المساعد الشخصي الرقمي

مشاهدة النسخة كاملة : مابين الشرطه والمحكمه والحقوق المدنيه ؟؟؟؟ بالله عطوني حل ...



عطيب شمر
04-09-07, 18:44
السلام عليكم ورحمة الله وبركاته

ابعطيكم السالفه بأختصار وابي رايكم بهالموضوع

هذا بيوم من الايام خبطت سيارتي قبل اربع شهور خذيته وانا اوديه لورشه بالصناعيه. الورشه هذي انا متعود انزل

السياره عندهم وروح وهم يصلحونه ويدقون علي المهم نزلت السياره ورحت صلحوه بعد شهر تقريبا ودقوا علي قالوا سيارتك جاهزه قلت طيب اجيكم وقتها كنت انا بالرياض دوره المهم جيتهم قبل امس الا والورشه تلق مابه ولا سياره ومسكره واسأل الورشه اللي بجنبهم قالوا الوره هذي انباعت والعمال سافروا طيب وسيارتي وين راحت قالوا ماندري
واروح وادق على صاحب الورشه سلام وعليكم السلام ياولد انت بايع الورشه قال ايوالله بعته طيب وسيارتي وين راحت قال والله مدري انا بعت الورشه والسيارات موجوده بالورشه كلم اللي شرى الورشه والله واكلم اللي شرا الورشه الو سلام وعليكم السلام ياولد انت شريت الورشه قال ايوالله انا وكيل اللي شرا الورشه وصاحب الورشه بالدمام مسجون طيب وسيارتي وينهي قال والله مادري حنا استلمنا الورشه فاضيه قلت طيب وانا اروح يم شرطة اعيرف والله وادخل على المدير قلت السالفه كذا وكذا واليوم مدري وين سيارتي قال سالفتك هذي والله مادري بس الظاهر انه حقوقيه رح للحقوق والله واروح للحقوق واعلمهم بالسالفه قالوا لا سالفتك جنائيه رح للشرطه قلت طيب وارجع للشرطه قالوا رح للمحكمه واروح المحكمه قالوا رحت للشرطه ومن قبل امس وانا على هالحاله .

ابي انتم وشرايكم هي حقوقيه ولا جنائيه ؟؟؟؟؟؟ وقلولي وش اسوي

تحياتي

الذيب البني
04-09-07, 18:57
الله يكون بعونك هذى الي يقول من جرف لدحديرا

بس انا انصحك انك تسوي مسلسل من قصتك هذي وتعرضه في رمضان

وتصير انت المخرج على الاقل ترجع فلوس السياره مع شوي شهره


هههههههههههههههه


الله يعينك الي طحت بهذولا

تحياتي

قيصر
04-09-07, 19:11
هذا بيوم من الايام خبطت سيارتي قبل اربع شهور خذيته وانا اوديه لورشه بالصناعيه. و نزلت السياره ورحت صلحوه بعد شهر تقريبا ودقوا علي قالوا سيارتك جاهزه قلت طيب اجيكم
هذا يعني انك تركت سيارتك عندهم لمده ثلاث شهور ؟!؟!؟! وبعد هالمده جاي تدوره الحين ؟!؟!؟
الله يهدينا وياك الناس سيارتهم تسرق وهي عند بيوتهم وانت تاركه عندهم ثلاث شهور ؟؟؟
اقرأ هالخبر اللي نشر بجريده الرياض العدد 14315 امس الأثنين 21شعبان 1428هـ - 3سبتمبر 2007م

حائل - خالد العميم:
تمكنت الجهات الأمنية بحائل من القبض على مواطن يقوم بشراء السيارات المسروقة ويبيعها على شكل قطع، وبعد توفر معلومات عن قيامه بذلك تمت مراقبته ورصد تحركاته والبحث والتحري عن صحة المعلومات، وبعد التأكد من صحة المعلومات جرى القبض عليه بالجرم المشهود اثناء قيامه بشراء احد السيارات المسروقة وتشليحها وبيع قطعها وقد اعترف المواطن بقيامه بشراء تلك السيارات ولا يزال التحقيق جارياً معه لمعرفة دوافعه لذلك..

(انتهى الخبر)


الله يعوضك خير اخوي عطيب :icon9:

قاهـرهم
04-09-07, 21:34
اذا كانت الشرطه لا تعلم من اختصاصه فهذه تعد مشكله خطيره على اداره هذه الجهه

اجل على كذا لازم يفتحون دائره خاصه يعلمونن واين ومنهوله نشكي امورنا والله حاله

كان الله في عونك والله يردلك سيارتك

شاهين حائل
11-09-07, 22:24
قضيتك جنائيه لانك لم تقم ببيع السياره انما سرقة وعليكم تقديم الشكوه لمركز شرطة عيرف وعمل تعميم على السياره بالحاسب على مستوى المملكه واتهام وكيل المشتري وكذلك البائع بسرقة السياره وتكليفهم بأحضارها مع محاسبتهما ومجازتهما على هذا الاهمال

ХҲХ ހވޱ ވ ހވޱХҲ
11-09-07, 22:46
قضيتك جنائيه لانك لم تقم ببيع السياره انما سرقة وعليكم تقديم الشكوه لمركز شرطة عيرف وعمل تعميم على السياره بالحاسب على مستوى المملكه واتهام وكيل المشتري وكذلك البائع بسرقة السياره وتكليفهم بأحضارها مع محاسبتهما ومجازتهما على هذا الاهمال

فعلا كلامك عين الصواب . سالفة اخوناء عطيب جنائية . . .

االرااادااار؟؟
12-09-07, 08:55
الله يرد الضالة قل امين



لاكن موضوعك عند الشرطة يالذيب

king-55
12-09-07, 18:09
جنائية مائه بالمائة ارفع فاكس لمساعد وزير الداخلية
وخلال يومين راح تلقى سيارتك