المساعد الشخصي الرقمي

مشاهدة النسخة كاملة : فرع وزارة التجارة والسبات العميق



راعي الشقيق
12-05-08, 00:06
بسم الله الرحمن الرحيم

اخواني اعضاء فضاء

السلام عليكم ورحمة الله وبركاتة

والله من الحسره والالم الي نشوفه في التلاعب الي يصير وفرع وزارة التجارة نايمين

اكتب لكم قصه حصلت معي قبل قليل وهي اني رحت اشتري حليب حق طفل صغير من الصيدلية

وانا اعرف كم قيمة الحليب الي اشترية سعره الصغير 27 ريال والوسط 49 ريال اتفاجئت ان السعر تغير

صار سعر الصغير 33 ريال والوسط 63 ريال هل يعقل ان الاعانة اعانة الحليب تصير كذا

في السابق قبل حوالي ست شهور اشتريت حليب من صيدلايه وكان سعر في ذاك الوقت 27 ريال

ويوم رحت اشتريه كان سعر 29 ريال انا والله العظيم يا اخواني ماهمني الفرق في ذاك الوقت يعني راعي الصيدلايه

رافع ريالين تهاوشت انا وراعي الصيدلايه قلت ابي اشتكيك للتجاره

واقسم با الله العظيم رد علي وقال رح اشتك

انا انقهرت من كلامه ورحت اشتكي للتجاره

تدرون وش صار معي في التجاره؟

دخلت فرع وزارة التجارة اشتكي من القهر والظيم الي فيني قالي مدير التجارة رح للموظف فلان

رحت للموظف تدرون وش قالي ؟

والله العظيم واقسم با الله العظيم اني الموظف قالي والله حنا الحين مشغولين في الرالي وانت قدم معروض ويصير خير

هل يعقل ان واحد يجي يشتكي ويقولون له حنا مشغولين في الرالي؟

اخواني انا عملت في منطقة القصيم وجلت في منطقه القصيم سنتين

كل ماتدخل محل فيه على الباب باب المحل الاسم فلان الفلان وحاط رقم جواله ومسمى الوظيفه مراقب في فرع

وزارة التجاره والله العظيم تدخل بقاله تحصل اسم مراقب ورقم جواله تدخل مطعم نفس الشي وتدخل صيدلايه نفس الشي

اخواني تدرون كم سعر السندوتش في القصيم واقسم با الله سعر اي سنتدوتش ريال

اما حنا ريالين وثلاثة ريال

انا اناشد مولاي خادم الحرمين الشرفين في النظر في حليب الاطفال بسرع وقت

ثانيأ اناشد وزير التجاره في التدخل السريع في حل موضوع حليب الاطفال

ثالثأ اطلب من اميرنا الامير سعود بن عبد المحسن النظر في فرع وزارة التجاره واعاده بنائها من جديد

واسف على الاطاله

نعيم
12-05-08, 00:10
من الحماس كتبت الموضوع مرتين !!!

لكن ... معك حق ... الله يصلح الأحوال .

صوت من الفضاء
12-05-08, 00:44
وانتم شفتوا قرار واحد من اللي سمعنا عنها نفذ في وقته وعلى اصوله ؟؟؟؟؟

ماعنـــــــــــــــــدك أحـــــــــــــــــــــــــد