المساعد الشخصي الرقمي

مشاهدة النسخة كاملة : فيـلم مصـري ... لا يفـوتك



Khaled®Vip
08-07-01, 01:37
images/bgb/33.jpg
أحبتي تعليمات إدارة السينما :
1- يحتوي هذا الفيلم على لقطات مخيفه للغايه
( البطل سوف يفصخ فنيلته العلاق ) لذلك نرجو عدم أصطحاب بزارينكم .
2- إدارة السينما غير مسؤله عن قواكم العقليه بعد نهاية الفيلم وذلك لاحتواءه على مشاهد من الصعب على الانسان البشري العادي تحملها ( البطل يبلع لسانه ويحاول يطلعه بنفسه )
3- يمنع منعا باتا دخول المزايين والمماليح وذلك خوفا من ان تحت شعورهم مع بداية الفيلم .
الفيلم من بطولة : الممثل الشهير ومحطم قلوب العذارى واللي يقدر يصفق سبعه ببقس واحد , وتدعسه الدبابه ولا يجيه شي , ويقدر يطيح الطياره باالنبيطه النجم : مدحت عضلات .
فنانة الجماهير : سنيه ام العبل .
وإخراج : باسكن روبنز .
يبدأ الفيلم والبطل يمشي في الشارع ويشوف له ذيك البنت اللي تقطع الشارع ولا انتبهت لراعي القلابي اللي مسرع , احس البطل انه لازم ينقذها , ويقمز ذيك القمزه ويرفس القلابي مع الرفرف اليمين وينقلب القلابي ( عادي فيلم مصاريه كل شي جائز ) المشكله القلابي يوم انقلب زحف وضف معه سبعة اوادم وخمس سيارات . اتجه البطل مدحت عضلات للفتاة وشافها وهي تلقط حبات الطعميه اللي طاحت منها في الارض , وبكل حنان الدنيا يقوم مدحت عضلات ويساعدها في تلقيط حبات الطعميه ( بعد مازرف كم وحده في جيبه ) ويسألها : أنتي اسمك ايه ياحلوه ؟؟ ترد عليه وتقول : أسمي سنيه وبينادوني ام العبل ويدلعوني يأم عينين متخاصمه . التفتت له البنت وقالت له : ياحبيبي ( المصريه دايم كلمة حبيبي لازقه في براطمها ) متشكره اوي انك انقزتني من الموت , انا لازم اردلك قميلك أطلب اللي انت عاوزوه ؟
قالها مدحت عضلات : انا عاوز آخد انا وانتي فره على النيل انتي وراكي حاقه ؟
قالت : لاياحبيبي . قالها : طيب قيبي الطعميه نأرمشهم في السكه .
ينتقل المشهد لسيارة مدحت عضلات اللادا 73 وهو مشغل المسجل على اغنية : تسألني تحبني آآآآآآآآآه بأؤولك برهبس يس برهبس نوو ياحبيبي يمكن آآآه ويمكن لااااااا لاني مااعرفكش . ومدحت عضلات سفط يمين علشان يشتري بكت دخان ابو جمل , يوم طلع من المحل ويشوف سنيه ام العبل شايلينها ثنين يبي يخطفونها وهو اللي يصرخ : سنيييييييييييييييييييييييييييه انا جااااااي , وهو اللي يلقط الطعميه اللي طاحت منها اول ثمن يلحقهم , بس كانت فيه هليكوبتر تحتريهم .
طارت الهليكوبتر وفيها سنيه ام العبل بس مدحت عضلات طلع ذهين ولقط رقم الهليكوبتر وسجله بورقه على القلم .
قعد مدحت عضلات ياكل من طعمية سنيه ام العبل ويفكر وشلون ينقذها , وفجأه وهو قاعد يزرط في الطعميه غص مدحت عضلات بحبة ويقعد يتدربى على الارض ويصقع راسه في الجدار يبيها كودها تطلع بس ماش عيت تطلع , يوم خربها مدحت عضلات ودخل يده في وسط حلقه وقام يسحب الكوره لييييين طلعها , كوره مدوره صغيره زي اللي تجي في اول دربزين الدرج , ويجي مدحت عضلات يتعبث فيها ولا يوم انفتحت نصفين ولقى فيها ورقه صغيره مكتوب فيها : طريقة عمل طورطة الفول مع محشي الطعميه .
