المساعد الشخصي الرقمي

مشاهدة النسخة كاملة : عندي 350الف تكفون الفزعه



جمهوريه
28-02-08, 16:55
يا اخوان الله رزقني ب350 الف ريال


تكفون ابي لي مشروع ناجح باذن الله اقترحوا علي


والله مدري وش اسوي اللي عنده شي يتكرم علي بمشروع

راعي الخلفات
28-02-08, 19:23
أقساط سيارات
مشروع ناجح و أنصحك فيه

صبرآ يازمان
28-02-08, 19:34
اذ تبي اقساط سيارات

انا اول زبون

ابي 50000 بقسط شهري 2000 ريال

واحسب الفائده اللي تبي والضمانات موجوده شيكات وكفلاء


عسى الله يوفقك

ماسح الدموع
28-02-08, 19:44
انصحك بالأسهم هي الثراء بعد توفيق الله

س.التميمي
28-02-08, 20:17
عنديلك مشروع حلو


افتح مطعم فلافل


ههههههههههههههههههههههههههههههههههه

++ ملبـق طيآرات ++
28-02-08, 21:14
انصحك تفتح مغسله ههههههههههههههههههههه

ماجد المسمار
28-02-08, 21:24
قبل كل شي أحمد الله على هذه النعمه

وخذ لك عمره شكر لله عز وجل


اذا حل عليها الزكاه أخرج زكاتها

وبإذن الله راح تكون دبل مدبله باي مشروع تدخله


واتوقع الشراء والبيع بالاراضي مفيد

اتمنى لك التوفيق

@غندور@
28-02-08, 22:11
العقار افضل شي بعد توفيق الله.

حمود بن جارالله المزيني
29-02-08, 10:17
ماشاء الله عليك

الله يبارك لك فيهن

أهم شيء اهرب عن الاسهم لاتدخل بهن ولا بريال واحد

والعقار مفيد جدا ومايخسّر من يتاجر فيه

لكن لاتشتري أي أرض حتى تشاور عليه

واول شيء اجلس مع اللي يبيعون ويشرون بالاراضي ومر على مكاتب العقارات

واعرف اسعار الاراضي والمخططات اللي عليها اقبال ولها مستقبل

وانتبه للمخططات الجديدة تصير الاراضي فيها ارخص وبعد سنة او سنتين يرتفع سعر

القطع فيها اكثر ثم تبيع

الله يوفقك

ثامر22
29-02-08, 16:24
الله يجعلها خير وبركة

عليك بالعقار

ولاتدخل بالاسهم

وبالتوفيق ....

جمهوريه
29-02-08, 17:57
شكراااااااااااا يااخواني وجزاكم الله خير

استفدت من كلامكم العقار والاقساط

!فــهــد!
29-02-08, 18:18
تبي اعدهن لك << يبي يلعّبّه

مع حبي ،،
29-02-08, 20:16
تبي اعدهن لك << يبي يلعّبّه

هههههههههههه





الجمهوريه

هذا مهو احسن مشروع لكن مشروع طيب وله كذا اتجاه

اشر لك ارض وابنه استراحه متكتكه

و اعرضه للبيع

ووقت مانت تحرى زبون يشري اعرضه تأجير يومي وبنفس الوقت تستانس به

ويجيك منه مكاسب طيبه


والله الموفق ،،

الحايلي_55
29-02-08, 20:25
عندي لك مشروع ذهب مضمون 100 بالميه لاكن غير قابل للنشر

اذا انت جاد لنا لقاء

@ابورائد@
29-02-08, 21:04
ادخل عالم التأشيرااااااااااااات وادعيليييييييييييي

؟ ابو عبدالرحمن ؟
29-02-08, 22:06
الله يستر عليك

(حايلي غيور)
29-02-08, 22:41
عساها تكون فال خير عليك

وان سمعت شوري اهرب عن الاسهم

وعندي لك مشروع انشاء الله مضمون الدخل

يعني تقريباً يدخل عليك 25000 ريال صافي لك

كل شهر

ابوابراهيم194
29-02-08, 22:59
البركه قسمهن الى مشروعين الاول عقار بمخطط جديد والثاني مشروع ملابس رجاليه او تقسيط سيارات اواي مشروع جيد

