المساعد الشخصي الرقمي

مشاهدة النسخة كاملة : يا سعود بن عبدالمحسن دخــلــنــا عليك بعد الله



نجم الشمال
13-05-08, 16:12
يا جماعة خير والله أن الوضع بحائل صارت خطيرة بالحيل !
أرتفاع الأسعار قبل مده في كل شيء ___ قلنــا فيها ميخالف __ هذا بسبب أرتفاع التضخم العالمي __ يلا لقينالهـا علثه يلا! ___ أرتفاع عالمي يلا

لكن أن الشيء بيرتفع على كيف هالأجانب عشان الأرتفاع العالمي لا لا ومليون لا !!!!!!!!!!!!!

أمس بالعصر وقفت عند سوبرماركت الفيصل علشان آخذ مقاضي للبيت ومن عادت أم العيال تحط (( زبدة الفول السوداني )) بالفطور__ عاد قلت آخذ كم علبة فول سوداني للأيام الجاية __ تصدقون يا جماعة الخير أن قوطي زبدة الفول السوداني إلي كنا نشتريها العام بسعر 11 ريال أرتفع قبل كم شهر إلى 14 ريال قلنــــــــا مو مشكلة (( قال الأرتفاع العالمي قال ! ))__ يلا__ عـديـناها على خير، لكني تفآجأة أن قوطي الفول السوداني ماركة ( قودي ) إلي شريتها قبل فتره بـ 14 ريال بالمحلات الثانية ، ألقاه الحين عند الفيصل بـ 17 ريال ؟؟؟؟؟؟؟؟أي والله بـ 17 ريال !
أنا أبي أعرف شيء واحد مين إلي يحط الأسعار ؟؟؟؟؟؟؟؟؟؟ ليش كل ما آمنا بمصيبة __ نتفآجأ بمصيبة أفجع منها ؟؟؟؟
أقولكم على سالفه بنفس هـكـلـيـوم .. وأنا عاد عند الكاشير حق ( سوبرماركت الفيصل ) كانت من عادتي آخذ ححبتين من حلاوة ابونص إلي يعلقونها على رفوف إلي عند الكاشير خذيت حبتين بريال ولا أتفآجأ يقول لي محاسب __ جب ريال ثاني ..قلت له ليش ؟؟ قال حق الحلاوة!!!!!!!!!!!!
من يوم فتحت الفيصل وأنا أشتري لوغيداني هالحلاو هاذا بحبتين بريال والحين ينقال لي صارت الحبة بريال ؟؟؟؟ من أن هالحلاوة هاذي كله سكر صناعي وجلاتين ومواد حافظة وأصباغ وبلاوة لا وينباع الحين بريال ؟؟؟؟؟
وين الكرم إلي ندعي ؟ وين مخافت الله ؟ ولا هي الدعوة الواحد خسر بأسهم قال يلا أفـدع بجيوب خلق الله

والله أن كان هاذا إلي يصير عندنا ولا أحد يقدر يغير شيء __ترا إلي عنده دم بوجه وراعي مبدأ __ يقش أهله وعييله وعفشه ويهج للقصيم أو أي ديرة ثانية __ لأن والله الدعوة طــولت أي والله طــــولــــــت وصرنا ضحايا للأجانب __يصنعون ويسعرون __ويسوقون بطريقتها _يلا ولا عندك أحــــــــــــــــــــــــــــــد

لا ونـبــــــــــــي المطر بـــــــــــــعـــــــــــــد

هذا إلي يصير من تحتك يا أميرحائل وكل يوم يقولون الغلابا بكره يوم جديد ويوم أحسن لكنها الأخســا من قبلها

إما أن الوضع ينصلح ( وأنا أقول ينصلح مو يتحسن ) أو نهرب من ديار حاتم الطائي وديرة الكرم ((المزعوم !))

