المساعد الشخصي الرقمي

مشاهدة النسخة كاملة : خبر عاجل...مصلخ الملك خالد



العزي ابوخالد
06-09-07, 00:17
1-استقبال طواريء فاشل
2-تشخيص بيطري للمرضى
3-التلوث المحيط بغرف الاقسام والمستشفى بشكل عام
4-لايوجد اي حقوق للمرضى وانما حقوق للمرضين والدكاترة
5-لابد من الترقيد داخل الاقسام وذلك لزيادة المرض لان هذا المستشفى يزود بالمرض
6-غرف فندقيه داخل كل قسم بـ200ريال لليلة
7-سعود بن عبدالمحسن((وجعلنا من بينهم سدا ومن خلقهم سدا فأغشيناهم فهم لايبصرون))
8-حسبي الله ونعم الوكيل على المسؤؤلين في الصحة

عبدالوهاب الخطيب
06-09-07, 00:29
يارجال ماعندك أحد
لو تحتسي من هذا لباتسر ماحد سامعك

لاسمح الله عندك أحد بوه شي دق سلف وهذه الرياض
ولا الأردن من سياحه ومنه علاج ..

شكوانا لله بس ..

أبوخالد لاتععب نفسك بمثل هالمواضيع ..

لاحياة لمن تنادي ..


عبدالوهاب الخطيب

متحرر
06-09-07, 01:22
يارجال ماعندك أحد
لو تحتسي من هذا لباتسر ماحد سامعك

لاسمح الله عندك أحد بوه شي دق سلف وهذه الرياض
ولا الأردن من سياحه ومنه علاج ..

شكوانا لله بس ..

أبوخالد لاتععب نفسك بمثل هالمواضيع ..

لاحياة لمن تنادي ..


عبدالوهاب الخطيب


حالة من الياس والاحباط ؟

فمن المسؤول ؟

فديتك
06-09-07, 01:59
ياعزيز / عبد الوهاب شو بدك اكثر من اقاله المزيني
ان شالله يتغير مع تغيره

برنس12
06-09-07, 08:01
والله كــــــــلامك صدق ولا يهون مستشفى حائل العــــــام

دام فيها واحد واثنين الى الصبح

1 - الاستقبال :

طبعاً في قسم الاسعاف واحياناً لا يوجد ورق للمرضى الذين ياخذونه للكشف واحيان لايوجد موظف فيكون حارس الامن او مدير المناوب واحيان يطلع يتقهوى لم خوياه السواقين واحيان يعطيه المدير المناوب عشاء بشرط انه يعشيهم او يغديهم (والله شبه والمرضى اكلين هواء ويخب عليهم)

2 - كشف الرجال :

طبعاً دائماً قلة في التمريض وتلقى الممرض نفسه شينه لانه منكرف يغطي الغيار والكشف وملاحظة الرجال وعلى فكرة احيان تلقاه يصير بالاستقبال واحيان اذا عليه الدور بالشبه يدعي الممرضات من قسم النساء يغطن بداله لما يروح يعشي الربع ويأخذ له زقاره ويجي مامن عجلة بالرخاء يالربع وشفيكم طايرين.

والدكتور تلقاه مولُم الوصفه قبل لا تجي بشوين وتجي وتهذ طبلونك وهو ماد الوصفه لك (انشالله بابا انت فيه كويس)
والفضيحه اذا قال لك ابره والله دايم ارفض لكن دايم اشوف عالم والله فضايح ياناس(الستاره مشققه وماتسكر زين وتشوف العالم ورى الستاره اللهم ياكافي والله لو ما اغمض كان علوم.


3 - غرفة الغيار :

تستعمل للضغط والحرارة للكبار والصغار والبنات والعيال من غير النساء طبعاً وتستعمل للغيار على الجروح واعطاء الابر مثل الي يجون بهم سكر او كذا وبنفس الوقت تستعمل للاكل وتستعمل لتنظيف الخراجات في ان واحد .
والله من الناس الي انعدت منه .
يكفيك ريحه الوصخة.

4 - غرفة الملاحظة رجال :

قل غرفة المزبله والله الذي لا اله الا هو بين مريض ومريض حتى ستاره مافيه ودورة المياه بنفس الغرفة (تكرمون وصخة وسخة وصخة) على كثر ما اتردد على الملاحظة على كثر مأقول قال وش حدك على المر قال الي امر منه.
وتلقى المرضى يقومون عن بعضهم من الضيق .اذكر قبل شهرين جاء ولد عمي معه ولده الصغير كان عنده تكرمون اسهال وتطريش طلع معه حصبة ومادرينا ان مريضين من عائلة وحدة فيهم الحصبة ومنومين بنفس الغرفة الا بعده بفتره يوم قال لي خويي انه صار له نفس الشي بعد.

5 - غرفة الاطفال :

والله عيب اتكلم لكن الى يروح حائل العام يشوف وضع الدكتور والممرضة كيف .


6 - قسم النساء :

حدث ولا حرج خالتي دايم تقول انسى لاياوين البيوت الشعبية لما اشوف قسم النساء بمستشفى حائل العام عاد والله ماعمري دخلته مع ان الحارس والمدير والممرضين يعتبرون محارم للمريضات كلهن ودايم يدخلون مع بعض المرافقين لكن خالتي هي الي دايم اتردد به مابه الا سن فوق وهي خلقه ماتغطى حتى بالشارع لكن والله غيره المفروض مايرضون.

مع ملاحظــــة ان كل هذا وانا ماجيت الاقسام الداخلية الى الان..

عاد احله مستشفى الملك خالد وصحة حائل يارجال خله على العزيز ولا الصحة يبي له صحة.

& الزعيمه &
06-09-07, 10:44
ياعزيز / عبد الوهاب شو بدك اكثر من اقاله المزيني
ان شالله يتغير مع تغيره

ان راح المزيني يجي مزيني بداله
كلهم زي بعض
لاحياة لمن تنادي
الي يبي ينتحر يدخل مستشفيات حائل
الله يعيننا على بلوانا
هم لو يسكرون المستشفيات ويحطونها ملاهي وحدائق ماهو احسن؟؟؟

برنس12
06-09-07, 10:52
انا اقول لو يحطون مستشفى حائل العام معلم من معالم حائل مثل القشلة وأعيرف يكون اصرف

برزان.
06-09-07, 13:39
الي يبي ينتحر يدخل مستشفيات حائل


















أحدث وأسهل وأخف عمليات الانتحار في العالم أكتشفت في حائل

هاي هاي
06-09-07, 20:46
والله يابرنس هنا اختلف معك مع اني دايم مؤيد لك.

وانت يالعزي مشكور على الملاحظات التي لا تجهل احد.

شعيب الاديرع
07-09-07, 01:18
لاحول ولاقوة الابالله الى الله المشتكى

برنس12
07-09-07, 04:20
والله يابرنس هنا اختلف معك مع اني دايم مؤيد لك.

وانت يالعزي مشكور على الملاحظات التي لا تجهل احد.


ليش يا اختي هاي هاي!؟