المساعد الشخصي الرقمي

مشاهدة النسخة كاملة : كلية الطب في جامعة حايل



بنت وايل ومن حايل
12-05-08, 21:05
السلام عليكم كيف الحال ان شا الله تكونون بخير:icon7:


انا اسأل مجرد سوال لية للحين مافي كلية طب ولا صيدلة بالعربي مافي اي كلية صحية بجامعة حايل
لية هالتهميش هذا لحايل
الحين جامعة القصيم وتبوك والجوف و جامعات الجنوب كلهن بهن الاقسام وكم لها فاتحة جامعة حايل ولا بها الاقسام الصحية
يعني الحين مهمشيننا يحسبوننا اغبياء اقسم بالله العظيم ان به بدفعتي العام
99% وحدة 97 % وهذا اللي اعرفهن بس يعني .............وانا 91% وصديقاتي كلهن تسع بنات او اكثر نفس النسبة 91%
ووحدة 95% وقسم بالله كلنا نحلم بالطب وانا شخصيا احلم يا بالطب او الصيدلة بس اااااه وش اقول
تهميش مادري لية اكيد ماحد يرضى بنته تروح تدرس بالقصيم او تبوك او الجوف او الجنوب لحالها
وش اقول بس الله يعين


:icon25: :icon25: :icon25: :icon25:
:icon32: :icon32:

مجنون الطواري
12-05-08, 21:09
الله يجيب الخير

OAX2005
12-05-08, 22:33
طيب ايش فيك معصبه بعدين لو معدلك 99% من قال انك تبين تدخلين كلية الطب؟ اللي يشوفك يقول انك ضامنه دخولها في حالة وجودها

الحربي 22
13-05-08, 00:45
اختي اصبري . يمكن يفتحونها الترم الجاي . وبعدين كل شي يعتمد على السنة التحضيرية . إذا جبتي درجات كويسة (جيد جدا وممتاز في مادتي الرياضيات والانجليزي ) تدخلين طب .

وباين عليك طالبة توجيهي . تمام قدام وقت وسنة تحضيرية . شدي حيلك بالسنة التحضيرية وكلية الطب والصيدله جاية جاية . لاتخافين .


وبعدين تبوك والجوف مافيهم طب إلى الان . من قالك فيهم طب ؟؟؟؟!!!!!!!

لكـ يـوم!
13-05-08, 01:09
ولا جامعة فيها طب ابداًمن اللي ذكرتي ، غير جامعة القصيم وكانت فرع لجامعة الملك سعود وما قصرتي وين ( بالقصيم ) ، لكن آخر الأخبار أن الدراسة في السنة الأولى لكلية الطب والعلوم الصحية السنة الجاية ...
الجامعة يبيلها 5 سنوات على الأقل لتسير على نظام متّزن خصوصاً بعد الانتهاء من مبنى الحرم الجامعي المتكامل ...
وشكراااا

سكود
13-05-08, 11:16
نصيحة غير توجهك ولا تتعلقين فيه ياختي
لا ن الجامعه من فتحتها وتغيرها مافتحوا قسم واحد جديد هي نفس كلية المجتمع اول بس صاروا يقبلون طلاب اكثر
جامعة المسخرة

ساره الخالد
13-05-08, 15:31
رددي وأنا أختك ياليل مطولك .. مافتحوا قبل 10 عشر سنين قسم علم النفس وتاريخ تبين الحين يفتح طب ..

عبارات ^ العيون
13-05-08, 15:45
الله ياساره علم نفس حلمي مع انه
موجود اعضاء هيئةالتدريس لاانهم يعطون ثالث ورابع
شنقول الله يعين اذا مافتحت
غيري طموحاتك وانا اختك
وماتدرين كمان عن المقابله
الله يوفقك

الحايلي 700
14-05-08, 02:48
كلام بس مافيه تنفيذ
الله يعين بس

شــايل الزين
14-05-08, 03:38
السنه الجاااايه يبووون يضموووون الكليه الصحيه لي جاامعة حاايل

من مصدر مووثوووق

مواطن صريح
14-05-08, 09:31
لنكن صادقين مع انفسنا ما طلبته الوائلية حق مشروع لها ولكل ابناء الوطن بالحصول على فرصة طب او غيرها ماهو

احسن من هالأجانب المكدسن بمستشفياتنا ........قل الحقيقة .......بدون ..... وأن. كانت مرة .

بنت وايل ومن حايل
14-05-08, 19:11
طيب ايش فيك معصبه بعدين لو معدلك 99% من قال انك تبين تدخلين كلية الطب؟ اللي يشوفك يقول انك ضامنه دخولها في حالة وجودها



أنا مو معصبة وبس انا طالعةروحي !!!!!!!!!!!!!!!!!
ولية مو من حقي وبعدين اللي يقول اني توجيهي
لا لا لا لا انا ادرس بكلية العلوم الصحية والحمد لله نسبتي الترم الاول بها %93
والجامعات هذي انا شفت اعلاناتها بالجرايد مع اختبار القدرات حق البنات يعني اذا مو حقيقة هذا خطا
من الجريدة نفسها لكن اتوقع الجرايد ما تكتب خرابيط
ولكن اشكركم جميعا

الحربي 22
14-05-08, 22:29
طيب ايش فيك معصبه بعدين لو معدلك 99% من قال انك تبين تدخلين كلية الطب؟ اللي يشوفك يقول انك ضامنه دخولها في حالة وجودها



أنا مو معصبة وبس انا طالعةروحي !!!!!!!!!!!!!!!!!
ولية مو من حقي وبعدين اللي يقول اني توجيهي
لا لا لا لا انا ادرس بكلية العلوم الصحية والحمد لله نسبتي الترم الاول بها %93
والجامعات هذي انا شفت اعلاناتها بالجرايد مع اختبار القدرات حق البنات يعني اذا مو حقيقة هذا خطا
من الجريدة نفسها لكن اتوقع الجرايد ما تكتب خرابيط
ولكن اشكركم جميعا



الكليات الصحية للبنين والبنات ضموها لوزارة التعليم العالي . شي طيب . لاني أنا قرأت تصريح لوزير الصحة يقول راح نحول الكليات الصحية إلى كليات تعطي البكالوريوس .

وأنتي معدلك ممتاز . تمام إن شاء الله يفتحون البكالوريوس بأسرع وقت وتمكنون عليه .


بالتوفيق .

ابواحمد6260
15-05-08, 01:34
صبــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــرا
آل حائـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــل

المتمسك
16-05-08, 03:24
ابشروا

تم تعين د. القرعاوي -عميد كلية الطب البيطري بالقصيم سابقاً - عميد لكلية الطب لجامعة حائل

الدكتور البيطري ... ما يحتاج نكمل من البداية واضحة

ХҲХ ހވޱ ވ ހވޱХҲ
16-05-08, 03:33
يعطيك العافيه على طرح المميز

المتمسك
16-05-08, 03:34
للاطلاع اكثر

يمكن زيارة موقع منتديات طلاب وطالبات جامعة القصيم > منتدى الكليات > ســاحة كلية الزراعة والطب البيطري

تجد ما يسرك من معلومات عن شهاداته المشكوك فيها وغيرها

ما اقول الا الله يخلف

اتمنى ان لا يكون في هذا الموقع مثل هذا البيطري