المساعد الشخصي الرقمي

مشاهدة النسخة كاملة : يامره رحنا فيها هذا فلان قدامنا!!!!



الزير سالم
12-07-01, 07:48
بالخير يا شباب
عندي سؤال محيرني وودي أقوله لكم يمكن ألقى إجابة.................
ليه الرجال عندنا يستحون يطلعون مع حريمهم للمنتزهات (إذا كان فيه منتزهات زي الناس) أو للأسواق؟!!
وإذا تبون تأكدون روحوا لبرزان وأتحدى تلقون أي واحد من سكان حايل يمشي معه مرته مافية إلا حريم وهالبياعين ماخذين راحتهم بالمكاسر معهن، و الكارثة إذا جاه خلل بمخه اكليوم وطلع هو والمدام وصادف صديق أو شخص يعرفه تلقا وجهه يتقلب و يتلون و أنواع الإحراج ويحاول يسوي نفسه ما شاف هالشخص ليش ما أدري مع إن اللي معه هي زوجته ماهي صيده وما فيه أي سبب للإحراج أسلم على الرجال و أمشي عادي (وهذي الظاهر انه موجوده في كل مناطق السعودية)
يا ناس ليش؟! ترى الحريم منا وفينا وإذا هي متستره والله ساتره ليييييييييييش الإحراج.........................
طبعا كلامي هذا ماهو عام لكل الناس بس الغالبيه يسوون هالشي

هجرس
12-07-01, 11:00
ويمكن نلقاه معه شهادة جامعية ومثقف
ويمكن لا جلس في مجلس راح يتفنن في نقد بعض السلوكيات البالية في مجتمعنا
ويمكن يعرج ويتكلم على حقوق المرأة ومكانتها في الاسلام

وهو يعيش في أسر هالعادات اللي ما أنزل الله بها من سلطان .
والمصيبة فعلا إن كان يعتقد ان هذا هو الصواب وان الرجال عيب يطلع مع مرته في منتزه أو مكان عام
أظن هذا يالزير من بقايات مفاهيم متخلفة لا زلنا وللأسف
نتوارثها كابرا عن كابر !
كلها موروثات صحراوية متحجرة لا تزال لا تضع المرأة في مكانها اللائق فيها
وتتعامل مع المرأة على أنها كائن من الدرجة الثانية
شىء لازم نخجل من الظهور معه ....

والله المستعان

الطنيان
12-07-01, 12:34
والله الموضوع حساس بحائل كثير بس اعيب موضوعك انك عميت جميع السعوديه والشي هذا خطا الدمام والرياض وجده ماشفنا الاشيا هذي ادخل مجمع الراشد بلخبر تلقي كل النوعيات والغالبيه جاي مع اهله روح الرياض يمكن اخف لوجود السواقين لكن تلقي الوضع عادي ينزل الرجال مع حرمته اما جده الوضع مو عادي اكثر من عادي ( انتا فاهمني يابويا )
اصلا السوق بحائل صغير مقارنه بلمناطق الثانيه يعنى كل فره تبي تسلملك على واحد يجى المغرب وانت ماشريت شي من كثر السلامات الا خلهم ببيوتهم ازين00
images/islam/18.gifimages/islam/14.gifimages/islam/14.gifimages/islam/14.gifimages/islam/18.gif

الزير سالم
12-07-01, 16:02
هجرس: يمكن بعضهم مثقفين ويمكن البعض اخذوها عاده شينه من قديم، و النهايه انه شيء ماهو زين و يجب القضاء عليه.

الطنيان: هذا الشي موجود في اغلب مناطق المملكة و إن كان أقل في الرياض و الشرقية لكنه موجود. أما جده فهي تتبع مصر و وسط آسيا وليست السعوديه علشان كذا هي خارج الموضوع.

هجرس
12-07-01, 17:49
في حايل
فيه نوعين من الأسواق :
أسواق نسائية كسوق برزان وهذا أحيانا الرجل لا يلام إذا ما ترك أهله وراح لأن السوق بطبيعته غير مهيأ فهو نمط قديم يفتقد للتنظيم الهندسي الذي يتيح الحركة بحرية داخل القيصريات --- والله يالرجال اللي بيدخله مع اهله هاليومين خصوصا مع موسم الصيف والزوجات الله يعينه من الزحمه والمشاكل مع خلق الله ..
لكن في سوق مثل الجامعيين الوضع مختلف
والسوق الجديد بعد أعني المركز التجاري في وسط البلد سيكون أفضل بكثير لأن الخروج للتسوق الآن ما صار عملية شراء بس -- أنت تروح للمراكز التجارية للتسوق وللتسلية أيضا -- يفترض فيه العاب للأطفال مطاعم خفيفة .. وهذا وينه بالله في برزان ؟؟؟؟؟
علشان كذا اللي يدخل الصالحية يمكن ما يشوف كلام الزير سالم ؟
يمكن يلقى العكس
وإلا لا ؟