المساعد الشخصي الرقمي

مشاهدة النسخة كاملة : وش آخر رقم منحة ارض نزل من الأمانة ؟



نبراس
04-03-08, 20:09
سمعت ان فيه قائمة جديدة من الممنوحين اراضي خلال الايام الماضية ..

انا مقدم على ارض من عام 1423 هـ ورقمي حوالي 29 الف تقريبا ..

حبيت اسال عن اخر رقم تم منحه .. هل وصلوا رقم 9000 او لا ؟؟

اللي حصلت له منحة من الممحوين يقولنا اخر رقم ؟؟


ويالله يجيب مطر ..

سوافي حائل
04-03-08, 21:22
انا مقدم عام 1418‎ ‎‏ و إلى يومك ما عينت شي

المسيفر
04-03-08, 21:54
آخر رقم وصلت اليه البلديه 9500 والله يعينك على الصبر اضرب حسابك من 4- 6 سنوات وبعدين لا تكتب وانت مستعجل انواع الأغلاط الاملائيه .

تحياتي الخاصه لك

ذيب اجا@
05-03-08, 00:27
انا مقدم عام 1418‎ ‎‏ و إلى يومك ما عينت شي

وانا كذالك

نبراس
05-03-08, 01:55
سوافي حائل ..

كم رقم منحتك انت ؟؟



المسيفر ..
متأكد انهم وصلوا 9500 ؟ انا سمعت انهم ما تعدوا 8500 ؟
بعدين وش هي الاخطاء الاملائية ؟


ذيب اجا ..
ممكن رقم منحتك وشكرا ؟

حااايل يابعد حيي
05-03-08, 02:13
طيب واللي نزلت له ارض بالسحب

مقدم عام 1418 هـ والرقم مادري كم ناسي والله

لكن صك الارض ماخذيته الى الحين

؟ ابو عبدالرحمن ؟
05-03-08, 02:18
الله يكون في عونكم

شرشاب
05-03-08, 02:20
لا تستعجلون الاراضي راح تمنح لنا انشاءالله بعام 1518 للي حي منا بس مترين بمتر يعني تبرعت الامانه لك بقبر


تحياتي

ابو نواف
05-03-08, 13:16
اخر رقم وصل لتوزيع المنح8600 ومحتمل ياصلالتوزيع الجاي الى 11400

قــF ــاهــS ـرهـRـم
05-03-08, 14:04
اخر رقم وصل لتوزيع المنح8600 ومحتمل ياصلالتوزيع الجاي الى 11400

ما تعقب انا مقدم عام 18 ورقمي حول 14 الف يعني يبيلي كم سنه ثانيه
اسمع ياروح امك المنح الجايه راح يوقفون على 18 الف

فهد محزم
05-03-08, 22:32
خذ العلم الأكيد ... من خلال متابعتي لدفعات الممنوحين من خلال الجرائد

انه كان واقف الرقم على 8600 وهي الدفعه اللتي منح اصحابها في مخطط مشار ومن ثم تم تعويضهم جميعاً

ثم نزلت دفعه تضم عدد 1304 مواطن ..

وهم اللذين نزلت اسمائهم اليوم في الأمانه بعد سحب الأراضي بالقرعة وتوزيعها عليهم ....


اذن الناتج هو ..

8600 + 1304 = 9904


( 9904 ) هو آخر رقم تم منحة ..

باستثناء مااعلن عنها قبل فتره من توزيع المنح لذوي الاحتياجات الخاصة والأرامل حيث قرأنا انهم المسجلين في كشوفات المنح حتى الرقم 15000


هذا ماتبين لنا من متابعة اعلانات الأمانه .. والله اعلم

نبراس
06-03-08, 01:16
حااايل يابعد حيي
يعني طلع اسمك مع الممنوحين ؟

؟ ابو عبدالرحمن ؟
اللهم آمين

شرشاب
الله يرحمنا برحمته ..

البقلي.
اش مصدرك من هالمعلومات ؟

قــF ــاهــS ـرهـRـم
الله يعينك اخوي .. وبعدين ياخي هد اعصابك ترا البقلي ما قال شي ..
بعدين معقوله رقمك 14 الف وانت مقدم من عام 1418 هـ؟
والشي الثاني : وش دراك انهم بيوقفون عند 18 الف ؟؟

لي عودة مع بقية الردود ..

العطيـــــب
06-03-08, 01:25
انا رقمى 9617 ولان الحظ ردى وقفوا عند 9500

حااايل يابعد حيي
06-03-08, 01:53
نبراس ايه طلع اسمي وانا مقدم عام 1418 هـ

والصك قالوا انه جاء اليوم الاربعاء الموافق 27 / 2 / 1429

يعني 11 سنه وكبدك طيبه مع العلم ان الارض نزلت بحي المحرقه والمساحه

500 متر وتعال دبرة يابعد حيي انت يوم اقدم وانا بالصف الثاني ثانوي

عبدالله الشلاقي
06-03-08, 20:42
و الله يالربــع انا غاسل يدي مبطي من بيروقراطية الامانة >>احلى يا ولد ...ههههههههه



ادري ان ما حولنا ديار تونا لازم يشيب نص شعري >>والله نصه شيب هاللحين



مقدم عليهم 1425 هـ و رقمي 29000 >>>>>تهقوووون قريب ولا للحين



ارجووووو تردوووووووووووووووووووووون

قنش
06-03-08, 21:11
والله ان اعطوك ارض قبلي لانتف حواجب مدير البلديه ههههههههههههههههههههههههههههههههه

انا مقدم من عام 1418 وماشفت شي يعني بصرراحه اخوي ردد ياليل ماطولك ههههههههههههه

نبراس
15-03-08, 13:45
لا حول ولا قوة الا بالله

نبراس
16-03-08, 12:35
ماحد منكم سأل الغماس مدير الاراضي عن مخطط مشار ؟!!