المساعد الشخصي الرقمي

مشاهدة النسخة كاملة : وقفات في طابوررررررررررر الخباز . . .



متفائل بحدود
10-05-08, 23:01
السلام عليكم ,,, حي الله الاعضاء كلا بمعرفه .

كل واحد منا اكيد وقف في يوم من الايام في المخبز ينتظر دوره يعني ماسك سرا بالعاميه .
زبدة الموضوع في هالوقت الي انت جالس تنتظر تبي تشوف فيه تصرفات غريبه تعالوا نعيش معكم هذه اللحظات ..

في المخبز بتشوف ( المتطفلين ) ويا كثرهم وابرز صفاتهم عدم احترام السرا وتجاوز الاخرين بشكل مخجل .

في المخبز بتشوف الملقف والمشافيح وشغلهم الشاغل معرفه هذا من هو ولده ؟
وين يشتغل ؟
ومن وين شرى السياره ؟
وكم راتبه ؟ ومنهم خواله ؟ الخ من الشفاحه..

في المخبز بتشوف ثقال الدم والطينه بتصرفاتهم واشكالهم الواحد منهم يجي من المرقد للمخبز سيده ويالله تشوف عيونه من التجحيم الي فيها ومن صفاتهم مايسلمون ولا يتكلمون وخبزهم يصفونه ويعدونه كل ماحط خبزه والي فيه اسم حرق يرجعونها والله يعين من يكون بعده بسبب المصاقه .

في المخبز بتشوف الطفل الصغير يلذعه الخبز من حرارته وابوه في السياره ما يحول عشان ما يكلم احد ولا يشوف احد !

في المخبز بتشوف الفوضويين والمهملين وصفاتهم ان الواحد ما يقتنع ان الخبز بفلوس يسحب ويمشي وعلى هالتسجيل الى قيام الساعه , لا بعد السياره ما يوقفها الا معاكس ومسكر على اثنين !

في المخبز ناس طيبه واخلاقها عاليه ومرحه وجه بشوش مبتسم صفاتهم الكرم والطيب مع الغرباء والضحك والمرح مع الجماعه دائما سواليفهم عن حركه الرياح في أي اتجاه اليوم ؟ واحوال الطقس برد او حر والسحاب والغيوم والدعوات بهطول المطر والخير . كبير السن له الاولوية عندهم وصغير السن يجد منهم المساعده ..والخ من علوم الطيب والحمد لله هم الاغلبيه في مدينتنا حائل عروس الشمال . فهل أنت منهم ؟؟؟؟؟؟


في الديرة يقولون اذا شفت واحد من العمال وبالذات الأفغان في المخبز فانحش لانهم ما ياخذون الا بخمسه وفوق !
هذه مززززحه خفيفه اختم بها موضوعي
والى اللقاء في موضوع اخر لكم مني اطيب تحيه

لكـ يـوم!
10-05-08, 23:42
هههههههههه شكلك مر عليك موقف عند المخبز .... ومتأثر أو انك حالم فيهم ...

مركز
11-05-08, 01:15
تصددق عاد اني استمتع وانا واقف احتري دوري بالخبز لاني اشوف ناس تنتظر معي ولا به واسطات ولا محسوبيات يعني كلنا نتبع اوامر خبازنا العظيم ومعرفته بالدور
لكن ياغبن السالفه اذا وصلك الدور ولا وصل كل حقك من الخبز يعني لازم تنتظر حتى يخبز مره ثانيه

ولد الشيخ
11-05-08, 01:21
من وين تاخذ خبز بالعاده أبي أجي أسولف معك

ابو رغد0
11-05-08, 01:28
من وين تاخذ خبز بالعاده أبي أجي أسولف معك

ولاتنساني معاك حتى انا ابي اسولف واحد متطفل

ههههههههههههههههههههههههههههه

ذيب اجا@
11-05-08, 01:37
والله انك صادق

مجنون الطواري
11-05-08, 01:43
سلملي على التميز

زياد العيد
11-05-08, 02:43
والله يانك فاضي دع الخلق للخالق

وش عليك من هالخلق انت


يا ملقووووووووووووف




يذكرني

الهاترك
11-05-08, 11:15
سلملي على التميز


سلملي على الجمريه

الدفيعاء
11-05-08, 11:48
السلام عليكم ,,, حي الله الاعضاء

في المخبز بتشوف الملقف والمشافيح وشغلهم الشاغل معرفه هذا من هو ولده ؟
وين يشتغل ؟
ومن وين شرى السياره ؟
وكم راتبه ؟ ومنهم خواله ؟ الخ من الشفاحه..



هذي حتى المقابر ما سلمت منها وتلقاهم واقفين فوق قبر ووينشدون عن فلان وعلان !!!!!

السلام عليكم ,,, حي الله الاعضاء

وبالذات الأفغان


وهذي حط تحتها قوسين !

يجون ويرطنون بالإردو وكلن يوصي خويه وكن إذني تسمعه يقوله ( خذ لي بريالين معك كنك طالبهن !! )
وحنا ندودل روسنا وحامسنا الفرم وريحة عرقهم !

أخ بس يا خبازين المغرب وإلا سوريا ما عندك أزين منهم

دعوني اتكلم
11-05-08, 13:14
هذي حتى المقابر ما سلمت منها وتلقاهم واقفين فوق قبر ووينشدون عن فلان وعلان !!!!!


وهذي حط تحتها قوسين !

يجون ويرطنون بالإردو وكلن يوصي خويه وكن إذني تسمعه يقوله ( خذ لي بريالين معك كنك طالبهن !! )
وحنا ندودل روسنا وحامسنا الفرم وريحة عرقهم !

أخ بس يا خبازين المغرب وإلا سوريا ما عندك أزين منهم

والله انك صادق حتى المقابر ما سلمت منهم بس ممكن اطلبك طلب الاخ ((دفيعاء)) بوضع صورتك ودي اشوف شكل الدفيعاء للي اهلنا يخرعونا به من يوم حنا أصغار

(( ولد حائل))
11-05-08, 13:21
والله أنك صادق