يوم سمع مدحت عضلات صوت الهليكوبتر وهي راجعه مره ثانيه وهو اللي يقوم ويفصخ بلوزته الكاروهات ويبقى بفنيله علاق
( آآآآآآآآآآآآآآآآآآآآآآآآآآآخ طرطعرعطرطبووومو كان هذا صوت سبعة متفرجين مااحتملوا المنظر مع اننا منبهينهم واغشى عليهم ) ويفصخ بنطلونه الشاموا ( المشكله في عز الحر ) ويطلع الشورت الاخضر , ويطلع مدحت نبيطته ويحط فيها ثلاث حصيان ويطلقها : وحده بنطت في مروحة الهليكوبتر والثانيه شقت تانكي البنزين شق والثالثه جت في راس سواق الهليكوبتر ( والله ياهو مدحت عضلات نجس ) يوم طاحت الهليكوبتر وطبوا منها 20 واحد قبل لاتنفجر وكل واحد معه مسدس ومدفع , يوم خربت مع مدحت عضلات وهو اللي يجدع النبيطه على جنب ويطب عليهم وهو يصرخ : حخليكو شاورما هنا انا حألب امها على دماغكو خبيتوا فين سنيه ام العبل , ويمسك مدحت عضلات اول واحد فيهم ويعفطه لين ماصار مدور ويدربيه على اخوياه ويطيرون 14 واحد مره وحده ( عادي القمهور عاوز كده ) ولا فيه واحد مصوب عليه مدفع ويطلقه بس اشوا شطفت الطلقه مدحت عضلات وجت في الخمسه اللي ورا , ويجيك مدحت عضلات ويمسك الضعيف مع اذانه ( ماقلت لكم انه نجس ) ويرفعه فوق ويقوله : أعترف فين سنيه ومين اللي خدها , رد عليه الضعيف وقال : المعلم بطاطس هوا اللي آل قيبو سنيه ام العبل وخدو منها وصفة طورطة الفول ومحشي الطعميه , بس احنا ملأيناش الوصفه أؤلنا يمكن طاحت هنا ولا هنا مسلك خابر يعني . والله وياخذ مدحت عضلات وصف البيت اللي فيه سنيه , ويحتري لين مامرت سيارة ماشيه مليون ويجدع قدامها الضعيف ( نجس بس ماصدقتوني ) وصل مدحت عضلات للبيت اللي فيه سنيه , وشاف في اعلى البيت سنيه وهي تراكض والمعلم بطاطس يحاول انه يأكلها شاورما بيدينه وتخرب مره ثانيه مع مدحت عضلات ويجي مشوت جهة الشجره ويطب عليها ويتشقلب ويوقع في السطح ويتعلق في الحاجز ويطب في البلكونه ( ماشاء الله عليه تراه مانام من الصبح ) ويدخل عليهم
وأول ماشافته سنيه ام العبل طبت عليه وهي تصارخ : مدحت الحأني ده كان ناوي يوكلني شاورما زياده شطه كتشب وانا مابحبش الكتشب الحأني يامدحت ارقووووك .
يوم وخرها مدحت عضلات وخلاها ورا ظهره وهو اللي يفصخ فنيلته ( طخ طع بووووم طخ اصوات اللي في الدرجه الثالثه في السينما وهم يصفطون على حقين الدرجه الثانيه من هول المشهد ) ويوم فصخ مدحت عضلات فنيلته العلاق برمها برمها ومحط فيها المعلم بطاطس وهو يقول : عاوز توكلها شاورما وكمان بكتشب انا حوريك طح طح طح ( اصوات مدحت عضلات وهو يصفق المعلم بطاطس على جبهته ) ويمحطه ويمحطه , شوي وانفتح الباب ويدخل منه ضابط مصري وهو يقول : محدش يتحرك المكان محاصر أي حركه حضرب في المليان سلم نفسك يامعلم بطاطس المكان كله محاصر اوعى تفكر في العطه .
وفي النهايه تم القيض على المعلم بطاطس وعصابته بعد محاولتهم الفاشله في اكتشاف سر طورطة الفول ومحشي الطعميه .
وقد تسلم مدحت عضلات وسام التبرع باالدم من الدرجه الاولى نتيجة لنجاحه في إمتحانات الثانويه العامه قسم اساليب كميه . [ebgb]