والله يا سعود بن عبدالمحسن هذا إلي يصير بنا والله

وماني عارف أن كنت تعرف ضررنا من جشع المجهولين إلي يلعبون بنا وبديرتنا بعد

والله ماني عارف آيش أقول لأني وصلت حدي وتعبت من الكلام !

m3trb
13-05-08, 18:58
الحل تبي الحل


الحل لابد يكون من الجذور
لازم يتم خلق نظام عادل ياخذ كل حق حقه
الاسعار لا يجب انها تكون وحده
اللي مستاجر محله بالفين غير اللي مستاجره بثلاثه
واللي عنده عامل غير اللي عنده خمس عمال
توزع المحلات على فئات حسب الايجار وحسب العماله
وتكون لجميع محلات هذه الفئه قائمة تسعيره ثااااااااااااابته خاضعه للرقابه والعقاب للمخالف
هذا حل بسيط جدا ولكن وين اللي يطبقه العالم نايمه بالعسل والضحيه انا وانت المواطن العادي

مجنون الطواري
13-05-08, 19:01
كان الله في عوننا

والله الشق صاااااااااااار اكبر من الرقعه

قمة الأدب
13-05-08, 21:09
لاوصار كلن يسعر على مزاجه
سمعوا بإرتفاع الأسعار وحنا ضعنا بالطوشه
الله يعـــــــــــــــــــــــــظم أجرنا

فتى الشمريين
13-05-08, 21:16
والله لارقابه ولا اهتمام.........نلجلج على انفسنا ...ياحلو الخبزه الجمريه...هع هع هع

يسلموووووووو على الخبر اللي يفتح النفس...

حريف بلوت1
13-05-08, 22:36
والله لارقابه ولا اهتمام.........نلجلج على انفسنا ...ياحلو الخبزه الجمريه...هع هع هع

يسلموووووووو على الخبر اللي يفتح النفس...

ساره الخالد
13-05-08, 23:48
والله تعبنا من القال والقيل ولا فيه أحد يسمع ويرد الا بالعكس كل ماللحال بالنازل ..
بس أنك تفكر أنك ترحل من ديرتك هذي صعبه شوي ربك بيفرجها بإذن الله ..
وقل لأم العيال لا عاد لهاعاده تزين على الفطور (( زبدة الفول السوداني )) ترى يمدحون الجبنه وفوقه شويت عسيله ألذ وأنا أختك ..

الهوى لجبال حائل
14-05-08, 02:40
يابن الحلال لو كلينا تراب بيرفعون السعر بس وش تعمل احمد ربك ولاهي لزمه تاكل فول
وانا من رايي انك تلحس فقس احسن لك
لانك ما راح تغير شي

سايزز
14-05-08, 12:04
*****************************************************
*****************************************************


**** من أمن العــقــــوبـــة أســـاء الادب *****



***



**




*

ثامر 2006
14-05-08, 13:07
كلام في محله

الالمـاني
14-05-08, 13:37
اقول الشكوي الله صرنا لعبه بيد التجار واكثرهم مو سعودين

نجم الشمال
14-05-08, 19:29
الشكر موصول لكل الأخوة الكرام إلي تكلمو هنا

لكني بسأل شيء واحد بس ؟

إلــــــى متى وهالضحك هاذا بـيـبـتــل عليــنا ؟
المسئولين بينافـقـوا ( الأميــــر ) بخطباتهم وتقاريرهم عن وضع وعن حال الأسواق عندنا وكأنهم يقولون للأمير ... : - ( تــرا اسعار أرتفعت وحنا لاحظنا هالشيء هاذا. وهاذ أحنا نكتب لكم ( يعني للأمير ) عن إلي يصير ! ) بزعمهم أنهم يراقبون الأسواق عن كثب ...وهنا بذات أنـقـلـب عليهم أعمالهم !!!!! (( قولو لي كيــــــــف ؟؟ )) أنـــــــا أقول لكم كيف :-

