المساعد الشخصي الرقمي

مشاهدة النسخة كاملة : مطار حائل الجديد ..



الأباتشي
29-06-01, 17:45
حائل توقف نموها وانتهت
الاراضي فيها وبلغ عدد
المسجلين في الانتظار
لدى البلدية مايفوق 20 ألف مواطن
وبما أن الامتداد الطبيعي للمنطقة
الخالي من التضاريس والنتؤات الجبلية
هو باتجاه ( الجنوب ) جهة مطار حائل
ولأن هذا المطار يقف غصة في حلق المدينة
ويحجب عنها امكانية النمو المتوازن في كل
الاتجاهات .. ولأن سعر المتر في حائل وصل
لأرقام قياسية لايقدر عليها ذوي الدخل المحدود
ولاّن مطار حائل كذلك بلا امكانات ضخمه
أو مباني عليها القيمة .. أو موجودات ثمينه
أو تجهيزات مكلفه
فان الاولى أن ينقل الى طريق القصيم
قرب جبل ضبع .. لاعتبارات
منها أن تلك النواحي توقف بل مات النمو
السكاني فيها وكذلك لقربها من المدينة
واذا كان المطار حديثا وجميلا فسيكون
واجهة في أهم طرقات المنطقة
وليس الصناعية ..

وشرايكم ياشباب .. نشيل الشبك ..
هو أثمن ماعندنا

الجبلي
29-06-01, 19:56
يارجال ربعنا ماقويوا يوسعون صالات المطار الحالي وتبيهم يبنون لك مطار جديد !!!
عاد تصدق انهم يوم احتاجوا يوسعون صالات المطار الحالي ويحسنونه يالله تبرعت لهم النهضة وعلى حسابة ...
منين لهم يبنون لك مطار جديد ..!!

ساري المفعول
29-06-01, 20:29
يحبيبي يالأباتشي تبي تنقل المطار لطريق القصيم ، هـي (البعارين )

ناقصة مسؤلية جديدة هالحين يالله تلحق على السيارات .

وبعدين تراه الجبلي وهوالصادق ..بالشحاذه رمم لهم المطار ، تبيهم يبنون

مسيكين عـايش بالأحـــــــــــــــــــــــــــــــــــــــــــــــــــــــــــــــــــــــــــــلام ..
images/islam/14.gif

الأباتشي
29-06-01, 20:51
الجبلي .. ساري المفعول ..
تحياتي ومحبتي ..
الله وأكبر يا أحلامنا ..
حتى شيلة شبك وصندقه
وزفلتة ثلاثه كيلومتر .. أصبحت حلما
تصدق قبل البارح حلمت
ان جمل هايج انطلق علي
وانا أزبن لكالصندقه
وقبل آصله وقفت والتفتله .. وهو
ياقف .. ويخزن بعيونه وانا آعي
أجل هذا هو تحقق الحلم


ترى صادق بالحلم .. لأن هناك حديث عن المصطفى
صلى الله عليه وسلم ... بالنهي عن الكذب في الحلم
لست أحفظه ..

الهادي
29-06-01, 21:49
يالاباتشي.....
مثل ما قال الاخوان....
والله اني افتشل كل ما نزلت من الطيارة...... باتجاه الصالة...
وشفت لوحة( مطار حائل)....ربعه مولع....وربعه يشر...يعني لاهو طافي ولاهو مولع.... وربعه طافي.... والربع الاخير متكسر...
اخّيييييييييييييييييييييه من الاجناب!!!!!!!!
لو يشحذون الخطاط المهيهي.....تبرع لهم.....بلوحة!!!!

الأباتشي
29-06-01, 23:46
أجل خلونا نخصخصه ..
ونخلص ..
ياحنا ماخلينا بهالديره شين زين
أقول يودونه ضبع
ودونه ضبع
رضيتوا أو غضبتوا

ساري المفعول
30-06-01, 00:58
أحمد ربك يالأباتشي الجمل في الحلم خزك وبس ، ومع هذا مصر على نقل
المطار يعني بتحمل الجمال هم على همومها ،، الظاهر إن الجمل الليلة
يبي يجيك وما يكتفي بخزك وبس إلا الأكيد إنه يبي يتودس بطنك ويتمرغ
بضلوعك الله يكفيك شره ، ليش إنك تبي تفتح باب مـاهو الجمل بغنى عنه
وبس وغيره كثير كثيرالكثير بعد ....images/islam/18.gif images/islam/18.gif
images/islam/18.gif

الأباتشي
30-06-01, 01:19
إفزع ياساري المفعول
عندك طرف علم
وانت بتأويل الاحلام من الفاعلين
علمن الجمل وشو بالحلم ..
وهل هو اللي انت حاولت تخرعن به
اللي على بالي
تكفى ترن مانا قدهم
عطن الخبر اليقين
أبهج حج بقضيان حاجه
images/islam/14.gifimages/islam/14.gifimages/islam/14.gif

ساري المفعول
30-06-01, 05:39
لا ... وبعد( شبك وصندقه) .... والله كملت ... أقول يامن شراله من حلا له عله
( ................................. وإن اهنته هــــــــــــــــــــــــــــــــــانك )..




images/islam/18.gifimages/islam/18.gifimages/islam/18.gif

الأباتشي
30-06-01, 15:15
خلاص أتوب
ماعاد أقول مطار حائل يختقها
ولاشبك الحرس يحاصرها
والصناعية لاتضيق عليها
ولا حتى أقول أن هناك احتكار للاراضي
ولن أتعرض لقائمة انتظار الممنوحين في البلدية
ولن أتكلم مخطط الضاحية اللي مثل سعر البترول
مرة فوق ( يبي يمره طريق الجوف ) مره تحت ( ماهو ماره )
ولن أذكر عن ارتفاع أسعار العقارات شئ
وماني متطرق للتوزيعه السكانية بحائل
ولا لاحياءها التي قتلت .. والاحياء التي رفعت
ماني قايل شي عن الاراض البيض وسط المدينة
ولن أتحدث عن ضغط الديره على الجبل
ومخاطر السيول .. وماني قايل شي عن أي شي
أبد أبد .. اسمحلي ياساري المفعول .

