المساعد الشخصي الرقمي

مشاهدة النسخة كاملة : عيب يا سعادة الأمين



صـريـح
04-03-08, 11:21
السلام عليكم
اليوم عندي مراجعة في قسم الأراضي بالأمانة وتفاجأت أن اللفت ( الأصنصيل ) واقف وما يشتغل ألا واحد بس ويوم سألت احد الموظفين قال أن اللفت الثاني للأمين ما يشتغل لما يجي الأمين والآن الساعة 10.30 الصبح وسعادته ما شرف

فيه لفت جديد يقول من رمضان وهم يصلحون به ألي يلفت الانتباه الزحمه الشديده على اللفت الواحد واكثرهم رجال شيبان أصغر من الأمين منهم موظفين ومراجعين

رسالتي للأمين حسب سمعي أنه جاد وعملي
ياريتك تحترم الشيبان ربما أنك ما تشوفهم
وما تشوف الزحمة على اللفت الواحد
وليست من شيم الكرام عدم الاحترام
حتى لو كان فراش أو بواب أو عامل
كلهم بشر ويعتريهم ما يعتريك من التعب


سلام

حسينوه
04-03-08, 11:42
مراجعة في قسم الأراضي بالأمانة

عاد لو الاصنصيل على قولتك شغال
بزعمك تبي تطلع بنتيجه!!! :icon21:
لا ومن قسم الاراضي!!

الموظف اللي هناك يعتقد إن الأراضي ورث له من ابوه
ومغيب استمارات التقديم بالدرج!!
للي يبون يمشونه واللي مايبون يقولون التوقيف مقدم ! قصدي التقديم موقف!!

slim
04-03-08, 11:55
وانت اي واحد يقولك شي تصدقه .


اذا كذا انا ابي اعطيك اياه اسمع ترا نزلت لك ارض وطبقوها لك على دوار السنبله ...... رح استلمه ياصريح

من يدري !!
04-03-08, 12:02
وأنا أقول ليش الخدمات دائماً بالأسفل ولا تستطيع النهوض والرقي
أثاري اللفت عطلان !!

ياليتها كانت على اللفت كان هانت المشكلة

الأمانة عن بكرة أبيها تحتاج لإعادة هيكلة !.

شكرا لك

درويش
04-03-08, 13:07
مدري بس ليتك جبت ملاحظة أهم ..

إذا الدعوى لفت وما لفت المسأله سهله جدا وما راااح نختلف ابد

البر والبحر
04-03-08, 19:49
إتقوا الله ياإخوان فالسبب الرئيسي بإيقاف التقديم للأراضي مصلحتكم أنتم التقديم متوقف بمعظم مناطق المملكة وصارت أغلب الناس تقدم على حائل و 90% من المتقدمين من برا منطقة حائل واسف للمقاطعة

أبو ابراهيم
04-03-08, 22:11
كلام عاري عن الصحه

؟ ابو عبدالرحمن ؟
05-03-08, 02:43
الله يكتب الخيرة للجميع

الراقي
05-03-08, 03:00
إتقوا الله ياإخوان فالسبب الرئيسي بإيقاف التقديم للأراضي مصلحتكم أنتم التقديم متوقف بمعظم مناطق المملكة وصارت أغلب الناس تقدم على حائل و 90% من المتقدمين من برا منطقة حائل واسف للمقاطعة

يعني برايكـ هذا هو السبب .؟. طيب وش دراك أن 90% من المتقدمين من برا حائل .؟.

والأهم بسببهم يحرمون سكان حائل من التقديم

والأهم إلى متى .؟.

ان كان الشخص يبلغ عمره 30 إلى 40 سنه ماملك أرض متى بالله يقدم على الصندوق العقاري

ومتى ينزل أسمه إذا كان عمره 70 سنه :icon21:


وبعدين ترا النقاش كان على اللفت

وأنت الله يهداك

فتحت باب على الأمانه

بسبب توقيفهم التقديم على الأراضي

..!!..

نآيف2008
05-03-08, 03:04
البر والبحر كلآمك صحيح ميه بالميه اكثر الدفعآت للمنح اللي نزلت وقريتها بالجرآيد قديمـآ كل اسمآء الممنوحين من خآرج مدينة حآئل وأكثرهم من قبيلة الفلآن لأن اللي كآن مآسك البلديه في وقتهـآ من نفس القبيله واللبيب بالأشآره يفهم
الله يكتب اللي فيه الخير بالأمين الحآلي ونشوف العدل والمسآوآة بعهده وأن شآء الله مآيبقى فرد بحآئل الا وله أرض وبأسرع وقت قولو آمين

وبالنسبه للفت وش رآيكم نقط ونصلحه لأن اعتقد مآعندهم قيمة تصليحه

نخيلان
05-03-08, 08:30
الســـــــــــــــــــــــــــــلام عليكم ورحمة الله وبركاته وبعد

صباح الخير مساء الخير

كلامك أخ نايف صحيح أنا من أهل حايل ولظروف العمل أسكن بر حايل وعند تقديمي على منحه من الامانه (قديم بلديه) قالو

لازم تكون سكن وسط حايل الكلام عام 1412 هل هذا صحيح من أهل الديره وكل المملكه بلاد بدون تحديد

الطوفان
05-03-08, 10:31
عاد لو الاصنصيل على قولتك شغال
بزعمك تبي تطلع بنتيجه!!! :icon21:
لا ومن قسم الاراضي!!

الموظف اللي هناك يعتقد إن الأراضي ورث له من ابوه
ومغيب استمارات التقديم بالدرج!!
للي يبون يمشونه واللي مايبون يقولون التوقيف مقدم ! قصدي التقديم موقف!!



يا حسينوه انت كذا:icon27::icon27::icon27::icon27::icon27:


يوم قريت ردك طحت على ظهري من الضحك:icon39:

الفيصل 1
05-03-08, 10:38
الموضوع عن المصعد الي مخصص للامين
جديع ما سواها !!!
ما اعتقد ان الطوب يسويها .

صـريـح
05-03-08, 10:43
بعض العقول تحتاج صيانة
الموضوع عن اللفت وحطيتوه للأراضي
بعذركم من حر ما بقلوبكم على مشار

أنا مستغرب هالتصرف فقط

أبــو ســارهـ
05-03-08, 12:13
يارجال وسع صدرك كل شي بهالامانه يبيله تغير

وازيدك من الشعر بيت يوم جيت اقدم على ارض قالوا لي موقف التقديم ومن بكرا جبت معي فيتامين (واو) وخلصت اجراءاتي بنص ساعه..

ورقم ارضي 69 الف والرقم الظاهر ما تعدى العشرة الاف اللحين على ما اعتقد يعني اذا حنا من الحيين يمكن عقب اربعين سنه واذا حنا من الاموات غديه تكون ورث لعيالي

تقبلوا مروري...


أبـو سارهـ...