ونقول لمدير الكهرب امكن على موظفينك بالطواري وغير الطواري يمال الغنيمه واترك عنك اللى ينقلون لك اخبار مضروبه قرب من موظفينك فتش عن احوالهم قابلهم شف طلباتهم همومهم مشاكلهم بالقسم وعلى الاقل يتعرفون عليك و ترا بعضهم مايعرفونك لو يشوفونك:icon21::icon21::icon21:

والسلام

(( الــgافـي)
23-05-08, 07:47
يجب الاهتماام بموظفين الكهرباء ...

شكرا لكـــ

الحائلي 2007
23-05-08, 08:56
الرؤساء ماهمهم الا عد القروش من الانتدابات وغيره

فرح السنين
23-05-08, 08:59
<< ميته ضحــــــك
هههههههههههههههههههههههههههههههههههههههههههههه


شر البلية مايـُضحــك..






شكوانــــا للي ماتنـام عينـه .. سبحـــــــــانه ..

ضاري الشمري
23-05-08, 09:10
ظلم في ظلم
وين الاهتمام في الشركة

مجنون الطواري
23-05-08, 09:41
مــــــــــــــــا حولكـــــــــــــــــــــــ احـــــــــــــــــــــــــــــــــــد

نجم الشمال
23-05-08, 10:12
ما أقول والله غيــر أخــس على شواربنا أخـــس

العام مدير شركة كهرباء حائل - المروح - خاطب مدير مكتب خدمة المشتركين برفــع عدد أيام الدورة على الفواتير من (30) إلــى ( 33 ) والله أعلم بعد أن كانت أكثر من كذا بعد ! ...ولا طبق هذا القرار الوســخ غير هنا ( بحائل ) والمناطق الثانية ماسوت هالشيء هذا لأنها مش ( قانونية )

بعد الفضيحه الكبير إلــي الكل يذكرها .. تعدلو شوية والحين رجوع شوية شوية لسالفت النصب القديمة

ما أقول إلا أخــس على شواربنا

النصاب بينصيب ويقعد بكرسيه وغصبا ً على إلي مايرضى .. ولا يصير فيه أي شيء !!!!!

الله لا يحله ..الله لايحله

الأجانب بأخطر الأماكن والمهمات وللأسف السعوديين يدورن على الأنتدابات وعلى الترقيات وعلى راحة البال ..مع أنه أصغر موظف بشركة يساوي راتبه 3 رواتب موظفيين حكوميين هذا غير التأمين الطبي والسيارة وبدلات السكن وما أدري آيش ___ لا وبعد بعضهم يبي يغير له سيارة العمل ( من زود الشغل والله ) بآخر موديل !!! وع عليكم وع وتلقا بعضهم زي الحريم __ مرابط بمستوصفات الخاصة (( هو أنت أشتغلت علشان تمرض وملا الذبحه الصدرية ! ))

ويلا .. حيجلس هالمروح على كرسيه يشفط وينتفع وحنا جيدين بالمثافر والكلام بـــس

googel
24-05-08, 08:35
أخوي صحفي بلا صحيفه جزاك الله خير على موضوعك،
مع اني اكتب والله وانا ميت من الضحك ،
الا انه شكلكم انتم تحلمون وماتعرفون مدير الكهرباء بحااائل ماعندك أحد ماهمه الا نفسه
والله لو تحترق ادارة كهرباء حائل مايهمه انسان مغرور ومتكبر ومتغطرس واناني ويكفيك ان
موظفينه مايقدرون يدخلون يكلمونه لو احتاجوه باستفسار او شي ، يعتقد انه أمير منطقة حائل هالمسكين
مايدري ان اللي زيه خمس بريال ،، ونا اسمع عنه كثير من ناس مقربين له ماهو من ناس بعيدين .

منصور بن عبدالعزيز
24-05-08, 14:01
أخوي صحفي بلا صحيفه جزاك الله خير على موضوعك،
مع اني اكتب والله وانا ميت من الضحك ،
الا انه شكلكم انتم تحلمون وماتعرفون مدير الكهرباء بحااائل ماعندك أحد ماهمه الا نفسه
والله لو تحترق ادارة كهرباء حائل مايهمه انسان مغرور ومتكبر ومتغطرس واناني ويكفيك ان
موظفينه مايقدرون يدخلون يكلمونه لو احتاجوه باستفسار او شي ، يعتقد انه أمير منطقة حائل هالمسكين
مايدري ان اللي زيه خمس بريال ،، ونا اسمع عنه كثير من ناس مقربين له ماهو من ناس بعيدين .