أن كان بالفعل المسؤلين بأي قطاع له صله بأسواق سواء كان من قريب أو بعيد ولها يد أو أشراف على الأسواق ولي فيها .. أجـــــــل لــــيش مايذكرون أن إلي يسوقون هالسلع و المنتجات هم أجانب ؟ ليش مايقولون للأمير ( عن الأسباب ) الداخلية إلي رفعت الأسعار غير الأسباب الخارجية والعـلـثـه إلي أتـفـقـنــا عليها يا أخوان ( قال الأسعار العالمية قال ) وسالفه حلاوه ابو نص إلي ماسلمت من هالشيء وحتى سـم الفيران ماسلمت من الأرتفاعات العالمية البايخه

أنا أتخيل ..... أن لما أرتفعت أسعار الحديد وأسعار الرز .. أنـتـهــزو( فئة ) من ناس هالفرصه وقالو يلا .. خلونا ندعي ونخبص مع هالهوامير الكبار ونقول أن حلاوة أبو نص إلي كلها سكر صناعي وبلاوي زرقاء ونقول هاذي مش من عندنا هاذي من الأسعار العالمية ( وهو من زين حلاوكم يلي ماتخافون ربكم من هالوغادين إلي لا صحه فيهم ولاعقل ولا رحمه ! )

الدعوة هنا أشبه بمؤامرة نشوفها ولا نقدر نسوي حاجه بها

هل ياربي المصيبة بنا ؟؟ أو أننا متخلفين ؟؟ لدرجة أننا مانقدر (( نقاطع كل ماهو غالي )) ونكون شعب ذكـــي حتى لو نام المسؤول و كذب على ولاة الأمر بحجة أن إلي يصير ( مسألة خارجية ) عـشان يــقــضــب كرسيه بأي ثــــــــمــــــــن ؟! ويزرط طول الفترة إلي يكون ( على كرسيه ) ولما يشوف أزراعين أو يشوف أن المسألة وصلت حدها ! ___ سارع وتقاعد وقال لناس
طززززززززززززززززززززززززززززززززز فيكم

وتلقاه أول من يحارب الفساد وأول من يعارض وأو من يدعي وأول من يرائــي الناس وأول من يقدم (( النصيحه )) بحكم خبرته مع أنه ماكان ( حيسويها ) في زمانه لأنه زي هــكــلــ نبته إلي تفتح ولها أشواك زي الأنياب كل ماجتها فرصه من أي وجبة دسمه وأكيد وجبة قذرة ( زي الذباب مثلا ) يسكر علها بأشواكها على المنفعه إلي يدور عليها طيلة جلوسه بكرسيه ...

وصرنا زي الطرمان نثافر ونزبد ونصيح بمجالس وبأستراحات وبالمنتديات وكلنا عارفين وكلنا فاهمين وكلنا واعيين وكلنا على قد من الوعي !
بس مع هاذا بدون أي فايدة ____ أي نعم بدون أي فايدة
لأننا شعب معروف _____ شعب الكلاااااام بس

فهل ترضى يا طويل العمـر بلي يصير عندنا

لأن حائل سباقه بأي شيء سيء عن باقي مدن المملكة

لــــــــــــــيـــــــــــــــــــــــــــــــــش

الياقوت
15-05-08, 00:13
الي رواتبهم خمسه وفوق
للحين مابهم بلى عسى البلى يجي عدونا

لكن عزي للي دخلهم الشهري قليل
والله كل ماافكر بالفقراء اني تدمع عيني على حالهم
مالومهم ان اسوقوا بسبة الجووع

ماهنيكم بهالدعاوي يالاستغلاليين
الله لا يوفقكم وين مارحتوا ولا يجعل بتجارتكم بركه كانكم مستغلينا...

سكود
15-05-08, 02:44
الحل بكل بساطة الضرب بيد من حديد علي كل من يتلاعب بالاسعار وتشهيرة
يمكن شفت موضوع الاخ ماجد المسمار عن بندة
تخيل شايلين استكر السعر اللي من الشركة علي علبة الزيت وحاطين سعر من عندهم
ولا حسيب ولا رقيب

ابونجر
15-05-08, 04:48
أوهموكم بشيئ إسمه (جشع التجار) لتنصرف انظاركم عن سعر البترول ومايجب ان ينعكس على المواطن من مدخولاته !
وكان التجارة لاتفرض على اهلها المنافسة فيما بينهم