بن هلال
08-07-01, 09:04
رهيب والله رهيب أخي الجارح........ :2:
فلم معبر عما أكنه في صدري للأفلام المصريه وأبطالها......
لو أني منتج وعندي شوية فلوس
كان أخليك مسؤول عن أخراج 150 ألف فلم من هالنوع
وحتشوف الفلوس حتجري بدينا أزاي....بالهبل
تراك نسيك شي مهم في طقوس الأفلام الهنديه آسف المصريه
ألا وهي الجوازه دي مش حاتم....وحاحرمك من الميراس
...لانت ابني ولا أعرفك.....
تسلم حبيبي الجارح وليت تفطن لبو هناد..... :2:

المقنــــع
08-07-01, 11:04
هههههههههههههههههههههههههههههههههههههههههاي ...
الله يوسع صدرك ...
<==== تراها مدحه :) مش مدحت عضلات :)
بس والله اني فطست من الضحك عندما اتجه الفيلم الى قمة اثارته حينما قلت :والثالثه جت في راس سواق الهليكوبتر ( والله ياهو مدحت عضلات نجس )
كخ كخ كخ كخ كخ كخ هههههههاي
الله يرجك الين تطيش :)
والله انك بردت تسبدي باللي ( على بالهم انهم هوليوود على غفلة ) :51:

المقنــــع
08-07-01, 13:26
قريت الموضوع ثلاث مرات ... واحس ان لدي رغبة في اضافة رد اخر كمان...
انت اخوي الجارح ... تجرح وتداوي ..
وتزيد ابداعا وتألقا مع كل مشاركة جديدة ..
الله يعطيك الصحة والعافية ...

المقنــــع
14-07-01, 21:11
الجارح ....
وين الناس ؟؟؟ ابطيت علينا ولازلنا ننتظر الفيلم القادم ..:)
<=== يمكن لسه مانزلوه فيلم ..لازال يعرض بدور العرض :27:
تكفى يالجارح ننتظر على احر من الجمر :)

المطفوق
15-07-01, 13:41
هاي نمبر ون

والله نمبر ون صدز:)

هههههههههههههههههههههههههههههه
هه

اما خوش فلم حيكتسح هوليود على غفله وحيترشح لسمانية عشر قايزة :) مش اي قايزة لأا أصحا ;) يا اوسكار يا بلاش :D

وانا واسق وابصم بالعشر طعش :) أمال انا عندي اصبع زيادة في رجلي اليسرا
هزا الفلم حياخد كل قوايز الاوسكار الهندي والروسي والامريكاني والاسيوبي يعني الله الله وخمسه وخميسه في عين بن هلال http://fadhaa.net/forum/images/icons/icon17.gif

حسبي الله عليك يابن هلال المنطعج :) نعلبوا بليسك لي يومين مخليني بهالجفرة :D من العام للنسائي مغير اصافق بهالجيلان:(
بس الحمد لله ان حارسك طلع اي كلام :)
هههههههههههههههههههههههههههههههه
هه

لقيته متلطم على جال الجفرة وشخري :) ومير اتغفله واتجود بشماغه وانط لمار انا عندكم هنا في الابتسامه

قولوا سلامات والشر ماجاك يا مطفوقووووووه http://fadhaa.net/forum/images/icons/icon17.gif