مسافر بلا وطن
01-03-08, 11:37
150 الف في العقار بشرط مخطط حديث

200 الف في اقساط السيارات

والله يرزق الجميع من واسع فضله

bodymaster33
01-03-08, 17:04
نادي رياضي ما يكلف شي ودخل ثابت ............صالة رياضيه وفيها كوفي شوب و اجهزه خفيفه للشباب والطفال
واذا تبي تفاصيل ارسلي على الخاص تلفونك واخبرك:icon27:

مجموعة الصياح
01-03-08, 19:45
ماشاء الله تبارك الله

الله يبارك لك فيهن ويجعلن خير عليك وعلى ذريتك

والله فيه شيئين

عندك تقسيط السيارات والشي الثاني العقار اقصد الاراضي لكن مداها بعيد والسيارات شي شهري يتجدد ويمكن تقدر تشتري كل سنه سياره جديده وتقسطها من الايرادات

بالتوفيق لك عزيزي

hisham555
01-03-08, 21:01
وبالتوفيق مجرررررررررررررررررررررررررررررررررربالله يرزقك لاكن ابنصحك انا مريت بكل التجارب تقسيط سيارات محل اتصالات الاسهم كلها خساير لاكن العقار مافيه مثله اشتر اراضي في مواقع رخيصه ثم اجمع صكوكهن بشنطه وسكر عليهن لمده خمس سنوات سيكون السعر دبل او انك قم بالتقسيط بس لاتفرغ حتى ينتهي التقسيط ///////// تحياتى لك

&الهــــايم &
02-03-08, 14:14
اقووووووووول عطن اياهن احفظهن لك لبين تلاقي مشروع واذا لقيت علمن

الكاوي
02-03-08, 14:59
تكفى اعطن ال50000 ةابي اخذ عمرة لك عشر مرات

وحجة . وكل صلاة ادعيلتس

ابي اتزوج وناقص على هالمبلغ

خليني اتزوج وانستر >>>>من ستر على مسلم سترة الله يوم القيامة

اووووو اقووووووووووووووووووول مابي خمسين الف

ابي تشرين لي كفرات للكامري

افزعيلي

مكتب الواصل
02-03-08, 15:19
بارك الله لك في مالك
التقسيط ممتاز ولكن مو أي واحد عنده قرشين يفلح فيه
مثلآ عندك أنا دخلت مجال التقسيط ولا استفدت الا بعد مرور اكثر من خمس سنوات لين اكتسبت خبرة
وعرفت وشلون اديره واللي ماعنده خبره الله يعوض عليه حلاله عند الناس اتمنى لك التوفيق

عمار 999
04-03-08, 13:39
افتح مرقص بحائل والله أنا اول الزبائن والله يوفقك

جيري
04-03-08, 13:55
الله يزيدك ويزيدنا ويباركلك فيها




اتوقع ان التجاره في المواشي حلوووه



طبعا بعد التوفيق من الله واهم شي النية الطيبه والصالحه في التجاره



أتمنى لك كل التوفيق




تحياتي لك

سايزز
04-03-08, 14:12
**********************************************



*** كان تطيع شـــوري أفتح لك مصنع بلك بالصناعــيـــة ترى يدخل ذهـــب ***



** وبعد توفيق الله أن شاءالله راح تدعيلي كل يوم إذا أجتهدت **


** الله يوفقك وأهم شي شاور **


********

نآيف2008
05-03-08, 05:09
أولآ من شآور مآخـآب

ثآنيآ كلآم كبير يآ مآجد المسمـآر من أنسآن عآقل ويعرف أمور دينه تشكر على تعليقك ونصيحتك

ثآلثآ الله يبآرك لك في الفلوس ولو تستثمرهـآ في إسترآحآت للشبآب هذي طريقه حلوه للإستثمـآر أو إستثمرهـآ في شركة تقسيط ويكونون من ذوي الخبره في المجـآل هذا علشآن تضمن حقك بعقود وترتـآح من تجميع الأقسآط شهريآ أو أفتح كم مغسله ملآبس بموآقع حيويه أو أعطن إيآهـآ أنـآ أستثمرهـآ لك هههههههههه