المساعد الشخصي الرقمي

مشاهدة النسخة كاملة : من ايجابيات قيادة المرأة للسيارة في المملكة



الجوال
30-06-01, 14:26
من ايجابيات قيادة المرأة للسيارة في المملكة

1- أن ذلك يضفي على الحركة المرورية لمسات سحرية وجمال اخّاذ

2- كذلك سياقة المرأة للسيارة يحجم بل يمنع مشكلة تهور الشباب وقطع الاشارات المرورية فسيحرص الشباب كل الحرص على ان لا تفوته! اشارةحمراء لعل الله ان يرزقه(( ببنت الحلال))

3- سعـــــودة محلات البنـــــشر بنسبة 1000% لان الشباب كل واحـــد بيفتح له بنشر وبينتظر تبنشر سيارة وحده من البنات عشان يصلحها وهذا غير الشباب اللي بتلقاهم على الخطوط منتشرين تقل جراد كل واحد بعفريتته ومفك الكفرات


4 - بيكثر التقديم على وظايف المرور وخاصة ابو سبيته اللي يجلس عند الاشارات يعني زين اذا مالقيت المرور يشترطون شهادة الطب للى يبون وظايف عندهم من كثر الطلبات عليهم


5 - سعودة محطات البنزين يعني بدل الهنود بتلقون اللي يشتغلون فيها كلهم سعوديين بس في المقابل افلقوني لو اصحاب المحطات بيكسبون ريال واحد يعني تجي البنت تقول لاابو الشباب صب بنزين بعشره ريال طبعا ابو الشباب بيحط لى البنزين في التانكي وبيفتح فمه ويناظر بالبنت ماايدري الا هو معبي تانكي السياره
لللاخر يعني FULL وطبعا يوم بيجي يحاسبها بتعطيه عشره ريال مثل ماقالت له عب وياليته ياخذ العشره ريال بعد الا يطمر ويحلف عليها ماتدفع ريال ويقول هالمره خليها علينا


6 - توفير فواتير التلفونات يعني ام صويلح اللي كانت تتصل على ام دحيم وتجلس تكلمها بالساعات بيصير التلفون مال امه داعي يعني ام صويلح بتمر ام دحيم والا بتقابلها في شارع وكلن بسيارتها وهاتك سواليف وهروج وهذا طبعا له عيوب يعني
طبعا وهم يتكلمون بالخط بيقفلونه وبتصير زحمه ماهيب طبيعيه بس افلقني لو احد فتح فمه وقال لهم حركو السيارات زين ان ماباشرو عليهم ببارد والا بعشاء وهن بسياراتهن وبيقولون لهم خذوووو راحتكم على الاخر اصلا حنا ماورانا شي وين الابطال اللي الواحد ثواني يوقف سيارته مايدري الا مليون واحد يقوله حرررك من
هنا والا والله 0000 بس ايييييييييييه هين هذول بنات من بيكلمهم هذا اللي في دمغتي في هالوقت بس اظن فيه كثير بعد اذا افتكرت شي جيتكم
وعلى فكرة فائدة قيادة السيارة لا تقتصر على المراة ( الانسة) بل حتى (المدام) المتزوجة ومن ذلك.......


7 - انه اذا حصلت خصومة بين الرجل وزوجته واحتد الامر وعلت الاصوات وامتدت الايادي( وصفقها وصفقته) واحمرت الاعين وتطاير الشرر منها وارغى وازبد كل منهما... عندها ستقول الزوجة لزوجها ( ودني لهلي) وسيقول الزوج( ماني مودي)
وستستمر المشكلة ولكن لو كان للزوجة سيارة فستخرج رغما عن زوجها وستقول له ( اروح ورجلك فوق رقبتك)


8 - كذالك من فوئد سياقة الزوجة هو انها تساعد في احضار الاولاد من المدرسة وكذالك يمكن للمرأة ( الزوجة) ان تسهم كما اسلفت في مصروف البيت وبذالك بأن> >تمارس مهنة( الشيّاب ) اي تحميل الركاب .. وهنا اوصي المرأة بإقتناء الهايلكس الغمارتين وإذا لزم الامر (( دينا)) لتحميل الطوب ونفل العفش والرمل والخرسانة .

الأباتشي
30-06-01, 16:59
وسوف يظهر ألفاظ في قاموس المرور
( على جنب ياراعية الددسن ) .. وتصير
هالدوريات تقل حراج ( على جنب ) (على جنب)
وبعدين يبي يورد اليابانيين سيارات صداماتهن حمر
عن الورس .. وفي موديل لاحق يحطون البيبان حمر
وتبي ترجع براقع السيارات .. وياخنقات تبي تصير عند
الاشارات وشد شوش .. والفكاكين أبو طويقيه ..
وبعدين تبي تنقطع ظاهرة التسكع قرب المستشفى القديم
وتعم المدينه باكملها .. توزيع عادل ..
وسوف لن تجد لك موقفا عند قصور الافراح ..
كما أن أصحاب الاستراحات ياانهم يبي يكيفون ..يتخلى عن
ود .. جيب .. ومدارس البنات المستأجرات يصيرن معروفات
لساعي البريد .. واللي يبي المدرسة .. حيث تلقى هالشبحات
والفوردات والسيارات الكشخه .. لأن المدرسات هن سيدات
المجتمع .. وبعدين لاتصادم رجال وامرأة .. يخلون الحادث بالشارع
لما تروح المرأة وتسوي وكاله لواحد يتخانق مع اللي صدمه
وبعدين حنا يالذكوره نبي نجرب التظليله يعني نركب وراء
ونشوف هاللي يوايقون على التظليه ..
وبعدين افرض انك صدمت وحده حامل واضنت .. وش موقفك ؟
كما ان الاسعافات اللي تسوقهن حريم مايحتاجن ونانات ..
ورايح تنتهي ظاهرة نقش الخشوم عند الاشاره ..

-->ابو السحالي<--
20-11-07, 16:28
هههههههههههههههههههههههههههههههههههههههههههههههههههههههههههههههههههههههههههههههههههههههههههههه

نجمةحائل
20-11-07, 17:13
ماشاء الله
تبارك الله

•»ـآلـغلـآ«•
20-11-07, 17:17
ههههههههههههههههههههههههههههههههههه فله هههههههههههههههههههه

ابو عبداللـه
20-11-07, 18:26
هههههههههههههههههههههههههههه


تصدق نقاط مهمة



بس بحدها السواقة مشكلة

ظلاااام
20-11-07, 21:09
الله لا يقولة.

بن هازع
22-11-07, 21:09
من ايجابياتها ان رجال الأمن تتوسع عيونهم ويبحرون زين على السيارات والأمن لانهم سئموا من الهنود والباكستانيين والأندنوسيين وغيرهم واتوقع تجيهم همة غير طبيعية وهذ بحد ذاته يصب في مصلحة الوطن والمواطن