ساري المفعول
30-06-01, 15:37
يالأباتشي : سم الله عليك الرحمن الرحيم ، لوهي علي تراك بحل والف بحل
لكني خفت عليك من ( الجمل) شلون أنه بسرعة الصاروخ
تجاوب معك بالمنام ،، وايضاً لا تجيب طار المتشفيات او
المستوصفات وانه بعض الأحياء الكبيره ما بها مستوصف مثل
السمراء وغيرها ولا تتكلم عن اسعار قصور الأفراح ولاتطري
الفوضى بنقل المعلمات ولا تمشي وتنتقد حتى هنا في فضاء
وغيرها الكثير الكثير ... انت توحـي ،، إذا اوحيت سكر على
الموضوع .. وسم تعوذ من الشيطان واذكر اورادك ونم على
شقك الأيمن ومتجه الى القبله عســاهـا تكون خاتمه حسنه ...

الأباتشي
01-07-01, 00:59
ياساري .. لاتخض مصراني
ترى الجمل اللي بالي .. عهد عنه
حقده الشديد ..
فلا تمصخها .. أقعد ..
أ
أ
اا
ا
ااا

ااااا

اااااااااااااا

أهج من هالمنتدى ..
وأرفع رجلي على جديير الاستراحه بهالبرودي
وحكي بفلان وفلنتان .. لماندوخ ونسري ننام
وش حنا موجعين روسنا له
والله ماحلمبك ياذره
الامور ماشيه .. والرز يبي يرخص
بعد تخفيض الجمارك

ساري المفعول
01-07-01, 02:23
الأباتشي ::::: الحمد لله مازلت حي ، وبعدين ( جمارك) أنت لازم تحوم حول
الصحاري والبعارين وهو ما درية براعي بقعاء صاحب مشروع زراعة الرز
وبعدين أشرب كمون تطيب مصرانك ،،،، أقول الله يعقلك لهلك ..

الأباتشي
01-07-01, 03:13
صرت أنا وياك ياساري
مثل ( حميم وزميم )
بس نتداور ..
المشكله .. اني قبل نصيحتك
خذيت لي خروع .. مع شوي سحلب
(وشو السحلب) .. اللي هوهو ..
بعدين وش موضوعنا الرئيسي
أيييييييييييه .. مطار حائل
أنا أقصد ( بالصندقه ) دكان السيف
والمطار ( بيوتنا ) هي نهابه
نبي نطلع .. هي غصيبه
ذبحتنا الريحه .. والمجاري
ويقوللي جاري .. عليك شفطه وعلي شفطه
قلت له الله لايكرمك ..
قال : أقصد بالوايت ..
وهالحين أنا واياه نتداور .. يشفطلي واشفطله .. بالوايت ..
القصه ومافيها أخوي ساري
رحلت .. عند الناموس ..
تر ماهي المرجله .. البق .. البعوض .. القاروص
وحسرنا .. رحت لحي جديد .. به له وغدان ..
جبهة الواحد فوق اذنه .. لانمت .. علقوا الجرس
بشطرطون .. ولاقمت .. أدور الانتل واذا هو بعين
حدى وغداني ..زود على قطعته .. فضخ عين الواد
رحت لحي جديد .. الجار يشر لي من بعيد .. وارد
وعليكم السلام ورحمة الله وبركاته ..
يوم دققت واذا يده عند رفعه .. حدا اصباعه ماهي واقفه
واقوم وارحل .. أشوى لها الحين ماجا دوري بالبنك
العقاري .. والا تسان بملك وما اقدر أرحل .. وبالذات
من عند أبو صبع ..
دورى بالبنك مر عليه عشر سنين .. وباقي .. بين العشر
والميه حسب التساهيل ..المهم اذا نزل قرضي .. أببني
ورا شطيب .. علشان أضمن البعد عن جيران اليوم
بس الخوف ان اهل الاعتراضات يجرجرونن عند لجنة
التعديات بالبقاله .. هذي مافيها شي ..
وشكنا نقول .. هالحين منهو اللي تورط
ياساري المفعول .. وين وصل الجمل.
وسلامتك

بطولة ( سارديان فولتاسنكوريتا ) شرق المكسيك

ساري المفعول
02-07-01, 20:05
وصل ( الجمل ) المقصب وانتهت السالفه مع الحلقة الأخيره .
لا هـي ببطنك ولا هـي ببطني أنقطعة ببطن الذيــب

images/islam/14.gif

آرم سترونق
03-07-01, 01:01
وش تقولون انتم؟

المطار للطيران المدني
والطيران المدني للدفاع والطيران
والدفاع والطيران عند الخباز
والخباز يبي طحين
والطحين يبي اجار
والاجار يبي دندن...

الاباتشي الطربة
لا تقرد ضبع
يشبكون عليه
همن تصير كبوت واربعمية

الأباتشي
03-07-01, 01:17
طايره يعني طايره ..
ومشبوك يعني مشبوك
بس يصير شبك للمطار ..
أحسن من يطير بلا مطار
وياطيره طيري ياحمامه
ارمسترونق مع السلامه
وخل ينفعك الخباز ..
وعنز لوطارت




____________
عضو محترف ( الاباتشي )