المساعد الشخصي الرقمي

مشاهدة النسخة كاملة : هل تنصحوني بالنقل



hail citu
06-01-08, 20:41
اهل الخبرة في التعليم ,,
انا معلم السنة الاولى في القصيم بتخصص لغة انجليزية ,, وحالتي النفسية تعباانه جدا بسبب البعد عن حائل
وكل يوم في هم وغم ,,,

اتى وقت التقديم للنقل الخارجي ,,
وانا محتار اخاف يحطوني في مكان ابعد من اللي انا فيه ,,


انتظر ارائكم ونصيحتكم ,,,

أبو نايف
06-01-08, 20:47
صل صلاة الإستخارة

والله يكتب لك الأصلح

عاشق ديار حاتم
06-01-08, 20:53
السلام عليكم ورحمة الله وبركاته
اخوي انت في نعمه تحسد عليها حائل تبعد عنك تقريبا 200 كم وش اقول عن نفسي اللي حائل تبعد عني الاف الكيلومترات وانا في نيوزلندا حتي العرب مافيه وبلد غربه والعادات مهي مثل عاداتنا وزاللغه غير .
اقولك حاجه ياهني من سكن في السعودية سوا كان في جازان او القريات اهم شي في السعودية
تحياتي.

hail citu
06-01-08, 20:57
اشكرك الاسير على ردك

hail citu
06-01-08, 20:58
عاشق ديار حائل
اسال الله ان يردك لاهلك سالم ,,,
بالنسبه لي ماني ناقص حسد ,, والله حالتي متعبه
مااقول الا الحمدلله على كل حال

سعد55
07-01-08, 00:57
فيه مقوله تقول :

من سبق لبق

بعد السريع القصيم ماهي بعيدة


بس الى متى بتجلس بالقصيم ؟

عن نفسي لو انا مكانك والله ما اترك سنة ما اقدم نقل لين اوصل للمكان اللي ابيه

كحيل السهر
07-01-08, 19:00
بسم الله الرحمن الرحيم:-
اخي معلم اللغة الاانجليزية انت تريد النقل الخارجي الى حائل انا انصحك قبل ان تسجل رغاباتك بان تنظر اولاا الى الااحتياج امنطقة حائل وعلى بنائها سجل رغبتك,,,,
انا من وجهة نظري ان تبقى في منطقتك القصيم(اذا كان هناك احتياج قليل في منطقة حائل)لاانه اذا سجلت رغبتك حائل اخاف ان يضعوك في قرية بعيدة عن حائل فانت تعلم ان القرى اعضمها مسار واحد .....والقصيم مسارين ومن الممكن تكون القصيم اقرب من بعض القرى في منطقة حائل .....

وبالتوفيق اخوي معلم اللغة الاانجليزية,,,,الله ينقلك الى اهلك سالم غانم باذن الله .....

hail citu
07-01-08, 20:03
اشكركم على نصيحتكم ,,,
والى الحين والله مادري وش اسوي لكن الله يجيب اللي فيه الخير
وبالنسبه للاحتياج مادري عنه ولا اعرف عنه اي شي

االشمالي
07-01-08, 20:48
الله ييسر لكـ اخوي

حبيبي انا ادرس في قراااايا حائل

حوالي 150 كيلوا عن حائل اتردد يومي.. ومرتااااح صراااحة

لكن ابي اقولكـ شي

الصبر زين وديرتك مدينه لو تجلس فيها افضل وبعدين تنقل .. وش تبي بالقرااايا .. لا وبعد الخط السريع ..شي

الا اذا كنت ماتقدر تصبر وتقول ابي حاااائل باللي هيبه

اطلب حاااائل

وبيني وبينكـ لو حطوكـ بحائل .. انت انجليزي كلها سنة او سنتين وتقرب لحااااائل ونقلكـ يكون دااااخلي

يعني مداااارس

بالأخيــــر / اخوي لاتضجر مما كتبه الله لكـ .. واجعل حياتكـ بلسمآ وأسعد نفسكـ تعيش معافآ سليمآ من المتاااعب والأوهااااام

في آخرتكـ انظر الى من هو فوقكـ وقل سبقني الى الجنااااات

وفي دنياااكـ انظر الى من هو دونكـ وقل الحمدلله الذي فضلني على كثير ممن خلق تفضيلا

بالتوفيق اخوي والله يكتب لكـ الخير

hail citu
08-01-08, 00:12
االشمالي ,,
الله يجزاك الف خير

لــيــبــتـون
09-01-08, 01:56
اذا انت بالصلبيه حب يدك وجه وقفا



غيرك من حقين الانجليزي وبدفعات قبلك محطوطين بالرياض والشرقيه



والله يبلغك مرادك

الهواء شمالي
09-01-08, 02:17
السلام عليكم ورحمة الله وبركاته
فعلا اذا انت بالصلبيه 145كم عن حائل او كحله 170 كم عن حائل فاجلس بالمدرسه افضل لك
اذا نقلت لحائل ان شاء الله فالمدارس اللي فيها نقص على حسب ما سمعت انه قطاع الحائط والشملي والنفود
لان اغلبها مشغوله بمتعاقدين اجانب - ولك اخي ان تستفسر من منتديات ادارة تعليم حائل
وفقك الله

نـادر
09-01-08, 12:46
اولا هلابك اخوي واسال الله ان يصبررك ويسدد خطاااك ,,

شف يا بعد حيي :


الجواب يحتمل وجهين ,,

اولاً : إذا كنت تبي تنقل لحائل( يعني مدينه حاايل ) ولا تبي قراياا ومحافظات فتأكد إنهم راح يحطوونك بقرايااا او محافظات بعيده يمكن تكره التدريس عقبها لان الدوام بالقرايا متعب حيل ومافيه وسايل ترفيه ولا انترنت ولا غيره ,, إذاً خلك بالقصيم ابرك لك لين ربك يحلها,,

ثانياً: إذا كنت طفشااان من القصيم وتبي تنقل منها إلى حائل ومستعد انك تكون بأي مكان بحائل اجل قدم نقل ,,


لكن صدقني والله اعرف ناس انجليزي تعينو العام الماضي يعني قبلك بسنه وعينوهم بـ محافظه رماح ورى الرياض وبالشرقيه وبعضهم بالقريات,,

يعني انت وضعك افضل من غيرك بكثيرر ولا تنسى إن القصيم اصبحت قريبه حيل بعد الطريق الجديد ,,

وبعدين إذا انت داخل القصيم يعني بريده او عنيزه او احد المدن الكبرى فيها فاحمـــــــــــــــد ربك لانك بمدينه تعتبر من ارقى المدن بالمملكه وفيها كل اللي تبي ,,

واهـــــــم شيء إنك تتأقلم مع الوضع وتكيّف نفسك مع الطلاب والأجواء هناك حتى ترتاح وتنسى النقل لبعض الوقت, لكن إذا صرت تفكر كثير بالنقل صدقني راح تتعب ذهنك وماراح تُعطي كثير بمجال عملك وراح يكون المتضرر الاول والاخير هو انت,,


واخيراً

اسأل الله ان يوفقك ويحقق مراادك

اخوووك: ناادر

hail citu
09-01-08, 15:22
اشكركم اخواني على نصائحكم
وبارك الله فيكم