المساعد الشخصي الرقمي

مشاهدة النسخة كاملة : ياخبل يادثوي ياقاروره000وشيبانا



الطنيان
17-07-01, 08:23
قارور ياسطل ياطباقه ياصايع ياضايع يامايع يا ترنّجه يا عنبه يا علّك ما تربح وياعلّك ما تفلح وياعلّك ما تسبح لين متى وانت على هالحال ما راح تعقل وتصير رجل ما ودك تكبر وتغدي تكانه ما راح يضرك غير أمك متساوية الأضلاع نعن أبو شيطانك ذبحتني سهرٍ بالليل ونومٍ بالنهار لا شغلٍ ولا مشغله كل يوم مجرجرني معك بالشرايط( جمع شرطه ) لا دراسةٍ فالح ولا شغلٍ أشتغلت ولا عقلٍ راكد
( تخطم أم إبراهيم ) يأبو إبراهيم وش فيك معصب على الولد توه صغير
( أبو إبراهيم ) أقول أنثبري لا أجي أتوطى في بطنتس عمىً يعميتس ما خرب الولد إلى دلعتس وتعذيرتس له شوفي وشلون شكله وخشته ماينعرف وجهه من مقفاه والله العلي العظيم إن ما تعدّلت لأرميك رمي تسمع هالهرج أو ما تسمع
( حمد ) أيه أسمع يوبه.
( أبوإبراهيم ) حمد يــا حــميدان وصمخ وينك ياجنط يا ولد يا هيش روحي نادي ولدتس ياعلتس للريح اللي تنفخ كلاويتس
( تنقز بكل رشاقه أم إبراهيم ) سم يأبو إبراهيم ياوليدي يا حـــــــــمد "مطه ومده وتصفيقة معاً"
( يرد الدلخ حمد ) هاه يومه وش تبين
( أم إبراهيم ) شف أبوك وش يبي
( حمد)هاه يوبه وش تبي
( أبو إبراهيم ) لا تقول هاه قل سم عساك للسم بعدين لا تسحب رجليك ارفعهن أرفعوك
( أم إبراهيم خاطمه ) يأبو إبراهيم وشفيك لا تدعي على الولد
( أبو إبراهيم ) أقول أنثبري عساتس للجدري اللي ينقع بوه السيل وانت يالبطه قم والبس ثيابك بروح انا وياك مشوار
( حمد ) سم إن شاء الله
( أبو إبراهيم ) وش أقول أنا ياحميدان أقول قم طس عساك الطسس البس عجّل لا تأخرني ..
عننننننن و عننننننن يالله وصلنا انزل عساك للكسامير
( حمد ) سم يوبه
( أبو إبراهيم ) السلأم عليكم مساك الله بالخير يأبوعلي
( أبو علي ) هلا والله بأبوبراهيم يالله حييه ياهلا والله و أم هلا وشلونك يابوأبراهيم
( ابو أبراهيم ) بخير ياعلك بخير تسيف أنت
( أبوعلي ) نحمد الله جت على ما تمنى وشلونك يا ولدي يا حمد
( حمد ) بسط وهز وسط يا عم
( أبوأبراهيم ) أبسطوك وأقعدوا عليك عمً يعميك ولد هذا رد تقوله عند الرجال قل طيب يا علّك ما تطيب
( ابو علي ) يا علي يا ولدي يا علي
(علي)نعم يوبه
( أبو إبراهيم ) نعامه ترفسك وتتوطى في بطنك وجع قل سم لأبوك سموك إن شاء الله
( علي ) سم يوبه
( أبو علي ) صب الشاهي والقهوه للرجال
( علي )سم إن شاء الله الحين أصب القاهي والشهوه تقهو يا عم
( يعطي الفنجال لأبو إبراهيم وأبو إبراهيم رادٍ فيه وقاعد يسولف )
( علي ) أقول خذ الفنجال تراه حار
( طخ طيخ بم قربع عينكم ما تشوف إلا عصاقيل أبو إبراهيم وفي النهاية علي معلّق بالمروحه وأبو إبراهيم معفوس فوق حدر و الشوشه طايره والفناخر مفتحه )
( أبو علي ) وش فيك يأبو إبراهيم أدحر الشيطان توه صغير ارفق عليه تحط عقلك بعقله الله يصلحه
( أبو إبراهيم ) أسمع يأبو علي كف شر هالدلخ و إلا والله العلي العظيم إن يشوف شيء ما شافه
( أبو علي ) تعوذ من ابليس تعوذ من أبليس
( ناصر قعدة أبو علي ) يوبه تقول أمي تبون شيء
( أبو إبراهيم ) راح أنت ودميجك قل لأمك الباصقه التافهه الضايعه البقره يقول أبو إبراهيم من شاور ما عطى قومي ياعلتس للسوس اللي ينخر عظامتس بلا وجلا إن شاء الله قلها تحط العشاء
( ابو علي ) وش أخر خبرك بأبو صالح
( أبو أبراهيم ) والله إن أبو صالح رجالٍ شرواك