وانت تسمع عنة قلت كذا شلون لو تعرفة...
أحترامي لك والي كتب الموضوع
الرجال عكس كلامك يابطل واتمنى أتنتبة لنفسك أحسن لك من سب المسلمين
مأظن أنه مسكين كما تفضلت ....الي تكلم عنة ماجستير هندسة كهربائية...
ماصار مدير إدارة إلى عن جدارة شد حيلك وياليت تأخذ الثانوي...الله يصلح ماعطاء شد حيلك وتصير مدير كهرباء حائل
تحياتي لك

منصور بن عبدالعزيز
24-05-08, 14:04
وش رايكم يمنع القدر مدير كهرباء حائل
ويرد الموت عن شخص جاء يومه
أتمنى حذف المواضيع الغير هادفة في هذا المنتدى...

القصير البصير
24-05-08, 14:08
شركة النصب والاحتيال.

arab.com
24-05-08, 17:00
اقول شكل موظفين الكهرب مرغوبين
كلن يتلقفهم
هذا دليل ان الشركة مهيئتهم استقبال
وفي جميع المجالات
اقولك سر ترى الشركه يدربون موضفيم فئوروباء
بس نصيحه ترى مؤهلات موظفي شركة الكهرب اتحدى احد ياصلهاااا
ناس كفائه وناس كفو
لو انت قايل احد الدوائر الحكوميه كان صدقتك
تقبل مروري

صحفي بلا صحيفه
24-05-08, 18:47
اقول شكل موظفين الكهرب مرغوبين
كلن يتلقفهم
هذا دليل ان الشركة مهيئتهم استقبال
وفي جميع المجالات
اقولك سر ترى الشركه يدربون موضفيم فئوروباء
بس نصيحه ترى مؤهلات موظفي شركة الكهرب اتحدى احد ياصلهاااا
ناس كفائه وناس كفو
لو انت قايل احد الدوائر الحكوميه كان صدقتك
تقبل مروري

انت جاي تمشي 200 ومطفي النور
هالحين من سب الموظفين
اولا انا موظف بالكهرب
وثانيا كلامي يشوفون حل لهالقسم ويشجعون الناس اللى تشتغل هذا قصدي
يعني اللى مايلحق على عمره وينقل ويهج يجيه ضغط ويموت :icon21::icon21::icon21:
والله يستر علينا بس

اخا العرب
24-05-08, 21:30
أهم شئ شفط من الفلوووووس وبس

فتى الشمريين
24-05-08, 22:03
تعقيبا على موضوعك


انا لي زميل شغال بالكهرب ....وكنت اسولف انا وياه عن شركة الكهرب وفضفض عن قلبه ومن ضمن ماقال

انه.....1- اللي يشتغلون تحت الاستدعاء مايجيهم فلوس....يعني يكرف خارج دوامه ومايحصل شي..مغصوب


2-مافيه دورات تاهيليه للموضفين اللي مراتبهم اقل من 47 ....لان الدورات للمهندسين فقط ولان المهندسين مراتبهم 48 فاعلى محتكرين الدورات اللي تجي للموظف المسكين وغير كذا ابي انبهكم على شغله ان المهندس مايطلع ميداني ماادري من وين هذا النظام المتغطرس ...نصب واحتيال عيني عينك


3-هالمساكين هالموظفين مايجيهم (( بند تحت الطلب )) وخاصه الطواري الا بعد هوشات لان مدير دائرة العمليات والصيانه متغطرس ومايهمه الا منصبه ...مايراعي شوون موظفيه


الزبده من هالكلام ....ان المهندسين اللي بالكهرب هم اللي محتكرين كل شي ..فلوس لهم,, وكرف للموظفين اللي تحت منهم

%%عود كمبودي معتق%%
26-05-08, 11:00
وش رايكم يمنع القدر مدير كهرباء حائل
ويرد الموت عن شخص جاء يومه
أتمنى حذف المواضيع الغير هادفة في هذا المنتدى...

كلام جميل الاعمار بيد الله
لكن وش سالفة هالتنقلات خلال سنه اكثر من 10 موظفين نقلوا يعنى بمعدل موظف كل شهر!
الا ترى اخ عبدالعزيز انها تثير استفهام؟؟؟؟؟

الهجان
26-05-08, 21:06
السلام عليكم ورحمه الله وبركاته
تعقيبا على الاخوان اود ان اقول لان هنالك روساء اقسام لهم اكثر من 30 سنه ويجب عليهم حفظ ماء وجوههم بالتقاعد المبكر اي مبكر بعد ثلاثين سنه
وياليتهم يعدلون بين الموظفين ودائما يتكلمون عن الذمه والضمير وهم بعيدين كل البعد عن ذلك
اين المواساه بين الموظفين
اين الذمه في استخدام سيارة الشركه في الاغراض الخاصه ؟
اين الخروج للموقع من قبل هذا الرئس ا؟
اين هو من بعض الموطفين الذين هم في بيوتهم من الساعه العاشره؟