( ابو علي ) شرواك الطيب
( ابو ابراهيم ) بس الله يهديه أبو صالح ما يعرف كوعه من كرسوعه صـــار جحه و يشتغل بالبحث يا ابو علي انت معي او مع الأسف
( ابوعلي ) لا معك يابو ابراهيم افا ياذا العلم صار جحيحه عساه ماهوب يتتن بعد
( ابو أبراهيم ) ما لك لوا ماهوب يتتن إلا إذا سكر وشرب له قويريره
( ابوعلي ) أسلم يابوابراهيم وش أخباره بعد
( ابوابراهيم ) أيه والله وانا أخوك البحث تصلح لأبو صالح كل ساقطٍ وله لاقط على بوهت أبو صالح يصلح يكون جحه , يابو علي وش أخبار أبو عبدالله
( أبو علي ) الله يقطع شيطانه هالمرجوج
( أبو أبراهيم ) أفا وش سوى الجعري
( أبو علي ) راح لأمريكا يبي يزور ولده وكان معه بقل"أقط" المهم يوم وصل أومير يمسكونه الأمريكان يقولون وش اللي معك عاد انت عارف إن أبو عبدالله ماهناش أنقليزي ما غير أدبتسي بالمطار ما يدري وش السالفه وهم يقولون إن اللي معك مخدرات وهو ما غير يبحلق فيهم المهم قالوا راح نسوي تحليل للبقل يوم اطلعت نتيجة التحليل لقوا " لبن, تراب, شوي جراثيم"
( ابو أبراهيم ) هههه الله يخس رجل مرك يابو علي
( ناصر ) يوبه يوبه تقول أمي تفضلوا
( ابو علي ) تفضل يابو أبراهيم سموا بالله يالله حيهم
( وهم يتعشون يجي ابو ابو صالح ) السلام عليكم بالخير يابو علي هنّهم
( ابو أبراهيم في نفسه لأطري التسلب ولّم العصا )
( أبو علي ) و أنت منهم
( ابو صالح ما عاق ) بسم الله
( أبو ابراهيم ) الحمد لله أكرمكم الله وأغناكم ربي
( أبو صالح ) أنعم الله عليكم
( أبو علي ) صحه وعافيه ياهلا والله ومسهلا هذي الساعة المباركه والله إن هالعشى ماهوب من مقامكم حقكم أكبر من تسذا حقكم حاشي
( حمد ) والله يابو ابراهيم إن شوفتك عن حاشي
( أبو أبراهيم يمسك حمد مع شوشته ) نعن ابو شيطانك ما دام ما تعرف للمرجله أنطم أنثبر ليه تحتسي الله يأخذ أمك كل البلاء منها
( بعد العشى شربوا الشاهي و قاموا )
( أبو ابراهيم ) الله يوسع صدرك بالعافيه يابوعلي يا عل ربي يغنيك ويبقيك أستر ما واجهة
( علي ) أستر محاسنك
( أبو ابراهيم ) يا علّهم يقبرونك ولا يسترونك قل أمين
( ويدرعم ابو أبراهيم راجع للبيت و أثر الكناري تحتريه فالة لها ابساطٍ بالحوش ومنكبةٍ على خشته يوم دخل أبو أبراهيم )
( ام أبراهيم ) هلا والله بابو ابراهيم عساكم تعللتوا وانبسطوا هاه يا جنيني يا حمد عساك وسعت صدرك
( ابو ابراهيم ) يا علّهم ما يوسعون قبرك ويغمتونك إن شاء الله قومي إفراشي فراشي بالسطح وعن التسحبل أبي أنام
( ام أبراهيم ) سم طيب
( ام أبراهيم تفرش الفراش وهي مبرطمه وما غير تحتسي على روحها )
( أم أبراهيم ) تراني فرشت الفراش
( قام أبو أبراهيم وراح لفراشه يوم جت ام ابراهيم قال ) يا نور عيني يا ام ابراهيم
( ام أبراهيم ) سم يا قلبي أنت
( أبو ابراهيم ) أنت تدرين أني أحبتس
( أم أبراهيم ) أيه أدري
( يا عيني على الرومانسيه )
( أبو أبراهيم ) والله يا ام أبراهيم ما عندي أغلى منتس بس هالدنيا مسكرة من كل جهه من وين ما اطقها عوجا
( ام أبراهيم ) فديتك يابو ابراهيم وش فيك
( ابو أبراهيم ) انا خاطري اتزوج ما هوب كرهٍ فيتس لا والله بس ما ودي يقولون الرجال إنتس حاكمتني و يضحكون عليّ ويقولون إني رخمه
( ام ابراهيم في لحظه من أعظم لحظات الحب والإيثار على النفس تفزع برأيها وتقول ) فديتك يا نظر عيني من باتسر ابيع ذهيباتي و اعطيك الفلوس و أعرس بهن ولا اشوف خاطرك متكدر
( ابو ابراهيم ) ترى ما ودي أعرس بس ما دام إنك حلفتي ولزمتي ما نيب قاطع حلفتس ...
( المقطع الباقي مشفر )
( أبوابراهيم )يا وليدي يا ابراهيم وينك ياوليدي يا أم ابراهيم يا حياتي وين ابراهيم
( أم أبراهيم ) يا ابراهيم وليـــــــدي يا ابراهيم
( ابراهيم ) لبيه يومه سمي
( أم أبراهيم ) شو أبوك وش يبي
( ابراهيم ) سم يوبه
( أبوأبراهيم ) يا وليدي ما اجوز بلا الحريم و أمك "مثل مكينة الديزل انواع التقطيع" وش رايك يا وليدي أعطيك 50.000 ريال و تروح لمصر و تجيب لي حرمةٍ توسع لي صدري
( أبراهيم بحكم إنه هو السنع بالعائلة نط وقال ) أنت تأمر وحنا نطامر يابيي
( ابو أبراهيم ) اخس ياللبناني
( ام أبراهيم ) أيه ياوليدي أحرص تجيب لبوك حرمةٍ قرمه
( أبراهيم ) سمي يا ميمتي من باتسر إن شاء الله راح أطير للقاهره و أجيب حرمة اجودية بنت حمولةٍ طيبةٍ سنعةٍ نشميةٍ
( أبو إبراهيم ) ايه هذا وليدي اللي أنا خابروه من يوم "انا صغير" وأنا أقول إبراهيم هو إبراهيم هو الرجل هو التكانه .
( سافر إبراهيم و أبو أبراهيم قاعد على اعصابه متّر البيت روحه وجيه )
( ابو أبراهيم ) يا ام أبراهيم وينتس يالدبشه
( أم أبراهيم ) سم يا ابوابراهيم
( أبو أبراهيم ) ما كلّم أبراهيم الله يهلتسه وراو غطس
( أم ابراهيم ) مالك لوا يابو ابراهيم ما كلم بعدين وش فيك يابو أبراهيم مشطط كل هذا شفاحة
( بعد أسبوع رجع أبراهيم )
( ابراهيم ) يوبه يا يوبه وينك جيت وجبت لك العروس
( ابو ابراهيم ) هو وش ذي ياوليدي تقل إنها معجونةٍ بي بكم بودر وراها متورمه
( ابراهيم ) ايه يا يوبه مستصحه
( نبويه فاجةٍ الخشه وماتدري وش السالفه ) أنتوا بتئولوا ايه
( ابو ابراهيم ) تئلئلت ضروستس بلا أكربي حنتس وخشي إذنيتس يا وليدي يا أبراهيم أبطحها وناد أمك تمسكه خلنا نشبره
( نبويه ) بتعملوا ايه عايزين مني أيه
( يدحجها أبو ابراهيم مع ظهرها ويقول ) وراه ما تلاصمين وتعضين ليتس على شحمه خليني أقوسك وجع
( ام ابراهيم ماسكةٍ نبويه مع رجولها وأبراهيم مع يدينها و ابو أبراهيم قاعد يشبرها )
( ابو ابراهيم ) يا ويلي ويلاه وش هذا كله من وين نبي نطعمه يوليدي يابراهيم وشوا له هالإسراف تسان ما جبت بالخمسين كلها !!
( ابو ابراهيم ) يا نبويه ما دام انتس تسبيرةٍ تسذا نبي نستغلتس طنبسي عكين
( نبويه ) قرى يا سي ابراهيم مين دول وعاوزين مني أيه
( ابراهيم ) هذا بابا أنا
( ابو ابراهيم ) وش ذا ياوليدي تعرف ترطن معها يا نبويه
( نبويه ) أيوه يا عمي يابو أبراهيم
( ابو أبراهيم ) عمىً يعمتس وبلاً يبليتس وماحيٍ يمحيتس
( نبويه )أيه يابو أبرهيم بتئول أيه
( ابو أبراهيم ) أقول زمين يا مل الماحي
( حمد جايٍ مسرع ) أحلا يوبه من هذي من وين جبتوها يالله يا زينها بيضاء ولا به مشق
( أبو أبراهيم ) ياحمد يالهيس الأربد لا تلمسها من بعيد تفرج عليها
( حمد ) أدعس يوبه أبروح انادي أخوياي يتفرجون عليها
( ابو أبراهيم ) ميخالف يوليدي تعالوا تفرجوا وقلّهم هذي حقت أبوي ، يا أم أبراهيم
( ام أبراهيم مبحلقة بنبويه و رايحه فيها ) يا أم ابراهيم وصمخ
( أم ابراهيم ) هاه سم يابو ابراهيم
( أبو ابراهيم ) أقول كزي ولدتس أبراهيم لخواتس يقولهن يجن يتفرجن على نبويه حقتي
( طبعاً نبويه ما تدري وش السالفه أدري إن هالموضوع ما له سنع ولا مناسبه خاطم عرض بس كيف الحال؟؟ )
إذا ما فهمتم شيء أحسن لأني أنا ما ادري وش السالفه
والسلام عليكم ورحمة الله وبركاته

حنونه
17-07-01, 16:08
يا الطنيان خذ :10:



هات مترجم بسرعه


بعدك ما رحت؟؟؟؟؟؟

خذ

:12:

قلت يا سلطان قابي كن رحيما بالغريب
قال:في اثر الهوى ؛قد يشرد الساري الغريب:32:

الطنيان
17-07-01, 22:18
حنونه انا رحت البنك قالولي مادخل حسابي شي
ادفعى الفلوس المتاخره واترجملك
هههههههههههههاااي

ولا المطفوق ارخص بعد 000


images/islam/12.gif

حرامي
23-06-02, 05:38
هههههههههههههههههههههههههههاااااي
روعه روعه

:41:

أنا...هنا
23-06-02, 05:47
احلى ما في القصة

( يعميتس / علتس / كلاويتس / تحتس / احبتس / منتس / حلفتس / نستغلتس / ......... )

دائماً رائع

أحاسيس
23-06-02, 05:54
كح كح كح

لها سنة !!!!!!!!!


قبل انتسابي لفضاء بثلاث شهور......






يا قدمك يالطنيان



الغبار كتمني


ابغى اكسجين



وابغى ملخص بالمرة

حرامي
23-06-02, 08:13
ايش دخل الطنيان
انا رافع الموضوع
عجبنى